شيبان ولكن

محروم.كوم · #1 09-09-2011, 03:40 AM

الله يسعد الجميع والله القصص واجده لكن نبي نونسكم ونشرح خواطركم ان شاءالله هذا سنة من السنين كنا قانصين وكانت السيارات دداسن المهم اغلب طلعاتنا بنهاية الاسبوع كان طالع معنا ثنين شيبان لحوات غانمة شرواكم طلعنا يوم الاربعاء عدد السيارات خمسة ثنتين منهن للشياب كل واحد بسيارته وطيرة وسلقته الله يكرمكم معة المهم يوم جينا نبي ندخل ارض المقناص كان الوقت المغرب وقفنا وصلينا المغرب وقمنا نخفف من هواء الكفرات لان المنطقة تغريز كان الامير احد الشيبان قال للشايب الثاني يابو فلان خلك وراي واذا شفت تغريزة كايدة اشرلك بالتماتيك طبعا التماتيك الفلشر قال طيب مشينا وندخل مع هذا الخط الاقشر انا وباقي السيارات خلف الشيبان الامير الشايب ولع الفلشر والشايب الثاني وراه وحنا بعيدين شوي عنهم قام الشايب الثاني بزيادة سرعة سيارته حسب وصاة خويه الشايب الي قدامة يوم درينا للشايب ملزق بسيارتة بسيارة الشايب الامير المهم رحنا بسرعة يمهم الا وش تشوف الشايب صادم بسيارة خوينا الامير المهم فكهم الله سلامات الا والشايب الاول زعلان صدمت سيارتي واعدمتها يابوفلان لابو القنص لابوه قال الشايب الي صدمة يابوفلان والله انا مسكت وصاتك ردعلية الامير قال انا غرزت وعطيتك الاشارة حتى تنتبة قال مافادة وش مدريني انك مغرز حسبتك تقول زد السرعة حتى ماغرز المهم السيارات تمشي الامير صدام سيارتة الخلفي منطعج والشايب الثاني مقدمة سيارتة تقل رجال صائبة ابو وجه الله يحمانا حنا وياكم وراح هاك الاسبوع كله تعليقات على الشيبان تقبلو تحياتي
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ولي عهد رأس الخيمة يشهد مجلس أحمد بن شيبان الرمضاني	محروم.كوم	منتدى أخبار المواقع والمنتديات العربية والأجنبية	0	08-14-2011 02:00 AM
انا بنشدك عن بنت صغيره وعذبت شيبان	محروم.كوم	منتدى أخبار المواقع والمنتديات العربية والأجنبية	0	02-09-2010 04:10 PM
طلعة شيبان ترد الروح	محروم.كوم	منتدى أخبار المواقع والمنتديات العربية والأجنبية	0	12-29-2009 11:28 PM
>> إذا كنت من شيبان منتدى مكشات تفضل بالدخول	محروم.كوم	منتدى أخبار المواقع والمنتديات العربية والأجنبية	0	08-18-2009 03:40 AM
شيبان مكشات خبرونى الهيفيه والنسريه	محروم.كوم	منتدى أخبار المواقع والمنتديات العربية والأجنبية	0	04-09-2009 04:50 PM