قصيده حزينه تبكي القلب

_KinG_ · #1 01-15-2008, 10:02 AM

قصيده حزينه تمزق القلب
السلام عليكم ورحمه الله وبركاته قبل لا تقرونها لازم تعرفون قصه القصيدة.... واحد اسمه خالد جاه مرض و قالوله انه بيموت كتب الشعر لصديقه يقول له فيه انه يحب حبيبته و يبي من خويه هذا انه يخليها تنساه اقرأ القصيده والله تستاهل .... وراح تعرف معنى الحب الصادق

وصاتي لك من بعدي ........ تموت فيها علشاني
ابيها تعيش و تحيا بك ........ واظل بالذاكره مفقود
وصاتي لك تنسيها ........ ملامح وجهي و تنساني
وتعزفها قصيدة حب ........ على عكس اللي عزفته بعود
وصاتي لك تبعدها ........ عن اشعاري وقيفاني
تراها مغرمة بالحيل ........ ويشهد لي عدد الردود
وصاتي لك تسايرها ........ ترى فيها من احزاني
طلبتك لايضيق بالك ........ طلبتك والطلب مردود
وصاتي لك تناديها ........ حياتي..عمري..ازماني
انا عودتها دايم ........ ادلعها وانا موجود
وصاتي لك تعاملها ........ بطيبه قلب و احساني
تراها تذرف الدمعه ........ ودمعتها بليٌا حدود
وصاتي لك تحفظها ........ سور وآيات قرآني
وتخبرها عن الميت ........ رحل لايمكنه بيعود
وصاتي لك ترسمها ........ على قبري وأكفاني
ا بيها لوحة تبقى ........ على طول الزمن محدود
وصاتي لك تمازحها ........ وتشوف الضحكة بأسناني
سعيتك ياضحك هالكون ........ طلبتك لاتصير جلمود
وصاتي لك تقهويها ........ من دلالي و فنجالي
تراها تعشق السمرا ........ ويكفيها دخون العود
وصاتي لك تركبها ........ على خيلي و على حصاني
وربي فارسة من قلب ........ شهادة ماهي لشهود
وصاتي لك تسفرها ........ بلاد الشام و لبناني
ترى يحلالها تقطف ورده ........ وردة من بلد الورود
وصاتي لك تراقصها ........ على الحان رحباني
ترى فيها عرق خالة ........ وفيها من جنون السود

وصاتي لك تحببها ........ فأبونورة بعد هاني
وتنسيها ندم غلطة ........ انا فيها ترى المقصود
وصاتي لك تكرهها ........ في تاريخي و عنواني
أبيها تلعن اللحظة ........ وتلعن كل فرح موعود
وصاتي لك تكلمها ........ عن المجني وعن الجاني
وتخليني انا الظالم ........ وانا من حرق الاخدود
وصاتي لك تشبهني ........ بدم أحمر قاني
وانا هالقاتل السفاح ........ مجرم من عصر نمرود
وصاتي لك تحلفها ........ تتوب تحبني ثاني
ترى يكفيها ماعانت ........ ويكفي حيلها مهدود
وصاتي لك تنسيها ........ وصية قالها لساني
أنا اخبرك رجل موقف ........ وانت قدها وقدود
صديقي مالقيت غيرك ........ يعرف وشلون تنساني
أمانه ضمها بقلبك ........ ترى خالد....رحل مايعود

هذي هي الدنيا الطيب مايدوم والصادق والخير
لكن هل في حب جذي فعلا؟
حتى الرجال قبل لايموت حاول ان يخلي حبيبته تنساه بأي طريقه عشان ماتتعذب
صراحه الله يعين هالصديق اللي يقدر يوفي بتنفيذ وصيه صديقه والله يعين المحبوبه ... اذا قرت هالابيات وتقدر تنساه العكس راح تحبه اكثر حتى وهو ميت
والله يرحمه
__DEFINE_LIKE_SHARE__

المتفيـ ج ـة · 01-15-2008, 04:27 PM

الله يرحمه .. نادر يوم انحصل حد جي .. ..

تسلمـ اخويه على هـ النقـل الغآآآوي .. __DEFINE_LIKE_SHARE__

_KinG_ · 01-16-2008, 01:32 PM

المشاركة الأصلية كتبت بواسطة المتفيـ ج ـة

الله يرحمه .. نادر يوم انحصل حد جي .. ..

تسلمـ اخويه على هـ النقـل الغآآآوي ..

ويرحم الجميع

هيه والله صدقتي خاصه هلايام

الله يسلمج ولاتحرمينا من الطله __DEFINE_LIKE_SHARE__

.: الـشـامـخ :. · 01-15-2008, 04:28 PM

السلام عليكم

تسلم يمناك على النقل

وتقبل مروري

@@@ أخوك @@@ __DEFINE_LIKE_SHARE__

εïз~اَلِمَيّث}● · 01-16-2008, 04:41 AM

صح لسان الشاعر

والله يعين ربيعه ع الوصيه الصعبه

ربي يعطييك الف عافيه ع الطرح

ولاهنت الشيخ

نترقب كل يديد من جداك

والسموحه ع القصور

اختكم

الميث

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رنة موبايل حزينه تبكي القلوب القاسيه	محروم.كوم	منتدى أخبار المواقع والمنتديات العربية والأجنبية	0	07-03-2010 06:30 PM
قصيده حزينه و تعور القلب >>>> بسرعه ادخلو	لا للحب	الشعر المنقول	2	02-27-2010 10:03 PM
قصه حزينه في برنامج الجماهير, قصه تبكي القلب	قمر ام القيوين	قصص و روايات	1	02-04-2009 02:37 PM
قصه حزينه في برنامج الجماهير, قصه تبكي القلب	мžιόùη.ŭāэ	قصص و روايات	53	02-04-2009 02:05 PM
اغنيه كلاش(احبك يمه) حزينه تخليك تبكي	نـ السنيوره ـوره	اغاني , شلات , هبان	41	10-23-2008 03:17 PM