{ شطاره .. ~

ઇ النورس ઇ · #1 03-15-2011, 08:56 PM

[align=center]
السلام عليكم ورحمة الله وبركاته

وبعد ,,

حقيقه ,, أعرضها لكم .. بعد أن سألني أحد الأصدقاء

عما هو الفرق بين الخيانه والحب في هذا الوقت بالذات .. !!

هذه الحقيقه صارت هي القاعده الآن صارحة ً ..

بالرغم من أن هناك استثناءات طبعا عن هذه القاعده ولله الحمد ..

وكلي رجاء .. أن تصبح هذه الاستثناءات هي القاعده

والقاعده هي الاستثناءات ,, !!

لأن هذه الحقيقه هي كالآتي :

الخيــانه يـــــا رفيقي فالزمن هذا شطاره !!

والقِـلُـوب اللي تِحِب وْ تعشق وْ توفي غبيه

والحبيب اللـــي يِحِب يِستَمتِعون بـْـــإنهياره

والغَدِر صـــــــار المَحَبّه .. والمحبـه موسميه

كلّ احاسيس المَحَبه مــول مــافيها طَـهَـاره

كلّ هالأشيـــــاء راحت والليـالي الشاعِرِيـّـه

بين رغبه وْ بين متعه هالعِشِق غيّر مَسَاره

القلوب الحين مــافيهـا مشاعــر لــو شويـّـه

يـتـقِـنـون الغــدْر إتــقــان التـّـفـنـّـن والمهـاره

يطعنونك بالتّـخَقّي في قِـنـاع العاطِــفـِـيـــّــه

العِـشِـق ماهو نهاره ليل .. ولا ليلـه نـهـــاره

كنّ صرنا نْعيش حَاله مِن زمان الجَاهِـلـِــيــّه

من يـِفوز بْقلب شَخصن صَارلَه فوزَه خسَارَه

لــنّـهَ اصلا فــالنّهـايــه مــا يـِكـون الا ضـحيــه

هو ضحيةْ عِـشْق وهمي إندِمَج ويـّا المَـرَارَه

واكتِشَف ذيك الخيانه ,, وخْدِعـَـتـْـه الجاذبيه

لا تِــغِــرّك يــا رفــيـقـي متـعِــتِـك ولاّ الإثـــاره

القلوب اليــوم أصلا مَـيـّـتَــه مــاهيـب حَـيـّـه

ولا يِخَـادِعْـك العِشِق لنّ الوفــا خــارج إطــاره

والمَحَبــه مـو مَـحَبـة ْ قــيـس ويـّـا العـامـريـــه

ويوم هذي النفس تشبع يرشِقونك بالحجاره

وانت تسأل وشْ حصَل فاللي مكانه دوم فيّـه

وشْ تِسوي وقتَهَا وانت اللي تَشْعِر بالحقاره

وشْ تِــسوي دامَـهَا ضـاعت صـفات الآدميـّـه

هي دروب الحبّ صعبه .. مِعْتِمَه وبـْـلا إنـاره

كلّ منْهو راح فيهــا .. ضايـِـع (ن) وبـْـلا هويه

وكــلّ سَعْد(ن) مـــرّ فيهـا كــان قرّر إنتـحـاره

والقلوب تـْـصيح دايم فـــي طُـرقْهَــا الجانبيه

ويش ذمب القلب ياللي ضاع عمره فانتظاره

كلّ مــرّه يـْـنـوح شــروات الـحـمــام الراعبيـه

لا وِنِيس(ن) يسْعِده لا من يمينه من يسـاره

تايه(ن) في هالظلام و يـَـحْـسِبِ القصّه هنيه

جوهريةْ هَالمسَائل .. العِشِق ضاع اعْــتِـبَاره

واعتباره صار له مـاهـــو مسـائـــل جوهريــه

المحبه يــا رفيـقـي فالزمــن هـــذا خســـاره

والقلـوب اللي تخون وْ تغْدر وْ تِقسَى ذكــيه

والحبيب اللي يـِـحِـب يستمتعون بـْـإنقِـهَـاره

والغَدِر صـــــار المحبــه والمحبــه مـوسِـمِـيـه

بقلمي : خالد الشامسي

النورس
[/align] __DEFINE_LIKE_SHARE__

*نظره مني تسدك* · 03-15-2011, 09:24 PM

"

"

عليكم السلام ورحمه الله وبركآته

مسآك الله بالخير..~

اهنيك يالنورس على هالقصيده الطررر..بتلامس الكثير والكثير والكثير صدقني
لأن كآتبها خالد الشآمسي

ولان فيها المشاعر تووصل للمتلقي وانا منهم

مثل ما قلت الحب غير مسآره..من شوو من اوآدم اساسا ما يعرفون وش يعني الحب

بسسس الحب صار كلمه تنقال ومع السلامه حياك الله

وما يدرون ان الصدمه لي بينصدم بها الوآحد فيهم اكبر واعظم...لو الوآحد هب بعقله جآن وش صارله

كلّ احاسيس المَحَبه مــول مــافيها طَـهَـاره

كلّ هالأشيـــــاء راحت والليـالي الشاعِرِيـّـه

بين رغبه وْ بين متعه هالعِشِق غيّر مَسَاره

القلوب الحين مــافيهـا مشاعــر لــو شويـّـه

كفيت ووفيت في هالبيت اصفق لك الصرآحه

ولا يِخَـادِعْـك العِشِق لنّ الوفــا خــارج إطــاره

والمَحَبــه مـو مَـحَبـة ْ قــيـس ويـّـا العـامـريـــه

يا سلام ومنو شرآت العآمريه خبرني ههههه

وشْ تِسوي وقتَهَا وانت اللي تَشْعِر بالحقاره

وشْ تِــسوي دامَـهَا ضـاعت صـفات الآدميـّـه

عوووووووور قلبي هالبيت قسسسمن

جوهريةْ هَالمسَائل .. العِشِق ضاع اعْــتِـبَاره

واعتباره صار له مـاهـــو مسـائـــل جوهريــه

الحب بيلقى ناس تفهم له../ بس يكون الاختيار صح
بيكون الحب في امان ^.^

قصيده غاااااااايه ف الروعه..كل يوم تبدع اكثر الله لا شله هالمنطوق
هذا القصيد اللي الوآحد يسستمتع به الصرآحه

كثر لله من امثالك..وقوآك الله يالنورس

تستآهل احلى تقيييم وربي

يعطيك الف عافيه..~ __DEFINE_LIKE_SHARE__

ઇ النورس ઇ · 04-09-2011, 06:44 PM

المشاركة الأصلية كتبت بواسطة *نظره مني تسدك*

"

"

عليكم السلام ورحمه الله وبركآته

مسآك الله بالخير..~

اهنيك يالنورس على هالقصيده الطررر..بتلامس الكثير والكثير والكثير صدقني
لأن كآتبها خالد الشآمسي

ولان فيها المشاعر تووصل للمتلقي وانا منهم

مثل ما قلت الحب غير مسآره..من شوو من اوآدم اساسا ما يعرفون وش يعني الحب

بسسس الحب صار كلمه تنقال ومع السلامه حياك الله

وما يدرون ان الصدمه لي بينصدم بها الوآحد فيهم اكبر واعظم...لو الوآحد هب بعقله جآن وش صارله

كلّ احاسيس المَحَبه مــول مــافيها طَـهَـاره

كلّ هالأشيـــــاء راحت والليـالي الشاعِرِيـّـه

بين رغبه وْ بين متعه هالعِشِق غيّر مَسَاره

القلوب الحين مــافيهـا مشاعــر لــو شويـّـه

كفيت ووفيت في هالبيت اصفق لك الصرآحه

ولا يِخَـادِعْـك العِشِق لنّ الوفــا خــارج إطــاره

والمَحَبــه مـو مَـحَبـة ْ قــيـس ويـّـا العـامـريـــه

يا سلام ومنو شرآت العآمريه خبرني ههههه

وشْ تِسوي وقتَهَا وانت اللي تَشْعِر بالحقاره

وشْ تِــسوي دامَـهَا ضـاعت صـفات الآدميـّـه

عوووووووور قلبي هالبيت قسسسمن

جوهريةْ هَالمسَائل .. العِشِق ضاع اعْــتِـبَاره

واعتباره صار له مـاهـــو مسـائـــل جوهريــه

الحب بيلقى ناس تفهم له../ بس يكون الاختيار صح
بيكون الحب في امان ^.^

قصيده غاااااااايه ف الروعه..كل يوم تبدع اكثر الله لا شله هالمنطوق
هذا القصيد اللي الوآحد يسستمتع به الصرآحه

كثر لله من امثالك..وقوآك الله يالنورس

تستآهل احلى تقيييم وربي

يعطيك الف عافيه..~

ختيه نظره .. يعلني ما خلا من تواجدج الرايع

ربي يعطيج العافيه

داايم تسعديني بتواجدج وحضورج المبهر ^ـ^

ما عليج زود الصراحه

ومهما بقول ,, ما بوفيج حقج فردودج وتواجدج الدايم

لا عدمت هالطله أبــد

دمتي في حفظ الرحمن __DEFINE_LIKE_SHARE__

فتنـۂ الـڪِوטּ · 04-09-2011, 08:30 PM

يسعد مساك يافخر الشوامس . .*النورس*
كيف الحال عساك بخير ومتهني ؟
ابيآت بـ الصميم
وقويه بس تبرد القلب ..
مقدر آنآ ع التعبير والله . . كل بيتن احلى عن الثاني

والاحلى انها ترمس ع الواقع
صح لسآنك ؤآلله ؤعسى ربي يعلي بشآنك
دووم ماشآء الله عليك تبدع ..
بـ الأبيآت الشعريه
كلهآ اعجبتني بس هـذي البيت رآآق لي ..

ويوم هذي النفس تشبع يرشِقونك بالحجاره

وانت تسأل وشْ حصَل فاللي مكانه دوم فيّـه

وشْ تِسوي وقتَهَا وانت اللي تَشْعِر بالحقاره

وشْ تِــسوي دامَـهَا ضـاعت صـفات الآدميـّـه

-------

تسلم يمينك واحساسك الطيب عالطرح المميز

بآنتظآر جديدك .. والمزيد من حڪآيآ الذآت للذآت ..
ولك مني جل ودي و سبغ شكري يالنورس
تستاهل التقييم اكيـد
لاعدمنا هالبوح الراقي
__DEFINE_LIKE_SHARE__

ઇ النورس ઇ · 04-16-2011, 06:37 PM

المشاركة الأصلية كتبت بواسطة فتنـۂ الـڪِوטּ

يسعد مساك يافخر الشوامس . .*النورس*
كيف الحال عساك بخير ومتهني ؟
ابيآت بـ الصميم
وقويه بس تبرد القلب ..
مقدر آنآ ع التعبير والله . . كل بيتن احلى عن الثاني
والاحلى انها ترمس ع الواقع
صح لسآنك ؤآلله ؤعسى ربي يعلي بشآنك
دووم ماشآء الله عليك تبدع ..
بـ الأبيآت الشعريه
كلهآ اعجبتني بس هـذي البيت رآآق لي ..

ويوم هذي النفس تشبع يرشِقونك بالحجاره

وانت تسأل وشْ حصَل فاللي مكانه دوم فيّـه

وشْ تِسوي وقتَهَا وانت اللي تَشْعِر بالحقاره

وشْ تِــسوي دامَـهَا ضـاعت صـفات الآدميـّـه

-------

تسلم يمينك واحساسك الطيب عالطرح المميز

بآنتظآر جديدك .. والمزيد من حڪآيآ الذآت للذآت ..
ولك مني جل ودي و سبغ شكري يالنورس
تستاهل التقييم اكيـد
لاعدمنا هالبوح الراقي

مرحبا بختيه فتنة الكون

أشهد انج نورتي الصفحه بتواجدج فيها وربي

ما عليج زود .. ولج كل الشكر على هالرد الغاوي

لا تحرميني من طلتج البهيه ^ـ^

صح الله بدنج واعتلا شانج

مشكوره عالرد والتواصل الجميل

ربي يعطيج العافيه

لا عدمتج أبد __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
نصب أو شطاره .. المنتدى الى أين ؟ ... !!؟؟	محروم.كوم	منتدى أخبار المواقع والمنتديات العربية والأجنبية	0	06-06-2010 07:40 PM