وربي تعبت ودي احد يساعدني ..~

جرحي عميق ..~ · #1 04-20-2011, 04:47 AM

السلام عليكم ورحمه الله وبركاته ..~

بصراحه وبكل امانه انا سجلت عشان اقوول لكم قصتي وشورا علي لاني صج تعبت وصابره ومتحمله الالم كله ..~

انا همي بدا من عمري 19 سنه والحين عمري 25 سنه انخطبت حق واحد من ايام ثنوي

وتمت خطبتنا خمس سنوات والله العظيم اني مب مرتاحه ابدن له موول مول لكن حكم القوي ع الضعيف الاهل كانوا مقتنعين في خلال هالفتره صارت لي صدمات عنيفه
وايد ناس من هلي طاحوا من عيني انا لو ادخل بالتفاصيل اكثر تعذروني
يعني اول شي
اخذت ظلم وايد
2- سمعت من ناس مقامهم بعيوني عالي كلام ماحبه
3-طحت بعلاقات انا بغنى عنها انا ماودي بهالعلاقات لكن كنت هبله ومحد معاي ومحد يوجهني
اخواني مب يمي حزت خطبتي محد وياي كان لاا ادري متى بتزوج ولا اعرف شي ولا شي
انا حتى كلمه تطمن ولمسه حنونه لان البنت حزت الخطبه تكون وايد حساسه ولازم تفهمون هالشي كبار وصغار اهنا طبعن انا انفصلت من الخطبه بعد خمس سنين مشاكل ويا هلي وناسي
لكن من كل ها كله بدال ما اصدع راسكم بمشاكلي
انا اعرف الحل بس المشكله ان الحل بعيد عني ويباله شوي تفكير وبحث
الحل هي وظيفه انا من بوظبي وطبيعه اهلي من النوع اللي بالمره مافي شي يعيبهم
يعني كذا وظيفه ياتني بس يرفضون لانها مكس انا معاهم بهالشي لاني روحي وحده خجوله
بتستغربون خخخ لاني صاحبه علاقات لكن علاقاتي كانت حاصل تحصيل قهر عاطفي من سبه اهلي الله يسامحهم
انا مسامحتهم ع كل اللي سوه فيني والحينه انا بمعهد بدال يلسه البيت هاي والله اخواني خواتي اني كل يوم اتعذب بالبيت لاني انا خساراتي وايد خسرت كليتي بعد كان حلمي يوم اتخرج ادخل كليه التقنيه احرموني بعد منها اهلي كنت احلم بالزواج مثلي مثل اي بنت وكانوا الخطاطيب ييون ويرفضون هلي ع كيفهم واختاروا ها لانه ع كيفهم
وخلوني بالاجبار اخذه بس بطريقه الحن لانهم طفروا بي وايد يحنون
وكرهت الزواج وسيرته ويوم دخلت العشرين
كنت افكر حل شلون اظهر من ها كله وسوس لي شيطان ودخلت علاقه
يعني بتفكيري انا وبدون اي مرشد وموجه لي
قلت باخذ هاللي يحبني وهذا الخطيب افتك منه ها كان تفكيري وهذي بدايه الانهيار
والله اني صار حالي مثل المدخن يدخن وهو عارف مضار الدخان بس يدخن ويضححك
وانا كان حالي جيه يوميا بجي ع الشبريه ماني مرتاحه
لاني مب جيه بيوم من الايام ولاني تعودت على راسي المرفوع دووم تعرفون شو قبل كنت
كنت دووم انسانه مالي بهالخرابيط يعني قبل كل هالصدمات كنت كله اشتغل بالفوتوشوب
انزل طبخات بالنت كنت صح بنت شرات العالم والناس فجأه صرت انطوائيه كتومه والهم صااحب لي
الحينه انا بالبيت واعاني علاقتي باهلي ضعفت واايد انا اللي خليتها كذي لانهم هم اللي قصروا هم اللي بدوا الخيانه قبل ما ابدا فيها انا ( صدق من قال بروا ابنآئكم يبروكم ) -- تعرفون شو هاي الكلمتين صغار صح بس والله اتجنبنا مشاكل كبيره يعني انا لو يااني اي احد من هلي وباشاره انهى لي موضوع الخطبه ماكنت دخلت بهالدوامه واضيع جذيه يااهل وهبله ومادل دربي وين بس وياليت يااليت اللي هب قد الزواج مول لايتزووج ابد ابد وله ايب عيال موول حرام ايعانون بحياتهم البعد العاطفي اللي يبخل فيه الابو وله الام على عيالهم وبعد حراام الاخو اللي يبخل بعطفه وحنانه باخته اللي مالها حد الا هالاخ اذه جارت هالدنيا البنت والله مخلوق ضعيف مهما كان وشو ماسوت يعني حتى رسول عليه صلاه وسلام تشبيهه دقيقه ويدل كم هو انسان يقدر ويعرف جيمه البنت صصج قوارير صج ..~
قــآبلة للكسر بسهوله ...~
بالوقت الح ـــآلي اخواني متزوجين والتهوا بحياتهموبصراحه مقصرين وايد وانا احاتي امي واختي
لانه هم المعيلين ابوي متوفي احس فيني شي انكسسر وودي اصلحه والحينه انا ودي اتوظف
عشان اسد روحي وماطالع حد وابر امي واختي واسوي لهم كل شي
بس انا ودي اهنيه احد يقولي على اي مكان يعرفهاو يدري فيه
يقبل موظفات ومافيه اختلاط قدر الامكان وبقدم في على طوول مارااح اتردد ابدن

اتمنى اني احصل منكم تفاعل والله اني معتمده ع ربي قبل كل شي
ودروب الصياعه هذيج صكرتها والله
لاني ادري مامنها خير ولا تييب وتودي

واشكركم واايد من كل قلبي لكل اللي بيرد الحينه ويتعنى ويحط رد حتى شي بسيط __DEFINE_LIKE_SHARE__

~» مـآ غرنـﮱ مْــزيِـــﯛטּ ™, · 04-20-2011, 12:36 PM

اللله يكوون ف عونج ختيييه ..

الله يهديييج و يصلح بالج .. وان شآء الله الاخوان مآبقصرون ويااج

انا ماعنددي خبره ف الشغل وجي بعدني ف سكول اكرف .. ><

مآبقصرون ويااج .. __DEFINE_LIKE_SHARE__

جرحي عميق ..~ · 04-20-2011, 07:50 PM

آمين اليميع يارب

تسلم اخويه ماقصرت اكيد ماتقصر لو تعرف باماكن اوكي

حتى الحينه دنيا وااسطه الله مستعان بس ..~

مشكوور ^^
وبالتوفييق بدرآآستك ان شاء الله __DEFINE_LIKE_SHARE__

عنا حياتي · 09-05-2011, 03:58 PM

اسمحيلي و الله أختيه ...... أنا ما اعرف بها السوالف .....

و الله يكون في عونج و يصبرج إنشاء الله ....

عليج بالقرآن و الصبر و ذكر الله حبيبتي و إن شاء الله يفرج همج إنشاء الله ... __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وربي تعبت وأنا أدورها ... تكفون الفزعة	محروم.كوم	منتدى أخبار المواقع والمنتديات العربية والأجنبية	0	08-24-2010 06:50 AM
مساعدة تكفووووون وربي اللي يساعدني لادعيله من كل قلبي ~	محروم.كوم	منتدى أخبار المواقع والمنتديات العربية والأجنبية	0	05-05-2010 05:50 PM
ماتهنيت بالوساائط تعبت وربي سااعدوني اخر حل انتم:(	محروم.كوم	منتدى أخبار المواقع والمنتديات العربية والأجنبية	0	09-04-2009 08:30 PM
ساعدوني وربي تعبت وانا احاول المنتدى مغلق	محروم.كوم	منتدى أخبار المواقع والمنتديات العربية والأجنبية	0	06-18-2009 04:50 AM
تعبت مع النوفي 710 من يساعدني ؟؟؟؟؟!!!!	محروم.كوم	منتدى أخبار المواقع والمنتديات العربية والأجنبية	0	06-03-2009 12:30 PM