غابت الشمس و طيفك ما حظر ..

عشق ابدوي · #1 01-20-2009, 05:20 AM

بسم الله الرحمن الرحيم
السلام عليكم و رحمه الله و بركاته
.
.
.

يا مغشيه عني البياضي
شلي الغشاوة قبل لا آآموت
يا معجزة سبع الأراضي
يوم الفواكه قطعه التوت

<< لعنبوه ما حصلت يويله كلهم في بطوله فزاع

كالعاده كل يوم أقيّل فالعزبه .. دراجات و أكل،، خمير و كرك اللي يعدل الراس و قهوة عربيه و خبز رقاق و مشاوي و عيوش.. السالفة فيها اكل شو تقولون انتوا كيفي كيفي ..
عن شو كنا نرمس.. هيه المهم بس البارحه قررت أخليها رحلة تصوير
يعني بآخذ الكام و بسير فووق هنااك و بلاحق الشمس و بجكجك ..
ونااسه يا خي ..
طبعا ما طعت انش بدري فروحوا عني الهرووم يغايضون ياخي .. بس ما انلام
أححح الغرفة ظلام و مكيف و لحاف .. انتوا تخيلو بس
اوووه أخاف الا أخر راقده عالكيبورد .. كيفي مواطنه
انزييين ..
قمت و تجهزت و لبست لكم هاك الكاب و هاك الجاكيت الزقرت و طلعت خطفت على صديقتي الصدوقة ،، نزلت و إلا الدبه بعدها ما لبست و اتحرطم
و منوو سمعنا . قولوا قولوا ! سمعنا الشيخ حمد بن احمد ..
فقلت بسير بشغل السيارة لين ما تخلص
و تخيلوا شو لقيييت ..

الاخ فالسيارة يترياانا .. انتوا جوفوا النظرة بس .. جنه يقولي أحبج ياخي ويديني غصب غصب
بطريق واااحد تعلق فينا أمررّه لصقه عنزرووت ما فجنا ..

انزيييييين
البطة واايد تأخرت .. فأنا خذتها فرصة أجكجك فالسيارة شوي ..
نبدأ مع الصور ..

آتــحبــنـــي و إلا تحــب الــدرآهـــم
إختآرلك وحده على شآن ما آضيع

1

زعلان مني و شـكلك حيــل متضــآيق
يالله عسى ضيقتك يآ سيدي مو مني

2

زعلآن منك؟ إي نعم زعـلان من شهر رمضــآن ..
ما تشوف جرحي من ثمان شهور و آنا حآمله

3

عاده بدأت المصارعات و النزاعات الحرة بين شموخ و حمد لكن حكم القدر لازم الأشقر بيفوز .. ما ينلام أشقر طالع على هاك لاه مادري شأسمه ..
و جان يستانس و يشقق الحلج اللوتي هااا

انزييين بعد انتظار طويل و جهاد مع الشيخ حمد
شرفتنا صديقتي البطة و آنطلقنا إلى العزبه .. !
أول ما وصلنا فريت حمود عليهم و شليت الدراجة و أنطلقت نحو الشمس
<< شو بلاني انطلقت

هع هع .. و آنا آتحوط بحثا عن مناظر حصلت جيه برآآحه
ياااربييييييييه جان يطير عقلي إلا آخمس شوي .. بلاااكم الواحد بعد يستانس
وإلا الكيمرة تزعل و ما تصور .. لووواته ياخي
انزييين .. براويكم شو سويت بالدراحه .. لاحظوا الدواير انتوا بس

اوكي عقب كملت طريجي و هنيه الشمس بدآت تروح يعني شمووخ استغلي الفرصة المنآظر عجيبه .. اوكي اوكي .. أدووسه ريييس (عنننننعننعنن تففتتفتف)
ويييت عن هالمنظر الطررر .. هالشيرة حبيبي والله ..

كمل طريجك روح دامــك تبعتــه
ما آبيك تترجاني ولا تقول آفداك

4

عقب سرت صوب الشارع اللي عند الشارع .. شارع الدراجات لاه
و لفت نظري هالشي . ماعرف مال الاتصالات و إلا الكهربا .. المهم واحد منهم
انا شو دراني .. من زمان ما ييت البلاد

الزمـان اللي جمعنــا صعب نلقا له بديل
ما يهم كيف إجتمعنآ بس نرضى بالظروف

5

و عقب كملت طريقي و سرت بعيد بعيييد عن الشارع وصعّدت فووق العرقووب
عشان آبا القط الشمس قبل ما تغادر ..
وها اللي طلع معايه ..

قــلت لــي انتــظر وقت الغــروب
غابت الشمس و طيفك ما حظر

6

عقب جي يتني فكرة بهلوانيه غير طبيعيه .. جان أنزل بالدراجه و آثبت الكيمرة
على العموود و آحط جي التايم عشان اتصور كم صورة و ريييس كااامل ارد أصعد و أوقف .. عشان اتصورني جدام الغروب .. هاااع والله الخطه نجحت
و طلعت الصوورة طر .. عاد كان خاطري تجكني وانا واقفه بس ما لحقت أوقف
زختني في محاولة الوقوف بعد الركووض << شو بلاهاا محاوله الركوض

أنتظرتك مع حنين الشمس مع بقايا الهمس
مــع دمـــوعي مـــع همــــومي .. أنتظرتك..!

7

مخالفـــه

وهنا آنتهت رحلتي التصويريه ..
عاده جكجكت واايد صور انشالله مرة ثانيه بحطها لكم
اتمنى ااستانستوا عالموضوع لاني تعبت و آنا آسويه
أصلا غصب قولوا انه غاوي قولوا قولواا
ويالله بسرعه التقيييييم
ومابا ردود سطحيه

....\ شموخ ذأتي
و في روايه أخرى عشق ابدوي __DEFINE_LIKE_SHARE__

س™ · 01-20-2009, 09:05 AM

.
.
•
.

السَـلامـ عليڪُمـ و رحْمـﮧ الله و برڪُاتـﮧ ,, * ]}
يسعـْد صٌباحڪُمـ / و مسَـاڪُـمـ بّـ وردٌ جـْــوريٌ

{ عشق ابدوي !*"

الله حيـــا منوره حبوبهٌ . .
لقطات حلوه منجٌ . .

أديت البيبي ربيه يحفظه الكمْ . . ماشاءالله عليهٌ . .
عيبتني اللقطه 8
واحلى شي وقت الغـــروبٍ . .

تســلمّ عدستجُ سيسُ,,
نتــرقب الــزود منُ صــوبج ,,

.
.
•
. __DEFINE_LIKE_SHARE__

عشق ابدوي · 01-20-2009, 04:07 PM

وعليكم السلام و رحمه الله و بركاته
مساج الله بالنور و السرور

آآمين يا ربي .. و مشكورة عالمرور الطيب
أسعدني تواجدج و انشالله ما ببطى عليكم
باليديد __DEFINE_LIKE_SHARE__

мisŝ~ƒ๏σŝнџ · 01-20-2009, 05:50 PM

لاا تذكريني بالعزبهـ...عفتهاااا...

رووووووووووووووووعه الصور...

عيبني واايد..

فديته ماشاء الله عليهـ...يجنن...

تسلمين الغلا على الطرح

ولا تحرميناا من يديدج.. __DEFINE_LIKE_SHARE__

ريمووه العسل · 01-20-2009, 06:27 PM

للاسف الصور ما ظهرت عندي

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
غابت الشمس	محروم.كوم	منتدى أخبار المواقع والمنتديات العربية والأجنبية	0	01-18-2010 04:00 AM
غابت الشمس	محروم.كوم	منتدى أخبار المواقع والمنتديات العربية والأجنبية	0	01-18-2010 04:00 AM
ان لمحت الشمس غابت ( جديد )	محروم.كوم	منتدى أخبار المواقع والمنتديات العربية والأجنبية	0	10-13-2009 11:30 PM
~أخاف أبكي على طيفك و أبعثر جيت ][وصــــــالك][..	دانة الكويت	الشعر المنقول	0	04-01-2009 11:24 PM
يديديه قصيده بعنوان (غابت الشمس)	راكان المنصوري	شعر و خواطر	8	01-25-2008 02:43 PM