تصوير استوديو بسيط... قروب(Uae Click)

بوفلاسه · #1 05-21-2011, 07:51 PM

بسم الله الرحمن الرحيم

شحاآآلكم.. ربكم الا بخير..

اممم وايدين سألوني عن التصوير فالاستوديو.. او تصوير المنتجات( البرودكت) او ما يعرف بالتصوير التجاري..

حبيت اعرض فكر هالتصوير عندي فالبيت..

هذا استوديو مصغر.. بعدنها الحجرة اليديدة ما زهبت..و اللي بسويها فيها الاستوديو العود..

الموهيييم..

الفكرة ببساطة.. يبالكم خلفية..ونا اخترت خلفية بيضاء.

و استخدمت فيها سوفت بوكس من الصوبين.. و ثبت الكيمرا على الترايبود..( الاستاند).

اذا كنتوا من مستخدمي الوضع اليدوي.. و بتستخدمون الفلاش فالتصوير..
لا اتخلون سرعة الفلاش اكثر من 200 فالكانون.. و 250 فالنيكون..

لأنكم لو رفعتوا سرعة الشتر اكثر من جي .. بيكون اسرع من ضربة الفلاش .. و بتطلع الصورة سودة او ما فيها اضاءة..

اما اذا استخدمتوا اضاءة دائمة.. مثل ليت مكتب او ما شابه.. عادي ترفعون السرعة اكثر..
بس هذا اللي حبيت انوه عنه..

اخليكم ويا الصور.. عسبت تفهمون الموضوع بشكل اكبر..

اممم سوري على النتايج بس كانت عالسريع.. و كله بدون فوتوشوب طبعا..

و السموحة على القصور..

ما حبيت الزمكم بقواعد.. عسبت كل واحد يبدع من عنده..مثل استخدام اضواء ثانية ملونة.. او عدسات غير..

اتمنى انه يازلكم الموضوع..

تقبلوا تحياتي..

بوفلاسه.. __DEFINE_LIKE_SHARE__

Ƨнωαήνy · 05-21-2011, 11:02 PM

هلآ ،
آلفكرة حلوة ،
و حلو آن يكون لك لوكيشن خآص لك في البيت ،
آبدعت في التصوير ،
لك تقييمي . __DEFINE_LIKE_SHARE__

بوفلاسه · 05-22-2011, 12:21 PM

المشاركة الأصلية كتبت بواسطة SHoshy-Corn Flake's

هلآ ،
آلفكرة حلوة ،
و حلو آن يكون لك لوكيشن خآص لك في البيت ،
آبدعت في التصوير ،
لك تقييمي .

يا مرحبا..

مرورج الاحلى..

اكيد شي حلو.. انا بنيت غرفة لي روحي بررع و بسويها استوديو محترم اكثثر..

يا حييج اختي و تسملين على المرور.

بوفلاسه __DEFINE_LIKE_SHARE__

همس العشق · 05-22-2011, 06:21 PM

السلام عليكم

نآآيس الفكرره

والصوور حلووه

مبدع وربي

أبدعت الشيخ

تسلم يمنااك

ربي يعطيك العافيه __DEFINE_LIKE_SHARE__

الـدانـة · 05-23-2011, 02:23 PM

السلام عليكم والرحمة

تسلم اخوي بوفلاسه على الطرح

وما شاء الله عليك أبدعت في التصوير

والله يعطيك العافية

وبانتظار يديدك __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تصوير ليلي لجسر القرهود .. قروب( Uae Click)	بوفلاسه	عدسة الاعضاء , كاميرا الاعضاء	13	05-17-2011 03:22 AM
من الارشيف ( قروب Uae Click)..,,	بوفلاسه	عدسة الاعضاء , كاميرا الاعضاء	9	03-28-2011 04:49 PM
لقطة على المآآشي..( قروب Uae Click)	بوفلاسه	عدسة الاعضاء , كاميرا الاعضاء	19	03-06-2011 11:29 PM
مطلوب معدات استوديو تصوير	محروم.كوم	منتدى أخبار المواقع والمنتديات العربية والأجنبية	0	10-14-2009 08:00 AM
معدات استوديو تصوير	محروم.كوم	منتدى أخبار المواقع والمنتديات العربية والأجنبية	0	10-14-2009 08:00 AM