>>..يقول من عدا على قمة الشووووووق..<<

دانة الكويت · #1 01-23-2009, 04:54 PM

[align=center]السلام عليكم ..

قصيدة روووووعهـ لعيون اعضاء محروووم بس

يقول من عدّى على قمة الشوق ***** قمة مجانين الهوى والتحدي

يا مل عينن شاقها صافي الموق ***** الصاحب اللي بيّح اليوم سدي

عز الله إني بالوصل مالي احقوق ***** أو وعز الله انه بالجمال امتعدي

لا صار جافيني وانا فيه مطفوق ***** لا شك ابارد* عد في خد خدي

بفياض روض تداعب اغصانه النوق ***** وعود النفل يرقص طرب فوق خدي*

لكن انا لي غايتن تردع الذوق ***** صدّت وانا انادي اسبوع لدّي

بسمّعك بيتن ترى سايقه سوق ***** بيتن على شين الطبايع مردي

ماهوب لي ولكن يناسب العوق ***** بالأمس فازعلي* وهالحين ضدي

(( روّح مراويح القطا لارتفع فوق ***** رح يا عساك بروحتك ماتردي ))

العين ملت والمعزه لها احقوق ***** وان كان ترجعلي ترى كان ودي

النفس طابت وافتهم خط مرفوق ***** غرفت من زين التعابير ردي

على الذي قلبه كما غصن وعثوق* ***** يابس غصون وعثقهم مايندي*

دنيا تقلب مالها شرط ماثوق* ***** يشقى بها اللي خابرينه يسدي

الشاعر : عيسى العبودي
-----------------------------------------------------------------------------------------

ها شرايكم؟؟

بس قبل خل اكتب رايي

القصيدة بصراحة روووعة :]

وتعجبني الأمانة عند الشاعر..

ماهوب لي ولكن يناسب العوق

وهالبيت عاجبني حييييل اللي يعرف منو اللي قايله لا يبخل علينا

(( روّح مراويح القطا لارتفع فوق
رح يا عساك بروحتك ماتردي ))

والقطا نوع من الطيور

وهالطير ماادري شمسوي بالشعراء وبقصايد الغزل خصوصا.. وأتذكر بيت من أجمل الأبيات اللي قريتها بالقطا هع قصدي بالغزل

أسرب القطا هل من معير جناحه***** لعلي إلى من قد هويت أطير

تصدقون عكس بعض البيتين ! واحد يبي يطير نفسهم عشان يروح لحبيبته والثاني يقول حق حبيبته
طيري نفسهم ولا تردين وفكيني منج ههههه <<هذي القطا وما تسوي خخخ

وهذا البيت بقمة الروعة:

على الذي قلبه كما غصن وعثوق ***** يابس غصون وعثقهم مايندي

وهذي بعض الكلمات قلت يمكن تكون صعبة او بعض الناس ما يعرفونهم حطيت معانيهم حسب ثقافتي المحدودة:

يا مل عينن*: مثل يا مل قلبن يعني من لقلبٍ وهني معناتها من لعينٍ

ابارد*:يعني أبي أورد

خدي*: الارض

فازعلي*: من الفزعة

عثوق*: اغصان النخل= عثق والجمع عثوق

عثقهم ما يندي*: غصنهم ما يثمر

ماثوق*: موثوق

بس في بيت يقول خد خدي ما ادري يعني شنو! (كويتي شكله نفس وزن وزنه هع)

ولما قال "بسمّعك بيتن ترى سايقه سوق" جنه انقطع ورد يعني في فصل بالمعنى فجأة قال بسمّعك.. الانتقال ما كان
موفق يعني لو قال : "يا خلي اسمع بيتن سايقه سوق" بيكون الانتقال افضل على حسب رايي المتواضع وللشاعر

أكيد حرية الاختيار شلون يعرض قصيدته ^_" واحترت ليش قال بآخر بيت قال ماثوق مع ان موثوق اهي الكلمة الاصلية
وما تكسر الوزن! بس يمكن يبي يسوي حركة

وهذا كله ما يقلل من القصيدة الجزلة مثل ما يقولون.. وهذا مجرد راي قارئ عادي او يمكن يسمونه نقد بناء

أتمنى ان القصيدة حازت على إعجابكم مثل ما حازت على إعجابي^^

تحياتي::
دانوووه[/align] __DEFINE_LIKE_SHARE__

كويتي · 01-23-2009, 04:59 PM

النفس طابت وافتهم خط مرفوق ***** غرفت من زين التعابير ردي

على الذي قلبه كما غصن وعثوق* ***** يابس غصون وعثقهم مايندي*

دنيا تقلب مالها شرط ماثوق* ***** يشقى بها اللي خابرينه يسدي

[align=center]

الاخت دانة الكويت وهذا كم شطر مقول لج تذكرتهم وجلبتهم

هيمن على ارقى الجمال ولمـه$$وجمع ثقافات البشر في تاجـه

قـمـه علـى قـمــه وذوقـه قـمــه&&ذوق و جمال وغـرةٍ وهاجـه

طرفٍ كحيل وفي رموشه سمه&&والعود يسبي داجـه وديباجـه

بيض الله وجه الشاعر / عيسى العبودي

وأبو محمد مو غريب عن الساحه ومشهودله الجزاله له وعليه ومنه وله قصيده أسمها ( وضح النقاء )
هالشاعر مميز ما شاء الله عليه

صح لسانه وأعتلا شانه

وصعب أقتبس شي وخلي شي

لكن أخر القصيده تستحق التميز أكثر

وألف شكر لج على جلبها

وربي أن دل يدل على جمال أختيارج

تقبلي مروري

وتستاهلين التقييم لشرحج لنا بعض المفردات كفيتي ووفيتي

[/align] __DEFINE_LIKE_SHARE__

( همس الليالي ) · 01-23-2009, 05:19 PM

القصيدهـ رائـعه ..
وماعليها كلام صح السن كاتبها

ولا هان قدرهـ ^.*

.::.
ويعطيك العافيـه دآنوهـ ع طرحهآ لنآآأإ يآأإ ذوق
تشكرآآآــــت ملايــين
.::.

همس الليالي __DEFINE_LIKE_SHARE__

كيفيــ !! · 01-23-2009, 05:39 PM

قصيدة رووووووووووووووووووووووووووعة ,,

يسلمووو غناااتو على الطرح ,,,

تقبلي مروري فديتني ,,, __DEFINE_LIKE_SHARE__

دانة الكويت · 01-23-2009, 05:43 PM

المشاركة الأصلية كتبت بواسطة ( همس الليالي )

القصيدهـ رائـعه ..
وماعليها كلام صح السن كاتبها
ولا هان قدرهـ ^.*

.::.
ويعطيك العافيـه دآنوهـ ع طرحهآ لنآآأإ يآأإ ذوق
تشكرآآآــــت ملايــين
.::.

همس الليالي

هلا وغلا

صح بدنج ^^

الله يعافيج حبيبتي

وشرفني مرورج خيتو :-) __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
من يقول أني اخونك..أو يقول أزعل عليك..من يقول أنسى عيونك..أنسى هالعالم وأجيك..إهداء لـ ( ..........)	تحبني ومعذبني	نغمــات للهــواتف	65	06-23-2010 02:54 PM
في حالة الوضع عند المرأه...ماذا يقول الملكان ..وماذا يقول الطفل....	الرهيب القطراوي	الإسلام والشريعة	11	04-12-2010 08:46 AM
المنتدى مايفتح يقول ( لديك حقول فارغة في الملف ويجب تعبئتها )	محروم.كوم	منتدى أخبار المواقع والمنتديات العربية والأجنبية	0	05-14-2009 09:50 PM
تقرير hijack يقول فيه فيروسات ومكافح الفيروسات يقول لا	محروم.كوم	منتدى أخبار المواقع والمنتديات العربية والأجنبية	0	05-14-2009 04:50 AM