قصتي بالصقارة

محروم.كوم · #1 08-10-2011, 07:40 AM

السلام عليكم ورحمه الله وبركاته
هذي قصتي كصقار................احاول اقصر الصيف:d
أول صقر لي كان من النوع الشاهين الجبلي وكان هدية من عمي الله يرحمه..فكنت فرحان فيه وهذي قصة لي يوم كنت بالقصيم:
كنت طالع انا واخوي وعمي واصحابه يعني احنا ابطال الفلم
نحط عزبتنا ونتقهوى الين جاء وقت الهدد نركب الجمس ونهد الطير على ذكر حمامة كبير يروح يا طويل العمر يرقى فوووق وياخذله دورتين والطير فوقه ويقص غرب واخوي كان يسوق وانا المسؤول عن الطير ومن الحماس وعشان ما يضيع الطير اخذنا كم عقم ونضيع الطير ندور بكل مكان قلت لخوي تلقى الريش منتف وطاير وندور وندور الى ونشوف رزمة سيارات رحنا عندهم ونلقى الطير معزول على الطريقة العليمية تعرفون انزع الطير عنها بالقوة ورابطين السبوق ببعضهن وشايلينه بشماغ ننزل ونسلم عليهموونقولهم هذا طيرنا ويقولون صدق يعني تضييع وقت ويعطونا اياه ومن خوفي على الطير عطيته الحمامه تحت رجولي ونرجع لهم وتنتهي القصة

ونكمل مع كل هدد الين رحنا الدهناء ننام بارض خد بس عذروبه رمل ووصلنا للموقع باليل ويجي الصباح الى وطير يحتظر ومات هناك وتم دفنه هناك
والاحزان تعم بكل مكان والكل يقول اصبروا وابوي قال ابشرو بالعوض وشرينا طير حر اشقر تفريخ وفرحنا فيه بس ما كان له قصص مثل شاهين والطير تمت تسميه شهاب طبعا احنا ساكنين بالرياض مرة طلعنا مسافرين للقصيم زيارة لعمومي لاكن بذاك اليوم توفت خالة ابوي ورحنا صلينا عليها ويوم احنا بالمقبرة عرفنا ابوي على واحد صقار اسمه علي السحيباني معروف برياض الخبراء على انه شاعر وهو راعي طيور وبذاك اليوم كان يوم رجعتنا قال الميعاد العصر ورحنا هناك ودعينا الطيور وهدد ووناسه عاد هو منهبل على الطير اهدانا علي ريشة للطير طبعا احنا ما عندنا!! وهذا الموسم نيتنا نقنص بافريقيا وعقب المقناص نعطي الطير علي
والطير كان بالمربط هناك بالقصيم عند علي ويجي يوم الاثنين وتجيني رسالة بالجوال
الط…ي…ر. م…ات واوك يالصدمة سالته وش السبب قال كوكسيديا
وهو يقول ابشروا بالعوض قلت لا لا لا والله لو تاخذ البندق وتنتف الطير ما قلت شي والحين تقول بعوضك والطير مات بمرض الين اقتنع بالوجه
(وانشاء الله قبل الموسم باسبوع نشتري طير ونهديه ابو عبدالله)
وش…ك…را× __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قصتي	صرخة يتيم	شعر و خواطر	2	06-03-2011 02:55 PM
ހƴϞރ أثرك تعلم بالصقارة صقاقير ހƴϞރ	محروم.كوم	منتدى أخبار المواقع والمنتديات العربية والأجنبية	0	06-04-2010 11:40 AM
قصتي مع بنك دبي الاسلامي	محروم.كوم	منتدى أخبار المواقع والمنتديات العربية والأجنبية	0	05-30-2009 04:20 PM
قصتي مع السلق ..}	محروم.كوم	منتدى أخبار المواقع والمنتديات العربية والأجنبية	0	05-26-2009 02:50 AM
بداية قصتي كلمه . . وآخر قصتي أبيات	اشكي لمن منكم	شعر و خواطر	6	04-11-2009 12:44 AM