السلام عليكم ورحمه الله وبركاته

عندي هايلوكس غماره موديل 2005 ياباني اصلي
النوع سوبر ديلوكس
طاره عايدي وليس هواء
لون الداخليه حمرا
مكيف بارد ماشاء الله تبارك الله
المكينه موظبه على ايدي جميع القطع وكاله يعني شغل وكاله في بداية شهر رمضان لهذا العام 1432 (موجوده جميع الفواتير)
لا توجد حراره وانما الحراره العاديه يعني ربع لان بلف الحراره موجود ولله الحمد
مغير جميع الزيوت لسياره دفرنس وقير ومكينه
المكينه والقير والدفرنس على الشرط افحص عند ابو جميل بزاتو
مع العلم اني اشتريت لها قير هايلكس 2005 جي ال اكس (شبه وكاله )وركبته فيها لان مالكها اللي قبلي مركب لها قير كرسيدا على ما اظن الله لا يسامحه لا دنيا ولا اخره
الممشى 160 الف مفصول من مالكها اللي قبلي وحلف يمين بالله انه ممشيها حول 20000 الف (ميتين الف) بذمته
بالنسبه لي انا شبكت العداد وشغال وانا والله ما مشيتها الف كيلو لاني كنت استخدم سياره اخرى وانا ادرس برا السعوديه والسياره واقفه في الكراج ولاني بعجل على بيعها يعني اذا جابت سعر طيب توكلت على الله وبعت واذا ماجابت قيمه طيبه فوجودها واستخدامها افضل من الدراهم .
من ناحيه البودي فيها رفرف ايمن وكبوت فقط لاغير من مالكها اللي قبلي وحلف انه مغيرهم وكاله وللاسف انه كذوب مغيرهم تجاري وباقي البودي سليم بإذن الله ولا يخلو من الدقات الخفيفه والمخوش
فيها برضه عفطه ومعدله في الكبوت ودقه بسيطه في الصدام الامامي ومعدله حتى الكبوت مركب عليه سماط من مالكها الاول وواضح في الصور
الكفرات جديده وماصار لهم ثلاثه شهور
مجدد ومفحوص في العشر الاوخر من رمضان ومأمن يعني جاهز مجهز
الموتر نافضه نفض من والى كل شي فيه جديد على ايدي
الموتر صار له معي 3 شهور ونص وخلال هالفتره ما مشى الف كيلو لاني عرضتها قبل فتره للبيع وسيمت 43500 ريال قبل ما اوظبها واغير قيرها
السياره ما جاها هدرز ومن هالخربطه
الموتر واقف في الكراج لاني خارج السعوديه
ماني مستعجل على البيع
العيوب اللي فيها مكرات عداد الكيلوات اللي في الطبلون يبي له تغيير شكله محجر ما يشتغل
ولمن ارجع السعوديه ان شاء الله بصلح الطبلون وبغير الكبوت والرفرف الايمن في الوكاله
والله لا يوفق كل غشاش
سيمت قبل اسبوع 50 الف ريال ونطلب من الله الزود
اتركم مع الصور واتمنى ما يجي احد مطفي النور ويقول كلام ماله داعي انا قلت كل شي بخصوص السياره لاني صادق في كلامي ولا احب اكذب واغش الناس قلتها لإبراء ذمتي عند رب العالمين
انا جديد ع الموقع وماعرف كيف انزل الصور
اللي يبي الصور يرسلي خاص بأيميله وانا برسل له صور الموتر
والله ولي التوفيق

ارجو عدم بخس السلعه ومن بخس سلعتي الله لا يسامحه الى يوم الدين
بسم الله