مميز تغطية تحدي عوافي للدراج ريس (الأول من نوعه في راك)

BOSS KK · #1 12-26-2010, 11:50 AM

[align=center][/align]

السلام عليكم

هاي تغطيتي البسيطه للدراج ريس في عوافي

وبصراحه ما كنت اتصور هاي الفعاليه ممكن يسوونها بعوافي
انا بروحي اتفاجأت

وكان الحضور طيب سواء من الجمهور ولا من المتسابقين ...

شاركونا اخوانا من السعوديه والبحرين ...على حد علمي...

وطبعا ما قدرت انتظر لين آخر الوقت لتوزيع الجوايز ... السموحه منكم

قبل ما اطرح الصور احب اوجه شكر خاص جدا جدا للسيد:منذر المزكي... ما قصر وياي لنهم بالبدايه ما سمحولي ادخل واصور ... ^^

ان شاء الله تستمتعوا ..^^

(صور+فيديو)

الوحش السعودي ...

حضور المتسابقين...

بمحركات جبااااره

ما شاء الله التواير عريضه (الحفارات)

واول حماااس
(طبعا اول شي انطلق الوحش السعودي لكني ما لحقت عليه)

قوه لا توصف ...وحماس نااااار ^^

اشكر الشرطه والدفاع المدني ... جهودهم ما راحت سدى .. الصراحه بذلوا جهد مشكور عليه ...

هاي السياره بالذات لاحظت نشاطها في تل ام القيوين وصورتها هناك ..ما شاء الله على الموتر ما قصر بأم القيوين ويا عوافي يفرض وجوده..ونجح ..^^(يعطيكم العافيه يالفيكتوري)

الجوائز......

والحين .. إليكم مقاطع الفيديو واللي واجهت مشكله كبيره فيها لني صورت الفيديو وما لاحظت اني كنت اصور بجوده عاليه وبالتالي حجم المقطع الواحد لا يقل عن 200 جيجا تقريبا...

اول مقطع لإحتراق النيسان ... معوض ان شاء الله

http://www.youtube.com/watch?v=Ij0kyjiQtBg

البارت 1

http://www.youtube.com/watch?v=pVTs-KlEgAM

البارت 2

http://www.youtube.com/watch?v=XtoIEQwBMyI

احلى بارتين عندي 3 و 4 ... بتحسوا انكم بقلب الحدث..^^

البارت 3

http://www.youtube.com/watch?v=vxrad2c73II

drag - Car Videos on StreetFire

البارت 4

http://www.youtube.com/watch?v=W22OloUzRyc

drag 2 - Car Videos on StreetFire

مع فااائق حبي واحترامي للجميع وللجنة التنظيم ... ^^
لنهم وقفوا السباق لصلاة المغرب...كان شي جميل ...بس ما حصلت ماي..تيممت وصليت على الرمل ×_×
لكن التنظيم كان حلو ومرتب ...يعطيهم العافيه...

محمد سالم الحثبور
BOSS KK __DEFINE_LIKE_SHARE__

alsaƒeer · 12-26-2010, 12:00 PM

صدق جبابره شوو هالنيااسين

تسلم الغااالي على التصوييير ويعطيك العافيه

ما عليك زووووود

تستاهل التقيييم الموضوع و أنت(^,^)

بس لو الموضوع فقسم السيارات مب انسب

عالعموم لا تحرمنا من يديدك الغالي

وخصوصا السيارات كثر منهن هههه دعابة دعابة __DEFINE_LIKE_SHARE__

شذاها غير · 12-26-2010, 12:06 PM

وعليكم آلسلآم ورحمة الله وبركآآته .،

يآآآ مسآآء آلسعآآده .،

لآآ آلصرآحه الآجوآء شكلها
خطيره ونآآيس وكششخه.،

تغطيه ولآ أروع .، مآشا الله عليك ما قصرت .،

تسلم آخويه ع الطرح الغآآوي .،
ربي يعطيك آلف عآآفيه .، __DEFINE_LIKE_SHARE__

خوية الشقا · 12-28-2010, 09:24 PM

السلام عليكم ورحمة الله

مآآ شالله تغطيه رآآيعه .. الصور جدآآ مميزه

وتوني اعرف انهم مسوينهآآ بعوآفي !

بس الجوو حلو .. ومآ شالله ع المشآآركين

ربي يحفظهم ان شالله من خطر هالسوآلف

تسلم ع المجهوود المبذوول .. واكيد تستآهل التقييم + تميز الموضوع

يعطيك العآفيه =) __DEFINE_LIKE_SHARE__

همس العشق · 12-28-2010, 11:44 PM

السلام عليكم

رووووعه الصووور وربي

الأجوواء جميله وحماسيه

حظك لأنك تشووف وتحضر شرات هالأجوواء الجميله

أبدعت ف الألتقاط كالعااده

تسلم أخوويه

ربي يعطيك العافيه __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تغطية تحدي تل ام القيوين على شارع الإمارات	BOSS KK	عدسة الاعضاء , كاميرا الاعضاء	6	12-18-2010 10:58 PM
باتش تصميم عربي لبرنامج idm الباتش العربي الأول من نوعه	محروم.كوم	منتدى أخبار المواقع والمنتديات العربية والأجنبية	0	09-22-2010 03:10 PM
الموقع العربي الأول من نوعه ,,, لإدارة الإعلانات التفاعلية	محروم.كوم	منتدى أخبار المواقع والمنتديات العربية والأجنبية	0	06-09-2009 06:50 PM
الموقع العربي الأول من نوعه ,,, لإدارة الإعلانات التفاعلية	محروم.كوم	منتدى أخبار المواقع والمنتديات العربية والأجنبية	0	06-09-2009 05:50 PM
₪بصٌَُُمَُة إبــدٌاع و زمــًٌان لـوّل₪ ((تغطية اليوم الثاني)) في مهرجان عوافي ..~*	بصمة ابداع	عدسة الاعضاء , كاميرا الاعضاء	5	01-26-2009 04:33 PM