مشكلتي مع خوالي من الحرمه الثانيه >>> مشورتكم تهمني

محروم.كوم · #1 08-23-2011, 05:50 AM

السلام عليكم ورحمة الله وبركاته

كيف حالكم يالربع عساكم بخير

حبابيبي بحكي لكم مشكلتي راجيا من الله ثم منكم الحل , , ,

جدي من أمي متزوج حرمتين

الأولى بنت حلال وطيبه الي منها أمي

و الثانيه الله لا يوريكم

سحليه من تحت لتحت

طيب حصل موقف قبل أربع اشهر

أهلي راحوا للسوق وانا صحيت من النوم وما دريت عنهم وين كان موجود فقط جوالي

دقيت عالوالده قلت وينكم قالت مع خالاتك بالسوق الفلاني ( تقصد خالاتي اخواتها )

قلت طيب بجيكم لانك مقفله ع محفضتي ومفتاح سيارة بجوة البيت

طيب رحت لبيت خوالي برجلي لانع قريب مننا لجل ادور سيارة واورح للوالدة بالسوق

يوم وصلت لبيت خوالي حصلت جمس السواق شغال

سالته قلت وين رايح

قال بروح ودي موأاد ( يقصد معاذ ) في سوق قلت اوكيه ركبت معه شوي جا خالي معاذ ذا الي عمره 12 سنه

ها يا ولد وين رايح والله بروح السوق طيب خلاص ركبت بالجمس ومعاذ ورى شوي جات السحلية

وركبت وما اسمع إلا صراخها ولد اطلع برى الجمس :thumbdown اسلوب وقح يدل ع وفاحة وعدم تربيت الشخص

طيب يا خاله وتقعد تصارخ وتناهق قلت هي لا يكثر هرجك امي ما صارخت علي مثلك بس يالله ودهم يا سيد (( الي هو السواق )) وبعدين تعال ارجع لي وودني السوق للأهلي

قال خلاص
صكيت باب الجمس > اشك انه نزل بيدي

مرت الايام و الشهور إلى قبل يومين جات جدت امي لبيت جدتي ^_^

وطلعت ذي السحلية لبيت جدتي من أمي >> ساكنين بنفس العماره جدتي و السحليه ذي

تصوروا يا جماعة الخير

جالسة تقول

انت ما تربيت انت ما تستحي انت قليل الأدب

انت خساره تكون ولد أبوك أحمد

شوي جات امي الضعيفه وجالسه تقول بوجهها

انت ما عرفتي تربي و الله ولا ربيتي عيالك

تصوروا يا جماعة الخير الكلام ذا كله بحضور أكبر واحد من خوالي وبحضور جدتي وبحضور جدة امي

لا و المصيبه العظمى هي الي جايه لبيت جدتي وجالسه تسب وتنهق فيه

طيب اوكيه

صارت تقول انت ما تصلي انت ما تصوم

إلى هنا وبس انا من اول صاكت احترام للموجودبن واحترام لجدي الي ربي بلاه ومدري كيف تزوج

مثل ذي الأشكال

قلت له اصوم افطر اصلي ما اصلي بيني وبين ربي ومالك دخل

واذا امي ما تعرف تربي انت ما تعرفي وش معنى كلمة تربيه

طبعا قمت من القهر لان حسيت لو كثرت بالكلام بصم والدينها بكف يعدل راسها وحكيها

طيب حسيت بالوضع متكهرب اخذت امي للبيت وصلتها ونسيت جوالي بالشاحن ببيت جدتي

رجعت لبيت جدتي عقب ما وصلت امي

يوم رجعت لبيت جدتي شفت ولدها التنح طارق واقف عن الباب قلت السلام عليكم ما رد السلام

قلت في نفسي السلام لله ماهو لشكالك

عديت وطنشته شوي الورع شبك معه سلك العصبيه وقال يا ورع يا بزر تنافخ على امي وتضربها الحين وانا طالع مع الدرج حق العماره ما اصحى إلى الجمع الي جا بضهري

لديت فيه واصنه ذاك الكف قال تضربني حسيت نفسي بفلم هندي قال طيب طيب

مسوي قوايه ها

قلت اعلى ما بخيلك اركبه

طلعت فوق اجيب جوالي جبت يوم جيت نازل لقيت ولد الماما مجمع عيال قدام بيتهم ولا 12 واحد وانا لحالي

قلت في نفسي الهياط يا ولد ما ينفع دقيت على ابوي قلت تعال مرني ببيت خوالي مرني الوالد وركبت سيارتي وجيتك ماشي

وراه

من بكره مر طارق ذا بحارتنا شاف اخوي لحاله الصغير وتضارب معه

بس اخوي معه خوياه ولسعوه وانكسر قزاز سيارة طارق

يا حرااام , %_%

طيب من اليوم الثاني دقيت على اخوه الصغير

بتفاهم معه ماهي بحلوه تكبر السالفه

قال امي نزلت تحت تبكي وانت ضربتها وسبيتها

قلت انا الي عندي قلته لك لا سبيت ولا ضربت صاحي انت من جدك

قلت اسأل الي كانوا فوق موجودين

قال هذه امي مقدر اكذبها قلت الله الله ما تروقها ما كأنك أول تسبها قدامنا وتلعن فيها

الحين عرق البر شبك معك

قلت حتى انت سبيت ابوي قال ايه سبيته وماني بخايف يا ولد البابا

قلت نعم ,,؟؟؟؟!!!!

تعال تعال صارف لي هياط انت ووجهك تعال انت وخوك

قال طيب الحين جايك

والله واطلع لسيارتي واخذ السكين والف عليها بيدي بلصقه لجل ما تنسحب مني وقت المضاربه

و اخذ الربع واحطه بجيببي لجل لا صار شئ ولا شئ طلقه بالرجل ولا باليد تسكته

جا هو واخوه

قدام خوياي

بتفاهم مع طارق ذا بقله عيب ياخي طنشني
قلت على تبن

شوي جالس يهرج محمد ذا الصغير قال اشبك صارف هياط

المهم وتقوم المضاربه

خوياي يفككو وانا اعوذ بالله شياطين الأرض تناقز قدامي تصوروا هذا الكلام كله الساعه 11 الصباح وانا صايم

والله واطعن بالكبير ذا بيده وبرجله

مشيت عاد انا وقلت لواحد من العيال بالله دقوا ع الاسعاف يشيل الزباله ذا

لا يموت علينا

-------------------------------------

غايت الموضوع يالربع تشوفون علي خطأ ,, , ؟ ؟

طبعا جات الدوريه وجدي تنازل بس ابوي يقول روح اعتذر لهم قلت اييييه هين يا يبه

المشكلة حاولت اصلح اصلح بس كل واحد يهايط اكثر من الثاني

و هم الي جوني لحد بيتي , ,%_^

بس ربكم ستر السلاح ما طلع ولا كان فيها حبس

المشكلة الحين الأشكال الي زي كذا ماني بعارف اتعامل معها

ابوي يقول لا تروح لخوالك الي هم اخوان امي الأشقاء .. لانهم ساكنين بنفس العماره قلت و الله صعبه

اقطع علاقتي مع خوالي سبة اشكال مثل كذا

وبيني وبينكم ودي اقطعها

وثالث شئ الحق العام تتوقعوا كم يصدر بحقي ..؟؟ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مشكلتي مع جوالي !!	محروم.كوم	منتدى أخبار المواقع والمنتديات العربية والأجنبية	0	05-01-2010 03:00 AM
مشورتكم تهمني Ford f350	محروم.كوم	منتدى أخبار المواقع والمنتديات العربية والأجنبية	0	03-18-2010 05:10 PM
الخرمه ، نبذه عن محافظه الخرمه بالصور	محروم.كوم	منتدى أخبار المواقع والمنتديات العربية والأجنبية	0	09-07-2009 01:10 PM
الله يخليكم ساعدوني في مشكلتي مع جوالي Sgh-f480	محروم.كوم	منتدى أخبار المواقع والمنتديات العربية والأجنبية	0	06-13-2009 05:10 AM
تكفون حلو مشكلتي جوالي مايرسل رسايل قصيرة n82	محروم.كوم	منتدى أخبار المواقع والمنتديات العربية والأجنبية	0	04-09-2009 09:50 PM