أشعار سمو الشيخ محمد بن راشد آل مكتوم الصوتيه والمقروءه - الصفحة 4

~~ذيبہـة شّےـوِٱمِےـسًے~~ · #1 08-07-2011, 06:30 PM

سيد القلب

القلب لك يا سيد القلب لبى ...
من قبل قلبه صاحب القلب لباك
حرمت عيني تطعم النوم غصبه ...
يا هاجري مـ أقدر على طول فرقاك
وخليت لأجلك كل بيضه وهدبه ...
وأمنيت عمري أنتظر يوم لقياك
غرامك إلي في فؤادي تربي ...
يشفع اذا تخطي ويغفر خطاياك
واشوف انك ناهب الأرض نهبه ...
وعلى اللذي تفعل فلا أقدر أنساك

أحب فيك الظلم لانك تحبه ...
ظلمي ويا الظالم ترى العمر يفداك
انت طبيبي لو تفيد الأطبا ...
وانا علاجي يا حبيبي بيمناك
يالبدر ياللي في ثيابه تخبى ...
لا تحرم المحروم طلعة محياك __DEFINE_LIKE_SHARE__

~~ذيبہـة شّےـوِٱمِےـسًے~~ · 08-07-2011, 06:31 PM

شـــمــايــل

يـــاضي عيني خــاطري بالبكى ضـي
ودمـــوع قــلبي مـن شجونك شجنها
في منك في الخافق مثل رسمة الكي
واســــم الحـــزون اللي تطـاول زمنها
وبــي مـنك هــم طـاوي خــاطري طـي
حـــرّم علـــى عينــي تصافي وسنها
لـــك بســتوي فــيّ إذا تقــاصـر الفــي
ولـــك بســتوي وبـل السحاب ومزنها
وجــهك تنير دبــي يـــــابهـــجة دبــــي
روحــــك تــنــور بالبـــشــاشة وطنها
بـــينـي وبـــينـك عـهــــد إن إذا شـــي
كـــدرك تشكــيلـي الــهمــوم وحزنها

مـــا أنـا مـن اللي يـدفع العــي بالعــي
ونفسي في يوم السوم غالي ثمنها
ومــا أبــدل العـادات مــا دامنــي حــي
يـــا لين تجـري فـي الفيافي سفنها
ولا أعــــرف الـلـــــف والشــــف واللــي
ولا الـــظهــــــور ومــن بغــدره طعنها
وأحـــب بنــت الـريح في سيرها غـــي
بـــنت الكــحيلة لي تــلاعب رسنها __DEFINE_LIKE_SHARE__

~~ذيبہـة شّےـوِٱمِےـسًے~~ · 08-07-2011, 06:33 PM

الأم

مـهما الـلّيالي تـدور
حبّك ترى في الصّدور
إنـتِ يـا بـدر البدور
لـك كـلّ حُبّ وشُعور
يـا أمّـنا يـا الـحبيبه
يـا الـغاليه يا القريبه
إسـمِك بـقلبي وجيبه
فـي غيبتك والحضور
أنْـتِ يـا نَـبع الحنان
بـيت الـدّفا والأمـان
لـو بـارْ بـيّ الزّمان
مـا ظـن حـبِّي يبور
دايـم بـطيفِك أهَـلّي
عـايش معي مثل ظلّي
لـى شـوفته مـا يملّي
إن مَـرّ طِـيفِك iiيزور
أحـسّ بـك في فؤادي
في صحوتي وفي رقادي
حـبك ما هو شيّ عادي
دايـم ومـا لـه فُـتور __DEFINE_LIKE_SHARE__

~~ذيبہـة شّےـوِٱمِےـسًے~~ · 08-07-2011, 06:35 PM

مدارات

يبتسم لي كلما دار الفلك .. بدر لي وحدي إذا أسري ينير
ساطيٍ حبّه على قلبي شبك .. له أنا الأول وباتم الأخير
يسعده شوفي ولو ذاق الضنك .. حافظٍ عهدي وبي وحدي جدير
ولي صديقٍ للظبي ناصب شرك .. يحسب أن الظبي في أمره غتير
البراري يا صديقي تجهلك .. والبراري منهج الشخص الخبير
روح نام وفي خباك ومدهلك .. واكمل الراحات في غبط السرير
يوم جن الليل والداجي حلك .. ويوم بعض الناس ضيّع في المسير
في مدارات الكواكب والفلك .. والنجوم الساريات لها نظير
لا تحاول في لحم ماهو إلك .. ولا تمد ايديك شروات الضرير
والمعاني بالتجارب تنملك .. وحد منها مغتني وحدٍّ فقير
من خبر غابه ولا فيها ملك .. والأسود تسود والسايد كبير
إسأل العرّاف اللي يجهلك .. قبل توقع في وسط هيمٍ غزير
كيف تفكيرك لهذا وصّلك .. والذي ماحس ماعنده ضمير
وان جهلت وقل عرفك ضلّلك .. ليس عيبٍ في العرب أن تستشير
لا تدوس بدرب ما عمره سلك .. ميّز وخلّك على المعنى حذير
وارفع شراعك إذا حيدك برك .. هوب من كل اشمعه يشبع بعير
لا تسير بليل في درب الهلك .. ولاتظن الزين يفرش لك حرير
ما تميّز من بنانك مفصلك .. وعن ذراعك الايسر الأيمن قصير
يا الليالي العاتيه ما تمهلك .. والجفا مابه شفيع ولانذير
هوب كل الخيل نقوات الرّمك .. وهوب كل اللي له جناح يطير
وكل طيرٍ قوّته إن هو مسك .. حسب حجمه حر أو وكري صغير
شوف .. والدمّي ترى يصيد السمك .. وشيفته جارح لمن ماهو خبير
ويقنص البذوار ويصيد الحلك .. والثعالب تقنص الديك الكبير
والحياه حظوظ هيه توصّلك .. وكم يردّي الحظ من شخصٍ خطير
صادك الفخ الذي ما له فكك .. شبكة الحر الذي بصيده بصير
والذي حاين وعوقه في امحرك .. يخبره بقرب الأسد صوت الزئير __DEFINE_LIKE_SHARE__

~~ذيبہـة شّےـوِٱمِےـسًے~~ · 08-07-2011, 06:37 PM

هل أحاسيسك معانا يافتون

هل أحاسيسك معانا يا فتون ... وهل دريت انا بحبك مبتلين
حبّنا من قبل ما تشوفك عيون ... في محبتكم أسير كالرهين
إلتمحت الخدّ لي صافي بلون ... والشّعر ضافي ع المضمر يلين
نور وجهه مثل برق في مزون ... والجبين إيشعّ بين الحاجبين
إن تبسّم مثل ما درّ امخزون ... والثّمان اتشابه الصّفّ الثّمين
ارحم اللّي يملك القلب الحنون ... كم صبر في حبّكم والصّبر شين
لانّكم في غيركم ما تنظرون ... والسّبب ذا لانّكم مدلّعين
جايرين في الهوى ما ترحمون ... يا عذارى حبّنا حبّ اليقين
إترك اللي في هواهم يزعلون ... ومن عقب كلّ احترامي تزعلين؟
سيّدي لا تدخل اوهام الظنّون ... وتستمع بي قول ناس عابثين
كم لي باوهامهم يتمشكلون ... تنعفس لايّام وتمر السّنين
احذر الواشي وتغيير الوزون ... مثل تغيير التّلاميذ العجين
مثل ما يبغون بك ويشكّلون ... لا تصدّقهم ولو حلفوا يمين
كاذبين دايم ما يصدقون ... وكم ياللّي من كذبهم عايشين
والذّي يصدق وفي قوله يصون ... قالوا أن هذا من المتأخّرين
إن كتبت الجيم قالوا حرف نون ... وان كتبت النّون قالوا حرف عين
كلّ يوم يظهرون بالف لون ... والذّي واضح غبيّ ما يبين
آه لي ضاجر ومظنا بالظّنون مستضيق ويا حمد به عصف بين
حلّ موضوعه عسى انك لا تهون حيث لانّك شاعر فاهم فطين
والف صلّوا عدّ ما هلّت مزون واختلاف النّاس من فتره وحين __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كلمات اغنية حبيبتي مرة على بالي اليوم للفنان كاظم الساهر ومن أشعار سمو الشيخ حمدان بن محمد بن راشد آل مكتوم , فزاع	محروم	كلمات الاغاني	1	01-02-2011 12:03 PM
فيديو كليب امسية الشيخ حمدان بن محمد بن راشد آل مكتوم وسمو الشيخ أحمد بن محمد بن راشد آل مكتوم	محروم	الكليبات الخليجيه	85	01-14-2010 08:50 PM
.. نخوة قوافي..من أشعار سمو الشيخ حمدان بن محمد بن راشد آل مكتوم (فزاع)	ذياب	شعر و خواطر	3	08-14-2008 03:52 AM
أشعار الشيخ حمدان بن محمد بن راشد ال مكتوم ((فزاع ))	بنت الدار55	شعر و خواطر	12	06-25-2008 01:07 PM
أشعار سمو الشيخ محمد بن راشد آل مكتوم	هيام الامارات	الشعر المنقول	5	05-03-2008 04:41 PM