السلام عليكم ورحمــة الله وبركاته



قصيدة رائعه للشاعر الرائع نايف بن عرويل


تحاكي الواقــع وان شاء الله ترتقي لذائقتكم








جرح ٍ تمركز بوسـط الجـاش وابتـزه**واضهر فرايـد لهـا عاميـن مكنـوزه




ماتت وجيـه الرجـال وماتـت العـزة**واجتاحنا الـذل واعلـن للمـلا فـوزه







يا اهل المناصب وش اللي صار في غزه**يا وجيه ذل ٍ على الشاشـات مـرزوزه







شـي ٍ يوقـع بوسـط القلـب ويحـزه**مشاعر الناس مـن ماصـار مهـزوزه







قنابـل ٍمـن سماهـم مالـهـا حــزه**ماجت على اهـداف معنيـه ومفـروزة







يقتل بهـا اللـي بمهـده وامـه تـهـزه**ويقتل بها اللـي عـدل ممشـاه عاكـوزه







جمع الجنايـز مثـل تجميعـة الجـزه**على بعضهـا جثـث النـاس مكـزوزه







رمح اليهودي بوسـط صدورنـا غـزه**وحنا عجزنـا نشيـل الرمـح ونهـوزه







اجيوشنـا فـي قبـال الضـد منـهـزه**وفينا الخطايا لضلـم الوقـت معنـوزة







ياواهـي العـذر عمـر العـذر مانـزه**خرايـط الـذل قـدم العيـن مقـزوزه







من حـرك الجيـش قـل بالله مـن دزه**من سكت الشعب قلـي واحكـم قـزوزه







بالله منهـو يـوز الـنـاس مــن وزه**عسى الغنايم عقـب ماصـار محيـوزه







دور السفارات وسط العرب مـن عـزه**خـلا للأوغـاد وسـط ديارنـا حـوزه







مافيـه داعـي نفضـح فيـه ونـلـزه**بعض العبـارات فالأعـلام محجـوزه







ماتت وجيـه الرجـال وماتـت العـزه**ياوجيه ذل ٍ على الشاشـات مـرزوزه





جُــل احتـرامــي