~*¤ô§ô¤*}أغليهـ يعنيـ أعشقهـ~*¤ô§ô¤*أعشقهـ يعنيـ أموتـ فيهـ{~*¤ô§ô¤*~ - الصفحة 268

Grshoob Albdoo · 11-03-2009, 03:09 PM

المشاركة الأصلية كتبت بواسطة +[مياوة عيمان]+

مرح ــــــبآآ غرشوووووب بكل اللغااات هع .. ~*

اناااا متااابع ـــتنك من بداية القصه .. بس ماتفيج ـــت احط توقع ـــآت ومآدري شوو .. ~*

ع الع ـــمووم ..

قصتك طرر وابدع ـــت ف كتابتهآآ .. ~*

ومتى مااافضيييت كمل .. ماع ــليك م ــن رمستهم دراااستك اهم .. ~*

يــــلآآ سي يوو .. ~*

مرحبتين هههه..

ماشالله ..ههههه ..

مشكور هذا من ذوقكـ..

ان شالله اليوم بنزل البارت ..

..سي يوو __DEFINE_LIKE_SHARE__

Grshoob Albdoo · 11-03-2009, 03:12 PM

المشاركة الأصلية كتبت بواسطة ونه الم

[align=center]كرسووووووووووووووووووووووووووووووب

وييييييييينكككككك

نترياااك

الذين يشاهدون محتوى الموضوع الآن : 1 ( الأعضاء 1 والزوار 0)
‏ونه الم

اكيييييييييييييد بكوووووووون بروووحي في حد واعي هالساعه غير البطاليه [/align]

هلا ونه..

ان شالله اليوم بنزل الباارت ..

ههههه..

مشكوره عـ متابعه يا ونة الم.. __DEFINE_LIKE_SHARE__

Grshoob Albdoo · 11-03-2009, 03:13 PM

المشاركة الأصلية كتبت بواسطة {بنـّت زع‘ـِـبيلَ..!

مرحبااااااااااااااااااااااا.....

انترياااااااك...
غرشووب...

وبتوفيق ..

جااؤؤ

هلا مرحبتين

ان شالله اليوم بنزل الباارت

لج كذاالكـ..

جااؤ __DEFINE_LIKE_SHARE__

Grshoob Albdoo · 11-03-2009, 03:17 PM

مرحبااا ...

اعذروني. طولت عليكم وااايد.. ادري.. بس ..حدث اخوي.. اخرني ..عنكم..

وسمووحه.

اخليكم مع الباارت ..

البارت31..

نسيت النّاس والدّنيا وجيتكـ ..
يكفيني عن العالمـ حنانكـ ..
أنا لا ضاق الدنيا ولقيتكـ ..
يهون الكلّ ياروحي عشانكـ ..

عيونكـ دنيتي والقلب بيتكـ ..
وعيني وين ماترحل ماترحل مكانكـ ..
أنا عطشان لكـ مهما رويتكـ ..
ولا بالعمر أمان إلاّ أمانكـ ..
قدر عمري وأنا واللّه رضيتكـ ..
تذوبني .. أحبّكـ .. من لسانكـ ..
أنا لاضاقت الدنيا ولقيتكـ ..!!
يهون الكلّ ياروحي عشانكـ ..
.

مانع:ههههههههه..
عفره:افففف ابرد ما عنك واحر ما عندي..
مانع:اخخخخ..
عفره: منووع والله حراام عليك..ليش جدمت العرس..
مانع: بختصاار ما فيه صبر..
عفره حرجة: انزن بعدي ماا خلصت ..
مانع: هههههههههههه..
عفره بعصبيه: منوووع..
مانع: عيونه ..
عفره هدت : ليش تضحك..؟؟
مانع: اتخيل شكلج وانتي امحرجه اكيييد ويهج صااير طماام ..
عفره نشت من سريرهاا وساارت صووب المنضره عسب اطاالع ويهاا..
عفره: اشدرااك..؟
مانع: انتي رووحي كيف اتقولين اشدرااك.. احسااسي يقوول جي..
ابتسمت لانه صدق ويهاا احمر: آآحم .. انزين لا تغير الساالفه..
مانع:هههههه يعني ماا نسيتي..
عفري: لاااا.. منووع حبيبي دخيلك..
مانع: انزين انا ما قلت بااجر..العرس..
عفره: ادري..
مانع: خلااص عيل ..
عفره: لااا ..ابه فـ صيف..
مانع: لاااا واايد ابعيد انا الود ودي اليوم اي اخذج..
عفره: انزين الحل..
مانع: مااشي سلامتج بعد 3 تشهر العرس..
عفره: يعني ماا شي امل ...
مانع: نووو..لا تحااولين..
عفره: مانع انا حبيبتك عفااري .. ترفضلي هل طلب..
مانع: قصب عني هب ابيدي..
عفره: اووكي عيل مع سلاامه
مانع: اونج زعلتي .. ادريبج ماا تزعلين مني.
عفره: يا واثق..
مانع:آآحم اكيييد واثق...لانه ادري انج اتحبيني .. وتموتين علي...
عفره: امنووه قص عليك..
مانع: انتي ..
عفره: اناا..؟!؟
مانع: هي انتي .. هب قلتي انج تحبيني ..
عفره: قلت احبك بس ما قلت امووت عليك..
مانع: يعني انتي ماا تمووتين علي..؟؟!
عفره بخبث: امنووه قاال..
مانع فول:مع سلاامه..
عفره: ههههه مع سلاامه..
مانع منقهر: ماتصدقين اقول مع سلاامه ..عسب اتسكرين..
عفره: ههههه انت قلتها
مانع: ليش تضحكين..؟؟
عفره: بس جي .. اكيد منقهر مني ومفول بعد..وعيونك محمره
مانع: اشدرااج..؟؟ (( يطالع عيونه فـ منضره))
عفره تقلده: احساسي يقول جي. ..
مانع ابتسم: اهااا..
عفره: منووع انت من صدقك زعلت..
مانع ابتسم: حش علي بس انقهرت ..اشووي..
عرفه:ههههه يعني صح كلمي..
مانع:هي ..
عفره: عيل هب بس انت الي اتحس فيني حتى انا ..
مانع: القلوووب عند بعضهاا..

••【♥】أبَيكـ【♥】•••

أبيكـ ...!
و أرفض
"الواقع"..
و أجاهر للملا ملهوف ..
إذا كان الأمل شوفكـ ..
بقايا العمر بترابكـ

أحبّكـ ...!
فوق هالدنيا ..
و أسابق في مداكـ حروف ..
و أعاند كلّ ..
كلماتي و أضيع بعد أسبابكـ ..
غلاتيـ ...!
لو هي الدنيا حديث يشفع
لـ"مشغوف"..
لا أقول العمر لك دنيا
وأنا موجود و أحيا بكـ ..
.

نوري: تصبحون عـ خير..
حارب: ووين تو الناس..
سعيد: هي نووري تمي اشووي بعدناا ما خلصناا جلستناا
نوري: الساعه هنتين بسير اناام بااجر ورااي نشه من صباح الله خير
هند: جيه..؟
نوري: ماا شي بس بسبق قوم امي وبسير مع ابوي .. لوره تعبنه اشوي..
هند: هي صح خبرتيني انها حـ
نوري تغمز لهاا: هاا هي الي خبرتج عنه .. ((تبه اتسكت هند ما تبه حاارب يعرف))
حارب: جيه شووفيهاا لووره.؟؟
نوري:هاا سلامتك مااشي بس فيه حمه واليوم تعبت ازيااده وتصلت عـ ادم وساار لهاا .. عسب جي ابه ارد ابسرعه ..
هند فيه ضحكه من ارتبااك نووري: اهاا.. انزين عيل اناا بي معاج..
نوري: صدق..؟؟
هند: هي صدق بباات عندكم الين ما تملون مني..وتقولين هند ردي بيتكم..
نوري فرحنه : احلفي انج بتين عنه..
هند:هههه والله..
نورري: شهوود هند منصدقهاا ترسم وله اتقص علي..
شهد: هههه والله بتسير معكم..
نووري اكتفت ببتساامه ...
امه سلطان اول ماا سمع الخبر كان وده ينش ويرقص من الفرح اخخخخخ..
امه حاارب ..حس انه ابسبته بترد دبي .. هب عسب لوره..
نووري تسااسره هند: يلااه قولي..
هند: افف انزين ليش ماا انتي اتقولين..
نوري: لاا ما به..
هند: آآحم...
الكل التفت صووبها..
هند: اقوول حرووب ..
حارب يطالع نووري: هلاا..
هند كانت بتقفطه وبتقول تره انا الي ارمسك هب نووري بس حست انه بيلهاا اطرااق محترم من نووري.. اخخخ
هند:آآحم.. انت ماا ودك تشتري خيل..
حارب: لاا.. ما افكر صرااحه وبعدين يكفي كااسر ليش خيل ثااني.
هند: بس كااسر فـ دبي .. ما ترووم اتشووفه..
حارب: عاادي فـ اجاازات بي وبشووفه..
هند: اهاا..انزين .. لو عطوك خيل .. شوو بتسميه..
حارب: ممم اذا انثى بسميها شماايل.. واذا ذكر بسميه..شاامخ..
هند: اهاا اساامي حلووه..
ثاني : يلااه اترخص اناا..
حمد: ووين ثنووي تو النااس..
ثاني:لاا وين برد دبي..بااجر دووام..
موزه: يعني ما راح اتباات عدنا..؟؟
ثاني: لاا حبيبتي ..كنت ببات والله بس تذكرت انه بااجر.. بتوصل مجموعه من جامعه توهم متخرجين.. امقدمين عـ وظيفه فـ بااجر لزم نيلس مع واحد واحد عسب نعرف اذا يصلح ان وظفه وله لااا..
سعيد: يعني لزم بااجر اتروح..؟
ثاني: هي والله لو هب مهم ما كنت بسير بس .. ضرووري اسير..
سعيد: خلااص عيل مرخووص..
ثاني: انزين مووزه تبين اوصلج ابدربي..
سعيد عـ طوول: لااا انا بوصلهاا
ثاني: ههه انزين يمكن تبااني اوصلهاا.. انت ليش رااز فيسك..
سعيد: مرتي وكيفي .. بتسمع كلمي صح موزه..
موزه: صح..
ثاني: يعني ما تبين اوصلج..؟؟
موزه: ماادري والله اذا سعيد قاال هي .. بسير معك واذا قاال لاا بسير معه..
سعيد: لاا بتسيرين معي.
موزه: خلااص عيل..مشكوور خاالي فديتك ما قصرت...
ثاني: العفووه.. يلااه تصبحوون عـ خير.
البااجي: وانت من اهل الخير
موزه: انتبه لدرب وانت اتسووق..
ثاني: ان شالله..
فطوم: ثااني صوووتك .. خبااال صرااحه..
ثاني:هههه شكرا.. يلااه باااي..
الباجي: بااي.
نوري: فطووم نشي يلااه ..
حارب يطالع هند ويغمز لهاا
هند: نووري تمي شوي.. بس اشووي..
نوري: والله امدوخه بسير اناام..
هند: عسب خااطري..
نوري: ان شالله..
حارب: حمد تعرف كيف تعزف غنية تصبح عـ خير..
حمد: سهله.. جيه .
حارب: بغنيهاا.. هند طلبتهاا مني صح هند..؟؟
هند: اهاا.. هي .. انا طلبتهاا..
نوري تسااسرهاا: متى طلبتي..؟؟
هند: هااا.. من زماان..
حارب: اهداااء..
سلطان وحمد وسعيد: حتى انا اهدااء..
الباجي:ههههههه

http://www.4shared.com/file/14495264...___online.html

حارب:
..آآحم.. تصبح عـ خير ..يلي منك ما ملي .. يلي وصوفك تعده قلبه ونه ..
نام وتغطه بحني الذوق ودلي هذي عوين ترها اليوم غطنك..
: تصبح عـ خير ..يلي منك ما ملي .. يلي وصوفك تعده قلبه ونه ..
بفرشك الكون من نرجس ومن فلي ابغيك فرحي وهمك اخذه عنك..
يلاه حبيبي حيااتي ياابعد كلي غمض عيونك عسااني ما خله منك..
: تصبح عـ خير ..يلي منك ما ملي .. يلي وصوفك تعده قلبه ونه ..

أنا ضايق وبالي ضايق .. وجوي ضايق ضيقن كايد
نفسي ملت وروحي ولّت .. وعيني هلت دمعن وايد

السااعه ...هنتين الظهر..
ما نزل يتغده.. خااف سااروه خبرت ابوه عنه.. تم متسدح عـ سرير .. يتذكر نووري...وهو سرحان في .. نووري .. سمع صووت بااب..
حارب عتدل في يلسته..: تفضل..
سعيد: مرحبــــــــآ
حارب في خااطره: الله يعين. ..
حارب: هلاا مرحبتين.
سعيد: ليش مانزلت تتغده..
حارب رد ونسدح : بس جي مالي نفس..
سكر البااب وقفله بعد ويه ويلس
سعيد: لا تظن اني نسيت ..
حارب : عن شوو ترمس..؟
سعيد: حاارب... امنووه حمده..
حارب اعتدل في يلسته..
حارب: امنووه حمده..؟؟
سعيد: انا اسالك امنوو حمده..؟
حارب: ما عرفهاا..
سعيد: عيل كيف اترمسهاا
حارب صد عنه خاايف ينكشف: ما عرفهاا وبعدين انا ما ارمس بناات
سعيد فول: يعني كنت احلم وانا اسمك... حارب قوول الصدق..
حارب تناهد: قتلك ما عرف..
سعيد بهدوو: حاارب اناا اخووك.. خاايف عليك بااجر لو وصلت الرمسه لابووي... بيجتلك..
حارب: قتلك ما رمس بناات
سعيد: يعني هب نااوي تقوول. .
حارب: الي عندي قلته..
سعيد: انزين.. بخبرك من الحين.. نووري تبتعد عنهااا.. انت فااهم .. واذا ما بعت انا بعلمك كيف تبعد عنهاا.. عباالك ماا شفتك امس.. كل ما غنية قلت اهدااء.. .. حارب اذا انت اترمس بناات ابعد عن نووره.. ..نوره هب لعبه فاهم
حارب انصدم:...............
سعيد حرج: فاااهم..
حارب : ان شالله..
وظهر سعيد.. من الغرفه..

تااابع.. __DEFINE_LIKE_SHARE__

Grshoob Albdoo · 11-03-2009, 03:21 PM

أنــا ماني عدد تكمل به الأعـداد وتضمـه
انا رقـم (ن) عجـز كلي يعدد فيني حسبه
انا اللي شـــــامخ دايـم ..
كبيـــــــر اكبر من النجمـــــه ..
اقدر لي يقدرني .. ولا ينقصني
غيـــابه

فـ مستشفى .. تحديد مكتب ثاني..
ثاني: ماشا الله عليك اخووي.. خلااص ابشر بالخير.. ان شالله..
ماجد: ان شالله خير..تسلم اخووي..
ثاني : افا عليك هذا واجبي ..
ماجد: ربي يعطيك العافيه... اترخص اناا
ثاني:مرخوص..
رفع السماعه وكلم السكرتيره
ثاني: هاا مريم .. شي بعد وله لاا
مريوم: دكتور شي وحده..
ثاني: خلااص عيل .. دخليهاا ..
مريوم: ان شالله..
سكر السماعه سمع صووت بااب يندق..
ثاني: اتفضل..
حدرت عليه وهو كان ملتهي .. بل اورااق الشخص الي توه ظهر من عنده..
ثاني يطالع الاورااق: حيج اختي..
....: تسلم..
رفع راسه عسب يطالعهاا
انصدم.....
نفس الوقت ثاني : انتي..؟؟
البنت:انت..؟؟
سمع صووت البااب يندق
ثاني حااول يهدي الوضع : اآآحم تفضل..
السكرتيره مريم: دكتوور شوو تشربون..
ثاني: اها اختي شوو تبين..
البنت: قهوه..
مريم: وانت دكتور..
ثاني : شكرا..
وظهرت عنهم مريم
ثاني: ممكن الملف..
البنت: تفضل..
يلس يطالع ملفهاا وتأهلاتهاا
البنت: مااكنت اتوقع تظهر مدير..
ثاني : جيه شوو توقعتي..
البنت بغرور : ممم موظف عاادي..
ثاني يطالع الاورااق انقهر : بامكااني افر الملف عليج وقولج ما عدناا وظاايف بس ما ابه قطع رزقج..
البنت انقهرة:ومنووه قال اني محتاايه بيزاات ....
ثاني : انا ما قلت جي انتي ليش اتفسري الكلاام عـ هوااج..
البنت: عيل شوو قصدك..
ثاني ماحب يطول السالفه: مااشي.... اخت جواهر اذا وفقنا عليج شوو ودج اتكون شغلتج..
جواهر بتفكري: تصدق ما فكرت في هل سؤال.. مممم ودي اشتغل في قسم فتح الملفات..للموليد
ثاني: انزين يمكن مأهلاتج ما تسمح تشتغلين عدناا..
جواهر: ليش ما تسمح..؟
ثاني: ممم انا اقول ماتسمح.. انتي ينفعلج الاستعلاماات..
جواهر: ليش..
ثاني: االين الحين ما حصلنه للاستعلاماات وانتي ما شالله عليج اجتمااعيه وجريئه تقدرين ترمسين ..مع الشخص..
جواهر: يعني اتعبر رمستك هذي انكم اموافقين علي..
ثاني: هي نعم بس ابشرط...
جواهر: تفضل..
ثاني: الاحتراام.. لو سمحتي...
جواهر حرجت: شوو قصدق انا هب محترم..
ثاني: شفتي انج اتفسرين الرمسه غلط..لاااا انا ما عرفج عسب اقول عنج جي.. بس ..لزم اتهدين اعصاابج.. ..انتي بتكونين وجه للمستشفى .. يعني تصرفااتج .. مع
الاشخااص الي بيون للاستعلامات لزم تكون محترمه ....وبس... هذا الشرط الوحيد.. الي ابه منج.. وتحترمين الي اكبر عنج ((قصده المراكز الكبيره الي اعلى عنهاا)).. لو سمحتي ..
جواهر: اهاا.. اوكي.. متى ان شالله بدااوم..
ثاني: اتريي حاالج حاال الي قدمو قبلج.. احتمال بعد اسبووع..
جواهر: اهااا.. مشكوور...
ثاني: العفوه .. ما شربتي قهوج..
جواهر: بردت.. مشكور .. يلااه عن اذنك..
ثاني: العفو... اذنج معااج..
توهاا بتظهر
ثاني: جوواهر
جواهر: هلاا
ثاني: ابعدي عني لوو سمحتي...
جواهر..اكتفت ببتساامه وظهرت..
استغرب منهااا
ثاني: هل بنت وااايد عصبيه الله يعين..

غايب لكنه عن القلب ما غاب
متصور في روح روحي خيالك

ماقويت بعدك وكثيرات الأسباب
ولا قويت أسلى وأدور بدالك

مانته مثل أهلي ولامثل الأحباب
لك منزل فوسط فلبي لحالك

فـ صااله تحت..
ابو سعيد: سااره ..
ساروه: امر يبه..
ابو سعيد: ما يا مر عليج عدوو... زقري حاارب..
ساروه: ان شالله..
سعيد توه ناازل من الدري وسمع رمست ابوه
سعيد: خير يبه .. شوو فيه حاارب..
ابو سعيد: ايلس وبتعرف الساالفه..
ام سعيد: فضحنه هل ولد غربلاات ابليس.
سعيد شك: جيه شوو صااير..؟؟
وصل حاارب هو سااروه
حارب : سلاام عليكم..
البااجي: وعليكم السلاام.
حارب :امر يبه..
ابو سعيد: صدق الرمسه الي سمعتهاا من ساره
حارب:....... اي رمسه..........
ابو سعيد نش من مكانه: الرمسه الي قتهاا يداام نووره بنت خاالكـ
حارب:..............................
سعيد نش من مكانه خااف عـ حاارب .. من ابووه
سعيد: خلاص يبه سالفه ورااحة(( هب عارف شوو ساالفه))
ابو سعيد: لااا .. الساالفه بعدهاا.. .. ((يوجه رمسته لحارب) قوول ..
حارب : صدق...
ما حس له بطرااق من ابووه..
سعيد حضن حارب من جتفه: خلااص يبه..
عواش من خووفهاا ساارت لغرفتهاا ويلست اتصيح ...
امه سااره ندمت انها خبرت ابووهاا حست انهاا كبرت الساالفه بدل ما تنسها
امه ام سعيد ما راامت ترمس .. بس قلبهاا عورهاا عـ ولدهاا ودلوع البيت ..
ابو سعيد: والله ثم والله ياا حارب اذا سمعتك تقول عن نوره جي.. هب بس بضربك اله بدفنك انت فاااهم...هب انت الي ترمس عن نوره ..
حارب :..............................
ابو سعيد: خسااره تربيتي فيك... بدل ما تنسيها الي هي فيه اتزيدهاا.. لوو خاالك سمعك وقتهاا شوو بيكون موقفك...؟؟... هذا وانت يدك الله يرحمه اموصيك عـليها
حارب:.........................
بو سعيد يوجه كلاامه لزوجته: ام سعيد.. انا ما ابه اغير وصيت عمي الله يرحمه بس حاارب ما يصلح لنووره.. خلااص انسي ساالفة انه حاارب امحير لنووره..

حاارب امحير لنووره..
حاارب امحير لنووره..
حاارب امحير لنووره..
نووري امحيرينهاا لي..؟؟؟.. متى..لااا ابووي دخيلك لااا انا احبهااا...
حارب بخووف: يبه..
الكل صد صووبه..
حارب امنزل رااسه: هذي وصيت يدي كيف اتغيرهاا...
ابو سعيد: بغيرهاا دام انت هب كفوو من الحين اتعيرهاا وهي ما لهاا ذنب كيف بااجر يوم تكبرون وتزوجون....؟؟
حارب: السمووحه منك..
ابو سعيد: مااشي .. انسى نوره .....انسهاا يااحارب.. وساار عنه ..
ام سعيد: ارتحت الحين.... من يوم وانتو ا صغاار ونحن انقول حاارب لنوره ونوره لحاارب .. الين ما كبرتوو وابوي يوصي عليكم انتو الاثنين .. قبل لاا يمووت وصاانه كلناا انا وخاالك راشد وخالك محمد وابوك..عليكم بس انت ماا تستااهلهاا..
ساروه: متى..قاال..؟
ام سعيد: قبل لا يمووت يمكن بشهرين.. طلبناا كلنااا..(( ردت بذاكرتهاا ..))
اليد: جمعتكم اليوم عسب اذكركم..
راشد: اتذكرنا بشوو..
اليد: حاارب ونوره..
ام سعيد: شوو فيهم..
اليد يرمس مرته: قلتلج بينسوون..
اليده:حاارب لنووره.
اليد : هذي وصيتي... لكم.. يوم يكبروون اتيوزون حاارب لنوري. ..
اليد: ها اشرايكم ؟؟
اليده: والله راي من رايك وهم يليقون حق بعض ..
محمد: وانا جي اقول بعد ..
راشد: خلاص اتفقنا بس محد يعرف في هل سالفه وخاصتن هم الاثنين
غانم: ههههه انتو فكرو بل اكبر بعدين هل اثنين ..
اليد:انا يهموني هل اثنين وايد اكثر عن الباجين لانهم اصغار

((( هذي السالفه الي بغه اليد الله يرحمه يخبر نووري بس الله خذ امانته قبل لاا يقولهاا..))

ْـ ڪَثر مِا ڪَنَت .. أعَشقّه .. مِوووووت * وأغِليه
بْـ ڪَثر مِالَّـ شوفٍه " تمِنَيت " و / إشتقّت

بْـ ڪَثر مِآنَي [ ڪَاره - الَّيومِ .. طاريـہَ ]
إسَمِه لو جَابْوه عَنَدي ( تضِايقّت ) !

وڪَآنَه عَلى الَّنَسَيانَ ؟؟ نَاسَيه . . . نَاسَيه . . .
صِبْرڪَ عَليّ الَّمِسَأله : مِسَألة وقّت

تحديدان فـ شاارع الشيخ زاايد.. سياارة جوااهر..
جواهر: تصدقين انصدمة صرااحه...
ايمان: جيه عاادي..
جواهر: اتخيلي بيكون موديري..
ايمان: جوجو الين الحين اتفكرين اتنفذين خطج..؟؟
جواهر بحيره: تصدقين اليوم يوم قبلته وشفت اسلوبه معي .. حسيت انه ما يستااهل والله لو واحد غير بيطردني قبل لا يشووف الملف .. الصرااحه فجأني..
ايمان : خلااص عيل مداام اتقولين انه مايستااهل شيلي الفكره من باالج.. حراام الرياال ما يستاهل ادخلينه في هل ساالفه..
جواهر: ماادري بفكر..
ايمان: انا نصحتج وانتي كيفج...
جواهر: تعرفين عيبتني شخصيته..
ايمان: شخصيته وله كشخته اهاا عترفي لكون بديتي اتحبينه
جواهر:هههههه مادري يمكن...
جواهر: وين تبين نتغده..؟؟
ايمان: آز يو لايك.. عاادي..اي مكاان

انت عمري وابتساماتي والعذاب
وانت من غيرك ترى ماني محسوب

مثل صفر خالف ارقام الحساب
في شماله تاه يبحث عن جنوب

لو تناديني وأنا وسط ((التراب))
جاوبك عظمي ولو قبري ((عميق))
..

السااعه 4 العصر
فـ دبي...
تحديدن..فـ اسطبل .. الكل وموجود.. نوري سلطان هند فطوم ملكوم ميره شيماء وراشد وادم ..

نووري: باابا هب جنه ادم طوول..
راشد: ياابوج .. اكيد بيطول ترها بتولد..
هند: يااااي .. بيظهر فرس اصغير كتكووت..
ميرووه: نفسي ...
البااجي:هههههههه
فجااء سمعوو صووت كااسر وهو يزااعج..
نووري: ماا الي خص بحدر وحدر غرفة لووره..الي فـ اسطبل..
نوري: هاا دكتوور ادم.. بشر
ادم: حلتهاا صعبه.. شووي.. بس ان شاالله بتتسهل..
نووري: ان شالله..
ساارت صووب لووره الي طاايحه وحضنت راسهاا
نوري: بس حبيبتي ...
برع الغرفه
فجاء فطوم نقعة ضحك..الكل صد صووبهاا
هنود: شووفيج..
فطوم:ههههههههههههه
راشد: فطووم..
فطوم: كح كح هههههه
سلطان يضحك عـ ضحكهاا: هههههه هب صااحيه..
فطوم: مادري ليش اتذكرة يوم ماما بغت اتربي .. اخخخخخ
سلطان: هههههههه يوومتهاا صدق احشرنه .. واختي مااسكه عـ كلمت بربي ههههههههه
البااجي:هههههههههههه
شيماء: بيلك يووم وبتشووف مرتك وهي اتزااعج ..والله وقتهاا عادي تجتلك
البااجي:هههههههههههه

بعد سااعه...تقريباا..
ظهرت نووري للبااجي..
نووري تتناقز: لووره ربت .. ربت..
هند: واااااي.. شوو بنت وله ولد...
نوري: بنت..
ملكووه وميرووه يتنقزن : آآآآآآآآ
سلطان: شوو لونها
نوري: بني..
هند: ابه اشووفهاا
نووري: يلااا تعالو ..
الكل حدر عسب يشووفون الفرس..
راشد: ما شالله... حلووه...
ادم: و نشيطه زي ابوهاا..
نوري تلمسهااا: هنوود طااعي حليووه..
هند: يااربي نووري ابهااا..
فطوم: لا اناا.. نورووه دخيلج..
نووري: مااشي... هي ماالتي.
هند وفطوم: ياطماعه..
هند اتسااسر نوري بتهديد: تره بخبر حاارب..
نوري: هنووود دخيلج..
هند: اصلن لزم يعرف..
نووري: هب الحين..
هند: اووكي..
ميوره: ماما يصير انلبسهاا فستاان شرااتي انا..

البااجي:ههههههههههه
نوري: لاا حبيبتي .. انتي غير وهي غير..
ميرووه: ما يخصني ابه البسهاا فستاان..
نووري توهاا تذكر.: خاالي الكاام وووين حطيتهاا
سلطان: اووه ذكرتيني برع.. بسير ايبهاا.
اليده: هاا نوره شوو بتسمينهاا..؟؟
نوره: شماايل.. بسميهاا شماايل..
هند تسااسرهاا: عسب جي حشرتيني ذااك اليووم ...
نوري اكتفت ببتسامه..
((يوم كانو فـ بوظبي نوري طلبت من هند تسأل حاارب اي الاسمااء يحب ..عسب اتسمي بيبي الي بتيبه لوره .. هي الساالفه))

تابع.. __DEFINE_LIKE_SHARE__

مشاهدة نتائج الإستطلاع: رآآآيكـمـ يهمنيـ...*ّ`~!
ترتووبـ..*ّ!!	254	93.38%
مااشيـ حاالهاا..*ّ!!	18	6.62%
المصوتون: 272. أنت لم تصوت في هذا الإستطلاع

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
~¤ô§ô¤}أغليهـ يعنيـ أعشقهـ~¤ô§ô¤أعشقهـ يعنيـ أموتـ فيهـ{~¤ô§ô¤~	Grshoob Albdoo	المسنجر وملحقاته , توبيكات , ماسنجر بلس , msn	68	10-10-2009 02:39 PM
يآربـ أموتـ و أفتك ]$ ...&_* ][لاتحرموني من مروركم ][	MS theeba	المواضيع المكرره	2	04-18-2009 10:37 PM
دعنيـ استعيركـ ..!!	جبروت أنثى	شعر و خواطر	18	01-24-2009 05:43 AM
انا جديدهـ"" وابيـ:: ترحيبـ"" يعنيـ "شاي وقهو	اميرة بكلمتها	تراحيب وتهاني	17	08-18-2008 03:52 PM
تضـ ح ـك ..[ وآناا] ../ لاجـِـِـًلك[ آموتـ، ] !	¬»ĤǿหєЎ	المسنجر وملحقاته , توبيكات , ماسنجر بلس , msn	19	05-07-2008 09:07 PM