حصل عندي مشكلة في مكيف السيارة صار حار ورحت لمحل التكييف وقال بسيط بس فريون خلص ... عبى فريون بـ 200 ريال أمريكي وبعد شهر رجعت نفس الحالة ورحت لمحل تكييف وتبريد غير الأول في منطقة ثانية وحكيت له القصة قلت ممكن يفهم مني شي وقال طف المكيف ودخل يده على الكمبروسر وقال الكمبروسر خرب ... قلت يتصلح قال لا يامن التشليح أو جديد ... قلت بشوف وبرجع لك ,,, رحت لأكثر من واحد وقالوا نفس العطل ،، بعد كذا قلت بآخذ جديد أفضل من التشليح مايعطون ضمان أكثر شي أسبوع ومارايح يبين خرابه في أسبوع ... رحت للشركة وإشتريت واحد بعد الخصم بـ 3200 ريال ورحت للمهندس الأول لأنه بجوار الشركة وأخوه في الشركة كهربائي .. المهم ركب الكمبروسر وعبى فريون بس حصل مشكلة إن الكمبروسر مايفصل على طول شغال ،،، قال بروح لأخويه بشرح له الوضع رحت أنا وياه لأخوه وشرح له كل شي قال هذه الترمستات قلت يالله نغيرها رحنا للقسم القطع قالوا ماتحصلها قال المهندس يالله نروح المحل إذا هي أنا بولف لك وبحل المشكلة قلت يالله رحنا المحل شغلت المكيف وفصل الترمستات ومافصل الكمبروسر والمفروض يفصل ... المهم إحترنا وقال هذه المشكلة مايحلها الا الشركة رجعت لأخوه وقلت له على كل شي قال والله ألحين ما أقدر أسوي لك شي لكن خامس العيد تعال ودخل سيارتك الشركة ونشوف ...
للمعلومية السيارة على يدي من أول ماجبتها من أمريكا ما عمل فيها شي .