مميز ۈش هالڪْۈن إذا كنت انتظر منڪْ إهتمامْ !! - الصفحة 2

شُـمْوכֿـ آڷـــۈد · 01-02-2011, 09:18 PM

المشاركة الأصلية كتبت بواسطة شباصة محتشرة

سلااااااام

أنا هني برمس عن الموضوع وفكرته ككل واسبابها واترقبوني جريب لانه لي عوده بحلول تفيدنا ان شالله وتخدمنا

اتمنى هالاسباب اللي بطرحها الحينه تفهمونها وتوصلون للرساله اللي ابا اوصلها انا

الموضوع وااااايد شيق صراحتن ومافي اثنين بختلفوون فيه ومهم وااايد اني اهذرب فيه شوي تحملوووني لعل وعسى تكون بفايده عليكم

لاني بصراحه انا شايفه انه شبابنا يمثلون رأس مال المجتمع ومصدر قوته وعزته لانهما يمتلكون إمكانات وطاقات وقدرات على التفاعل والاندماج والمشاركة في قضايا المجتمع >>> شرانتا نحن طيعا الله يحفظنا لما نشترك في هالقضايا هههه

المهم انا من صوبي شايفه انه هاي القضيه لازم تتم دراستها بشكل فعلي ضمن إطار التحليل الاجتماعي لمشكلات الشباب وبعدين اذا بنرمس عنها كحاله
فهي حالة سلبية تضر بتفكير الشباب وبدل ما تدفعهم لشي الزين والاحسن بترجعنا لين ورا خاصه لانه بلدنا تشهد الكثير من التطورات الاقتصاديه التي تلزم وتحتم علينا ان لازم نستثمر قوانا العقليه والشبابيه عشان جذا لازم ندفعها للزين لانه هني دورنا نحن يطلع..!! هب درو حكومتنا الله يخليها لنا

المهم ابا ادش فالمفيد لانه انا شايفه انه دور الاسره هني وااااايد مهم لانه االأسرة الاماراتيه بعدها للحين تربي عيالها وأطفالها على أسس من التسلط وعدم الاستقلالية لا واللي يزيد الطين بله انها تولدهم على روح مشبعة بالعجز والتهرب عن مواجهة الواقع اللي يتسبب في اللامبالاة والانطوائية والتردد وكل مظاهر السلبية عند الشخص لما يكبر فيصبح في سن الشباب،
وعاد هني يبدأ تعامله مع الواقع وسط حالة الترقب والتوقع وعندي وايد أشيا من الواقع اللي تبعد الأسرة العربية عن الروح الديمقراطية وخلق جو أتوقراطي مثلا واللي يعطل تنمية القدرات المتنوعه للشاب نفسه ويخلي السلطة في الأسرة تقوم على
(مبدأ فردي)
بعيد كل البعدعن المشاركة والتعاون وهاي الأمثلة من حيانتا والكل منا يشهد عليها
(بالاول التمييز بين الذكور والإناث وثاني شي المكانة الخاصة للولد الأول وثالث شي تربية البنت على طاعة اخوانها الشباب والامتثال لأوامرهم).
وللحين ترا هناك قيم وعادات وأساليب جديمة تلعب دور لا باس فيه بالأسرة العربية واللي ماا تخص العمل والاستقلال، ولكن تدل على العجز والتهرب والاتكال ومثل هذا الجو يشكل لظاهرة اللامبالاة عند الشباب.

والحين عااااااااااااااااده اسمحووولي لاني هذربت شوي عليكم وحشرتكم ببلاعيمي بس والله قرقع الموضوع في فوادي وقلت لازم افيدكم بشي بسيط من خبراتي في الحياه المتواضعه ههههههههههه

وعليكم السلام والرحمه

يالب قلبج ياشبووصتي

هههه من شفت الررد ويهي لصق باللاب هههههه ماشاء الله عليييج

كلامه ماعليه زووود بس صح

بس شوفي اصابع ايدج ماهي سوا

في شباب عندهم وعي بس منكتيمن ومخلينه بالطيش الزايد والاستهتار

وفي ناااااس محصله الاهتمام داخل البيت بس ماتبيه

تبي من برى يعني الإهتمام اللي بالبيت ماهو مكفيه لحد الاشباع

وتسملين لي ع المداخله

عوافي من ربي ع التواجد المعطر __DEFINE_LIKE_SHARE__

شُـمْوכֿـ آڷـــۈد · 01-02-2011, 09:22 PM

المشاركة الأصلية كتبت بواسطة شوق المحبين

بسم الله الرحمن الرحيم
مشكوره اختي على طرحج
الانسان بطبعه يدور الحنان انسان عاطفي
فاذا مالقاه داخل البيت لازم يدوره برع
زوجه زوج بنت ولد هذي الدنيا
ماشيه كذا

والحل هو ان ازرع الحب بين افراد الاسره من وجهة نظري وان اعودهم منذ صغرهم على الاهتمام ببعضهم البعض ( العلم في الصغر كالنقش على الحجر)

واسمحيلي على المداخله

وعليكم السسلام والرحمه

العفو لج اختي ع التواجد

اكيد كل واحد يدووور الحنان بس وين المكان الصح

يعني اكيد ف مكان ناخذ منه الحنان بدون مقااااابل

بدون جزاء ناخذ عليها طق ع الرآآآٍ

وتشرفت بمداخلتج اختي

لاعدمناج __DEFINE_LIKE_SHARE__

الغضي الياسي · 01-03-2011, 09:35 AM

وعليكم السلام ورحمة الله وبركاته

لمرحب باجي ولاهان يا شموخ

يقول المثل : من همل افتقد

يجوز ما نلقى الرد الكافي أو المريح عن استفسارنا أو السؤال من الاهل ولا من عامة الناس , ولكن مب شرط يكون الشخص اللي موجه له السؤال غير مهتم لحالنا أو لا مبالي , يمكن مشغول باله في موضوع ثاني , يمكن ماعنده الخبره الكافيه في الموضوع المطروح عليه , يمكن يفضل السكوت وحاب يخلي الساءل هو اللي يجرب ويستفيد من الموضوع اللي يبا نصيحه فيه .

الفرق بين النصيحه والاحتياج كبير , إذا طلبنا موقف معياً من الاهل مثل موضوع معنوي أو فالماده وصار تقصير منهم لازم بعد نقدر ونقييم رفض الشخص أو عدم وقفته ويانا واسبابها , يمكن ما تكون واضحه لنا أمور اهم من اللي نحن نرجوها .

في هالزمن تغيرت امور كثيره ( الاخ برع البيت - الاخت دايمن في غرفتها - الاولاد برع يلعبون والشغاله متخبله وراهم من مكان لين مكان - الاب في شغله أو رحلاته أو ربعه - الام طايحه تجلب في هالقنوات ولا مع الايفون ولا البلاك بيري ولا في وظيفتها وثرثرتها >> وما اجمع الكل واقول في ) الا من رحم ربي اهتم في العيال وفي اسرته من الوالدين , وهالشي يسبب بعد كبير بين افراد الاسره وما يكون في تلاحم وفي خوف على الثاني وكلن يا نفسي , خصوصاً لو صارت التربيه على انه لكل فرد شأنه ومعناه ومشكلته يحلها بنفسه بدون الوقوف معاه حتى لو بنصيحه أو بشكل معنوي .

الحل اختي هو بالترابط والتقرب بين افراد الاسره وفتح خط الصراحه والتعاون , والمفروض ما ننزعج ونحاول نلم الشمل ونقرب وجهات النظر , ويبقى الشخص اللي برع البيت غريب وللبيوت اسرار .

تقبى هذي وجهة نظري الخاصه لا اكثر

الياسي
__DEFINE_LIKE_SHARE__

شُـمْوכֿـ آڷـــۈد · 01-03-2011, 10:09 AM

المشاركة الأصلية كتبت بواسطة الغضي الياسي

وعليكم السلام ورحمة الله وبركاته

لمرحب باجي ولاهان يا شموخ

يقول المثل : من همل افتقد

يجوز ما نلقى الرد الكافي أو المريح عن استفسارنا أو السؤال من الاهل ولا من عامة الناس , ولكن مب شرط يكون الشخص اللي موجه له السؤال غير مهتم لحالنا أو لا مبالي , يمكن مشغول باله في موضوع ثاني , يمكن ماعنده الخبره الكافيه في الموضوع المطروح عليه , يمكن يفضل السكوت وحاب يخلي الساءل هو اللي يجرب ويستفيد من الموضوع اللي يبا نصيحه فيه .

الفرق بين النصيحه والاحتياج كبير , إذا طلبنا موقف معياً من الاهل مثل موضوع معنوي أو فالماده وصار تقصير منهم لازم بعد نقدر ونقييم رفض الشخص أو عدم وقفته ويانا واسبابها , يمكن ما تكون واضحه لنا أمور اهم من اللي نحن نرجوها .

في هالزمن تغيرت امور كثيره ( الاخ برع البيت - الاخت دايمن في غرفتها - الاولاد برع يلعبون والشغاله متخبله وراهم من مكان لين مكان - الاب في شغله أو رحلاته أو ربعه - الام طايحه تجلب في هالقنوات ولا مع الايفون ولا البلاك بيري ولا في وظيفتها وثرثرتها >> وما اجمع الكل واقول في ) الا من رحم ربي اهتم في العيال وفي اسرته من الوالدين , وهالشي يسبب بعد كبير بين افراد الاسره وما يكون في تلاحم وفي خوف على الثاني وكلن يا نفسي , خصوصاً لو صارت التربيه على انه لكل فرد شأنه ومعناه ومشكلته يحلها بنفسه بدون الوقوف معاه حتى لو بنصيحه أو بشكل معنوي .

الحل اختي هو بالترابط والتقرب بين افراد الاسره وفتح خط الصراحه والتعاون , والمفروض ما ننزعج ونحاول نلم الشمل ونقرب وجهات النظر , ويبقى الشخص اللي برع البيت غريب وللبيوت اسرار .

تقبى هذي وجهة نظري الخاصه لا اكثر

الياسي

ياهلا فيك اخوي

ماشاء الله كلامك كااافي

بس يمكن أنا ماوضحت ف البداية عن الفرق بين السؤال طلب معاونه اللي هو النصيحة

بس الاغلب النصايح تكون من اقرب الناس أو من اللي يحبك

يقولو مايضربك الا اللي يحبك

يمكن هالمثل انا من سمعته غريب

بس ساعات تكون الضربه من القريب لجل تنبيه وتنويه لا اكثر

وفي شي بقوله يعني لو الأخ برى البن تشو تسوي لو ماعندها حد تسولف وياه

اكيد في الوالده الله يحفظها بس ساعات

العقل من لاخر يختلف التفكير ومن شاب لفتاة يختلف

يمكن البن تقول كلمة والأخ يفهمها خطأ وهي شي عادي

بس لو كانت علاقتهم قريبه مثل ماقلت

كل شي بيكون له حل

وتسلم ع المداخله

لاعدمناك __DEFINE_LIKE_SHARE__

الأمـ الوطني ـن · 01-03-2011, 11:36 PM

هلا فيج إختي *شموخ الود*

موضوع الاهتمام موضوع كبير ومهم للغاية للفرد والمجتمع ..

الإنسان بطيبعة الحال، محتاج إلى عنصر الاهتمام، وساعات هو بحاجة إلى الشعور بالاهتمام والمحاتاه من جميع الناس اللي عايشين حواليه
في بعض الناس .. ما يقدرون يعيشون بدون ما يحتكون بالآخرين ويهمتمون لهم، وهالشي أنا اشوفه طبيعي وصحي للغاية، لأنه من طبيعة الإنسان الاهتمام

نحن مب شرات الغرب، بعد ما يكمل الواحد 18 سنة يظهر من بيته ويشق طريقه ويتعمد على نفسه في كل شيء ومحد درى عنه.
طبيعتنا نحن العرب، كلنا نهتم لبعضنا البعض بشكل أو بآخر .. وهذا الشيء وصانا فيه المصطفى صلى الله عليه وسلم.
عن أبي موسى الأشعري رضي الله عنه قال: قال رسول الله صلى الله عليه وسلم : "المؤمن للمؤمن كالبنيان يَشُدُّ بعضُه بعضاً – وشبك بين أصابعه" متفق عليه.

بالنسبة إلى الاهتمام الموجود هاي الأيام، فـ كل شخص له احتياجات معينة تختلف عن احتياجات الشخص الآخر ..

فـ بعض الناس محتاجين إلى الاهتمام الكلي .. بكل شيء تقريبا، يعني بدوةن هالاتمام تحسهم ضايعين بزحمة الدنيا وبأمورها .. محتاجين أحد يرتب لهم أولوياتهم وأحتياجاتهم وكل شيء تقريبا ..

فـ بعض الناس محتاجين إلى الاهتمام العاطفي ..

وللأسف إنه البعض منهم يفتقد إلى الاهتمام الداخلي والمرتبط بالبيئة الداخلية في البيت "الأسرة"
وهذا بلا شك راح يأثر على الفرد في المستقبل
فـ "من شب على شيء شاب عليه" .. وهالشخص من هو وصغير ما عرف ولا ذاق طعم الاهتمام
لذلك لما يكبر تلاقيه غير مكترث بكل شيء
وعايش حياته كلها عبط × عبط .. لا اهتمام ولا حس بالأهمية والمسؤولية
فـ ينشأ الشخص غير مسؤول عن تصرفاته ولا حتى مسؤول عن أبسط الأمور المتعلقة بحياته، لا يرتب اولوياته ولا ينظم اوقاته وغالبا ما يكون "إنسان بلا هدف"
ياكل ويمسح بالطوفة

جميل جدا إنه الواحد يشعر بالاهتمام من الآخرين، وجميل إنه الشخص يصبح مكترثا ومهتما بمن حوله
والاجمل من هذا كله هو أن يكون الإنسان مهتما بنفسه، واضعا خطته ومنهاجه وأولوياته نصب عينه
فـ "فاقد الشيء لا يعطيه"

أكتفي بهذا القدر من الرد
واترك المجال للآخرين للإسهاب فيه

يعطيج ألف عافية يا *شموخ الود* ..
موضوع جميل منج كالعادة ... متميزة ^^ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ڪل هـذآ حب ـآللّـﮧ ۈآڪبر ! ۈيـن مآ آطآلع ـآشۈفڪ هُۈآجيـس مآبي ـأحسد نفسِے فے حبڪ ـآڪثر حبڪ ـإللي فيني مألـﮧ مقيآييـسْ لۈ بعبر واللّـﮧ مـآ اقدر ـآعبر	غلا البحرين	نغمــات للهــواتف	11	06-16-2010 06:33 AM
تدري ۈش هـُـۈ ـإللـي عجبنـي ؟ فيـڪ يـَـآ حِلـُـۈ جذبْنـے ! " ذوقڪ ـآلرآقـے سلبنـے / لَڪ ۈ شدتنـي الشقآۈهْ	غلا البحرين	نغمــات للهــواتف	3	06-03-2010 12:01 AM
,,{مـآڪَـآن ۈديَِ بآلسـِـِـفًَر لڪَن ظرۈف تحڪَم على آلإنسآن أۈل ۈتـآلي ..,} .. تجربتي ۈتجربت MY Sis	» Ѯ η ą d	تصاميم الاعضاء	20	11-09-2009 04:55 PM
آمـۈت بڪً ۈآعشقڪً ۈآعيش لۈصَآلڪً ۈآهـــديڪً فــــۈق آلمحبه قـَلب مجآني } فزآآع	شيخه الغيد	الشيوخ و رؤساء الدول	26	05-15-2009 08:11 PM
يـآنۈر دنيآيےَ جآعت عينـيےَ لشوفڪْ ۈ القلب ضآميےَ ۈصًل ۈ آلڪْبـد محرۈۈۈقـہ	مريوموهـ	المسنجر وملحقاته , توبيكات , ماسنجر بلس , msn	26	08-11-2008 12:29 AM