على الدنيا السلام ! - الصفحة 4

ღ الــــجـــــــــود ღ · 02-17-2011, 03:46 PM

المشاركة الأصلية كتبت بواسطة همس العشق

السلام عليكم

موووضوع رااائع

ويستحق النقااش بعد

ف البدايه صحيح الامارات ف تطوور مستمرر وشرات ما قلتي بعض الناس أخلاقهم داااون

وهذا طبعآ ف كل مجتمع موجوود

والله تستغريبن من يهال أعمارهم ست سنووات ولا ثمان سنوات يسوون أشياا ما تخطر ع بال شخص أكبر منهم

وهالشي كله بسبب تربية الخدم لهم

بعد الأعلام له دوور كبير ف هالشي

وبعد عدم الرقااابه

أنا ما قلت أنه نراقبهم ف كل شي ,,ترا اذا راقبناهم واايد بنسبب لهم ضغط نفسي وكتم داخلي وبالتالي هالشي ممكن يؤؤدي للأنحراف

بس أنا قصدي أنه أنراقبهم بحدوود المعقول ونعلمهم الصح من الخطأ من البدايه ما نخليهم ع عماهم ف كل شي

أنا بخبرج مووقف,,والله أستغربت وااايد

مرة كنت سايرة حديقه ف العين,,والله اللي شفته شي هب طبيعي تقوولين عايشين ف أوروبااا هب ف الامارات

يعني اللي مسوياتنه البنات شي غررريب

يخلي الواحد يعصب منه

ملابسهن تقهررر الوااااحد

يعني انا اعتقد أنهن جدام أهلهن ما يلسبن جي ,,ولا يتجرأن حتى

بس يوم يظهرن من البيت يسوون اللي محد يسوويه,,وشرات ما قلتي لو عايشين ف أوروبا وشفناا هالشي ما بنستغرب ,,هالأقل هالشي عادي عندهم

بعد نسيت أخبرج شي

المسلسلات التركيييه لهااا دوووور قووي ف هالشي اللي يصييير

تستغريبن من ياهل عمره 10 سنووات يقوولج أنا أطالع هالمسلسل وفيه جي وجي

يعني المفرووض من ربات المنازل ما يطالعن شرات هالاشيا جدام اليهال

هالشي بيعلمهم وااايد

والسموحه ع الأطاله

تسلمين ع الطرح الجميل

ربي يعطيج العافيه جووودي

وعليكم السلام ورحمه الله وبركاته
الحمدلله راضين عن تطورنا وله ايجابيات كثيره , الزين والشين موجود في كل مكان
منو مسؤول عن هاليهال .!
الخدامه عاداتها وتقاليدها غير عن عاداتنا ودينها غير عن دينا ومعتقداتها غير عن معتقداتنا فليش نخلي عيالنا بين ايدينها ؟! الخدامه الناس تييبها للغسيل والكوي والتنظيف
مب تربيه عيالنا ! لهالدرجه الامهات عاجزات عن تربيه عيالهن .!!!!
الاعلام , نقدر نتحكم به شوي من خلال المراقبه , ولكن اذا كان الاعلام وعدم المراقبه مجتمعين فطبيعي راح يستعمر مخوخ عيالنا ويخلق افكار غريبه يرفضها المجتمع
الي يبا يراقب , يراقب بحدود يعني لا يضغط فالمراقبه ولا يفلت فيها ,

عن الملابس والصرعه الي طالعه هذا موضوع ثاني وبروحه يبغيله نقاش ! وعلى قولتهم غيب ياقطو والعب يافار , وهالنوعيه من البنات ينطبق عليهن هالمثل !
المسلسلات التركيه تنضم الى الاعلام بشكل عام
اشكرج على تواجدج خيتي , نورتي .~ __DEFINE_LIKE_SHARE__

ღ الــــجـــــــــود ღ · 02-17-2011, 04:01 PM

المشاركة الأصلية كتبت بواسطة ذابحة قطوتهــآ

السلام عليكم ورحمة الله وبركــآتة ..~

شحاالج يا جيجي ..~

ربج الا تشقحين شرااتي .. هع ..~

مووضووع حلوو صرااحة .. تشكرين علية يا جوووووج ..~

اول شي ..~

اول شي اناا ضد كلمة في تدني مستمر هذي .. يعني حسستيني ان المجتع في حالة صعبة .. مع ان هالفئة ما تزيد عن نسبة 5% من المجتمع .. آكيد النسبة مب صغيرة لكن ما احس انهاا تشكل ذاك الخطر ..~

الحمد لله مجتمعنااا واعي وفاهم ..~

ما في شي يدووم .. لكن التطور يلي نحن قاعدين نعيش في خيرة .. ما اعتقد انة يزول بسبب فشل الاخلاق .. انااا ضد كلمة يفشل بأخلاقة هذي ..لان مثل ما قلت لج هالفئة قليلة .. وما اعتقد ان لهاا هذاك التآثير يلي يهدد التطور ..

اماا سالفة مدرسة اختج هذي تحفة جيجي ..~

لاتستغربين تحصلين في قدوة عندهم في البيت يتعلمن منهاا ان كان اخت ولا بنت عم يقتدن بهاا ويسون شرااتهااا .. تراا الصاحب ساحب .. فما بالج بالخواات وبنات العم ..~

المفرووض ان الاهل هم يلي يتحملوون مسؤلية هالبناات .. بس شكلة الاهل مب مدارين عن بنااتهم اي شي .. البنت يلي تسوي هالاشيااء .. ما اتوقع ان عندهاا اهل يهتموون بهاا ..~

في وايد اسبااب تخلي البناات ينحرفن ان صح التعبير .. بس من وجهه نظري ان الاهل هم السبب الرئيسي .... والله لو دايرين بالهم على بناتهم زين ما زين وربووهن شرات ما تربي الناس بنااتهاا كان ما سون جي ..~

آعتقد ان يلي يخليهن يتجهن لهالشي هو حب تجربة الاشياء اليديدة .. والفضوول .. ويبن يكبرن عمارهن بآي طريقة ... حسباالهن بهالتصرفات هن صارن كباار .. والنااس بتحبهن .. هع ..~

وممكن انهن يدورن حناان هن فاقداتنه من ناحية الاهل .. لان يلي ما يحصلنة في البيت شي اكيد بيدورنة براا البيت ..~

جيجي هدي واستهدي بالله .. ما نبااج تعنسين .. عرسي بس عادي لا تييبين عيال .. ربي عيالي .. وجان صاعو وضاعوو فدوى عن رااسج ... هااااااع ..~

شوفي كل واحد يسوي يلي علية .. والله الحافظ .. بس بعد الواحد لازم يرااقب عيالة برا البيت من الصغر .. لازم يعرف منو ربعهم .. ويمشوون ويا منوو .. لان لو علمووهم من صغرهم كيف يختاروون ربعهم . ما بينخااف عليهم من ربع السوو يوم يكبروون ..~

الاهل لاهين بحيااتهم .. وناسيين ان عندهم عيال لازم يربوونهم .. في فئة تحسب ان كل شي ايي بالفلووس ويحاولوون يوفروون لعيالهم الماادة وبس .. ونسوو ان التربية الصالحة مب بفلووس وبس ..~

وفي فئة حسبالهاا ان اذاا وفروو الخدم لعياالهم بيكوونوون من احسن النااس في المستقبل ... ونسوو ان عياالهم محتاجينهم هم مب الخدم .. شو عرف الخدم بالتربية .. اجياال الخدم يا هايتة في الشواارع او في السجوون ..~

مقارنة مجتمعاتناا العربية بشكل عام مع مجتمع اورووبا مقارنة غير عادل .. لان كل شي محرم عندناا محلل عندهم .. ما في شي عيب ولا حراام .. كل شي عادي .. على شان جي هم منفتحين زياادة عن اللزووم .. ويسوون كل شي علني .. لازم المجااهرة بالمعصية عندهم فرض ..~

بعدين ما في عندهم قيمة للاخلاق الحسنة .. كل حد ياالله نفسي وبس ..~

بعدين لازم مجتمعناا بينتقد هذاا الشي .. كل شي حرمة الاسلام ممنوع .. ويلي بيطيح في الغلط لا يقوول المجتمع خنقني ولجآت للغلط على شاان اطلع من الخنقة يلي اناا فيهاا .. في مليوون طريقة غير هالدرووب السوداا ..~

صح لساانج يا جيجي .. ياما بناات اعرفهن .. من كثر ما اهلهن شادين عليهن وصااكين البااب حتى الشارع ما يشووفنه الا اذاا راحن المدرسة ولا الجاامعة .. قامن يطيحن في الغلط .. حسبالهم الاهل اذاا سوو جي بيحكوون بناتهم من الغلط .. ما يروون انهم هم السبب الاول في ان بينااتهم مشوو في درب الغلط ..~

صحيح هذاا هو الشي يلي ناقص وايد من البيووت .. لو توافرت هذي الاشيااء محد بيطيح في الغلط .. وبيصير مجتمعناا من ارقى المجتمعاات ...~

..

السموحة جيجي جان طولت عليج ..~

يعطيج الف عافية ..~

تقبلوو مروري فديتني والله ..~

وعليكم السلام ورحمه الله وبركاته
بخير ربي يسلمج ,

ومنو قال انه مب في حاله صعبه !! انا اتكلم عن الي اشوفه بعيني !
آمم انتي متاكده ان هالفئه ماوصلت هالنسبه او حتى تعدتها ؟ من وين يبتي هالاحصائيه ؟

توقعي انه يزول , لان اذا المجتمع وصل للحضيض اكيد التطور راح ينمحي , الذبوحيه انتي مافهمتي كلامي , نحن للحين في بر الامان , بس مع السنين راح نتدهور اذا تمينا على هالحال وراح تتغير عاداتنا وتقاليدنا ويمكن راح نتنازل عن معتقداتنا !

صحيح , ولكن الاهل الحين في غفوه وغفوه كبيره , وماراح يصحون منها الا يوم يطيح الفاس بالراس .!

اعتقد جلب المال من اختصاص الريال مب الحرمه ! الريال هو الي يسعى لتوفير المال لبيته وعياله ويشتغل وغيره والحرمه تيلس تربي عيالها , ولكن انا مب ضد المراه الي تشتغل بالعكس اشجعها ولكن تحاول توفق بين شغلها وعيالها ,

القصد من مقارنتي بان الحرام عندنا صار عند البعض حلال , ولهالشي انا قارنت
صدقيني ! بنات هالفئه من الناس هي اكثر وحده الي تسوي هالسوايا كلها , والاهل تمشي من تحتهم الماي ومايدرون ,

نورتي يالذبوحيه , لاعدمناج .~
__DEFINE_LIKE_SHARE__

ღ الــــجـــــــــود ღ · 02-17-2011, 04:16 PM

المشاركة الأصلية كتبت بواسطة محآميـه ـه آلح ـب

السلام عليكم و رحمته الله و بركاته .

مساء الخير .

موضوع قيم و حلوة صراحة أنا بتكلم عن المدارس الفجيرة و لا أستطيع أن أتكلم عن جميع مدارسها بل مدارس لي أهلي يدرسون فيها ..

تعرفين نحن عادي تحصل إنذار و غيره من تهديد يعني و الحمد الله نحن و أدارة مدارسنا تمشى ع الخط المستقيم . واايد مشدد و هذا كله مصلحتنا .

وياويها لي تمشئ عكس كم ضرب ( ) و أوراق و اتصالات حق أهلها و ما تقدر تلفظ بكلمة واحد يعني باختصار

تقدرين تقولين هذي مب مدرسه هذي جيش ( ).. بس حلوة صراحة تعلمنا ع النظام و احترام القوانين .

ومن كذا أنا واايد أستغرب من بعض مدارس .( ).!!

نرجع لي موضوع ... .

... و أبدا بقول الله تعالي ..

{وَلَقَدْ بَعَثْنَافِي كُلِّ أُمَّةٍ رَسُولاً أَنِ اُعْبُدُوا اللَّهَ وَاجْتَنِبُوا الطَّاغُوتَفَمِنْهُمْ مَنْ هَدَى اللَّهُ وَمِنْهُمْ مَنْ حَقَّتْ عَلَيْهِ الضَّلالَةُفَسِيرُوا فِي الأَرْضِ فَانْظُرُوا كَيْفَ كَانَ عَاقِبَةُ الْمُكَذِّبِينَ} النحل. 23.

أختي جود نحن في تطور المستمر لكن طريق استخدام هذا التطور أحيانا يقع بين ناس لا تقدر ع أنها تتحكم بعقلها .( طايشه )

عن هذي الجمل التي ذكرتيها .. ( )

.

أختي جود كل أم تتمني أن يكون أطفالها أحسن من غيرهم بكل شئ لكن هنا عوامل خارجيه

بشكل كبيره تأثر في سلوك الطفل أو الطفلة و لا يمكن لي أهل أن يتحكمون بها فتأثر ع شخصيته

و سلوكه . فهذا ليس ذنب أهل بل وجود هذي العوامل .. أحب أن أذكر منها التي تشكل خطر كبير

ع سلوك الطفل و منها :

(1)و جود الخادمة و إهمال أهل و عدم مراقب هذي الخادم ماذا تعمل و ما لا تعمل و ماذا تعلم أطفال ..؟

(2)وجود قنوات فضائية لا تصلح لي مشاهدة صغار السن و عدم انتباه الأهل إلي هذي النقطة ..

(3)عدم زرع الثقة في نفس و شخصيه الطفل يعني يجب علينا أن تقوي ثقته بنفسه و لي يعلم أن ما يفعله صحيح و لا يجب عليه أن يقلد الآخرين . ( أقصد ما علمنا نحن لي أطفالنا و ليس غيرنا ).

و لا أستطيع أن أذكر الباقي بسبب أنه لا يشكل خطورة ع سلوك الطفل بدرجة التي هذي العوامل الثلاث

لها دور كبير جدا

ربي يحميه أطفالنا ..

أختي جود لو تسمحين لا تقارنين بين المسلمين العرب و الغرب .. ( )

لأنه نحن المسلمين و العرب تعطي المرأة حقها و أطفال .

و يعتبرها نص المجتمع .

ع عكس الدول أوروبا و الغرب و غيرهم التي تحب فقط استغلالها .

وقت مصالحهم يتذكرونها .. ( ).

باختصار قولين الحمد الله ع أنج من دولة العربية . ( :gif_13.gif: ).

يعني كل هذا السالفة لي صارت في مدرسة تقارنين الغرب بنا نحن ( )..؟

و تقولين والله لو عايشين في اوروبا ابرك ( ) أنا أقول لا أستطيع أن أترك دول العربية و الإسلامية

أنه أعرف حقي ما بطيع مني ...( ) ...!!

الفتاة التي ترفض الزواج لا أستطيع أن أقول لها غير يهديها الله ..

لأنه برفضها الزواج فساد في الأرض .

بدون أسباب غير أطفال و مسؤلية ..

(يعني لا تقول أطفال و مسؤولية و غيره لأنها ليس سبب مقنع ...)

..

قال رسول الله : (فمن رغب عن سنَّتي فليس مني)

و هذا ردي أتمنى أنها تستفيدين منها .. ( )

و تسلمين ع الطرح الغاوي

و ربي يعطيج

ألف عافيه ..

ونترفب كل يديدج ..

.

وعليكم السلام ورحمه الله وبركاته
مساء النور ,

كل مدرسه لها نهج تمشي عليه ولها قوانين وضوابط ولكن اكثريه المدارس على الاوراق فقط .! يعني قول بلا فعل
والمدارس لازم يكون فيها انضباط , ولا ليش سموها مدرسه ؟
" وزاره التربيه والتعليم " اولا التربيه ومن بعدها التعليم , لان اساس التعليم التربيه !

قبل العوامل الخارجيه , اعتقد التربيه الصحيحه مستحيل انها تتاثر باي شي خارجي , لان بيكون هالشي غريب عليها فصعب انها تستوعبه وتقوم به !
العوامل الي ذكرتيها يتحملها الاهل وهم المسؤولين عنها , اذا هذي العوامل بنظرج مب مسؤوليه الاهل , عيل شو هي مسؤوليه الاهل ؟

اختي .! شدخل المراه والطفل بالي تقولينه !!
ياليت لو تعيدين النظر فالموضوع وعقب برد عليج !

يعطيج العافيه , نورتي .~ __DEFINE_LIKE_SHARE__

ღ الــــجـــــــــود ღ · 02-17-2011, 04:23 PM

المشاركة الأصلية كتبت بواسطة kdoosh

وعليكم السـلاام والرحمه ,

دوله الامارات ووصولها لاعلى مراتب التقدم والتحضر الا ان اخلاق جيلهم في تدني مستمر " عفوا ما اجمع الكل على هالكلمه ! "

اسمحيلي يااخـتي لكن مااحبيتهاا منـج ,

ونحـن أحسن من غيـرناا بوااااااااااااااااااااااااااايد ,

أناا أشــووف انه الخدم ماايخصـهم ,

الخدم نيبهم عشـاان زياادة العناايه بالطفل مب تربيته !

والسمووحه ماارووم أرمس زوود لاانه هاالمواضيع يبالهاا نااس متخصصه فيها ,

يعطيج الف عاافيه ع طررحج وتحمسج ,

وغيررتج ع مجتمعناا ,

تســـلم ايدج ,

لااهنتــــــــــــــــــــــــــــــــــــــــــــ ـي,

فـــدااعة الله ,

هلا بج خيتي ,
لو عدتي النظر فالجمله بتشوفين كاتبه " عفوا ما اجمع الكل على هالكلمه ! "
صحيح ان نحن احسن عن ناس غيرنا بوايد , ولكن اذا اهملنا هالموضوع يمكن راح ينتشر وراح نكون اخس عن غيرنا
انتي تشوفين جذيه ! ويمكن انتوا تييبون الخدم لعنايته مب تربيته بس غيركم اييبه لتربيته !
انا اتكلم عن المجتمع بشكل عام ماخصصت عايله او فرد !
ناس متخصصه ! متخصصه بشو ؟!
هالموضوع يخصنا نحن اذا نحن ماتكلمنا عنه ولا انتقدناه ولا عبرنا عن راينا ومعارضتنا فمنو بيتكلم ؟
اذا عيالنا دمروا بنقول لا نحن مالنا خص , هذا الموضوع من اختصاص ناس هي متخصه فيه !!

اشكرج على مرورج .~ __DEFINE_LIKE_SHARE__

الرهيب القطراوي · 03-29-2011, 10:37 AM

للأسف يااختيي الجود فعلا هذا الحاصل في زمننا فلاحول ولاقوة إلابالله في عمر الزهور وماذا نقول كل هذا من تربية الخدم ومرافقة السائق. لأن الأطفال من صغرهم اعتمدوا على تربية ايدي غريبه وبقي الوالدين اسم فقط حتى إذ ان الطفل إذا احتاج شيء يتجه إلى الخادمه ولايفكر في والديه . في ايام زمان كانت البنت هي في البيت مقام والدتها فهي تنظف وتغسل وتطبخ وتقوم بالواجب في استقبال الضيوف وتعمل القهوه والشاي اما الآن اهم شي عندها جوال ومن الأفضل ابلاك بيري وينك ياأول زمان ولكن السؤال هل ليس من الممكن من الوالدين بدلا من ضياع فلذات الكبود وتركهم يعتمدون على الغريب ان يستفيقو ولو للحظه ويخافون الله ويربون اطفالهم وتعليمهم على تقاليدنا وعاداتنا وحثهم على الصلاه ونغرز في قلوبهم حب الوالدين والله والوطن وتعليمهم الأخلاق الحميده في نطاق ديننا الحنيف ...ومهلا ليس ذلك يمنع من استجلاب الخدم ولكن في مجال مخصص لايتعدون حدوده وهو مثلا تنظيف المنزل غسيل مع المراقبه وعدم تركهم يسرحون ويمرحون ولاكأننا موجودين . هذا بالإضافه ولكثر مايحصل للطلاب والطالبات في المدارس ان يكون هناك إتصال بين المدرسه واولياء الأمور في حال أي خطأ يلاحظ حتى يتم معالجته قبل ان يتفاقم وخاصة للمدارس الإبتدائيه والروضات ثم يليها باقي المراحل. ومع وجود عقوبات رادعه في جميع المراحل . وفي الأخير التربيه التربيه ففي انعدامها ينهدم المجتمع . وإن لم ننتبه فعلا الدنيا السلام هذا ماستطعت ان اعبر عنه والسموحه .
يسلمو يااختييي الغاليه
الجود
على الطرح الرائع
ويعطيك العافيه
ومني كل محبه وفي امان الله وحفظه

ولـــدتـك امــك يــابن آدم بــاكيـا
والنـاس حــولك يضحكـون ســرورا
فـاحرص على عمـل تكــون إذابكـو
فـي يـوم مـوتـك ضـاحكـا مسـرورا

@ الودعاني عاشق الريان القطري @
@ AL wadaani Old Rayyan of Qatar @
__DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
السلام عليك يا باب الحوائج إلى الله .. السلام عليك يا أم البنين	محروم.كوم	منتدى أخبار المواقع والمنتديات العربية والأجنبية	0	06-03-2009 02:20 AM
وصاياالسيدة فاطمة الزهراء عليها السلام للإمام علي عليه السلام حين أ قترب وفاتها	محروم.كوم	منتدى أخبار المواقع والمنتديات العربية والأجنبية	0	05-20-2009 06:30 PM
وصاياالسيدة فاطمة الزهراء عليها السلام للإمام علي عليه السلام حين أ قترب وفاتها	محروم.كوم	منتدى أخبار المواقع والمنتديات العربية والأجنبية	0	05-20-2009 06:23 PM
وصاياالسيدة فاطمة الزهراء عليها السلام للإمام علي عليه السلام حين أ قترب وفاتها	محروم.كوم	منتدى أخبار المواقع والمنتديات العربية والأجنبية	0	05-20-2009 05:00 PM
ما حكم هذا السلام: السلام على من اتبع الهدى	بنت الخطاب	الإسلام والشريعة	9	05-13-2008 05:58 PM