ورق عنــب . . /

فتنـۂ الـڪِوטּ · #1 09-09-2011, 08:46 PM

آلْسلْآم علْيڪم ۈږحمـہ آلْلْـہ ۈبږڪآتـہ / ..

مســِـِآڪم / دهن عۈد . .

اليومَ بحط لڪمَ طريقه الورق عنبَ طريقه الورق عنب اللي انا متعوده اسويها فالبيت
طبعا ڪل بيت تختلف طريقتهم بالورق عنبَ

بسم الله
تيبون طاسه فيها عيش مصري طبعا على حسب الكميه اللي تبوها وتخلوه فالطاسه لمده 10 دقايق تنقعوه فالماي .. عقب مايخلصون ال10 دقايق تنزلون من الطاسه الماي اللي نقعنا فيه العيش لين تصفى الطاسه يتم فيها بس العيش وبتلاحظون ان حبات العيش استوى لونها ابيض اكثر وانتفخو شويه
عقب بنفس الطاسه تقطعون بصله وحده كامله قطع صغار وايد صغار وتقطعون حبه طمام متوسطه الحجم قطع مربعات صغار ايضا وتثرمون باقه بقدونس كامله ثرم صغير جدا وعقب ماتخلصون من الثلاث اشياء الرئيسيه تحطون ملعقه قرفه وملعقه بهارات هنديه اللي لونها اخضر ونص ملعقه ملح ليمون اللي يكون فكيس ويكون لونه ابيض وفلفل اسود مطحون رشه خفيفه ماتكثرون منه
وقطعه ماجي وتحطون معجون طماط على حسب الكميه اللي تبوها وعقب تخلطونهم كلهم مع بعض جي عشر دقايق عشان يتماسكون مع بعضهم
عقب خلصنا من المكونات ونخلي الطاسه على صوب // انيب الجدر ونيب بطاطتين كبار حبتين فقط
انا استخدم حبيتين على مساحه الجدر اللي بحط فيه وبلف الورق عنب الجدر حجمه متوسط
نقشر البطاط ونقطعهم شرائح بالطول ماتقعطونهم حبه حبه ضعاف بالطول
هي حبه البطاطه يوم تقشرونها جي قطعيها بالطول ونحطهم على ارضيه الجدر ونفس الشي البطاطه الثانيه لين نغطي ارضيه الجدر // وعقب تيبون علبه الورق عنب وتطلعونها وتفتحونها وكل ورقه تحطون فيها من الخلطه اللي سويناها فالطاسه ويكون جي تقريبا نص ملعقه نحطها في كل ورقه ونلفها واللي ماتعرف كيف تلف الورق عنب تخبرني بحط لها مع الصور كيف تسوي لف الورق عنب
وعقب مانخلص اول طبقه من اللف فالجدر نهرس ثومه وحده فقط ونحط فوق الطبقه الاولى من اللف ونص ملعقه ملح ليمون وتيبون قلاص تحطون فيه معجون وزيت وتخلطونهم مع بعض وعقب الخلط تعقونهم فوق الطبقه الاولى من اللف
وعقب نكمل لف الورق الباقي من العلبه ونفس اللي سويناه بالطبقه الاولى نسويه بالطبقه الثاني
وعقب مانخلص اللف كامل نترس الطاسه اللي سوينا فيها الخلطه طبعا عقب مانخلص من اللي فيها نترسها ماي ونحطه فوق الورق عنب بس قبل هذا تحطون صحن تغطون فيه الورق عنب يكون على حجم الجدر عشان يدش الصحن فيه وتغطونه والطاسه اللي ترسنا فيها الماي نعقها فوق الورق عنب ونسكر الغطا ونحطهم على نار عاليه لمده ربع ساعه
عقب ماتمر الربع ساعه توطون النار على اخف شي وبجذي نكون خلصنا
ملاحظه: الصوره بعده الورق عنب ني ماحطيته على النار يوم خلصت اللف صورتهـَ

توافيج الخير لڪــَم

__DEFINE_LIKE_SHARE__

الغضي الياسي · 09-09-2011, 09:18 PM

مساء الخير فتنه الكون ,,

لو كتبتي طريقة المقادير من 1 مثلا إلى 10 ثم طريقتج في إعداد ورق العنب بتكون الفكرة واصله اكثر

ماشاءالله عليج حرمة بيت

تقبلي مروري

الياسي
__DEFINE_LIKE_SHARE__

● ◦ ٱڷٳﻣﭔﺮآطۈﺭۀ ◦● · 09-09-2011, 09:42 PM

السلام عليكم ورحمة الله وبركاته

ورق عنب نقطة ضعفي أحب هالأكلة وايد

طريقتج تختلف عن طريقتنا بس بنجرب طريقتج

نصيحة جربي دبس الرومان في الخلطة اللي اضيفينها آخر شي عالمحشي

بيعطيه طعم وايد حلو وما بتملين منه

عموما يعطيج العافية وتسلم ايدج عالطريقة

وأكيد لج تقييمي

__DEFINE_LIKE_SHARE__