جوٍ مكهرب فيه كل الحكايات

فتنـۂ الـڪِوטּ · #1 07-22-2011, 10:18 PM

برِب وَ ٺيٺ ۈبآكہ وً هۈٺميل .. !

احدث قصيده توّها ما بعد جات
اصبر شوي اغني احدث قصيده

رسالتك جتني وانا اتابع الشات
ابغي رفيقٍٍ لي دياره بعيده

يدرس بلندن قد له اربع سنوات
وما عرف جوّاله ولا اعرف بريده

وقالوا لي انه يدخل الشات ساعات
واسمه جبل وانشد وتلقاه سيده

ودخلت اشوف الشات و العالم اشتات
الحكي واجد والاسامي عديده

الزير واسامه وياسر عرفات
واصاله وهيفاء ونيله وعيده

مخلطه ما بين كل الحضارات

وكلٍ على ليلاه ينشد نشيده

وبرب تيت وباك هوتميل دوت آت
وهذا يصيد وذيك تبغي تصيده

سوالف وحب وغرام وعلاقات
و ورود واهدائات اغاني جديده

تلقى الشباب الاف عند البنيات
وكلٍ يطرّد فالطرايد طريده

وبعض الشباب يغيّر النك بسكات
اسمه فريد وبعد ساعه فريده !!

والبنت زهقانه ولا فيه طلعات
وجوّالها فضا وكمّل رصيده

تدخل و تستعرض وتعمل حركات
ولا بد ما تلقى صبي ٍ وليده

يعبي الجوّال في ظرف لحظات
ويحقق لها كل ماهي تريده

جوٍ مكهرب فيه كل الحكايات
وكلٍ يدوّر كسب يمناه بـايده !!

ومطوع ٍ ينصح باحاديت وآيات
ويقول تكفون المصيبه شديده

لكن خلق الله في حساب الاموات
لا عيب يردعهم ولا أية عقيده !!

يا عالم اصحوا واذهنوا للبزيرات
وسائل الترفيه صارت مكيده

ما فيه رجل ٍ داري ٍ بالحيالات
يضغط على بزره ويقرش حديده

ويمنعْه من درب الردى والسخافات
وينبّهه لو كان ماهوب ميده

وانا رفيقي راقد الظاهر او مات؟؟
عيّا يجي وانا ختمت القصيده !!
__DEFINE_LIKE_SHARE__

الغضي الياسي · 07-23-2011, 12:53 AM

صح لسان الشاعر ,,

اكيد هذا واقع نعيشه ومن سنة 99 طلع لنا الجات وصار ما وراه الا الخيبه ,,,

لا هنتي يالشاعره

تقبلي مروري

الياسي __DEFINE_LIKE_SHARE__

زهرة زماني · 07-23-2011, 01:53 AM

الجااات<<خراااب هع

يسلمووو ع الطرح ويعطيييك العاافيه __DEFINE_LIKE_SHARE__

فتنـۂ الـڪِوטּ · 07-24-2011, 10:03 PM

مشكورين ع المرور الطيب __DEFINE_LIKE_SHARE__

♕ وليد الجسمي ♕ · 07-25-2011, 08:17 PM

صح لساانـــك

وما شاء الله ع الابدااع الغااوية

ان شاء الله الى الامام دوووووم

اشكررررررررررررررفننننك ع القصيده الغاااااوية وصح السانك الشااعرة

والله يعطيج العافيه ونتظر منك زوود

كلمات فى قمة روعة

وتقبل مرورى __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قناة الحكايات الجديدة رابط بث مباشر	محروم.كوم	منتدى أخبار المواقع والمنتديات العربية والأجنبية	0	04-17-2010 07:50 PM
قناة الحكايات الجديدة رابط بث مباشر	محروم.كوم	منتدى أخبار المواقع والمنتديات العربية والأجنبية	0	04-17-2010 07:10 PM
من إيطاليا لقطات متنوعة : بلد يزخر بالجمال و الحياة و الحكايات (( مجموعة صور )) !	محروم.كوم	منتدى أخبار المواقع والمنتديات العربية والأجنبية	0	01-06-2010 03:40 AM
نغمة بصوت تيار كهربي ..عمل فني مكهرب	محروم.كوم	منتدى أخبار المواقع والمنتديات العربية والأجنبية	0	06-05-2009 09:00 PM
نغمة بصوت تيار الكهرباء : عمل فني مكهرب ... ( لا تفوتك ) !	محروم.كوم	منتدى أخبار المواقع والمنتديات العربية والأجنبية	0	04-07-2009 02:30 PM