غلاتك من غلا روحي - الصفحة 22

أســيرة..الجــروحـ · #1 07-23-2009, 04:04 AM

وينـــ الباراتــ

القصة روعه __DEFINE_LIKE_SHARE__

دار الزمن · 08-04-2009, 07:53 PM

فيه تكمله ولالالالالالالالالالالا __DEFINE_LIKE_SHARE__

قلب الطفوله · 08-06-2009, 12:36 PM

ويييييييييييييييييييييييييييييييييييين البارت __DEFINE_LIKE_SHARE__

قلب الطفوله · 08-30-2009, 10:42 PM

وين البارت __DEFINE_LIKE_SHARE__

الزعابي3 · 09-07-2009, 10:21 PM

انا بحط بارت

البارت الحادي عشر

في سيارة سيف
امون : سيف ترى واايد تأخرنا
سيف بكل برود : so what ???
امون : سيف ممكن سؤال
ارتبك شوي بس حاول يسوي روحه عادي : تفضلي
امون : انت وين رااايح احين
سيف في داخله يحمد ربه مليون مرة : اممممممممممم انتي وين تبين تروحين
امون : انا ابي ارووح البيت
سيف : كنت بوديج البحر بس اذا تبين تروحين البيت هذا شي ثاني
امون بس سمعت طاري البحر تخبلت : لالالا اذا بنروح البحر ليش لا بس بشرط ما نتأخر
ابتسم لها سيف ابتسامة دوختها واقرب ويه منها
سيف : من عيوني
توترت امون من قربه وابتعدت عنه شوي : احم تسلم يا ولد العم
سيف : الله يسلمج ويسمنج
امون بدلع : لا سيف حرام عليك ما ابا
سيف : ههههههههه ياربي بتذبحني هالبنت ،، انا بسالج من وين تييبين هالدلع
ضحكت امون ضحكة خفيفة وسالته : سيف كلمني عن حياتك شقايل قدرت تعيش كل السنوات برع البلاد وبروحك

في بيت بوحمدان الجو كان وايد متكهرب والكل كان خايف على امون وسيف لانهم ساروا يوصلون عواش ووايد تاخروا
هزاع : حمدان طول بالك شوي تلاقيهم ساروا الجمعية ونسوا روحهم
حمدان وهو معصب حده : أي جمعية واي خرابيط صار لهم اكثر من ساعة وتقول جمعية ،، لكن دواج عندي ياامون اول ما تردين البيت
مايد وهو محترق من داخله ما يدري شصار على اخته ووولد عمه لكن يحاول انه يكو قوي ومايبين للكل التوتر الي فيه : حمدان ماله داعي العصبية ان شاء الله شوي ورادين
ميثا : أي ماله داعي للعصبية الكل قاعد يحاول يتصل عليهم ومحد يرد لا سيف ولا امنه
راشد عصب من رمسه ميثا : ميثا الله يهداج شو هالرمسه يعني تبين اذا وصلو حمدان يضربها احنا نحاول نهديه وانتي تزيدينه
حمدان بكل عصبيه : انت منووو عطاك الحق ترمس مرتي وآمنوووو اذا يات بتنضرب بتنضرب
راشد حس روحه بينفجر : لا ابويه لاانت ولاغيرك له الحق انه يمد يده على اموون فاهم
حمدان : مو ناقص الا انت ياي تبي تعلمني شلون اعامل اختي
عند البحر امون وسيف يتمشون وفتحوا مواضيع واييد ومو حاسين بالوقت وتلفوناتهم في السيارة
امون : سيف مو جنه تاخرنا جم الساعة
سيف : تصدقين ما ادري يالله نروح السيارة لان ساعتي فصختها هناك
امون : يالله
ساروا امووون وسيف السيارة وتفاجأووو ان الساعة 12 الا ربع ،، فبسرعة سيف ركب السيارة وساروا البيت

في بيت بوحمدان
كان الصراخ واصل اخر الشارع ومرة وحده الكل سكت يوم دخلت سيارة سيف البيت ونزلوا امنه وسيف منها وهم يضحكووون
مايد ماتوقع ان اخته بخير ويوم جافها ركض ولوى عليها وعلى طول نزلت دمعته اما حمدان ركض لها وكان يحاول يمط امون من حضن مايد بس مايد كان لاوي على اخته بكل قوته
و كل الشباب ركضوا صوبهم وحاولوا انهم يهدون حمدان بس محد قادر عليه ،، و سيف كان معصب حده من ردة فعل حمدان وعلى طووول يه صوبه وسحبه وكان حمدان يحاول يشيل يد سيف من عليه بس ما قدر لان سيف كان اقوى منه ،، اخذ سيف حمدان سيارته وطلعو من البيت وكان يمشي فوق 120 ويوم هدأ الجو شوي
سيف : ادري ان الي سويناه انا واموون غلط
حمدان طاحت دمعته : بس غلط انتو طيحتوا قلوبنا ،، بتتأخرون مو مشكلة بس على الاقل عطونا خبر
سيف باس حمدان على راسه : انا اسف ،، بس ياحمدان المواضيع ما تنحل بهذي الطريقة ،، تعرف امووون اختك شقالت لي يوم كنا مع بعض تقول مايد اخووي حنوون وحبوووب وكل شي يقوله لي وكانه صديقي مو اخوووي ،، بس حمدان واايد قاسي ما ادري ليش دايما لما اقعد معاه يصير شي يضايقني فيه فانا ما اعرفت ارد عليها لان فعلا ياحمدان انته واايد تعاملها بقسوة ،، يعني الدمعة الي طاحت منك احين تدل ان انت واايد تحبها وكنت خايف عليها ليش تعبر عن موقفك بطريقة غلط يعني لو انت سويت مثل مايد بظرك شي
حمدان كان متفاجأ من الي قاله سيف وعلى طول طاحت دموعه مرة ثانية : انا عمري ما توقعت ان امون ماخذة عني فكرة جي سيف انا اعشق امون اغليها اكثر من روووحي يمكن في بعض الاوقات اعاملها بقسوة بس
قاطعه سيف : بس احين ما يفيد الندم ولا شي حاول من يوم ورايح انك تحسن معاملتك مع امون وبتجوف الفرق ،، وبعدين انت ياحمدان توك صغير ليش حارم نفسك من الضحك واللعب وصاير واايد جدي خلك مثل عمي الي جنه اصغر منك يضحك ويتغشمر وجنه من كبرنا وربي بعض الاوقات انسى ان هو عمي
حمدان : صدقت والله ياسيف
في بيت المنصوري وبالتحديد في غرفة عواشي رن تلفونها وكان الرقم غريب ،،، كانت وايد متوترة وماتدري شتسوي لكنها في الاخير شالته
عواش : ألوووو
حسن : الوييين
عواش تستهبل : منووو وياي الشيخ
حسن :واحد قلبه مسروق ومتصل يسرق قلب من سرق قلبه
عواش : ــــــــــــــــ
حسن : عواش
عواش لا اراديا : ياعيون عواش
حسن ذاب من سمع هالكلمة : آآآآآآآآآآآآآه عيديها
عواش استوعبت الي قالته وعلى طول بندت التلفون في ويه
حسن قام يناقز فوق السرير ومو عارف شسوي من الفرحة ،، اما عواش تصفع في روحها من الفشلة ومن السانها الي يبيله قص ،، حاول حسن يتصل مرة وثنتين وثلاث وبعدين يأس وقال بيرمسها باجر
في بيت بوحمدان وبالتحديد في غرفة امون
كانت يالسة على السرير ودموعها تنزل بهدووء على خدودها وكانوا البنات ( سلامة وموزة والريم وسارة ومنار ) وياها يحاولوون يهدؤونها لكنها ماكانت ترد على ولا وحدة منهم
في الحديقة كان الهدووء يعم المكان والكل ساكت ،، ثواني ودخلت سيارة سيف والعيون كلها عليها وبس نزلووا سيف وحمدان من السيارة وكانوا سايرين صوب الشباب انفتح باب البيت وطلعت موزة تركض وتصيح
موزة : اموون يتها الضيجة لحقووووووووهاااا
اهني الكل مات من الخوووف وركضووا لغرفة اموون بس الي دخلووا مايد وحمدان بس لان كانت بدوون شيلة ،،، امون كانت حالتها حالة طايحة على السرير وويها ازرق وتشاهق تبا تاخذ نفس بس مو قادرة حمدان وقف في زاوية الغرفة وتم يصيح مثل اليهال
حمدان : كل مني كل مني عسى الله ياخذني يارب
ومايد كان يصيح وينثر في اغراض اموون يدور على البخاخ بس مو لاقيه
( اموون مو اول مرة تييها الضيجة كانت تييها من قبل اذا تضايجت بس بصراحة اول مرة تييها بهالشكل )
مايد حس روحه بينهار وهو يدور هالبخاخ بس وقف يوم اختفى صوت امون واغم عليها اهني صرخ باعلى قوته
: اموووووووووووووووووووووووووووووووون
الشباب برع يالسيين ومو عارفين شيسووون بس يوم سمعوووا صوت مايد راشد طاح من طوله وهو يصيح وانهار وسيف فتح باب الغرفة وما اهتم لاي شي ،، ويوم دخل وجاف اموون بحاله تمنى الارض تنشق وتبلعه تمنى يمووت قبل ما ايي الامارات تمنى انه يكوون اعمى وما جافها تمنى انه يكوون اصمخ وما سمع صوتها تمنى ان يده انقطعت قبل ما يلمس يدها ووهو واقف مكانه مبهت في اموون ودموعه تنزل وحده وراها الثانية جاف البخاخ طايح تحت السرير وعلى طووول ركض واخذه بس طلع انه مخلص
سيف : ماايد حمدااان بسكم اموون بتمووت وانتووا جي
بس محد حاس بكلامه ( مايد كان حاضن اموون ويصيح وحمدان على حاله في زاوية الغرفة )
سيف : سلامة ييبي عباة ولحقني السيارة
سلامة : ان شاء الله
حمل سيف امنه ونزل يركض فيها على الدري وهو يقول في قلبه ( الله يحفظج ولا يحرمني منج ) ،، شغل سيف سيارته وحط اموون ورى وقال حق سلامة تلبسها عباتها ،، في غرفة اموون استوعب مايد الي صار وركض تحت وركب مع سيف السيارة ،، سيف كان يمشي بسرعه ودموعه ماليه ويهه وماكان يجوووف الشارع عدل وفجأه

في بيت المنصوووري
عواش كانت مو عارفة ترقد حسن كان ماخذ كل افكارها وشوي الا تبطل الباب بدفاشة
عواش : بسم الله الرحمن الرحيم حنينووو شو ها ما خبري فيج دفشة جي
حنين : ههههههههههههههه
عواش : ضحكتي بلا ضروووس قولي اميين ،، ياحمارة خرعتيني
حنين : اقووول سكتي بس سكتي ،، عواشي بسالج
عواش : والله مشكلة داخلة غرفتي وبدوون استئذان وتسكتني
حنين رمت المخدة على عواش : عوااشوو عاد بلا سخافة
عواش مستغربة : امممم حنين انتي فيج شي ،، اكييد مصخنة ،، انا خبري فيج عاقلة ورزينة وعليج امتحان باجر وحنين اذا عليها امتحان ماتعرف غير كتابها
حنين : عنبووو بسج هذرة بسج المهم عوواش
عواش : هااااااااااااااااا
حنين : سعيد متزوج
عواش : احين انتي ياية من حجرتج لهني وسوتي اقتحام علي عشان تسالني سعيد متزوج ههههههههههه
حنين عصبت شوي : عواش ترى واايد عطيتج ويه ب
قاطعتها عواش : اف منج بس بس سيدة بتعصب وانا اقوول هذي حنين اختي ،، على العمووم لا مو متزوج ويالله طلعي برع ابا انااااااااااااااااااااااام

توقعاااتكم ؟؟؟؟؟؟؟؟؟؟؟؟؟؟؟ __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كيف تعرف غلاتك؟؟؟	غالية الثمن	الإستراحه العامة	9	09-18-2009 01:35 AM
يا غلاتك بقلبي...	بنوته كول وين ما تكون	قصص و روايات	12	03-11-2009 09:33 PM
قسم بالله (( ما تنزل ... غلاتك من شرااييني..}	شيطونة الـ ع ـين	هواتف , مسجات , وسائط , برامج , ثيمات , نغمات , بلوتوث	18	03-11-2009 06:48 PM
غلاتك بقلبي يا نصيب الغير...	بنوته كول وين ما تكون	قصص و روايات	6	03-10-2009 06:35 PM
غلاتك	••{ ظبية	الإستراحه العامة	13	07-13-2008 03:08 PM