قصيدة يارب هونها على عبدك وطول باله

فتنـۂ الـڪِوטּ · #1 09-10-2011, 03:46 PM

يارب هونها على عبدك وباله طوله
لا تبتلي مدرك مخاليقك بجهل الجاهلين
ناس أذكيا صاحين فالدنيا وناس مغفله
يا ساتر ألطف بالعباد اللي رقودن من سنين
اللي تبي ترقد وتبغا يوم تصحى منزله
الهون قل يا تابعه ضايع من اللي ضايعين
وأن ما رضا يضرب براسه في حصا ضلع جبله
راحت على الغافين نومه وأنت سيد العارفين
الميت اللي حي لين يجيه موته بوحله
يالله عسانا فيه ما حنا بضمن الشامتين
إن ما دخلت قلوب الأرض أحسن ثراها تدخله
من لا نفع نفسه ترا مابه نفع للمسلمين
يا هيه يا غاوين يا غادين يا اهل البلبله
ناسٍ لهذا الحد رجعيه ورا متأخرين
باب التفاهم عن جهلهم قم سده وأقفله
يمكن بعد مليون عام يروح ويعدي تزين
الجاهل يعلم ويتعصب لرايه وجهله
الناس جايه والغبي مقفي عكس المقبلين
أبو مركب نفس ما يلقا مكانٍ يقبله
وشلون اجل مخطي الثنتين من دنيا ودين
قصايدٍ يقولها البارح زمان مقوله
مسكين يا لابس ثياب وعصر ناسٍ ميتين
يا شين مأخذ حاجةٍ لأصحابها ماهيب أله
يبغا ولو كان بردى راسه مع العالم يبين
شعرٍ هذا اتلاه تبغى الصدق ينعاف أوله
مافيه عفة حب قيس ولا فخر غزوة حنين
من مهزله نطلع وندخل كل يوم بمهزله
وهذا هو اللي حد من كثر إنتشار المبدعين
كلٍ يقول العلم عندي سالم الزير أزهله
ويذبح ويسلخ بس ما شفنا جنايز ميتين
عشان ضحل الفكر ضحل العرف فكره ما أضحله
حفظ له أسمين وقرا كتابين للمستشرقين
في باله أنه صار أنشتاين مثل مستقبله
يا ما أظلم الإنسان شوف الفرق ما بين الثنين
كذبة زمن مفضوح وموهول وناس مهوله
قامت تصلي شرق ما كنا نعرف الشرق وين
خالف وتعرف تصبح أبو الفلسفه والمرجله
أهل المهايط في زمان صاروا اللي مفلحين
وألا وشنهو فعله اللي للتعالي وصله
ما يدري إن الأنبياء وأهل القيم متواضعين
قل للسفيه اللي يبي وقته خلاف يبدله
ويحط له فعل ومكانه نحمد الله مغتنين
أهل الثقه بالنفس معروفه وفعلاً تفعله
والزود دايم تكمله للنقص عند الناقصين
اليوم كلن راسه الأصلع نبت فيه نخله
واللي مدانه بالردى لأهل الشرف تبغا تدين
الطيب خلوه ألهله والشعر خلوه ألهله
للمبدعين الأولين والمبدعين الحاضرين
ترقاك يا ليل السهر عيني ونوب تحوله
اللي رقيته من يسار الهم حول بي يمين
أحاول أنقض كل بيت أبيت والنقض أفتله
وارضي غرور الشعر وأكب اسهله للساذجين
من حب هاذيك الجفول أطلع وأطيح بمشكله
وأنا حسبت الحب جنة غصن كرم وغصن تين
وشلون لا من جابها في كل شيء مطبله
والعين وسدها السهر والقلب وسده الحنين
الشوق أله والوجد أله والضحك أله والدمع اله
والحب مثل العمر مره ما نعيشه مرتين
اللي لو يطلب خفوقي قلت في كفك شله
وقدمته بكفي وقلت أخذيه وشله تحترين
وأقفى وأنا كفوفي غلا بالورد كانت مقبله
ومن يومه ما عاد أبد شميت ريح الياسمين
عطيته أجمل شيء في وراح ما أخذت أجمله
ولا عاد أشوف الزين كلن في عيوني صار شين
رغم إنه القاسي وهاجرني ولا رحت أسأله
أجمل سمه تدري وشنهي : عزةٍ في العاشقين
الشاعر مانع القبع __DEFINE_LIKE_SHARE__

@Wrong waY@ · 09-10-2011, 06:02 PM

مسكين يا لابس ثياب وعصر ناسٍ ميتين
يا شين مأخذ حاجةٍ لأصحابها ماهيب أله
يبغا ولو كان بردى راسه مع العالم يبين
شعرٍ هذا اتلاه تبغى الصدق ينعاف أوله
مافيه عفة حب قيس ولا فخر غزوة حنين
من مهزله نطلع وندخل كل يوم بمهزله

ابيآت جمييلة صراحة وقمة فى الرووؤؤعه
صح لسسآن الشآعر ولا هآن منطوقه ع القصيدة الغآويه

مششكووره يآ فتنة الكووؤن ع الاختيآر الرآئع @@
يعطييج الف عآفيييه

تحيآتي
ًٍ __DEFINE_LIKE_SHARE__

joode M · 09-10-2011, 06:16 PM

الطيب خلوه ألهله والشعر خلوه ألهله
للمبدعين الأولين والمبدعين الحاضرين

ترقاك يا ليل السهر عيني ونوب تحوله
اللي رقيته من يسار الهم حول بي يمين

صـح لسـآن آلشـآعر . .

ولآ هنتي آلغلآ ع آلطـرح . .

وآلسـموحه منج . . __DEFINE_LIKE_SHARE__

zoOoOoz · 09-10-2011, 08:31 PM

يا ما أظلم الإنسان شوف الفرق ما بين الثنين
كذبة زمن مفضوح وموهول وناس مهوله
قامت تصلي شرق ما كنا نعرف الشرق وين
خالف وتعرف تصبح أبو الفلسفه والمرجله
أهل المهايط في زمان صاروا اللي مفلحين

صح لساان الشاااعر..

تسلمين خيتووو ...

نترقب الياااي و اليديد __DEFINE_LIKE_SHARE__

فتنـۂ الـڪِوטּ · 09-10-2011, 10:45 PM

لـِ كُلّ الحاضِرين هُنا :

() طِبتُمْ ، حضُوراً لا ينضَبْ . .

مِن القلبْ " شُكراً " ،، __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اللهم اشف عبدك اسلام	محروم.كوم	منتدى أخبار المواقع والمنتديات العربية والأجنبية	0	01-17-2010 09:00 AM
يارب اصير مثله يارب - فيديو شاب يقرأ القران بـ ترتيل رائع - [ عبدالاله الحربي ]	محروم.كوم	منتدى أخبار المواقع والمنتديات العربية والأجنبية	0	09-16-2009 07:40 AM
قصيدة حارة فرش قولو وشرايكم في الطبخة	عـادل	شعر و خواطر	16	09-12-2009 03:59 AM
حصريا..قصيدة حارث البحر..لسمو الشيخ حمدان بن محمد بن راشد آل مكتوم (فــزاع)	محروم	الكليبات الخليجيه	10	01-03-2009 09:16 PM
شكوي عبدك + ( مناقشه بسطيه )	عشووف	الحوار والنقاش - الرأي والرأي الآخر	14	02-10-2008 03:48 PM