\\ يايمه لا تدعي بس تكفين\\>>>حشروا الآدمي!!

ولـد الظـاهـرة · #1 08-03-2011, 01:55 AM

[align=center]

مررحبا باعضااء منتدى استرااحات زايد
اتشررف باني اكوون احد اعضاائهااا
واتشررف بادرااج اول مشااركاتي بالمنتدى
وخااصة قسم الشعر لاني هااوي شعر

اتمنى تعجبكم لو انها على قد الحااااال...

..........................

خل نفسك في مكاني,,, اخوك اليوم مسافر وطيارته طارت وداش على الوالد والوالدة يدعوون عليه وعلى طياارته{ مسوين جلسة يترادوا فيها} شو بتسووي؟؟!!

^

^

تابعوا القصيدة الملخبطة بلخبطتي عسى تعجبكم !!

جالسة تتــابع أخــبار الجزيـــره
رافعه يديها للي مايرد الكسيره
تدعي عسى م ارضنا يطير طيره
وعسى عمره من القصيريــــن

عسى طيارته به أبد ما تطير
وعساه من الموت أبد مايجير
ومايفيده إبــر ولا دختر كبيـــر
ويطحن عظامة طحن الرحين

عسى عينه ما تشوف النور
ولا يبقى فيه ضلع إلا مكسور
ويضل بيته على طول مهجور
ويارب خله يذوق طعم الأمرين

يكملها أبوي يدعي من فواده
ولا علية من أمن ولا خواجه
يارب يا معبود عجل عذابـــه
وخله عبره للعرب والاجنبين

بسمك إلهــي يا واحدن أحــــد
تبرد فؤاد من صارت حياته نكــــد
م فاسق ف الأرض فاسدن فسد
قولي يا أم فلان يارب آميـــــين

آمين يابو فلان يسمع دعــاك
وإذا تبى تسمع من الدعا هاك
ربي يخلي حياته كلها هــلاك
ويموت ولا يبكي علية باكيين

فزيت ضايع مصدومن ومجنون
أمي وأبوي على أخوي يدعون
إلي هم على بعده بكي يبكون
قلت يايمه لا تدعي بس تكفين

ولدكم سافر وطيارته فـــوق
وإنتوا بدعاكم كسرتوا الشوق
خليتوا فوادي بالشقى محــروق
يارب لا تاخذ دعاهم مازحـين

ردوا علي ياولد ليش مربـــوش
ترانا أوادم نفهم ماحن بهـــوش
هذا ولدالكفر لي يسمونه بوش
ولا ولدي ربي يحميه ياعالمـين

زاير أرض العرب ويكشخ كشخ
ناسي وش سوى هذا المصخ
قتل وعذب وياما قلوبن شــرخ
ليته يذوق هم العراق وفلسطين

أحترق وجهي حرق مثل التبن
ترا احيان يحتاجلي قرصت أذن
فزيت شارد بدون ما أخـذ أذن
الحين فهمت قصدهم الحين

وصح لساااني

اعذروني على الوزن احياانا يخوني!!

__DEFINE_LIKE_SHARE__

زهرة زماني · 08-03-2011, 02:09 AM

حلوووة الكلمااات...]!~

يسلموو ع الطرح الحلووو ويعطييك العاافيه __DEFINE_LIKE_SHARE__

الهاجسة · 08-03-2011, 02:23 AM

ربي يسعد مسساك بالخير والبركة أخويه ..
صح السانك الشيخ ولآهان منطوقك ..
أبيات راااائعة ..
وكل كلمة فيها معبّــرة وفيهـــآ شيْ من المزوح .‘
صياغة رائعة ومثل مـــآ قلت الوزن شويْ خــآنك لكن مــآ أثر وآيد ع القصيدة . !
يعطيك العافية أخويه على هالقصيد الغاوي ،
ومرحبــا بك فـ إسترآحـــآت زايد..~‘
وإن شاء الله دووم انشوف هالإبداعات الطيبة
لآهنت ، والرب لك حافظ الشيخ

... __DEFINE_LIKE_SHARE__

ولـد الظـاهـرة · 08-03-2011, 02:29 AM

المشاركة الأصلية كتبت بواسطة زهرة زماني

حلوووة الكلمااات...]!~

يسلموو ع الطرح الحلووو ويعطييك العاافيه

اول رد مني
على اول رد لمووضووعي

زهرة زمااني
نورتيني اختي واسعدني
توااجدج بين صفحتي

شكرا وكووني بالقررب

__DEFINE_LIKE_SHARE__

ولـد الظـاهـرة · 08-03-2011, 02:33 AM

المشاركة الأصلية كتبت بواسطة الهاجسة

ربي يسعد مسساك بالخير والبركة أخويه ..
صح السانك الشيخ ولآهان منطوقك ..
أبيات راااائعة ..
وكل كلمة فيها معبّــرة وفيهـــآ شيْ من المزوح .‘
صياغة رائعة ومثل مـــآ قلت الوزن شويْ خــآنك لكن مــآ أثر وآيد ع القصيدة . !
يعطيك العافية أخويه على هالقصيد الغاوي ،
ومرحبــا بك فـ إسترآحـــآت زايد..~‘
وإن شاء الله دووم انشوف هالإبداعات الطيبة
لآهنت ، والرب لك حافظ الشيخ

...

ربي يسعد صبااحج اختي الهاجسة ورمضاان كريم.,,

كلاامج واايد رااقي وذووف اختي
الف شكر ع المرور
والف شكر على التحفيز
والف شكر ع الطله اختي.,,

ربي يحفظج ويرعااج

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
خادمه للتحويل المحلي	محروم.كوم	منتدى أخبار المواقع والمنتديات العربية والأجنبية	0	05-12-2010 03:20 PM
خواطر ضميني خذيني بس تكفين لا......بقلمي	محروم.كوم	منتدى أخبار المواقع والمنتديات العربية والأجنبية	0	08-01-2009 10:40 PM
~،~،~،~، خلاص يا دنيتي تكفين ~،~،~،~	داعمة دورية	الشعر المنقول	14	07-05-2009 11:19 PM
.::. تكفين يمــه خلي الباب مصكوك .::.	( همس الليالي )	الشعر المنقول	4	07-17-2008 11:31 PM
بشويش ضميني على الصدر تكفين	الهاجسة	هواتف , مسجات , وسائط , برامج , ثيمات , نغمات , بلوتوث	26	01-10-2008 10:21 PM