ابنصح اللي مبتدي وينقد الناس

فتنـۂ الـڪِوטּ · #1 08-27-2011, 03:39 PM

السلآم عليكم ورحمه الله وبركاته . .

أبنصح اللي مبتدي وينقد الناس
ياخذ مع الايام والوقت دوره
لاصار نقده في محله فلا باس
أن كان ضايع مانطيعه وشوره
وأنا مع الامواج سابح وغطاس
وترا البحر ماكادني في عبوره
ترا الذهب مايباع في سوق نحاس
والعود الازرق قيمته في بخوره
أبنصح اللي يضرب اخماس واسداس
لايضيع في القسمه ويفشل حضوره
بعض العرب يكتب وبالشعر محتاس
قصده يسوي وسط الاعلان صوره
يمكن يصيبه بعض الايام وسواس
ويمكن مع الايام يفقد شعوره
وانا الى من دق بالصدر هوجاس
انضم قوافيها وأسطر سطوره
الشعر لاجا في معانيه حساس
ويربط على قو المعاني جسوره
لاصار ساسه في صخر يثبت الساس
قواعده وسط الجبال محفوره
عليه سور وداخل السور حراس
وراعيه نفسه للمسيّر فخوره
ليّه مع الطيب مواقف ومجلاس
أن زارنا ولا لزومً(ن) نزوره
راعي الكبر آخر حياته للفلاس
متكبرً(ن) في مشيته وبضهوره
تقول زول كليب في وقت جساس
بعض البشر مايعترف في قصوره
هاذا الزمان اللي به الوضع منحاس
قامت ثعالبها تحدى نموره
خل القلم يامسندي يمرس مراس
خل البيوت اللي تجيك محكوره
حنا نجيب جداد مانجيب دراس
والصدق بين الناس يشع نوره
واليوم شفت الذيل يضهر على الراس
وكل العلوم اللي نقول مخبوره
ترا الجسم ياخذ قياسه بالالباس
وترا الجمل يبرك على الارض زوره
ناسً(ن)تقول انها على قب الافراس
(الناس شاخت في ضلال اخو نوره)
مانيب حالك يالردي طابخ الفاس
خله على ناره يركب قدوره
وعنتر بسيفه كاتمً(ن) كل الانفاس
واخر زمانه خوفه قرن ثوره
والبدو لاجاهم من القفر عساس
شدو لجوً زاهيً في زهوره
مافكرو باللي ملايينه أكياس
ومافكرو باللي يزخرف قصوره
بيت الشعر ماصك بابه بترباس
مشرعً بابه وضيفه يزوره
ويحط فيه الكيف ويحمس المحماس
في ربعته محلى تقانب نجوره
هاذي حيات البدو يوم البدو ناس
يوم الطرب واللي مضى من عصوره
وصلات ربي عد ماهب نسناس
أعداد من صلى الصلاة بطهوره

على محمد مضهره خيرة الناس
وأعداد حجاجً لبيته تزوره

للشآعر : سعد سالم

__DEFINE_LIKE_SHARE__

zoOoOoz · 08-27-2011, 03:55 PM

صح لسان الشاااعر ..

تسلمين خيتووو ع الطرح..

نترقب اليااااي و اليديد منج..

تحياااتي.. __DEFINE_LIKE_SHARE__

joode M · 08-27-2011, 07:15 PM

هاذي حيات البدو يوم البدو ناس
يوم الطرب واللي مضى من عصوره

صـح لسـآن آلشـآعر ولآ هـآنت آيـدج ع آلنقـل . .

آبدعتـي فـ آختيـآرج للقصيـده . .

تقبلي مـروري آخـتج >> joode M

وآلسـموحه منج . . __DEFINE_LIKE_SHARE__

الغضي الياسي · 08-28-2011, 01:01 AM

وعليكم السلام ورحمة الله وبركاته

آبيات مذهبه بمعانيها ,, الشاعر يخاطب فئات من المجتمع صار الخطىء في حق الغير عندهم تسليه ,, والكلام عن الناس في اعراضهم او تصرفاتهم صار عادي وبدون تثبت ... الله يهدي الجميع

شكراً على نقلج .. بانتظار قصيده من كلماتج

الياسي __DEFINE_LIKE_SHARE__

فتنـۂ الـڪِوטּ · 08-28-2011, 04:05 PM

مشكورين َ ومرحبابكم __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ابنشد اللي يبخصون الصقاره	محروم.كوم	منتدى أخبار المواقع والمنتديات العربية والأجنبية	0	06-04-2010 03:40 PM
ابنشد اللي رمعته تقدح شرار	محروم.كوم	منتدى أخبار المواقع والمنتديات العربية والأجنبية	0	05-04-2010 09:02 PM
برنامج يقوي صوت الحاسوب 10 اضعاف وينقي الصوت	محروم.كوم	منتدى أخبار المواقع والمنتديات العربية والأجنبية	0	05-30-2009 06:10 PM
اشوف الناس غير الناس و انت اللي مجنني	G I R L	المسنجر وملحقاته , توبيكات , ماسنجر بلس , msn	24	03-06-2009 09:01 PM
أبويـ أبتدى وخاليـ أقتضى ومن شقـ جيبـ الناس شقتـ الناس جيبهـ ]	ĝŘềξБ ễĺ đǻŗ	التراث والحضارة	16	12-20-2008 12:23 AM