طعون حبك

غرور الحميري · #1 01-11-2011, 02:03 PM

يبت لكم قصيده انا كاتبتها^^

عسساها تعيبكم^^

طبعا من حياه الواقع^^

انا ماحب اعرض قصايدي واشعاري فالمنتديات لكن حمستوني بأشعاركم
الرووعه^^

نبدأإأإ:-

انا حبيتك وانت خنت وبديت..~
وانا حبيت ارد اعتباري واجازيها..~

تعبت من كثر جروحك وياما خبيت..~
الطعون اللي منك وبلاويها..~

صحيح انا حبيتك ما انكر ومانسيت..~
جروح قلبي اللي فيها يكفيها..~

من شفتك بعيني فز قلبي وفزيت..~
واقول وينك يامتعب روحي ومغليها..~

تراني من كثر صبري وشوقي مليت..~
وطعون غيابك عذبت لي عيني ولعبت فيها..~

دخيلك ترا من التعب طال صبري وحنيت..~
حنيت لشوفتك ياصاحبي وكنت ابيها..~

وانا اللي في غيابك اكحل ومن كثر الكحل اعميت..~
صدفه فتحت عيني على اشياء كنت معميها..~

وطعونك احرقت لي قلبي وبكيت..~
وانا انتظرك يانور هالحياه وظاويها..~

والله ياصاحبي ترا في غيابك جنيت..~
وجروح قلبي على الكل اخبيها..~

وانا في مكاني ابني وياما بنيت..~
قصتنا والحين على كل لسان أبحكيها..~

ومن بعد غيبه طويله حنيت لي وجيت..~
وقلت لي انا سيد حياتك ومعاليها..~

وانا من شفتك رحبت فيك وهليت..~
لحظه من زمان كنت اطرها وابغيها..~

فجأه صد عني ومن بعدها شديت..~
على قلبي وعيوني مابي الدمع يجيها..~

وش فيك قلت هالكلام لي ثم صديت..~
وكأنك تقول لي عطني روحك بعذبها وبشقيها..~

قال:دنيتك انا مليت منها والحين ظحيت..~
بدنيتك لأني خلاص مابماشيها..~

وانا من شده هم قلبي ونيت..~
وكأني ماعرف اغلاطه وتاليها..~

حن مره ثانيه وقال والله في غيبتك عانيت..~
اكيد هذي الدموع من غيبتي عنك ذرفتيها..~

دموعي تقول والله في غيبتك انا ماهتميت..~
لأني تعبت من دنيا بخليها..~

قال والله في غيبتك ماتسليت..~
من شوقي لك كنت احسب الساعات بدقايقها وثوانيها..~

وانا من فرحتي بشوفته ولقياه تناسيت..~
كل الطعون اللي تسبب لي فيها..~

فجأه مر على بالي وحسيت..~
انه يبي يتركني ودنيتي مايبيها..~

يقول يابنت الحلال انا حبيت..~
وخلاص من الحين سالفتنا مع بعض سديها..~

قلت ابشر هذا طلبك ماتمنيت..~
سيرتك ياصاحبي مابي احد"ن" يطريها..~

انت في غيبتي خنت وجفيت..~
ولحظه فراقك كنت من زمان احتريها..~

لأني بوجودك اصلا ماتهنيت..~
وقلبي يقول خلاص تعبت من الطعون ومن راميها..~

وقبل لا تركك تتعذب فهالدنيا مديت..~
ايدي اودعك واترك لك الجروح تجاريها..~

وسسسسسسسسسسسلامتكم..........................!!
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
خواطر زادت سهام البعد في قلبي طعون	محروم.كوم	منتدى أخبار المواقع والمنتديات العربية والأجنبية	0	05-31-2010 09:20 PM