سالفتي فبيت الرعب انا واختي (وافي مول)

~~اڷإمـآرآتيـﮧ~~ · #1 01-27-2009, 06:18 PM

كتبت هالقصه اللي استوت فعيد الاخير
ما كنت ابي اكتب بس اختي جبرتني
لان نحن كل ما نمشي فوافي مول نموووت من الضحكـ

فعسب جيه كتبت لكم القصه ^^

اللي ضحكني اكثر شي يوم سرت بيت الرعب فوافي مووول

طبعا انا واختي كنا مترددات لدرجه فظيعه قبل لا ادخل. والحرمه اللي تشتغل طبعا عصبت علينا
كل ما اجدم خطوه ارد 10 خطوااات لووول
المهم تمينا هالحاله ربع ساعه ترا ما يستوي نطلع خلاص الا يوم نمر داخل بيت الرعب
عقب العناد الشديد دخلوا واحد مواااطن والثااني زلمه ويانا
اول ما دخلنا كان مواااطن طبعا اول واحد واختي الثانيه وانا قبل الأخيره والاخير الزلمه الله ياخذ ابليسه طلع يخاف اكثر منا لوول

اللعبه كيف؟
لازم نلحق ورا الريال صاحب البجلي عسب ما نضيع والي ورانا بيكون صاحب المنشار>> الي يقطع شيره
المهم قال صاحب البجلي اول ما اعد 1-3 اركضوا
يوم قال 3 انا اول وحده طرت مادري كيف الزلمه غلبني المهم تميت امط قميص الزلمه من الزياغ ما ابي اضيع
لين ما وصلنا صوب المقبره والاخ صاحب البجلي يتفلسف اونه المقبره تعود لسنه 1932 وانا وياه عالخط وجان اصد ادور اختي ما لقيتها

هي والمواطن ضاعو طبعا قلت حق الصاحب البجلي يدور اختي وتميت ويالغبي الزلمه لوووول

run اول ما حصل اختي والموااطن قال
وانا اهني تيبست لاني تعودت اركض ورا صاحب البجلي وهالغبي الزلمه شو سوا

واقف يطالع يمين يسار اونه اي صوب اركض

عصبت عليه الله يلعنك خوز عني صاحب المنشار بيقطعنا
ويوم اركض مادري شو بلاي خفيت من السرعه فتميت آخر وحده >> سياره شو؟ خخخخخخ

المهم الموااطن جدااامي حضرته يتمشى عراااحته وانا من الزياااغ مطيت غتره اركض الله يلعنك ان شالله
ونحنا نركض وشادين حيل هالموااطن غبي متفيج يركض ويرقم لووول وانا اركض اضحك والله انه غبي هههههههه
المهم لين ما وصلنا المخرج ومو مستوعبه ان اللعبه خلصت تميت اكمل الركض لوووول

تمييت ايلس اتنفس آخذ نفس من الزياااغ بعد دقايق . يا صوبي موواطن اللي دش ويانا استغربت ليش يا صوبي

تعرفون شو قال لي؟

لوووول

قال لو سمحتي اختي ممكن عقالي اللي فايدج لووووول
والله انحرجت والزلمه يطالعني من طرف عينه لووول لان قميصه استوا وسييع هههههههه

وطبعا اختي الوحيده الهبله آخر وحده طلعت كانت اتسولف ويا راعي المنشااار لووول
والجماااعه اللي يشتغلون استغربوا لان نحن اسرع مجموعه حطمنا رقم القياسي ما مر 5 دقايق وطلعنا

والمعدل الوقت تقريبا ثلث ساعه

ابا راايكم __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سلامه وشما واختي	3layah shamma'	الشيوخ و رؤساء الدول	20	04-22-2010 08:37 PM
حصريا الرعب الحقيقى ولعبه الرعب الجامد جدا 2009 Killing Floor	محروم.كوم	منتدى أخبار المواقع والمنتديات العربية والأجنبية	0	06-05-2009 10:30 PM
سالفتي بالزواج [ اقتراحاتكم ]	محروم.كوم	منتدى أخبار المواقع والمنتديات العربية والأجنبية	0	05-27-2009 03:10 AM
سالفتي بالزواج [ اقتراحاتكم ]	محروم.كوم	منتدى أخبار المواقع والمنتديات العربية والأجنبية	0	05-27-2009 03:00 AM