هًـَاْتْ اِلْقَـلَـْمْ بًـًْكْـٍتٍـبْ وٍصٍيًّـةْ مٍـٍمًـًاْتٍـٍيْ,,, Noteyaah

noteyaah · #1 01-25-2009, 02:11 PM

السًـًلاْمْ عَلِيِـِكٌـمْ وً رَحْمًةٌ الًلًّهِـِ

شَحًالْكُمْ عَرَبْ زًاْيِدْ؟؟ رَبْكُمْ بٍخٍيِرْ

إِنْ شَاءْ الَلُّهْ مِنْ اليُوْمْ بَسَدًحْ عًلٍيكُمْ يًوْمِيَاتٍيْ

عَشَاْنْ نِتْعًرَّفْ عَ بَعَضْ أَكْثَرْ وُأكْثَرْ ...>>>> لَاْ تِخًبْرِيِنْ حَدْ هع
إِنْتَظِرٌوٌوٌنَـَـَـَاْ

رًبِيْ يِحْفَظْكُمْ __DEFINE_LIKE_SHARE__

noteyaah · 01-25-2009, 08:13 PM

مَسَــاْءْ الْخِـِيْرْ

الاسم,, نوتيــه

العمر ,, ابتدى عمري بشوفك يا بعد كل العمر

المهنـــه ,, طالبه في كليات التقنيـة ( كورس وبتخرج هع),,؟!؟

مديـــنتي ,, العين دار الزين

هواياتي,, قراءه + كتابة الشعر والخواطر,, التسووق ,, السوالف والقرقره لووول

شخصيتي,, اممم مزاجيه نوعا ما ,, عصبيه وفي نفس الوقت هاديه

احــب ,, اللمه والتجمعات ,, الطلعات خصووصا البر ,, احب الصدق والروح الحلوه في الشخص

اكــره ,, الكذب ,, الخيانه ,, الروتين اليومي ,, الدراسه والبروجكتات ,, الازعاج وصوت اليهال اذا زاد عن حده

هذي نبذه بسيطه عني

__DEFINE_LIKE_SHARE__

noteyaah · 01-26-2009, 12:11 PM

مدخــــل
البارحة ربي كتب لي ومريت ..
..دربٍ عليه بروق الأحباب لاحت

جيت المكان اللي جمعنا وخفيت ..
.. وقامت جروحي للجوارح وصاحت

ياليتني في لفة الدرب زليت ..
.. كان العيون من الدموع استباحت

التم غيم الدمع من يوم لفيت ..
.. وورقا القصيد لشوفة الغيم ناحت

احداث صارت في الاجازه
بكتب لكم احداث صارت لي ف هالاجازه شي منها اثر فيني وشي منها لا

عرس وحده من بنات الشله,,
رحت عرس ربيعتنا من عقب ما كنت متردده اسيرله ولا لا .. بس اخر شي سرت لاني ادري بها بتزعل,, سرت انا وكم من بنت من الشله

المفاجئه اللي عرفتها بعد العرس انه ريلها واخوانه ربع لعمي وابووي ^,^ وانا ما كنت ادري

تؤم روحي
خلال هالاجازه تلاقيت وياها من عقب مرور اكثر من 4 شهور وانا ما شفتها .. ربي يحفظها وين ما تكون .. واحب اقولها يلا اتريا خبر وصول ولي العهد ^,*

اغلى من مر بحياتي
ما اعرف شو اقول ,, كل شي انتهى وراح ,, انصدمت باشياء واشياء ,, ومن عقب ما كنت اغلى انسان صرت اتفه واحقر انسان عرفته,, واحب اقولكم ترا الحب مب كل شي في هالدنيا

لا تخلون حياتكم مجرد شخص حبيتوه ,,لانه لو صار شي لا قدر الله بتنتهي حياتكم بنهاية هالشخص ,, تجربه تعلمت منها وايد

ما توقعتها
خلال هالاجازه ,, شفت ناس عمري كله ما توقعت اشوفهم ,, ما توقعت يفصل بيني وبينهم طاوله وكراسي ,, كنت راسمه في خيالي صوره ثانيه عنها ,,كنت ابا اسير عندها ابا اتكلم وياها بس ما يتني الجرأه ,, ربيعتي تقولي سيري سلمي عادي ,, اي عادي وانا لساني انربط لما حسيت انها هيه

صدق ان الدنيا صغيره ,, تجمعكم بناس ما تتوقعون انكم تشوفونهم

في هالاجازه ,, واول اجازه اكون فيها نشيطه ,, انش من وقت وارقد من وقت ,, ودرت السهر ورقاد لين العصر ,, هالشي المفيد اللي سويته بعد في هالاجازه

هاي بعض الاحداث اللي صارت ,, وقربت اتخلص الاجازه ونبدا في الدوام .. استغلوا اخر الايام هع

مخـــرـج
وأنا أحسب إني في فراقه تشافيت ..
.. وان عبرتي من مدخل الزاد زاحت

اللي يحسب إني على البعد سجيت ..
.. والا ان عيوني للرقاد استباحت

ياليتني من قبل لا أحبه اقفيت ..
.. والا ان دروبي عن دروبه تناحت

أهون علي من البكا والتناهيت ..
.. وأشلا من سدودٍ على الناس باحت

__DEFINE_LIKE_SHARE__

noteyaah · 01-26-2009, 12:15 PM

ذنبي من يتحمـــله

قصيده عيبتني واحسها جريبه مني

انته ولا هالزمن ذنبي من يتحمله
والجروح اللي تعذبني وعيت لا تطيب
ياللي تارك لك حبيب كيف تقوى تهمله
صاح لك بالشوق لكن مالقى منك مجيب
والزمان اللي رمى حمله علي واتحمله
حالف يرضيك فيني ويدمي القلب العطيب
صاحبي ماهي النهاية للحكايه تكمله
شوفها بدمع العيون واسمع لصوت النحيب
حظي اللي من رحلت وعاجز اني اعدله
انكتب لي هالنصيب وما تخيرتك نصيب
كيف تنطق لي كلام وانته نفسك تجهله
كيف ابني بك وطن حلم وتصبحني غريب
كيف حتى طيفك اللي في الغياب اتخيله
يخدع الاشواق فيني لين احس انك قريب
وارجع اشتاق واحن ويبتدي من اوله
اللقا والابتسام وترجع في قلبي حبيب
يهزني الواقع ويصحيني زماني واساله
وألمحك والحلم في يدينك وتقفي به تغيب

الامير سعود العبدالله الفيصل __DEFINE_LIKE_SHARE__

noteyaah · 01-26-2009, 07:21 PM

مَـَدْخًـًلْ,,

ياليت الايام ترجع نفس ماكانت
عشان نفسي تريح من بلاويها
ايامنا السود ف(اخر)وقتنا بانت
والنفس معاد تلقى اللي يسليها
شان الدهر والليالي عندنا شانت
وشانت نفوس البشر ياصاحبي فيها

اليوم : الاثنين ,, 26/1/2009

الساعه : 7 مساء

استمع إلى : شلات عيضه + محمد بورحيمه

اليوم كان عادي .. نشيت ع الساعه 10 ونص ( اول مره انش هالوقت ) خذت شور ولبست ونزلت تحت .. سلمت ع ماماتي وخالتيه كانت عندنا .. يلست اشوي وياهم وخلاف رحت غرفتيه ,, شغلت اللاب ابا ادش المنتدى ,, جان اكتشف انه النت مقطوووعه دقيت ع اخوي وقلت له .. قالي يوم بفضى بروح ارده ..

بندت اللاب وقمت ارتب الغرفه وخلاف سرت اجيك ع الفون .. شفت مسجات واتصالات من ربايعيه .. كنت بسير الكولج عشان اشل رساله التدريب .. رمست وحده منهن قلت لها ما بسير الحين مالي خاطر اظهر

وعقب يلست اقرا مجله فواصل وخطف الوقت وما حسيت بعمري الا راقده

نشيت ع الساعه 3 ونص ,, قمت صحصحت وتوضيت بالمره وشغلت اللاب اشوف ردوا النت ولا لا .. الحمدلله ردوها

صليت العصر ونزلت لقيت ماماتي في المطبخ ,, قلت لها ماماتي شو تسوين؟؟

ماماتي .. بسوي بسكوت لاخوج فلان مشتهنه ..

انا.. كيف بطرشينه ؟؟ ( ترا اخوي في لندن يدرس )

ماماتي .. ولد خالتج بيسير ع الويك اند

قلت لها خليني انا بسويه ..

طالعتني .. قالت لا انا بسويه .. يلست اساعدها ..

ماماتي ربي يحفظها ويطول بعمرها ,, تحب اتسوي كل شي بايدها نادرا ما تعتمد ع الخدم

تخليهم يسون الاشياء الثانويه ..

الموهيم ,, يلسنا انسوي

وطبعا ما نسيت اصور لكم

هنيه قبل لا ادخله في الفرن

وهنيه عقب ما ظهرناه من الفرن

عقب ما خلصناه

خذت لي اشوي وحطيت وياه نوتيلا

خلاف قلت للخدامه تسوي جاهي حليب

وشليت لي كوب والبسكويت

وقمت اصلي وابدل ثيابي لانه ريحته كله طبخ ,, الخدامه كانت تسوي فطور لاختيه

وانا ما احب ايلس ف المطبخ يوم حد يطبخ بس شسوي بغيت اساعد ماماتي فديتها وخاطرت لوووول

المهم دشيت المنتدى وكتبت يومي

والحين بسير اخذ لي لفه ع المنتدى

مَـَخْرًجْ,,

ان كان هانت عسى وان كان ماهانت
باقي من اهل الوفاء ناس(ن)نخاويها
والحزه اللي ابيها من زمن حانت
وصيت نفسي ولا ادور موصيها
وعند النهايه هني الساجد االقانت
اللي يصلي الصلاه ولايخليها

__DEFINE_LIKE_SHARE__