محتار؟...تفكر؟...يا ترى شو تهدي (ربيعتك) في عيد الحب؟ - الصفحة 4

قول شاعر و الفعل ذيب · 02-10-2009, 11:48 PM

المشاركة الأصلية كتبت بواسطة i!اماراتيه كشخه!i

و عليكم السلام و الرحمهــ

و الله كل كلمه قلتها و ذكرتها فالموضوع صح 100 %
يا ناس ياعالم نحن مسلمين يعني هالخرابيط و هالاعياد
مب لنا نحن .. نحن فقط عيد الاضحى و عيد الفطر ..

و بعدين شو عيد الحب ؟؟ .. يعني هم بس هاليوم ايحبون !!
نحن المســلمين كل يوم عندنا حب و اخلاص و وفاء !!
بس عشان هاليوم >>السبت و بتاريخ 14 /2/ 2009 بنسير انعطي ورد
و حالهــ نحن كل يوم لازم نعطي ورد حق اللي نحبهم و نعزهم يت ع هاليوم .. ؟
و شبابنا و بناتنا طايرين و متخبلين في هاليوم كلــا احمر في احمــر ..!
ليش نقلد الغرب و نحن يوم عيدنا الاضحى و الفطر و لا جنهــ شي حد مهتم !!

و اليوم ابــلتي مال الدين اترمسنا كانت عن هالموضوع .. !!

الله يهدي الجميع يا رب ..

جزاك الله خير اخوويهــ ..
و السموحهــ اني طوــلت ..

مشكورة ختي كشخة عالرد الجميل

و انتي الصادقة ف كل كلمة قلتيها 1000% __DEFINE_LIKE_SHARE__

قول شاعر و الفعل ذيب · 02-10-2009, 11:51 PM

المشاركة الأصلية كتبت بواسطة عسووولة

يسلموااا ع الموضوع الرائع....

وهذي حال المراهقيين والأهل عاطنهن الحرية
وبنفس الوقت ما ألوم البنات بس الشباب بعد
المفروض تكون على الكل رعاية ورقابه من الاهل
والله يهدينا ويهدي الجميع....

شاكر لج ردج ختي

الرقابة هي الساس سوا عالبنت او الولد __DEFINE_LIKE_SHARE__

~~اڷإمـآرآتيـﮧ~~ · 02-11-2009, 12:00 AM

اخوي لا تستوي سلبي لهدرجه
نحترم كل الاعياد سواء كانت اعيادنا ولا مو اعيادنا

بس الغلط اهني يوم نحن نقلد الاجانب نحتفل بأعيادهم
والاجانب مستحيل يحتفلون بأعيادنا

شفتو كيف؟

اهني المشكله

انا ما اعارض لطرح هالنوع من المواضيع لغر ض نشر التوعيه
انا محطيه الموضوع عن Vlantine day فقسم الانجليزي

عسب تعرفون قصته وتستوعبون بس مب تقليد الاعمى افكل شي تقلدون وتقدسون

وانا من النوع ما احب السخافات مال الحبـ

تسلم عالطرح اخوي ونترقب منكـ الزود __DEFINE_LIKE_SHARE__

|-الــســنــافــي-| · 02-11-2009, 12:11 AM

في ذمتيه اني داش انتقد هههههههههههه

بس بردت خاطريه ياخوي
طول عمرك وفي ميزان حسناتك وعسى الخلق يتعلموون __DEFINE_LIKE_SHARE__

أثير الورد · 02-11-2009, 12:47 AM

الله المستعــان ..

صج العرب عقولهم فارغه .. ياخذون من الغرب اللي يبونه وطبعا كل شي شين ياخذونه ..

مب شرط احتفال عيد الحب .. حتى احتفال بعضهم بأعياد ميلادهم ..!!

الرسول صلى الله عليه وسلم ما احتفل بهالخرابيط .. ليش احنا نحتفل .. نحن مسلمين .. والمفروض نعتز بديننا ونكون مميزين .. لانه ديننا كامل مافيه أي نقصان .." اليوم أكملت لكم دينكم وأتممت عليكم نعمتى ورضيت لكم الإسلام دينا "

في ناس اتقول نحن نحتفل بس من باب التذكير فقط او الفرح ومن هالقبيل .. اوكي نحن نقول انه مجرد احتفال بس .. لكن الاجيال اللي بتيي عقبنا بتاخذها عاده .. وبتعتقد انها شيء من الدين .. !! ما أقول هالكلام من فراغ .. لا .. لكن عبادة الأصنام بدت بهالطريقه .. قبل الوثنية كانت كل الناس على دين الحنيفية وهي ملة سيدنا ابراهيم عليه السلام .. وكانوا يبون يكرمون انسان صالح وتقي .. فكرموه بتنصيب تمثال له .. والناس يعني ما اهتمت له وايد .. لانهم يعرفون اساسا شو غايتهم من هالتمثال .. لكن لما يت الاجيال اللي بعدهم .. فما كانوا يعرفون شو هذا بالضبط .. واعتقدوا انه شي عظيم .. قاموا وعبدوه .. ومن هنيه بدت عبادة الاصنام .. يعني جوفو تفاهة الامور ممكن لوين توصلنا .. يعني من مجرد احتفال بسيط باعتقاد بعضهم وما يأثر .. بينهدم الدين بسبب هالافكار والبعد عن الدين وضعف الوازع الديني ..

بدل الاحتفال بهالتفاهاات وفي ايام مخصصة وابتداع أشياء ما كانت موجوده في زمن الرسول .. ليش ما يحتفلون بأشيا تخدم الدين .. وتخدمنا في الآخرة .. مثل حفظ القرآن الكريم أو أي شي ثاني في حدود الشرع .. وانا شخصيا اعرف وحده شغالتها طرشولها شريط من اندونيسيا .. والشريط كان مصورين فيه احتفال لابنها لانه حفظ جزء من القرآن الكريم .. يعني جوفوا غير العرب كيف يعظمون الدين ويكرمونه .. بينما احنا العرب ..!! بس فالحين نركض ورى الدنيا وملهياتها وشهواتها .. ونقلد الغرب " يأتي على المسلمين زمان يتبعون من قبلهم شبرا ً بشبر و ذراعا ً بذراع حتى إذا دخلوا جحر ضب دخلوه وراءهم "

الواحد شو بيده يقول غير الله المستعان ..

الله يحفظنا من فتن هالزمن .. ويجيرنا منه .. وجميع المسلمين يا رب ..

حس شاعر و الشعور ذيب ..

أحييــك أخووي على هالطرح الممـيز ..

بانتظار يديدك ,..

احترامــي لشخصــك ..

الطيــر الحزيــن ..
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بليز محتار ولازم أختار و ياريت تساعدوني مابين n85 & n79 & n82 & n86	محروم.كوم	منتدى أخبار المواقع والمنتديات العربية والأجنبية	0	11-15-2009 03:00 PM
بليز محتار ولازم أختار و ياريت تساعدوني مابين n85 & n79 & n82 & n86	محروم.كوم	منتدى أخبار المواقع والمنتديات العربية والأجنبية	0	11-15-2009 02:50 PM
عطونا أخبار العيص وأتركوا أخبار المطر	محروم.كوم	منتدى أخبار المواقع والمنتديات العربية والأجنبية	0	05-18-2009 01:20 PM
محتار ... محتار .... وابحث عن جواب لهذا الاستفسار	محروم.كوم	منتدى أخبار المواقع والمنتديات العربية والأجنبية	0	05-01-2009 01:00 PM
-:: الإنسان قبل ( الحب ) وبعد ( الحب ) وعند ( الحب ) ... ::-	♕ وليد الجسمي ♕	الإستراحه العامة	6	01-06-2009 12:35 PM