على الدنيا السلام ! - الصفحة 3

خوية الشقا · 02-13-2011, 11:14 PM

\

السلام عليكم ورحمة الله

والله موضوع فالصميم يالجوود

دآيمآآ اقول نحن وين وهالجيل وين !!

مع ان الفآرق مش كبير بينآآ وبينهم لدرجة هالتغيرآت كلهآ تصير

بس التطور مثل مآ قلتي .. له سلبيآت وله ايجآبيآآت

وبعد نقطة الخدم ذكرهآ اليآسي .. وهي بعد سبب رئيسي
خآصه فمجتمعنآ اللي يعتمد ع الخدم فكل شي ( مش الكل )

انا انصدم من تفكير هالجيل ,, بعدهم ابتدآئيه ولا اعداديه ويفكرون
ويتكلمون باشياا اناا ما فكرت فيها الا لمآ دخلت الجآمعه .. وعادي في اشياا
مآ خطرت فبآلي للحين !

تفكيرهم .. تصرفآتهم .. اكبر من عمرهم .. وياليت لو بطريقة صحيحه
للاسف للغلط ,.

وكثير من الاهآلي يحآولون كثر مآ يقدرون انه يحآففظون على عيآلهم ويبعدونهم
عن البيئآت اللي ممكن تأثر عليهم بشكل سلبي .. بس فآيآمنآ وفظل التطور الكبير والسريع
مآ بيقدرون .. لان متطلبآت هالجيل تختلف عن الاجيآل اللي قبل ..
في اشياا تحكم عليهم بانهم يظهرون ويجوفون ويخآلطون نآس من بيئآت نحن مآ خآلطنآهآآ
وكل تحت اسم التطور والتحضر ..

وهذا كله يأثر في تصرفآتهم وتفكيرهم .. وبعد دور المدآرس بهالشي كبير
يحثونهم ع التعلم والتوسع فالتعليم .. بس مآ يعرفون ان كثرة الشي تضر مآ تفيد ..
احس في اشياا وآيده يعطونهم ايآهآآ تكون مش لهم ولا لعمرهم وتفكيرهم

وبعد مآ ننسى الدور الكبير للاعلام ,, الاسبآب كثيييره والنقآش في الموضوع طوييل ..
لان مآ نقدر نحصر المشكله بنطآق معين ولا لسبب وآحد بس ..!

الله يهدينآآ ويهدي الجميع .. وان شالله مآ نشوف اكثر من اللي شفنآه !

يعطيج العآفيه يالجود ع الموضوع

وتقبلي مروري =)

/ __DEFINE_LIKE_SHARE__

السردال · 02-14-2011, 12:37 AM

مرحبا ختيه الجود
موضوع كبييير في مناقشته لانه متشعب ويحتاج لاكثر من محور للمعالجة
نعم نحن نحتاج معالجة جذرية لمجتمعنا
معالجة الافات اللي تهجم عليه كل يوم
حياتنا صارت مملة وكئيبة لانه انشغلنا بأمور هامشية
عن الاساسيات
انشغلنا عن ديننا بــــــــــ الدنيا
انشغلنا عن الاسرة بــــــــ بالشغل والاسواق
انشغلنا عن عيالنا بـــــــ بتوافه الحياة ونسينا انهم
إنمـا أطفـالنا بيننا*** أكبادنا تمشي على الارض
إن هبت الريح على بعضهم*** إمتنعت عيني عن الغمض
ومو شرط انه الانسان يكون اب او ام فعلي للطفل
لانه نحن نقدر نمارس الامومة او الابوة مع اخواننا الصغار او عيال الاخت او الاخ
لانه الطفل في كل الاوقات يكون محتاج للقدوة
ويمكن بسبب انشغال الام او الاب يدور يتعلم من اي شخص
وهني تكون المشكلة لانه مو كل شخص يكون مناسب للطفل
ولا حد يعوض عن حنان الام او الاب
ليت كل الاهل يفهمون نفسيات عيالهم ولا يتركون الحبل على الغارب
وتكون تربية عيالهم في ايد الخدم والمربيات والسواقين
يلعبون بهم ويعلمونهم اشياء وعادات تكون بعيدة كل البعد عن ديننا
وعاداتنا وتقاليدنا
وإِنَّمَـا الأُمَـمُ الأَخْـلاقُ مَا بَقِيَـتْ

فَـإِنْ هُمُ ذَهَبَـتْ أَخْـلاقُهُمْ ذَهَبُـوا

رديت ع الموضوع بصورة عامة والسموحة منج وان شاء الله
لي عودة للرد بالتفصيل حسب ما يسمح لي وقتي

__DEFINE_LIKE_SHARE__

ضآع قلبي · 02-14-2011, 09:08 PM

آلسسلآم عليكم ...

الصرآآحه موضوع وايد حلو ومهم وااايد

آؤلآ : الاهل قبل كانوا يمنعون كل ششي على البنت خاصصه وتحرمها من وايد اشياء وهذا الشي يخلي البنت تكون مسؤؤله عن تصرفاتها وتكون محتششمه آكثر ,,, قبل كان شي مكيآآج بس محد كان يتجرا يسسوي ويظهر برع فييه ... كآن عييب ومنقوود ,,, وغير المكيآج سسؤألف ثانيه ,, كآنوا البنات مايرؤمون يظهرون برع البيت لبيت اربيعاتهم ...آلخ

ثآنيآآ : مع آلتطور صآرت الاهل ماتبالي ولا تهتم في بناتهم ,, بالعكس في منهم يفتخر انه بنته جيه تكون ,,
مكيآآج وحركآآت وعبايه مفتؤحه والبنطلون الي لاصق ع الجسسسم عسب تظهر كيؤت والكل ينعجب فيها ويخطبهآآ ,,,

ثآلثآآ : في بنات وايد في هالزمن مآزال محتششم ويفكر في الدين الاسسلامي بسس مع الاختلاصص تروح هاي الافكآآر ,, وخآصه في المدراس والجامعات لان اكثر الآوقآآت يكونون مع بعضضض وكل وحدة تغير معتقدات الثانيه ,,,

آلحيآه فيها الزين والششين ,,, وفي هالزمن نجوف ان الشين يطغي ع آلزيين ,, ومع مرور الوقت بنجوف البنات من دون عيابات مثل ما اجوف انا في الجامعه الحين ,,

آلله يسسستر علينا ويحفظ جميع آلآمه آلآسسسلآميه ^^

تحيآتي لكم وؤألسسسمؤحه __DEFINE_LIKE_SHARE__

نبض روحي · 02-15-2011, 10:00 PM

السلام عليكم ورحمة الله وبركآته
مسآج ورد عنوني ..
تربية الآبنآء تربية صآلحه معنآهآ مجتمع صآلح خآل من الجرآيم والمشآكل ..
وخآصة تربية الفتآه لانها ام المستقبل و هي مربية الآجيآل ..
فيجب الحرص والتآكد من غرس القيم النبيلة في نفس هذه الفتاه حتى تنقلها الى الآجيآل الآتية ..
للآسف هالشي صآر قليل ونآدر في عصرنآ هذآ ..
فنرى الخدآمآت هن اللي يتولين مهمة تربية الآبنآء ، وبذلك نقل العآدآت الآجنبية و الغريبه عن قيمنآ لهذه الفتآه! ..
من حيث اللبس و الاخلآق واحيآنآ الدين .. وللاسف الآبآء في غفلة
وقد يتقبل بعض الاباء هالشي في سبيل التطور والتغيير ..
فالحين لآزم كل حد عنده فون ، والحين كل حد يلبس الجينز ، والحين كل حد يطلع ويرد ومحد يحآسبه ؟!
بعض الآبآء يفضلون ان بنتهم تكون عندها حرية كامله ، وللآسف معظمهن يستغلن هالشي و يسلكن الدرب الغلط ؟!
بنت عمرها 8 سنين شو تبآ في الفون ؟
وبنت عمرها 13 سنه تطلع برحها كيف ؟!
لآزم كل حد يتحمل على بناته ، مع منو تمشي ، ليش تتكلم في الفون ، لبسها ، كلامها واهم شي دينها واخلاقها
كل انسآن محآسب ، " وكلكم مسؤول عن رعيته " ؟! ليش الكل غفل عن هالحديث !
الله يستر علينا وعلى بنات المسلمين ان شاءالله ..
تسلمين عنوني ع الطرح .. ^^
__DEFINE_LIKE_SHARE__

ღ الــــجـــــــــود ღ · 02-17-2011, 03:39 PM

المشاركة الأصلية كتبت بواسطة الغضي الياسي

وعليكم السلام ورحمة الله وبركاته

مساء النور والسرور ,,

بكل اسف من اشرتي إليهم من الطلاب في العاشرة من العمر هم ( تربية خدم ) ...

نعم المشكلة تكمن في الاعتماد على تربية الخدم وترك الاطفال منذ صغرهم إلى ذهابهم للمدرسة بأيدي غريبه لا نعرف عن أصول تربيتهم وتقاليدهم إلا القليل ,,, والاعتماد احياناً يكون بشكل كامل حتى الطفل إذا بكى لا يتجه إلى والدته وإنما يبحث عن الخادمه .

في الماضي : البنت تطبخ , تغسل الصحون والملابس , يعتمد عليها في تقديم الضيافه , وتعرف الكثير من الكلمات والمعاني وعن أصول اهلها ومعانيهم >> وليس هناك مجال للخطأ .

المفروض من الوالدين تقريب الابناء منهم , تقديم النصائح , حثهم على الصلاة وتثقيفهم بشكل يومي عن أمور الحياه والدنيا ولا يترك الطفل يسأل الغير أو في عالم مجهول لا يكتشفه الا من الناس وبشكل غير سليم ويضيع من أخلاقه ,,

ايضاً المفروض هناك عقاب من المدرسة وإبلاغ الاهل بتصرف أولادهم لحل هذه المشكلة من البدايه , ولا يترك الطفل ويجب مراقبته بعد العقاب للتأكد من تعديل سلوكم بشكل نهائي .

الموضوع الحوار فيه يطول , شكراً على الطرح يالجود

الياسي

هلا خويه الغضي ,
لين متى بنخلي الخدم تربي عيالنا ؟ وين دور الام ؟ اذا ابسط واجباتها اتجاه عيالها عاجزه عن تنفيذها فليش تييب عيال من الاساس ؟ ووين دور الاب .!

ولين الحين موجود هالصنف من البنات في وقتنا الحاضر ولكن كل ماله ويقل , وان دل على شي فانه يدل على عدم الاهتمام بهالامور , والاتكال على الخدم

هذا المفروض , ولكن وين الي يعرف هالمفروض ؟ ووين تطبيقه ؟

" كلن راعي وكلن مسؤول عن رعيته " اذا الراعي بنفسه مهمل ومب قد هالمسؤوليه فعلى الدنيا السلام .!

اشكرك على تواجدك خيي , نورت .~ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
السلام عليك يا باب الحوائج إلى الله .. السلام عليك يا أم البنين	محروم.كوم	منتدى أخبار المواقع والمنتديات العربية والأجنبية	0	06-03-2009 02:20 AM
وصاياالسيدة فاطمة الزهراء عليها السلام للإمام علي عليه السلام حين أ قترب وفاتها	محروم.كوم	منتدى أخبار المواقع والمنتديات العربية والأجنبية	0	05-20-2009 06:30 PM
وصاياالسيدة فاطمة الزهراء عليها السلام للإمام علي عليه السلام حين أ قترب وفاتها	محروم.كوم	منتدى أخبار المواقع والمنتديات العربية والأجنبية	0	05-20-2009 06:23 PM
وصاياالسيدة فاطمة الزهراء عليها السلام للإمام علي عليه السلام حين أ قترب وفاتها	محروم.كوم	منتدى أخبار المواقع والمنتديات العربية والأجنبية	0	05-20-2009 05:00 PM
ما حكم هذا السلام: السلام على من اتبع الهدى	بنت الخطاب	الإسلام والشريعة	9	05-13-2008 05:58 PM