#poem_4e55a0da6a4fc td {font-family: Tahoma, Verdana, Arial, Helvetica, sans-serif;font-size: x-large;font-weight: bold;} للجميع اغلى تحية واحترام واحمد الله يوم جات بوقتها يقبل الله منكم صيام وقيام واعذروني عن ليالي غبتها للكتابة ماحفظت الالتزام والقصايد ماقدرت بصمتها واحمد الله انها بزين الكلام ماتعديت الحدود وطفتها والسهام الله كفانا من السهام وابعد عيون الحسود و شمتها والهموم اللي غدت مثل الركام الله اللي ساق ريح تزتها لحكمت تفرج من اللي ماينام جابها اللي له فروض بوقتها فالكم يالطيبين الابتسام ابشروا باللي لذيذ(ن) حمتها جاكم الفري من المشرق غمام وبعده القمري باعالي نبتها ولنتهى جهز زريقك والحمام وودع قيوض الليال وغتها وجهز الموتر بعد شهر الصيام ووجهه يم السهول وخبتها من صبر صبرك انا اشهد مايلام ماطول ايام المقيض وكبتها والمشوره عندك رجال حشام كالدرر وسط البحور ان عمتها والله يجيب المطر في كل عام وكل ديرة ترتوي من بختها ومني اصافح يديكم بالسلام واعذروني عن ليالي غبتها