تجربتي السوداء مع اكسترا !!!!!

محروم.كوم · #1 08-29-2011, 02:40 AM

السلام عليكم ..

بقول لكم السالفه ..
انا شريت كاميرا احترافيه من اكسترا لعب علينا المصري اللي يشتغل ووصلها للسماء !!!
ويوم جينا نشتريها قال خوذوا ضمان السنتين بعد احسن لكم قلنا طيب وشريناها مع الضمان اللي هو زيادة 279 ريال ..
المهم خربت علي بعد شهرين يمكن صارت ما تطلع الصوره كلها وديتها لهم وقال لنا الهندي خلاص بوديها الصيانه وهم يرسلون لي تقرير بعد اسبوع وش فيها واكلمكم واقول لكم اذا اعطيكم بديل او شيء .. سآلته امي متى يخلص قال بخلصها لكم قبل العيد .. المهم دق علينا بعد اسبوع قال تعالوا خذوا البديل عاد انا استانست قلت بيعطوني شيء زين لمن تخلص ! عاد رحنا وانا متآمله وفرحانه يوم جابها انصدمت مررره !! معطينا وحدة صغيره تحوم الكبد مصديه حالتها حاله قامت امي قالت له انا ما ابيها وش اسوي فيها ذي .. جا مدير المبيعات وقال لامي خلاص انا اكلمك بكرى واقول لك متى نخلصها قلنا طيب . قعدنا ننتظر الصباح لا نمنا ولا شيء !!!! ما دق علينا سفهنا .. رحنا له اليوم قال ما تخلص الا بعد العييد !! وحنا كنا ناويين نسافر قبل يومين اجلنا سفرتنا الا ما تخلص لاني احتاجها !! رحنا له قعد يقول مو بيدي قامت عصبت امي عليهم قالت انا ماراح اطلع الا ومعي وحدة قالت له جب لي المدير وراح يناديه وعاد نفس الكلام ! ومن الوقاحه اللي فيه قالت له امي بشتكي عليكم ب وزارة التجارة ورد ب كل وقااحه عاادي اشتكي !! قامت قالت امي انا اجلت سفرتي عشانها وهذي معاملتكم لي للاسف !!! وقالت اخر مرره نشتري من عندكم وش فايدة الضمان هذا !!!!!! قام قال انا ما لي دخل قالت امي خلاص الشكاوى بتجيكم وتشوفون !! وحنا طالعين من كثر وقاحتهم قاعدين يناظرونا ويضحكون ويستهزؤن فينا !!!

والحين لا حنا سافرنا ولا اخذناها !!! صراحه معاملة تسد النفس !!!
انصححكم محد يشتري منهم تراااهههم كذاااببييين ونصااابببين ب معنى الكلممه !!
عاد انا ضااق صدري مرره وتحسفت قد شعر راسي اني اشتريت منهم للآسف !!!
بس حبيت احذركم منهم ومن معاملتهم الشينة !!
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجربتي لجهاز الجالكسي تاب 7 انش بنظام الزنجبيل 2.3.3 ومامميز فيه من تجربتي	محروم.كوم	منتدى أخبار المواقع والمنتديات العربية والأجنبية	0	08-18-2011 05:30 AM
اكسترا ديفيل	محروم.كوم	منتدى أخبار المواقع والمنتديات العربية والأجنبية	0	06-08-2010 11:50 PM
اكسترا ديفيل	محروم.كوم	منتدى أخبار المواقع والمنتديات العربية والأجنبية	0	06-04-2010 12:21 PM
العباءة السوداء السوداء و الكندورة ...........الى أين	محروم.كوم	منتدى أخبار المواقع والمنتديات العربية والأجنبية	0	05-17-2010 08:10 PM
[ طلب دعم فني ] : معهد اكسترا	محروم.كوم	منتدى أخبار المواقع والمنتديات العربية والأجنبية	0	09-25-2009 09:50 PM