قصتي

صرخة يتيم · #1 05-16-2011, 06:47 PM

السلام عليكم
ارجو لمستمعين الشعر عدم الظن بالمشاكاه
لانه شكواي لرب العباد
وقصيدتي لكم مجرد فضفضه
والسموحه

اقول

ودي يسمع هالشعر انسان ماني بحبيته
بالعكس رفعت مكانه بين الناس غصب عني
قدرته بدنيتي والي يبيه سويته
امره مطاع ويحق له ياخذ اي شي مني
هذا ابوي لو الروح ثنتين روحي افديته
مستعد اسعده لو اني ابيع دمي
ولو بعز البرد فراش نومي عطيته
ولو فقد فرحته بفرحتي يتهني
لكن ليتني هالشي بحياتي ما ريته
ليتني اعمى ولا اشوف القهر يذبحني
يومن حصل ما حصل وابوي ما هقيته
يومن لقى خدامه وشالها بمكان امي

عززها وصارت تاج راسه وربت بيته
زادت فرحته وبشوفها يفرح ويغني
سوالها الي تبيه وماتت هيبته
يفرح بلقياها اكثر من ملاقات عمي
مستعد يشيلها ع راسه وهذي هي نيته
يفرض غضبه ع خواني اذا شافها توني
حطها بمكانه علت على سقف بيته
امي هي امي ما ذاقت نفس ما هي تتهني
حسبي عليك يا باه قرب امي نسيته
ما عادت الذكرى تأنب ضميرك واتحني
اشلون اظل فالبيت وحقي ما لقيته
غير هم وغير دمن نازفن مني
اخواني صغار ما يجرحهم الي سويته
مردهم يكبرون ويحسون بمراحل التعني
تحسب انا ما نشوفك ومانعرف الي سويته
تحسب انا ما نشوفك بسواد الويه تتسلي
تحسب انك رجال متعلي بحشيمته
تحسب انك حشيمه برجالن متعلي
ما تدري ان انشوف ونسكت ونقول ابونا يا ريته
بس يتذكر شو كان بوجود امي يسوي
امي ليا طاح من ايدها شي خليته
واخر زمن خدامه اتفضلها على امي
ضعت يابوي وطبعك حيل مليته
والناس يرفعون الراس فيك بمثلي
وينه بوفلان الي رفعه الناس بمعانيه
وينه اليا طاح ضامي فجأه ابويه يطلي
يفزع ناس اتعودو على معاديته
ما فرق بين محتاج وبين متعلي
شهرته بالناس معاملته وهيبته
يوقف معاهم ويحبهم ويصلي
لا يازمن مو هذا ابوي ومو هذي تربيته
تغير وانت يا زمن غيرته وبالكلي
انا مسافر وماعاد لي رجعه فبيته
وما عدت انته ابوي ولاعدت لي ظلي
بترك لك الخدامه وكمل الي سويته
وباخذ اخواني وبغير معاهم محلي
والسبب واظح وما عاد تفريطه
يكفي انك حبيت خدامه اكثر عن امي __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قصتي مع كونكت stc	محروم.كوم	منتدى أخبار المواقع والمنتديات العربية والأجنبية	0	06-12-2009 01:50 AM
قصتي مع السلق ..}	محروم.كوم	منتدى أخبار المواقع والمنتديات العربية والأجنبية	0	05-26-2009 02:50 AM
قصتي مع المرانو	محروم.كوم	منتدى أخبار المواقع والمنتديات العربية والأجنبية	0	05-25-2009 02:20 AM
بداية قصتي كلمه . . وآخر قصتي أبيات	اشكي لمن منكم	شعر و خواطر	6	04-11-2009 12:44 AM
@بنهي قصتي@	22الهاجس22	شعر و خواطر	7	02-03-2008 06:22 PM