الفرق بين البنت الدلوعة والدفشه دخيلكم دشو كشخه

غرنوجة · #1 01-13-2009, 03:32 PM

البنت الدلوعة..
طبعا هذة البنت وهى نايمة فى غرفتها دباديب والارنوب والكتكوت والبطبوط كلهم فى احضانها تقول محل أطفال مب غرفة نوم واذا قامت من النوم
ما تقوم الا الساعة وحدة الظهر واللى تقعدها من النوم الشغالة وطبعا تكلمها بالانجليزى بترجم
لكم وش قالت لها الخدامة 00 تقول قومى ما ما وقت كثير تأخير 00 والناعمة اول ما تصحى
من النوم تفتح الستارة والشباك علشان الغرفة تتنفس وتشغل موسيقى رومانسية علشان
يكون الجو رايق وتاخذ حمام محترم وبعد ما تطلع من الحمام على المنظره تحط من هالكريمات
والصبغات 00 لازم تحافظ على البشرة 00 خلصت من المنظره راحت لى الاستشوار
وبعدين تلبس البنطلون الجنز والبلوزة ولا بجامه خفيفه 00 وتنزل تاكل الفطور اللى يكون عبارة عن دونات
وعصير برتقال

البنت الدفشة..
تقوم الساعة 8 الصبح وهى ما ودها تقوم وتدخل امها عليها بالغرفة وتصرخ عليها قومى
شبعتى نوم ترد الدفشه على امها 00 زين زين الحين بقوم 00 وتقعد تأفففففففف ويطلع من
حلجها نار 00 بالاضافة الى انها وهى نايمة كل دقيقة تطيح من على السرير 00 وبعدين يدخل
اخوها الصغير ويصرخ ويوووووو يالله قومي 00 وهي تقول ويع ياخذك ان شاء الله 00 ويرد هو بقول يالله بسج رقاد يالله 00 ترد علية : اطلع من الغرفة والا
اشوتك من الدرشيه الحينه 00 المهم اخوها اللى اكبر منها يروح لها الغرفة يرفسها وبعد هاييك
الرفسة القويه 00تقوم من النوم

نرجع للبنت الدلوعة..
ما تتغدا الا الساعة 4 ولا 5 ولا تتغدى الا على عيش ابيض وروب وسلطة تحافظ على رشاقتها 0

اما البنت الدفشة..
تتغدا الساعة 12 بالضبط ولا تغدا الا عيش وسمك او دياي واذا خلصت تشرب البيبسى شربة
واحدة يعنى ما فى مجال انها تتنفس 00 وما تسمع الا اصوات تخوف 0

البنت الدلوعة..
طلعتها تكون من بعد صلاة المغرب ما تطلع العصر تخاف على البشرة من الشمس

البنت الدفشة..
تطلع الساعة 2 القايلة الظهر بعز االشمس و تروح مشى لبيت خوالها ولا حد من اهلها لحد ما تنقلب سودا وريلها فوق راسها 0

البنت الدلوعة..
تروح ستار بكس او اى كافية او السوق وقبل لا تطلع تمر على الصالون تحط هذاك الميك الاب وتجيك على بشرتها

البنت الدفشة..
تحط كحل يملا العين والروج تقول ما كلة انسان واذا بتروح تروح سوق الجمعه 0

البنت الدلوعة..
اذا تبى تضحك تقول ( هههههههههه) ويدها على فمها من الخجل والضحكة من الصعب انك تسمعها

البنت الدفشة..
ها ها ها ها 00 وخشتها كنها بوابه عماره والشارع الثانى يسمعها 0

البنت الدلوعة..
اذا تحب تسمع اغانى ما تسمع عربى ما تسمع الا ريكى مارتن طبعا لانة حلو وممثلها المفضل
توم كروز لوسامتة وميل جبسون وجيم كارى لخفة دمهم 0

البنت الدفشة..
ممثلها المفضل ابو هلال وعبدالناصر درويش ومطربها المفضل رابح صقر و علي بحر وأبو بكر سالم 0

البنت الدلوعة..
لما اطالع التلفزيون تقعد على الكرسى وتحط رجل على رجل وتبتسم لان الابتسامةتعطي بشاشة على الوية

البنت الدفشة..
تنسدح على الارض وتحط رأسها على المخدة وتمد ريلها وتحطها على التلفزيون واذا تبى
تغير القناة تضغط فصوص التلفزيون باصبع ريلها وتغيرالقناة 0

البنت الدلوعة..
اذا تبى تحلم احلام اليقضة طلعت فى حديقة بيتهم وقعدت على الكرسى الهزاز وقام الكرسى يروح و يرد

البنت الدفشة..
تروح بالحوش وتمد السجادة اللى فيها خمسة وثلاثين لون احمر واسود وابيض وجابت مخده
ستة متر وصينيه زختها فراخ ونمكي

البنت الدلوعة..
فى نهاية هالموضوع تقولكم 00 تشاو 00 او سى يو 00 او بباى

البنت الدفشة..
فى نهاية الموضوع تقولكم 00 انا ابذلف 00 خير انشا الله تبون شي .. ما ابي اشوف رقعة ويهكم ؟؟؟؟؟

فالنهاية لا حد يزعل ... ترى مجرد سوالف ... ونرسم البسمه على شفاتكم ...
منقووووول __DEFINE_LIKE_SHARE__

غرنوجة · 01-13-2009, 03:33 PM

شوووووووووووووووووو راااااااااااااااااااااااايكم

يه هاها
__DEFINE_LIKE_SHARE__

راك و التميمي وراك · 01-13-2009, 05:23 PM

هههههههههههههههههههههههههههه

يسلمو __DEFINE_LIKE_SHARE__

راك و التميمي وراك · 01-13-2009, 05:24 PM

يشرفني اول من يرد عليج __DEFINE_LIKE_SHARE__

ملاك الروووح · 01-13-2009, 10:23 PM

ههههههههههههههههههههه

ابيييييية يعني انا دفشة

يعني انا لازم اقوم الساعة12
ههههههههههههههههههه
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الفرق بين حب البنت وحب الولد	~ . دمـ آلــغزال . ~	قصص و روايات	8	12-31-2012 02:29 PM
الفرق بين البنت والولد اذا ؟؟	شخصيه راقيه	العاب , فكاهه , مسابقات	11	04-16-2009 05:26 AM
شوفوا الفرق ما بين البنت و اللعبة..	5rbo0osh	عجائب و غرائب	39	05-17-2008 06:25 PM
× \|\| الفرق بين البنت الناعمه والدفشه \|\|×	عامرية كيوت	المواضيع المكرره	3	02-10-2008 05:57 PM