ناقشوني واقنعوني ... فضيحة شركة أبوظبي للمطارات - الصفحة 4

فزعة الروح · 07-25-2011, 06:58 PM

حنا قاعدين نتكلم على مستوى كبير جدا،
والحديث فيه ما ينخاض إلا مع ناس
تعرف شاللي قاعد يصير بالضبط،

ما كذبت الجرايد، لكني قلت انا ما نقدر ناخذ منها حق ولا باطل

ما كل شي ينكتب وينقال بيتصدق، وهذا الرد كان ينقال حق الأخو اللي قاعد يتسأل الجرايد وألجرايد والجرايد والمواقع ومدري شنو...!

ياما شفنا أخبار و فيديوهات بس نصها جذب! واذا كانت صدق وراها ناس تنشر فتن، أو من وراها حق والله يعلم به

وما دافعت عن خليفه، لكن لازم انحكم بعقولنا اللي قاعد يصير

إذا شفتوا جثه طايحه وبيد المقتول
فرد، بتقولون هذا قتل عمره، بس يمكن يكون حد قاتلنه وامحطي الفرد بيده أو شي ثاني غايب عن بالكم

ان شآء الله يبين الحق، والمجرم بياخذ جزاته، مهما كان مواطن والا
غيره

الخير فينا حنا الأجيال القادمه،

خلوا الأمر حق من يخصه، والمفروض محد يرمس فيه إلا من
له الأحقيه. __DEFINE_LIKE_SHARE__

ღ الــــجـــــــــود ღ · 07-26-2011, 01:38 AM

لحظه .!
انتي بالاول قلتي بان هالمواضيع يناقشونها مسؤولين كبار !
والحين تقولين نحن نتكلم على مستوى كبير جدا .!

عزيزتي نحن لا بغينا نخترع الذره ولا تكلمنا عن شي يخص الطب
نحن نتكلم عن موضوع يخص بلادنا ويخصنا نحن كمواطنين
واعتقد هالموضوع مايباله لا شهاده ولا تخصص ! الياهل الي هو الياهل بيي وبيتكلم فيه

الجرايد الي تتكلمين عنها فهي جرايد المشاهير والفنانين

مب جرايد الدار الي تخص علوم البلاد والاقتصاد وغيره
انتي يعني تعتقدين هالفيديو ملفق من صاحبه ؟ انزين فكري فيها لو كان صحيح
وان صاحب الفيديو كل التقارير الي اسندها وحطها فالفيديو تعتبر اكذوبه , برايج انتي شو عقوبته ؟
لهالدرجه صاحب الفيديو هو غبي ؟ ناسي ان ورا هالانسان دوله ؟
نحن مانقدر نطلع اشاعات عن محل او صالون فكيف تبين هالشخص ينزل فيديو
يتهم مدير شركه كبيره مثل شركه ابوظبي للطيران ؟!
جاوبيني !!!

اذا بتحكمين بعقلج الصاحي والي يفكر صح بتعرفين الحكم الصحيح
اما اذا انتي مب راضيه تستوعبين وتقتنعين بالذي هو موجود , فهذا شي راجع لج

ولكن خذيها كلمه مني , دام الموضوع يخص بلادنا ويضر عيال دولتنا
فاسمحيلي نحن بنرمس وبنرمس لين ماناخذ حق بلادنا بايدنا __DEFINE_LIKE_SHARE__

Aljohara · 07-26-2011, 11:18 AM

أستغرب جداً استمرار ثقافة تكميم الأفواه ..
في ظل وجود الثوره التكنولوجيه التي نعيشها اليوم !
في هذا الموضوع لا ناقة لنا كأعضاء فيه ولا جمل ،
ولكن الواضح بأن الجميع قد ضاق ذرعاً بكمية الفساد الإداري ،
والنهب للأموال العامه الواضح للعيان !
ولا أخفي بأن ( عندنا وعندكم خير ) ..
فلم يعد الشخص يخبيء رأسه تحت الأرض ( كالنعام ) !
ويردد .. نفسي ، نفسي ..
الموضوع كما أرى وصل لـيد السلطه الرابعه ، والتي بدورها ستستمر بطرحه حتى يظهر الحق ،
ولا أظن بأن الصحف تضع نهايتها على المحك وتخاطر بوضع الشمع الأحمر على أبوابها ،
لخبر ملفق وكاذب ، وفيه اتهامات كبيره جداً كهذه !
وأخيراً ..
من له حق سيُؤخذ بحقه ، ومن ظلم أيضاً سيُقتص منه ..
وإن غداً لناظره قريب ..

__DEFINE_LIKE_SHARE__

mst909 · 07-26-2011, 12:54 PM

أطالب من كل المسأولين بل شفافيه في الاجتماعات الراسيه في الشركات أو اتمن من كل قلبي أن الموظوع يوصل عند المساولين لاني موضف سابق في أبوظبي للمطارات وكنت من القدامى مثل ماسمتن الاداره
ان واحد من 100 انضلمن في المطار او انجبرت على الاستقله ان ماريد حقي بس اريد حق الميه الباقين او ان اتكلم عن الي تحولو من دارات الطيران المدني الي خدمو من 10 لين 20 سانه اوطلعو اب تفنيش مش ابشهادات تقدير اسمحولي على الاطله ياجماعه بس الكلم من قلبي طالع __DEFINE_LIKE_SHARE__

فزعة الروح · 07-26-2011, 08:04 PM

اخيرا طلع واحد من اللي يشتغلون اهناك، العضو الأخير تكلم، " وشهد شاهد من أهلها"

العضو اللي رفع هالموضوع كان يحتج على تضييع حقوق المواطنين واللعب بالمال العام، والطرد...

والمعلومات الموجوده في الفيديو ما هو إلا خرايط جوجل اتوضح انه

المطار بعده ما اكتمل، انزين الكل
يعرف أنه المطار ما اكتمل، شو هو
الشي الجديد.

أما تقارير الأموال، اللي تتوزع، فأكيد
الماليه عندنا يعرفون عن موضوع صرفها. وان كان في ظلم راح ينشاف بالعين المجرده، وما يحتاي مجهر مكبر.

أما عن طرد المواطنين، ممكن انكم تسألون العضو اللي قبلي عن سبب طرده. وان كان في طرده أمر محير المفروض هم اللي يطلعون الفيديون، و يشهدون باللي
قاعد يصير.
لانه هالفيديو معلوماته ما اتكفي ابدا أيا كان مصدرها.

وهذي فعلا قضيه كبيره، ما يعرف
خوافيها وحلولها غير المسؤولين

نهآيه عيبني كلامج، يعطيج العافيه
والجود ما قصرتي، بيض الله ويهج __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
جهاز سنسرات للأطارات ضغط الهواء	محروم.كوم	منتدى أخبار المواقع والمنتديات العربية والأجنبية	0	10-03-2010 10:40 PM
فضيحة شركة زين ( احذروا )	محروم.كوم	منتدى أخبار المواقع والمنتديات العربية والأجنبية	0	07-08-2010 10:00 AM
فضيحة شركة ( الاتصالات ) وشركة ( دو ) بعد تقرير ديوان المحاسبة	محروم.كوم	منتدى أخبار المواقع والمنتديات العربية والأجنبية	0	05-28-2010 05:40 PM
فضيحة شركة الجميح للسيارات والشراكة التجارية مع اسرائـــيل	محروم.كوم	منتدى أخبار المواقع والمنتديات العربية والأجنبية	0	05-17-2009 12:30 PM
فضيحة شركة نستله وبسكوت كت كات - بالصــــــــــــــــور	داعمة دورية	عجائب و غرائب	13	02-15-2008 11:05 AM