خاص باشباب \شباب تفضلوا - الصفحة 2

الأمـ الوطني ـن · 08-20-2011, 02:03 AM

^^ الزواج السيرلانكي ^^

احيد السيرلانكية لما تبا تتزوج هي اللي تدفع المهر وتجهيزات العرس ..
تشتغل وتكد على عمرها في بلادنا .. واتجمع الفلوس وعقب يوم اترد بلادها تصرف هالفلوس
عسب تتزوج حليلها ...

أما عندنا هالشيء مستحيل مستحيل .. لأنه الزوج هو المسؤول عن هالأمور .. وكذلك الإسلام أقر هذا المهر نصيب للزوجة
عسب جذا ما عندي تخيل أو تصور للموضوع __DEFINE_LIKE_SHARE__

عيناوية العرج · 08-30-2011, 08:44 PM

الشيخ زايد الله يرحمه حدد المهر 50 الف و لا 100

لكن فالوقت الحالي مع ارتفااع اسعااار البنت بعد تبا تشتري ذهب و فستان

يعني اذا احيينه الفستان ارووحه من 25 الف و فووق و ذهب العرووس 60 الف و طاالع

مابيسدها تشتري و ها الزمن الاسعار شاابه نااار فاعتقد البنت يسدنها 200 الف

و اذا اكثر يكون افضل هع..و لوو انا من البنت مافي داعي ها العرس يملج عليها وخلاص عسب ما تخسره

تسلميين اختيه على الطرح

يعطيج ربي العافيه

في انتظار ييدييدج..~ __DEFINE_LIKE_SHARE__

UaE ا ا ا ا ا UaE · 09-02-2011, 12:29 AM

وعليكم السلام ورحمة الله وبركاتهـ ,,

كل انســــــــان وحسب ظروفه لكنـ الي نشوفه ونسمعهـ ان السبب الرئيسي ورى عزوف

الشباب عن الزواج هو ارتفاع تكاليف الزواج من مواطنه التي لاتقل عن 130 الف وهذا يعتبر

من الحالات النادرة اتوقع لأن غالبية الاعراس توصل بين 150 الى 200 وتزيد على حسب المكانة

الاجتماعية لأهل البنت بدون ما يراعون اوضاع الشباب والمصيبه اذا الواحد حب يتقدم للزواج

يتردد اذا ماحسب تكاليف الزاوج لأن عند وايد ناس كل مازادت تكاليف الزواج معناته زادت الديون

عليه والي يقهر اهل العروس يدرون ان بنتهم بتــنـظر مع ريلها فالنهاية بسبب هالشي لكن

عسب جدام الناس والمجتمع ان عرس بنتهم كان مثل الاعراس الثانية مب اقل عنهم مظهـــر

او ان اذا قلت التكاليف 90 ولا 120 الف معناته بنظرهم انهم ناس من الطبقة الفقيرة للأسف

وتناسوا قول النبي " ص " اقلهم مهرا اكثرهم بركة اذا اعظم الخلق جي , الناس مايتقارنون

مع اعظم الخلق! .. فالنهاية نلاحظ ظاهرة تتزايد بشكل كبير الي هو الزواج من اجنبيات

ومعروفه عند الكل بدون تحديد والسبب انخفاض التكاليف وبالتالي رصيده المالي يتم

معاه يعيش فيهم وهو مرتاح واذا كان قوي الشخصية مابيسمح لزوجته تستغله وتخليه

يصرف على اهلها واذا كان تيس بتلاقي مع مرور الوقت مسوي اقامات حق اهلها ومصاريفهم

وهدايا ماعرف شو الخ.. واخيراااا لو الواحد يحسبها صح بتكون كالتالي :

حسب الي اعرفه الدولة الوحيده الي تعطي مواطنيها منحة زواج هي دولة الامارات فقط

والي تقدر ب 70000 الف درهم على دفعتين 40 30 اعتقد او العكس ناسي الحسبة ..

الي بيقدم ع الزواج يكون عنده مبدأيا 100 الف اقل مبلغ تقريبااا من اول الخطوبة

والباجي يرتبه عن طريق راتبه , اهله , قرض , مشروع , دخل مادي آخر الخ...

وان شاءالله تنحل مشكلة العنوسة عنا وتقل هالحالة من مجتمعنا ونغرس في شبابنا من الصغر

عن نص الدين " الزواج " ونبديهم بالأقارب اولا اهم شي تاليها المعارف ثانيا وآخرهم الي ماتربطنا

صلة قرابه بينهم وما نعرف عنهم شي ونشجع الأسر على خفض تكاليف الزواج من مهر وحفلات

فوق 5 حفلة خطوبه حنا ملجة دخول عرس وماعرف شو من مصطلحات ماتخطر على بالي حاليا

وان شاءالله تنحل هالمشكلة بأذن الله والسموحه ع الاطالة .. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
شباب تفضلوا برنامج مسلي ولطيف .	محروم.كوم	منتدى أخبار المواقع والمنتديات العربية والأجنبية	0	08-17-2010 07:10 AM
شباب تفضلوا لعبة سيارات روعه على الويف مجاناً . .	محروم.كوم	منتدى أخبار المواقع والمنتديات العربية والأجنبية	0	08-13-2010 06:40 PM
شباب تفضلوا لعبة سيارات روعه على الويف مجاناً . .	محروم.كوم	منتدى أخبار المواقع والمنتديات العربية والأجنبية	0	08-13-2010 06:30 PM
شباب اريد نصيحتكم بسرعه في شراء جوال جديد(ضروري يا شباب)	محروم.كوم	منتدى أخبار المواقع والمنتديات العربية والأجنبية	0	01-11-2010 04:00 AM
[Style] : ستايل العيد .. المقدم من شباب قطر للتصميم .. تفضلوا	محروم.كوم	منتدى أخبار المواقع والمنتديات العربية والأجنبية	0	09-16-2009 10:10 AM