أشعار ريم تواق. (الشيخة مريم )

elmooOoo'3ram M · #1 06-01-2011, 03:12 PM

السلام عليكم جميعا ..

شحالكم ؟؟...عسااااكم الا بخير

بصراحه اليوم انا بحط هذا الموضوع لاني توهقت و انا ادور هاي الاغاني افتح موقع يطلب مني مليون شي .. اشترك و لازم ترد اول و ............... الخ

المهم انا ما بطول عليكم و اخليكم ويا الاغاني و الكلمااات

سيــآسـةَ«..

عذرك بعد طول انتظارك وبعدك
مانقبله والحر شوره في راسه
كنت أحسب انك غير واصلك يردك
وفي دولة العشاق عندك سياسه
لكن شورك ماهو أمبين يدك
شورك سجينن تحت ظل الحراسه
رجعت دارك بين ناسك وسعدك
ونسيتني والشوق معلن حماسه
خمسة شهورن عند عهدك وعدك
واليوم قربك مانريد إلتماسه

******

أنا حبيبك صح مانيب عبدك
وفي مجال الحب عندي مراسه
ويوم ان عندي شي بجي لعندك
تعالي عندي كان تبغي دراسه
خلك صريح وبعدها تشوف سعدك
عند المحبه ماتفيد الدساسه
ودي تودد فالموده وودك
ومن كثر وده قام حظي وباسه
ياخدعة الأيام في مثل خدك
في وجهك البسمه وتخفي العباسه

******

لاتعتذر وتقول هالظرف حدك
من كان يبغي الشي يعرف قياسه
آخر مسج جاني من الشوق عندك
في ليلة 14 ابريل ساسه
أسهر وأحيد الشوق يازين وجدك
وأقول باكر يمكن الشوق جاسه
وأثرك قتلت النار في وسط بردك
ماتنفعك باكر جموع الوناسه
اللي معك يومين بعدين ضدك
أهل التملق والوطى والرساسه

******

ماعدت ألوح ياغناتي لردك
ولا عاد يعنيني وجودك أساسه
النفس طابت بعدما ذقت صدك
عفته فوادك بعدما الغير داسه
أنا الشموخ ان كان قبلك وبعدك
ماهزني خيل الوغى والوطاسه
بعدك وصدك وانكسارك وردك
مايهمني والحب كسرت كاسه
لاتعتذر لو كنت مجبر ع بعدك
وخل تنفعك يازين هذي السياسه

للأستمآع

http://www.x-clusivenow.com/song_download_4752_1

اغنية انا السما
كلمات الشاعرة الإماراتية : ريم تواق
الحان : فايز السعيد
غناء : راشد الماجد

أنا السما والي يبي يشوفني فوق
هذا مكاني رغم صعبات الأقدار
إسمي شموخ وفعلي يبين الذوق
طبعي كسبته من بعد مجد الأحرار
ماني من الي يتقي الوقت والعوق
وإن مال وقته كثر القول بأعذار
مابيع راسي في مضاريبة السوق
الدار داري والهوى عندي يانار
من كثر القيلات ماهو بمرفوق
كسٌرت فنجاله ولاتحشمـه دار
والي يزمل كلمته بزين منطـوق
انقدمـه عالكل لو صار ماصار
مجدي صنعته بين اضلاع وعروق
يلين صارت سيرتي للكل تذكار
اعرف قلوب الناس من مقله الموق
واميز الطيب من الناس واختار
اهديها للناموس من خيل ونوق
والمركز الأول يبا عزم وابهار
يلي اتحداني ولا تدري العوق
ابوي علمني التحدي والإصرار
أتوق توق الريم واشعاري اتوق
وغيري مكانه ماتحرك ولاسار
ادبي داري وانت غالي السما فوق
طبعي شموخ وهيبتي تحني كثار

تحميل الاغنيه

http://www.x-clusivenow.com/song_download_4609_1

مثل السما
فؤاد عبدالواحد
كلمات : ريم تواق

مثل السماء قلبي ولا يلحقك شي
شفني بعد فرقاك ماقصرت خطاي
ماهزني بعدك ولا حرك بي شي
اصلا وشو قدرك في هالكون لولاي
يحيك من قلبه على بسمتك حي
وتموت لو قلبك من الحب معماي
دام السماء قلب ومرباي فدبي
العز نوماسي وللفخر ممشاي

انا انا ولا انت ماعاد لك في
فرق السماء فالارض والطين بالماي
مالي هوى المقفين تتبيعة الغي
اللي على ميل الدهر ميل الراي
خل السحب تروي ضما خاطري ري
لاتقطر بحولي ولاتطلب رضاي
النفس طابت والهوى فارق الضي
ياناكر العشرة وياخاين وفاي

عيا الزمن يقسي كلمتي ولا عي
قلبي شموخه فوق هامات الاشواق
سليت في قدرك وكنت احسبك شي
لك قلب ميت فالهوى دون مسعاك
يوم ان روحي تنكوي لشوفتك كي
كنت احسبك تمشي على درب منواي
لكن قلبي ياهوى عانق الناي
حتى بعد فرقاك ماقصرت خطاك

للاستماع

http://www.4shared.com/get/d15jxxXT/____2011.html

اغنية ( ايه احبك )
ديتو يارا و فؤاد عبد الواحد

كلمات: ريم التوآق

الحان : فايز السعيد

" كلمات الاغنيه "

ايه احبك واحبك والله اني احبك حبك الي تكمن من خفوقي وعيني
عيد حبي وحبك عيد قلبي و قلبك بيننا شي غالي بس بينك وبيني

::::

الثواني يا عمري ليتها بس قربك عز قلبي لشوفك يا كثر حاسديني
الوله في لقاتك بس يا وين دربك وينك انت حبيبي عن دروبي وينكـ ؟!

::::

ياسليل المعاني والعرب تفتخر بك ريم تواق حبك لو تمر السنين
المشاعر اتراقص والمعالي قطر بك كل ما مر طيفك ذا العشق ينتشيني

::::

يا بعييد المسافه يا ظمايه يالي شربك من مطار المحبه جبتي كلي حنين
يشتكي الوقت دونك والوله يعتذر بك شوف كيف المحبه باينه وسط عيني

::::

ربـي يا في المحبه سيدي هو ربك زاد فيني غرامك واستبدت عنيني
ودي اسمع حبيبي يا حيـاتـي احـبـكـ ودي في المحبه سيدي تحتويني

::::

المحبه حبيبي هو بذني و ذنبك ت انا في غرامك والهوا والحنيني
ايــه احبــك عساني فدوته لك ولقلبك ايه احــبــك وانا لكـ عـاشقنا من سـنين

، التحميل ،

http://www.4shared.com/audio/G1Werr6m/_____.htm

http://fayezalsaeed.ae/songs/yara/Ya...alsaeed.ae.mp3

عند الوعد
غناء: حسين الجسمي
كلمات: ريم تواق
الحان: فايز السعيد

عند الوعد وقت النوى لي خيل جامح لى نوى
سباق ما هزه احد ولا كسر باسه الهوى
من عادته دايم جموح يتوق للعليا طموح
ما هد سده ولا يبوح خيلي من دبي ارتوى

على مسير المنجزات ما فات عنده شئ مات
قدام عينه بالثبات ما يلتفت خيلي ورى
عشق التحدي من الصغر اعزف على صعب الوتر
وان دقة الساعة صفر ما همني ذيب عوى

خيلي طرف وانته طرف ياللي تتحداني ترف
غلطان والعليا شرف منته مب قد المستوى
قدام خيلي لك ثبوت افتح قلب وانته تروض

http://www.4shared.com/get/JH7fUURJ/...____-__--.html

واشنطن

فؤاد عبدالواحد
كلمات : ريم تواق
الحان : فايز السعيد

للاسف ما حصلت الكلمات

http://www.x-clusivenow.com/song_download_4761_1

تحياتي :
المغــMـــــرم

للامانه ترى الموضوع منقول
__DEFINE_LIKE_SHARE__

elmooOoo'3ram M · 06-02-2011, 11:55 AM

افا و الله 20 مشاهد

و محد يرد ع الموضوع

لا انتو جي حطمتوني بصراحه
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حصري الشيخات شمامي وسلامي من تصوير الشيخة مريم بنت محمد ال مكتوم	da1a3	الشيوخ و رؤساء الدول	28	07-30-2009 05:39 PM
حجاب السيدة مريم العذراء	مدية	الإسلام والشريعة	17	03-08-2009 09:07 AM
الشيخة مريم بنت خليفة أل نهيان ..	el7shra	المواضيع المكرره	16	02-05-2008 09:30 PM
الشيخة مريم بنت خليفة أل نهيان ..	el7shra	الشيوخ و رؤساء الدول	22	01-30-2008 11:53 PM