► ██ يضمـني قبـري ولا أشـوفك مـع غـيري ► ██

›• غَنٍجَ اڷشاُمً ‹• · #1 03-21-2011, 11:03 PM

تمنيتك علي تقبل .. أشوفك مبتسم فرحان
وأشوف أهلك يغنوا لك ولدروبي يزفونك ..

وتزيد بقلبي نبضاته ويحمر وجهي الخجلان
ويرعش جسمي بقدومك وأقول امشي على هونك ..

واملاك السما تحفك بنور الرازق المنان
عليك اسم الله يالغالي وعمت عين اللي يحسدونك ..

تسابق لجلي خطواتك تجيني محترق لهفان
وأحط يدي على قلبي واقوله جاك مفتونك ..

وتفتح طرحتي بيدك وأتوه بسحرك الفتان
ياعمري والله خجلانة وميته بنظرة عيونك ..

يريحني كلامك لي ياما حلا ليلة العرسان
وتعاهدني بتوفي لي وأعاهدك أني ما أخونك ..

مضى عمري وأنا احلم وأظم طيوفه بالأحضان
واسأل ليلى يا ليلى شسويتي بمجنونك ..

تحقق نصف حلمي بك وشفتك مقبل وفرحان
وشفت اهلك يغنوا لك ..... وللحلوة يزفونك ..

خنقت بنفسي عبراتي وخنقني قلبي الغيران
وحبست دموعي في عيني وقلت امشي على هونك ..

فضحني صوت شهقاتي ورجيت الواحد الديان
يخليها ويقدرني أضمّد جرحي من دونــــــــك ..

أشوف شلون تضحك لك وقلبي يشتعل نيران
دعيت الله يهنيها معاك وتجلي شجونك ..

وأنا منهو يهنيني ويداوي قلبي الوجعان
أنا ونيت يوم أني سمعت إخواني يطرونك ..

غديت بغبنتي وحنيت وصفت إحساسي للجدران
رحلت وربي ما ضنيت مصيري غيري تصونك ..

وناديتك ولا لبيت وتخالط شوقي بالهجران
بتنهيدة أنا ترجيت لي ربعي يجيبونك ..

يقولون ادفني ذكراه وانسي اللي خان
قسم بالله ما انساك ولو هالكون ينسونك ..

تروف بحالتي(....)وتحلف والله هو خسران
يواسوني رفيقاتي يقولن كلنـــا عونــــك ..

كبيرة بعين كل ربعي أموت وعزي ماينهان
كذا تخليني أصغرهم مع فلانة يلقونك ..

أنا مابي مهر منك ولا شبكة ولا فستان
طموحي احتضن حزنك وازين بالهنا كونك ..

أبيك تكون لي وحدي بديره مابها سكان
تنومني بوسط عينك وتلحف جسمي بجفونك ..

غناتي ليه تاخذها وتشمت فيني العدوان
وش اللي ساومك فيها وصغر شخصي بعيونك ..

وش اللي مو حلو فيني ؟ كسرت بخاطري يافلان
خبر عرسك قضى فيني هلكت قليبي بطعونك ..

(.... )ضميتها وبليت شعرها بمدمعي الهتان
ياعمري خلو الخالة وعساهم ما يخلونـــــــك ..

يهون عليك ترخص بي وتجازي طيبتي بنكران
عشقت اهلك على شانك ولمت اللي يلومونك ..

أسفه والله أسفه مكتوب أهيم بسكة الأحزان
ومكتوب تلقى بنت ناس تعيش بدالي في كونك ..

ياشين اللحظة ذي والله تمنيت ألبس الأكفان
وأشوف الظلمة في قبري ولا بغيري يهنونك ..

يبين ارجوووك خذ روحي ونادو يا هلي الدفّان
ابيك تحس بجروحي.. وبتابوتي يمرونك ..

أبيك تشيل نعشي على كتفك يغصن الـ بان

وتعرف قدري بموتي وتدمع لجلي عيونك ..

بذاك الوقت أبي امسح دموع الغالي بأكفاني
دموعك أغلى ما عندي يامالك كل وجداني ..

فراق أهلي وزواجك موت ، ودمعك موتي الثاني
خلاص ارحمني لاتبكي دخيل الله على شاني ..

زماني مارحم ضعفي هزم حسي وتحداني
عهد في قبري ما نساك تعال وزورني عاني ..

تعال خلني بحس إنك علي ولهـــــــــــان
وبفــــــــــرح وانا في وســـــــط تربـانــــــي

__DEFINE_LIKE_SHARE__

joode M · 03-22-2011, 01:57 PM

فراق أهلي وزواجك موت ، ودمعك موتي الثاني
خلاص ارحمني لاتبكي دخيل الله على شاني ..

صـرآحـه آثـرت فيـه آلكـلمـآت .. بدون شـعور دمـعت ^^ هع <~ عـآيشـه آلجـوو

طـرحج مميـز .. وآلـكـلمـآت وآيــد عيـبني ..

تسـلم آيـدج ع هـآلطرح ..

وو مـآ عندي شـي آقـوله بعـد !!

غيـر آلله يـحفظج ..

ونـتريـآ يديــدج .. __DEFINE_LIKE_SHARE__

همس العشق · 03-22-2011, 02:17 PM

السلام عليكم

نآآيس القصيييده

صح لساان قايلهاااا

تسلمين ع النقل

ربي يعطيج العافيه __DEFINE_LIKE_SHARE__

الرهيب القطراوي · 03-26-2011, 11:27 AM

يسلمو يااختييي الغاليه
غَنٍجَ اڷشاُمً

كلمات روعه صح لسان القائل
وسلمت ايادي الناقل
وننتظر المزيد
&&&
إخواني الشعراء واخواتي الشاعرات مشاركاتنا
في هذا القسم بالقصائد النصيه والمسموعه والخواطر
تضفي عليه النور

يا حلو الايام لو ترجع على كيفـــــــي

ما كان قلبي شـكى فـرقا مواليفـــــــه
كانـوا بقـربي ولا يحتـاج تكليفـــــــــي
واليوم راحوا ودمعي صعب توقيفـــه

@ الودعاني عاشق الريان القطري @
@ AL wadaani Old Rayyan of Qatar @
__DEFINE_LIKE_SHARE__

›• غَنٍجَ اڷشاُمً ‹• · 03-27-2011, 10:36 PM

تسلمو ع الردود العطره ~

" منورين "
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
[ عرض دعم فني ] : █►█ اقووووى عروض الدعم السعودي من مجموعة الفرسان السعوديه بـ 60 بدل الـ 200 ريال►████	محروم.كوم	منتدى أخبار المواقع والمنتديات العربية والأجنبية	0	11-23-2010 06:32 PM
█ ███◄جديد للرياضة المنزلية فقط ب95 درهم►███ █	محروم.كوم	منتدى أخبار المواقع والمنتديات العربية والأجنبية	0	09-03-2010 07:20 AM
██\|█\|█\|█\| ◄أحـلى دخووون...دخون غااالية والأميرة ودانـة دبـي►\|█\|█\|██ █+آآراء الزباين	محروم.كوم	منتدى أخبار المواقع والمنتديات العربية والأجنبية	0	04-08-2010 02:10 PM
██\|█\|█\|█\| ◄جــديدي في الدخووون...دخون الأميرة وغااالية►\|█\|█\|██ █مع آآراء بعض الزباين	محروم.كوم	منتدى أخبار المواقع والمنتديات العربية والأجنبية	0	03-14-2010 11:40 PM
█◄█◄█◄█◄ تعطيل زواج ومنع رزق وفرض للمرض ..ساعدوني ►█►█►█►█	محروم.كوم	منتدى أخبار المواقع والمنتديات العربية والأجنبية	0	02-13-2010 05:20 PM