ساحر في الامارات

uaeLLrose · #1 05-03-2011, 12:19 AM

مساء الخير اخواني

حبيت انقل لكم وضع حاصل في دولتنا ، ما ادري بتوافقون على هالوضع و الا يمكن ما بتصدقون انه يحصل
أنا اطرح لكم هالموضوع عشان اللي يقدر يساعد بأي وسيلة
انتو اتعرفون ان هناك قوانين رادعه ضد اي مشعوذ او ساحر يقوم بأعماله في دولتنا
و كم مرة يمسكون أشخاص و يطلعونهم في التلفزيون و الجرايد
لكن الله يسلمكم ، واحد اتعامل مع عائلة مواطنه من أكثر من 3 سنوات و كان يسحب منهم على الأقل 20 ألف في الشهر و كان كل يوم يقول لهم فلان و الا فلانه الى ان جاءت عليه فترة ظل يقول لهم هذيلا قرايبكم و انا بجيب لكم أدله ضدهم و خبروا فلان و فلان ان هذيلا قرايبكم يعملون لهم سحر و هاتوهم عندي و انا بشفيهم و هالعائلة يصدقوا و كل مرة يسحبون شخص جديد معاهم في الموضوع و هو يزيد و يعيد و انه اللي يسوي السحر ناس معينين و انه خلاص بيطلع أدله ضدهم و انه بيعاقبهم و بيطرش لهم ربعه ، يعاقبونهم ، المهم ، الله يسلمكم بعد سنة من كلامه ، قام يطلع أوراق مدفونه من عند بيوت الناس اللي قال انهم مسحورين و طرش عليهم هالعايلة اللي كانت تتعامل معاهم ، ووصل الموضوع انه دخل ناس لهم مكانتهم في مجتمعنا و هؤلاء أيضا صدقوه
و سوى شيء ما يتوقع ، قال لهم شوفوا البصمات ، لأنه دخل ناس لهم مكانتهم في مجتمعنا في الموضوع ، فهذيلا شافوا البصمات عن طريق المختبر الجنائي وهو أصر انه ناس معينين هم يسون هالأشياء و يدفنون عند كل الناس و أصر انهم يقارنون البصمات ببصمات اللي يقول عنهم سحره
و طلعت فعلا بصمات الناس ،
المهم هو قال بيعاقبهم من قبل و بيطرش عليهم ناس يعاقبونهم بسحر و يدخلون بيتهم و يجلسون فيه ، و بيسون عليهم سحر ، انهم ما يشوفون حد ثاني معاهم
يعني ربعه موجودين بشحمهم و لحمهم داخل البيت لكن أصحاب البيت ما يشوفون حد معاهم
و طبعا بدأ مسلسل الانتقام ، هذيلا ضربوا أصحاب البيت ، وصوروهم
و يدخلون الحمامات معاهم ، و يسوون عليهم أصوات ، وحتى انهم يأمرونهم بعمل أشياء و أصحاب البيت ينفذون و كأنهم روبوت آلي
ووصل بهم انهم يسوون أشياء بالحرمه و الريال و بنتهم ، حتى انهم استخدموا مادة تحرق الجلد على البنت و سووا للبنت خطوط في رقبتها و حرقوا لها ضرسها و صوروا هالشيء
و حتى ضربوهم ضرب الى ان صارت يدين و رجلين أصحاب البيت زرق من الضرب
والله يسلمكم ، الناس اللي في نفس المنطقة تعرف و تشوف اللي حاصل لكن موافقين لأنهم مصدقين ان هالناس مسويين عليهم سحر ، و لأن من وراهم ظهر ، فهو محد يوقفهم عن عمايلهم
و أنا بقو لكم شيء ، هالناس محد حقق معاهم و لا حتى استدعائهم
حصولوا هالاوراق عن طريق الساحر و ربعه ، و صدقوه و ازيدكم من الشعر بيت ، هو و اللي معاه ياخذون من الناس فلوس عشان يعاقبون هالناس و يسوون اللي يريدونه ، ووراهم ظهر لانهم دخلوا ناس لها مكانتها في مجتمعنا
و أنا بقول لكم ، ان الشيء كمل أكثر من سنة ، بشكل علني يعني جدام الناس يحصل و الغير علني ، كمل أكثر من أربع سنوات للآن
وواحد من ربع الساحر اللي يالسين يعاقبون هالعايلة ، قال نحن اللي عملنا كل هذا و نحن كنا في بيت هالناس و بنلعب بهم بالسحر و بنبصمهم وهم مخدرين على الاوراق
و طبعا هو يظل يضحك و يضحك ويقول هالكلام جدام الناس و بعدين يسكت ويقول لا انا بهزر
يعني اللحين هو يقول نحن ساحرين هالناس و يتحكمون بهم بالسحر عشان يكتبون أشياء و تكون بصماتهم على الأوراق و يقول محم مبصمينهم و يضحك و الناس اتفكره يمزح و مصدقين ان هالناس فاضيين و يالسين يسوون عليهم سحر
حتى واحد من ربع هالساحر ، قال ، نحن دفنا و نحن طلعنا الاوراق و هي هي هي ، يضحك
و بعدين يقول للناس وهو احنا بنكذب عليكم و احنا هنظلم ناس ، و اخواني ، هم ياخذون فلوس من كل الناس اللي قالوا لهم ان هالناس مسويين عليهم سحر

و بقول لكم شيء الناس اللي في المنطقة و اللي حاصل عندهم هالشيء و موافقين عليه
وايد يؤمنون بالسحررة و لهم تعامل طويل معاهم ، حتى من فترة خمس سنوات طلعت اشاعه على حرمة عيوز في المنطقة انها ساحرة و انها تطير و تدخل بيوت الناس ، و الكل صار يكرهها و كل يوم تلاقي حد يقول فلانه هي سببت هالمرض لفلان وهو يكون الشخص مريض بمرض يعالجه الأطباء ، وصاروا يلجأوون للسحره عشان يعاقبونها و يكبون ماي امام بيتها و يعلقون أشياء في بيوتهم ، حتى فيهم ناس متعلمين ، حطوا ميزان حرارة تحت رووسهم لما ينامون
قال عشان ما دخل هالعيوز و تاكلهم
لا اله الا الله
انا ذكرت لكم قصة هالعيوز المسكينه المظلومه عشان اتعرفون كيف الناس في هالمنطقة يفكرون و كيف ان الانتقام و الخوف يسيطر عليهم لدرجة انهم يعطون سحره وافدين فلوس عشان يدخلون بيت ناس مواطنين و يسوون عليهم أسحار قوية ، و يضربونهم و يصوروهم
و يدخلون معاهم في الحمامات ، يعني يشوفون عورات ناس و انهم هالوافدين يستخدمون مواد مخدره و مواد حارقة للجلد على هالناس و جالسين في بيتهم على مرأى من باجي الناس و المجتمع
و انه ورى هالسحرة و عمايلهم ، ناس لهم مكانه في المجتمع و ووراهم ظهر ، محد يقدر يقول لهم شيء و لا يطلعهم و ان الكل ينفذ كلام هالسحرة لأن الناس الكبارية اللي صدقوا ، من وراهم
و انا انقل لككم اللي حاصل و اطلب منكم اللي يقدر يدخل ناس مسؤولين في الموضوع و الا يقدر يساعد بأي وسيلة ، يا ليت يطرش لي رسالة
و اللي ما يصدق اللي حاصل ، انا بعطيه جميع المعلومات من اسم الناس المظلومين و عنوانهم
و يروح يتأكد بنقسه و يشوف بعينه و ان هالشيء يحصل عندنا في الامارات
و لا حول و لا قوة الا بالله العلي العظيم و حسبي الله على كل ظالم و كل ساحر و مشعوذ
و كل من صدق هالشخص و ينفذ كل كلامه
و لا حول و لا قوة الا بالله العلي العظيم __DEFINE_LIKE_SHARE__

السردال · 05-03-2011, 01:44 AM

بلغ الشرطة بدون تردد __DEFINE_LIKE_SHARE__

السردال · 05-03-2011, 06:44 PM

دولة الإمارات العربية المتحدة
وزارة الداخلية

نظام الشكاوى والآراء

للإبلاغ عن أي معلومات امنية مع حفظ سرية الشخص ومعلوماته

للتواصل باحدى الطرق التالية: الرسائل النصية القصيرة: 2828
البريد الإلكتروني: [email protected]
الرقم المجاني: 8002626
نظام الشكاوى والآراء

بلغ هني والشرطة في خدمة الشعب

__DEFINE_LIKE_SHARE__

ღ الــــجـــــــــود ღ · 05-06-2011, 04:58 PM

السلام عليكم ورحمه الله وبركاته
موضوع كبير !!!
ولكن الحمدلله دولتنا واعيه بهالامور وواقفه لهم بالمرصاد , ومثل ما قال اخويه السردال من الافضل
انك تبلغ عليهم الشرطه , مب شرط تدور مسؤول كبير لان هالموضوع حساس جدا بالاخص تكشف عورات
هالناس وتمس اعراضهم , والي يسكت عن الحق ويتبع الباطل يتعاقب بمعاقبه هالمجرمين

الله يشفي عقولهم من هالسموم , ويبعد هالاشكال عن بلادنا
__DEFINE_LIKE_SHARE__

Aljohara · 05-06-2011, 08:53 PM

وكأن مآذكر شي من الخيآل !!
يقول عليه الصلآة والسلآم ( من أتى كاهنا فصدقه بما يقـول فقـد كفر بما أنزل على محمد )

والإستعانه بالسسحر لا تجوز ، وتصل للكفر بالله !
ولازم ع الاقل تكون ثقافة أهل المنطقه أكبر من منظور الشعوذه وتأثيرها ..
والخوف الملآزم لها بهالحاله !
الموضوع جداً كبير ..
وخآصه إن الأذى تعدى المرحله النفسيه للجسديه !!
ولا أحد فوق القانون ،
السآحر لآبد مآيآخذ جزآه لقوله عليه الصلآة والسلآم ( حد الساحر ضربه بالسيف ) ..
حتى لو كآن وراه ظهر كبير يسستند عليه ،
بلّغ عنهم الأمن ، أو أحد المشايخ الثقه ..
لأنهم لو مآتوقفوا عند حدهم بيمتد الأذى ولا بيتوقف !!
والسردال وضع الأرقام ولا قصصر ..
وأعتقد إنهم بيتعاملون بمثل هالمواضيع بسريه تآمه تأمن فيها عدم الأذيه ..
عافانا الله ممآ إبتلاهم بهم ..
ونسأل الله العافيه لكل من أمتدت أذية مثل هؤلاء الكفره له ونآلت منه ..

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اختتام مؤتمر الامارات الانساني ..واشادة بمبادرات الامارات الانسانية	كحيلان المهيري	اخبار محلية و عالمية	0	01-07-2011 10:56 PM
حصريا ارض برملة زاخر 100×100 و زاخر قريح 100×200 بسعر مناسب جدا	محروم.كوم	منتدى أخبار المواقع والمنتديات العربية والأجنبية	0	06-27-2010 06:40 PM
48 مليااار دولااار..طلبيات شراء لطيران الامارات..اللهم احفظ الامارات من كل حاقدا حسود	محروم.كوم	منتدى أخبار المواقع والمنتديات العربية والأجنبية	0	06-08-2010 05:10 PM
علم الامارات مقلوب في الصفحة الرئيسية لجريدة الامارات..والريامي يقول الآلة لا يمكنها تمييز الألوان	Ủм Šʜαʜάđˇ	اخبار محلية و عالمية	15	11-11-2009 11:25 PM
htc Touch Diamond (الامارات , او خارج الامارات) تعريب كامل + اخر نظام وندوز + نظيف %	محروم.كوم	منتدى أخبار المواقع والمنتديات العربية والأجنبية	0	04-17-2009 10:30 AM