شراء قطع غيار السيارات عن طريق النت ( شف الفرق )

محروم.كوم · #1 08-31-2011, 02:50 PM

السلام عليكم ورحمة الله وبركاته
كل عام وانتم بخير

قطع الغيار عندنا تباع بأربعة أضعاف سعرها الأصلي !!!!!
بما ان سيارتي امريكي وكيلها بالسعودية الجميح اضطر كما يضطر غيري لشراء قطع غيار السيارة منهم

طبعا احتجت قطعة لسيارتي وذهبت لهم وقال سعرها 1600 ريال بعد الخصم

ولان الميكانيكي لم يكن متاكد
قال روح الوكالة اضمن لك

حين ما دخلت السيارة لديهم رفضوا قبولها بحجه الزحمة

جاوبت ان يجب عليهم قبولها وذلك لانهم الوكيل الحصري لها

قال المصري اللي في الاستقبال انه راح تتاخر
قالت عادي شهر شهرين ثلاثه انا مو مستعجل عليها ، عندي سيارة ثانية

بعدها بيوم اتصل علي الفلبيني عندهم اسمه اكينوا وقال شغل يدينا 4500 من غير القطع

طبعا انا عارف انهم يردون اطلع سيارتي لانه ماحد فحصها ولا يدرون حتى مشكلتها ايش

المهم رفضت وقالوا ادفع 250 قيمة الكشف

قلت معصي سيارتي على حالها في الموقف ولا احد قرب منها ادفع لكم 250 ليش
طبعا حين ما شافني جاد وقلت ماراح ادفع ولا ريال والسيارة مفتاحها معي وراح اجيب الشرطة الان تعمل محضر ان السياره في مكانها ولم تدخل حتى الورشة

قال خلاص طلعها مانبي شي

المهم رجعت لورشة وقال شغل يدنا 200 ريال
واعطاني رقم القطعة
هنا اكتشفت استغلال الوكالة
رجعت لهم ابي نفس القطعة اللي قال لي سعرها 1600 ريال

اعطيتها السوداني اللي في قطع الغيار

قال سعرها 3700 ريال

قلت ليش كان سعرها 1600 ريال قبل يومين

قال هذا السعر الجديد من الشركة

تركتهم وطلعت

وقلت السالفة لواحد قال لا يهمونك هات رقم القطعه وانا اجيبها لك

هذا رقم القطعة ( AC93176626 )

دخل موقع على الانترنت وداخل رقم القطعة وهنا اكتشفت كيف صار الجميح من اصحاب المليارات

سعر القطعة واصلة للسعودية من 10 الى 15 يوم با ( 233 دولار ) 874 ريال فقط لا غير الاصلية كما بالصورة

وهذا سعرها من موقع ثاني

وهذا اسعار التقليد او ما يسمى عالمي وهو صناعة امريكية ولكن ليس اي سي دلكو لا يتجاوز سعرهم 90 دولار

طبعا قلت خلاني اشوف اسعار باقي القطع اللي سبق اشتريتها منهم

مراية السائق في الوكالة 3300 ريال

سعرها واصلة للسعودية لا يتجاوز 500 ريال كاملة وبالوكالة 3300 ريال

حساس الاوكسجين بالوكالة سعره فوق 600 ريال والحقيقي لا يتجاوز 105 ريال

فحمات فرامل ( قماشات ) هذي سيرميك العادية بالوكالة سعرها فوق 550 ريال للامامي وهذا

طبعا هذا الموقع وتقدرون تشاهدون الاسعار الحقيقية
http://www.carpartswholesale.com/

وايضا يوجد مواقع تبيع قطع غيار مستعمله ورخيصة جدا ومضمونه

طبعا الكثير يسال ايش الضمان ادفع فلوس ويمكن ما توصلني القطع

الجواب

الدفع يكون عن طريق paypal وهو موقع مشهور وان لم تستلم القطع تستطيع بكل بساطة الدخول موقع paypal

ورفض العملية وهم يتكفلون بمخاطبة البائع ان يرسل لك القطع او يرجعون لك كامل المبلغ لبطاقتك
وحتى لو قالوا مثل التسليم خلال 15 يوم
ومر 15 يوم ولا استلمت القطع تخاطب موقعpaypal وهم يخاطبون البائع بان يخصم لك قيمة الشحن او يعوضك عن التاخير

طبعا اي شخص عنده شك بالموضوع
يشوف قيمة اي قطعه اشتراها من الوكالة ويبحث عنها بالموقع ويشوف سعرها كم واصلة للسعودية

منقوووول __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قطع غيار وهياكل السيارات	محروم.كوم	منتدى أخبار المواقع والمنتديات العربية والأجنبية	0	11-23-2010 01:12 AM
تجربة شراء قطع غيار سيارة من الانترنت	محروم.كوم	منتدى أخبار المواقع والمنتديات العربية والأجنبية	0	10-01-2010 09:11 AM
نوفر لكم قطع غيار السيارات باقل من سعر السوق	محروم.كوم	منتدى أخبار المواقع والمنتديات العربية والأجنبية	0	07-22-2010 01:00 PM
قطع غيار السيارات الكورية - للبيع	محروم.كوم	منتدى أخبار المواقع والمنتديات العربية والأجنبية	0	07-06-2010 02:10 PM
وش رأيكم في شراء الجوال عن طريق النت	محروم.كوم	منتدى أخبار المواقع والمنتديات العربية والأجنبية	0	04-09-2009 07:40 PM