غلاتك من غلا روحي - الصفحة 6

الهمسه · 02-26-2009, 04:26 PM

تسلموووووووووووووووون يااحلى اعضاااء على الردووود الغاوية

وربي يعطييكم الف عااااافية

نورتووووووووووووا __DEFINE_LIKE_SHARE__

الهمسه · 02-26-2009, 04:46 PM

البارت السادس
في بيت بوحمدان
في الصالة حمدان وميثا يسولفون مع بعض ،، دخل بوحمدان وام حمدان
بوحمدان وام حمدان : السلام عليكم
حمدان وميثا : وعليكم السلام
حمدان : ها من وين يايين
بوحمدان : وانت شو لك يا الفضولي ،، ريال ومرته طالعين شعنه تدخل روحك امبينهم
الكل : هههههههههههههههههههههه
ميثا : لا صج عمي من وين يايين
بوحمدان : ام حمدان انا بسير اتزهب اذان العشا بأذن
ام حمدان : يايين من المبرزة ارتحتوا
في غرفة بوحمدان وام حمدان ،، ام حمدان دخلت
بو حمدان : فديت هالشوف
ام حمدان استحت ونزلت راسها
بوحمدان : وابويه عليج للحين تستحين ،، صرتي عيوز
ام حمدان : بوحمدان اتاخرت على المسيد سير سير ،، ومحد عيز الا انت
بوحمدان : ههههههههههههههههه
ام حمدان : انا بسير السوق مع خواتي عقب صلاة العشا

بوحمدان : لكن مو قالوا انهن بسيرون عقب صلاة المغرب وكنتي ما بتسيرن وياهن لان كنا طالعين
ام حمدان : هيه ،، بس عقب قلت لهن ان احسن عقب صلاة العشا انسير
بوحمدان : الله وياج
دخنت ام حمدان ريلها وولدها حمدان وساروا المسيد
في بيت بو احمد
في الصالة خديجة وعليا واحمد وبواحمد وام احمد
خديجة : امييه سيري فوق اريح لج
ام احمد : لا فديتج بيلس اهني
بو احمد : احمد يالله انسير انصلي
سار بواحمد واحمد المسيد
في الصالة
خديجة : عليا ممكن ارمسج بس قبل لا ارمس بطلب منج طلب
عليا : نعم آمري
خديجة : الرمسة هذي ما باها توصل لاحمد
عليا : في مرة نقلت شي لاحمد عسب تقولين لي هالرمسه ،، وراس سالم وفطوم اني ولا مرة قلت لاحمد عن أي شي يصير بيني وبينكم

خديجة : عليا بالعقل ،، لو يصير بيني وبينج نقاش بسيط يوم ثاني ايي احمد يتهاوش معاي على اتفه الاسباب ولازم اقط نغزات على الي صار بينا
او حتى لو بينج وبين موزة يوم ثاني نفس الشي ايي احمد يتهاوش معاها او حتى يضربها على ولا شي وهي المسكينة ما تقول لابوي لانها تخاف انه يزف احمد،، قولي لي شدراه
عليا : خديجة انا نادرا ما اقول له عن الي يصير ،، واقول له غصبن عني لان هو الي يجبرني اذا جافني متضايقة
خديجة : عليا هو موقف او موقفين ،، كل شي اصير يوصل له
دخل بو احمد واحمد
بو احمد واحمد : مساكم الله بالخير
خديجة وعليا : مساكم الله بالنور والسرور
بواحمد : عليا مبارك بيدخل
عليا عدلت شيلتها : اقرب
مبارك : مرحبا الساع ،، شحالكم
الكل : بخير
مبارك : عمتي ان شاء الله احسن
ام احمد : الحمد لله
مبارك : يالله خدووي بنسير
خديجة : لحظة بييب عباتي وبيي
سارت خديجة وريلها وبيان بيتهم
في بيت بو سيف
في الصالة ام سيف وام سعيد
ام سيف : تاخرت ام حمدان
ام سعيد : هيه والله بتصل فيها
زارينا (البشكارة) : مدام ام حمدان برى في السيارة
ام سيف وام سعيد : يالله عيل انسير
في السيارة
ام سعيد : اليازية
ام حمدان : لبيه
ام سعيد : لبيتي في منى ،، ماجلين سيرة السوق لعقب صلاة العشا وبعد تاخرتي
ام حمدان : شو عايلنج يا وخيتي

ثلاث ايام مرت ومايد وسلامة للحين ما يرمسون بعض في دبي
في الصالة
هزاع يصارخ : الريم ،، امون متى بتنزلون الكل في السيارة الا انتو
نزلت الريم من على الدري : سوري على التاخير
هزاع : يفداج الوقت كله
استحت الريم : تسلم
هزاع : يسلمج ربي
سارت الريم السيارة ،، وامنه توها نازلة
هزاع : يلا يا الاميرة ،، عنبووو ساعة نترياج ،، دايما انتي اخر وحدة
امنه بدلع : فديتني والله ،، وبعدين لكم الشرف تتريوني مو شيخة المزايين
هزاع : يالله يالله جدامي
طلعوا الشباب الى مول الامارات وتوزعوا سيارة مايد الرنج روفر : فيها مايد طبعا وسيف و سعيد وامنه و سلامة ،، سيارة هزاع الفتك : هزاع طبعا وراشد وموزة والريم
في المول الامارات
سيف : شو ترتيبكم
راشد : شرايكم ان اول شي البنات يسيرون يتسوقون واحنا نجوف رزقنا وعقب بنلتقى يم ماكدونالز وبنتعشى
هزاع : خشمك بوسنيدة
وتخاشموا هزاع وراشد
سيف : ابا اعرف شو تستفيدون
سعيد : سيف كل واحد عنده هوايه صح
سيف : صح
سعيد : واحنا هذي هوايتنا
الشباب : هههههههههههههههههههه
سلامة : هواية تافهة
امنه تبي تغير الموضوع : بس احنا خاطرنا نسير سكي دبي
سيف : غالي والطلب رخيص بنييبكم باجر او الي عقبه
ساروا البنات بصوب والشباب بصوب
عند البنات
امنه : هيي انتوا بلاكن كل وحده مادة البوز شبرين ،، احنا يايين دبي عسب نستانس بتمون جي نرد العين واايد احسن
سلامة : صح كلامج بس والله احس ان نار بقلبي
امنه : شو قلنا احنا
سلامة : انزين انزين
نسير عند الشباب في الكوفي شوب الكل يضحك ما عدا مايد
سعيد : ميووووووود ،، يا الحبييب يا الطيب
هزاع جرب حلجه من اذون مايد ويصرخ : يالمزيووون
الناس كلهم التفوا يمهم والشباب ضحكهم واصل اخر المول
مايد معصب علـ الآخر : وصمة اتصم اذونك مثل ما صميت اذوني
الشباب : هههههههههههههههههههاي
مايد : بلاك اتزاعج يالبغم
الشباب ما عدا سيف : ههههههههههه
قام مايد وهو معصب وشل مفتاحه وبوكه وتلفونه وعلى طول قام وراه سيف لكن الصدفة ان البنات كانوا مارين من الكوفي شوب وجافوا الموقف
امنه زقرت : سيف سيف
سيف : لبيه
امنه :بلاه مايد
سيف : قولي للشباب يقولون لج انا بلحق مايد الحين (الكل يعرف ان مايد واايد يمشي سرعة وخاصة لما يكون معصب وهالشي الحمد لله ماسبب له حوادث لانه حريف في السواقة لكن مرة سواا حادث واتكنسلت سيارته)
سيف يركض ورى مايد وجافه وهو يطلع من البوابة: مايد مايد
بس مايد ما عطاه ويه وكمل طريجة لانه اصلا ما سمع سيف من عصبيته ،، شغل مايد سيارته وسيف سار في ويه السيارة واشر لمايد على انه ينزل
بطل مايد الدريشة سيارته : سيف تباعد عن السيارة
سيف : مايد صل على النبي وبند السيارة
بند مايد سيارته عقب ترجي طويل من سيف ،،سار سيف ويلس يم مايد في السيارة
سيف : مايد الي عصبك مو هالشي الي عصبك شي عود ،، افتح لي قلبك ،، قولي بلاك احس ان فييك شي
مايد : ــــــــــــــــــــــــــــ
سيف ضحك ضحكة استهزاء : طبعا ما بتخبرني شفيك ،، ومنو انا عسب تخبرني حي الله ولد عمك الي طول عمرك ما شفته الا جم مرة
مايد : سيف لا تقول جي
سيف : عيل قولي شفيك
مايد وهو منزل راسه : قلبي
سيف : منو خذاه
مايد : سلامة
سيف : كنت متوقع ،، وانتوا الحين زعلانين من بعض

مايد : هيه
سيف : شعنه ؟؟
مايد : تتذكر يوم اقول لامون تعالي شوي
سيف : هيه
وخبر مايد سيف بالي صار
سيف : بصراحة البنت عندها حق
مايد : شوووووووو
سيف : مايد البنت تحبك وتغار عليك
مايد وهو منقهر : هي تدري ان انا احبها ليش كل هالزعل
سيف : حتى لو تدري انك تحبها ،، تخيل روحك مكانها
مايد عصب : شوووووووو ،، سيف شو هالرمسه
سيف : جفت عصبت وشوي بتقوم تذبحني ،، انا اعرف اخلاق بنت عمي وانها مستحيل تسوي هالشي لكن انا قلت فرضاً
نزل مايد راسه
سيف : ها شقلت بتودر هالخايسات
مايد : هي بودرهن لجل عين تكرم الف عين
سيف : يا ويل حالي على الحب
مايد : بس المشكلة شقايل ترضى سلامي واايد عنيدة
سيف :هدية مع كلمتين حلوين منك بترضى
مايد : صح كلامك ،، الحين انت سير لهم لانا تاخرنا وانا بلحقك
سيف : وين بتسير
مايد : بشتري لها هدية وبحطها في السيارة وعقب بييكم
سيف : تم
مايد : اقول
سيف : هلا
مايد : الكلام الي قلته ما ينقال جدام سعيد
سيف : فالك طيب ،، بس شمعنى سعيد ليش مو هزاع او راشد ،، وخبري ان سعيد كاتم اسرارك
مايد : هزاع وراشد يعرفون ما عدا سعيد ،، لان هالشي اخص اخته وانت اتعرف طبايع سعيد
سيف : اها
مايد : سيف خذ الرضيعة على صوب وخبرها بالي صار لانها الحين شوي وبتموت
سار كل واحد في طريجه ،، عند ماكدونالز الكل يالس على اعصابه وامون بدت دموعها تنزل على خدها اول ما شافت سيف ياي
امنه : سيف وين مايد ؟؟،، وليش ما يا معاك ؟؟ ،، وا
قاطعها سيف : شوي شوي علي ،، ومايد الحين بيي سار مكان لا تخافون عليه
هزاع : متأكد
سيف : هيه بلاك ،، امنه مشي دموعج وتعالي شوي
سعيد : على وين ياللوتي ،، شفت اخوها مو هني و
قاطعه سيف : اذا بكلمها اخوها هني مو هني انا ما علي بنت عمي وكيفي
راشد : كلمها يا بوك كلمها محد قالك شي
امون : اعتقد اني واقفة صار لي ساعة ومحد عاطني ويه
سيف : ما عاش الي ما يعطيج ويه يا بنت محمد
امون : تسلم
خذ سيف امون بعيد عن الطاولة وهي الفضول بيذبحها وكل ما سالته ليش قالها احين بتعرفين ،، وقف سيف مع امنه في زاوية وخبرها بالي صار
امنه : ما اصدق يعني مايد خلاص ودر البنات
سيف : هيه
امنه : مشكووووووووووور يا سيف انت بالي سويته راح يجتمع قلبين عقب ما افترقوا
سيف : العفو انا ما سويت شي هذا واجبي ،، يالله انسير لهم
الشباب والبنات خذوا وجباتهم من المطعم وقالوا بياكلونها في البيت
في البيت في الصالة عقب ما كملوا اكل
هزاع : يا الحلوين ابوي اتصل بي اليوم وقال باجر لازم نرد واحنا بنطلع من دبي عقب الغدا
موزة وامنة : لالالالالالالالالالالالا
راشد : شووو لالالالالالالالا يا بوي ورانا سفر
سلامة : انا بقوم ارقد تصبحون على خير
الكل : وانتي من اهله
مايد فكر وقال هذا احسن وقت اكلمها فيه : عن اذنكم
سعيد : وين بتسير ايلس شوي اباك فكم شغلة في تلفوني
مايد : بعدين بو عسكور
سعيد : ما شي بعدين ،، احين
يلس مايد وشوي وصل له مسج
هزاع : الله لنا مسجات لناس وناس
مايد : هب هباك الله (فتح مايد المسج وابتسم) نسيت اقول لكم ان امون وموزة ساروا فوق
بسرعة سيف مط تلفون مايد وقرا المسج وابتسم
هزاع : بلاكم تتبسمون بسمونا معاكم (ومط هزاع التلفون من عند سيف)
هزاع بصوت عالي : ميودي حسيت فيك يوم (بس فجأة سكت وكمل قراية المسج في قلبه والمسج يقول : ميودي حسيت فيك يوم تبغي تقوم ورى سلامي ترمسها ،، المهم تعال غرفتي احين ضروري ،،، المرسل : امون )
سعيد بغى يمط التلفون من عند هزاع بس هزاع ما خلاه وبسرعة مسح المسج وعطاه لمايد
سعيد : ما عليه يا هزاعو ان ما راويتك
سار مايد فوق لغرفة امون
امون : زين ييت فديتك ،، اسمع انا بسير انادي سلامي وانت خلك اهني واذا يات انا بدخل الحمام وتكلموا على راحتكم
مايد : فديتج ما اعرف من غيرج انا شكنت بسوي
امنه : لا تقول جي
سارت امون لسلامي وسحبتها لكن ما قالت لها ان مايد يترياها في الغرفة
في غرفة امون
سلامي وامون دشوا ،، امون سارت الحمام و
سلامي من جافت مايد نزلوا دموعها لكن بسرعة مستحهم :

شوف غيري حتى لو قلبي يبيك
شوف غيري أنا ما أنفع معاك
انت تلقا من يحبك ويشريك
وأنا بلقاء من ينسيني غلاك
ياحرام الوقت ضيعته عليك
ياخساره القلب بحساسه شراك
لاتفكر اني بندم وجيك
قلبي اليوم ما همه رضاك
لاتأثر لو عيوني ترتجيك
لايهمك حتى لو بتعب وراك
ياحسافه الوقت ضيعته عليك
مايد : سلامي حبيبتي شو هالرمسه
سلامة : اسمع هالكلمتين الي ما بقول غريهن

[size="4"]حبيبي حان الوداع.......
كان لنا قصة حب .....
لكن اليوم الحب ضاع......
كان قارب الحب يسير وكان للقارب شراع.....
فراقك هد حيلي وملاني حبك اوجاع......
ارجوك تتركني....
خلني وخل اخر الكلمة وداااااااااااااع[/size]
واختفت سلامي من عيون مايد وطلعت امنه من الحمام لقت دموع مايد تسيل على خده ( مايد الريال الي عمره ما نزلت دموعه ،، دموعه طاحت لفراق سلامة حبه الاول والاخير ) امنه ما قدرت تستحمل هالموقف لوت على اخوها وصاحت ،، وقف مايد وباس راس اخته ومسح دموعها ومسحت دموعه لكن دموع مايد ما انمسحوا لان كل دمعة تنزل تنزل وراها ثانية ،، سار مايد غرفته و
ومضت هالليلة من اصعب الليالي على اثنين وهم مايد وسلامة

توقعاتكم في البارت الياي
__DEFINE_LIKE_SHARE__

الــدانــه · 02-26-2009, 05:38 PM

ليش حررررام ليش يزعلون من بعض ..
اتوقع انهم انشالله بيتراضون ..
واتوقع انه سيف وامون بيحبون بعض ^^..
وبتصير احداث حلوه فالسفره ..

مشكوره حبوبه عالبارت .. الله يعطيج العافيه .. ويالله لا اطولين علينا شرات قبل وحاولي اطولين اكثر فالبارتات اليايه فديتج

ادري اني مزعجه بس استحمليني ^_^ __DEFINE_LIKE_SHARE__

دار الزمن · 02-26-2009, 06:22 PM

يسسلمووووووووونيشن ع البارت

سلامه وماااااااايد بيتراضووووون وان شاء الله هذا يكون اخر زعل بينهم

جاااااااااااااااااااااااااااااااااااااري انتظار التكمله

لاتبطين علينا __DEFINE_LIKE_SHARE__

نونو كيوت · 02-28-2009, 07:14 PM

اللللللللللللللللللللللللللللللللللللللللللللللللل للللللللللللللللللللللللللله كشخه القصه يلا نتريا البارت __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كيف تعرف غلاتك؟؟؟	غالية الثمن	الإستراحه العامة	9	09-18-2009 01:35 AM
يا غلاتك بقلبي...	بنوته كول وين ما تكون	قصص و روايات	12	03-11-2009 09:33 PM
قسم بالله (( ما تنزل ... غلاتك من شرااييني..}	شيطونة الـ ع ـين	هواتف , مسجات , وسائط , برامج , ثيمات , نغمات , بلوتوث	18	03-11-2009 06:48 PM
غلاتك بقلبي يا نصيب الغير...	بنوته كول وين ما تكون	قصص و روايات	6	03-10-2009 06:35 PM
غلاتك	••{ ظبية	الإستراحه العامة	13	07-13-2008 03:08 PM