مُناقِش مميّز " موضوع مميز " متقاعد او مت قاعد - الصفحة 3

السردال · 12-20-2010, 04:36 PM

المشاركة الأصلية كتبت بواسطة 【الهامورة】

السلام عليكم ورحمة الله وبركاته.

توي قاعدة أقرى محاورة محمد بن راشد مع المواطنين، وهو يجيبهم عن أسئلتهم في شتى الجوانب وأهمها التوظيف وهالسوالف.

وقلت بس ان سالته بوش بجيب..!

المتقاعد ما يتقاعد مني والدرب ممكن يكون لكبر سنه أو انتهت مدة عمله مثل ما هو مقرر ٍ له.

أنا شفت الكثير من المتقاعدين. ولكن ما يلسوا يلمون أحزانهم.

لا، كملو حياتهم بشكل عادي.

مارسوا هواياتهم، يعني مثلا:: اللي يهتم بالرجاب أو الصقور يسوي له مكان خاص له يهتم فيه بهالأمور. ويعلم اعياله او احدن يعنيه.

شفت وحدة متقاعدة :: تحب تطبخ واتسوي حلويات وقلت لها وش ناوية تسوين بعد التقاعد. قالت لي بفتح لي محل حلويات..!

هالجواب ياخوي يكفي ويوفي.. الشغل موب الا باللي تفرضه علينا الحكومة. الشغل حلاوته تكمن في ذات الشخص نفسه، اذا يبي يشغلها بيشغلها.

أرجوا بأني تكلمت بالكلام المفيد.

وتسلم على هالموضوع الطيب وربي يعطيك ألعافية.

صحيح المتقاعد ما يتقاعد مني والدرب لكن .....
يصعب عليه انه يستمر في شغله 40 سنة او اكثر ويجلس عقبها في البيت
واحييج ع الامثلة اللي طرحتيها لانها تعبر عن بعض حالات التقاعد الناجحة
واللي استغل فيها المتقاعد وقت فراغه في هواية تهمه
او استثمر ماله وحلاله في اشياء تعود عليه بالفايدة
وفي نفس الوقت تشغل وقت فراغه على اكمل وجه

الشغل موب الا باللي تفرضه علينا الحكومة. الشغل حلاوته تكمن في ذات الشخص نفسه، اذا يبي يشغلها بيشغلها.

أرجوا بأني تكلمت بالكلام المفيد

.

نعم الشغل حلاوته في ذات الشخص نفسه
لكن عندي سؤال :
ليش المتقاعد يفكر في مشروعه بعدما يتقاعد ؟؟
ليش ما يبدأ في مشروعه قبل التقاعد بفترة ؟؟
مجرد اقتراح على شكل سؤال
اتمنى ان ياخذه كل متقاعد بعين الاعتبار

مشكورة على ردج وتفاعلج في الموضوع

__DEFINE_LIKE_SHARE__

السردال · 12-20-2010, 07:43 PM

المشاركة الأصلية كتبت بواسطة » نّهآيـَۃ آڷحُڷمَ ≈

صصبآح الورد ،
فئة المتقاعدين فئه جداً كبيره بالعالم ككل ،
ولا ترتبط بدوله أو اقليم معين دون الآخر ..
فرضته الحكومات والدول ليتسنى للجيل الجديد أخذ فرصته بالتوظيف الحكومي ،
وإراحة الجيل القديم بعد خدمه طويله في العمل ..
بنظري ،
لآ اعترف بوجود مايسمى بسن التقاعد ، فالإنسان المنتج لايتوقف أبداً عند سن معين ،
رغم إختلاف القدره الإنتاجيه بين شخص والآخر ، ولكن الأهم هو شغل وقت الفراغ بعمل يحب أن يمارسه ..
نلاحظ البعض من المتقاعدين يلتفت لأعماله الحره أو هواياته ..
والكثير من الشركات تستقطب البعض منهم نظراً لمعرفتهم الكبيره وخبرتهم في مجال عملهم ..
مما يعزز ثقة المتقاعد بنفسه ويشعر بأهمية ذاته بأنه مازال قادراً على العطاء رغم كبر سنه ،
ولامانع بتخصيص وقت أكبر لراحته للترفيه عن نفسه ،
حتى لايرهق نفسه أكثر بالعمل ..

لآ أرى في هذا السن سوى أنه نظام يطبق ..
البعض من المتقاعدين يتقبله وينتظره بفارغ الصبر حتى يرتاح بعد عناء سنوات في العمل الحكومي ..
والبعض يراه فرصه لتغيير مجال العمل ، والبحث عن عمل يعطيه الكثير من قدراته وخيراته المكتسبه عبر مر السنين ..

يعطيك ربي العافيه السردال ع الموضوع الجميل ..
تستحق التقييم أكييد ..
ربي يقويك ،

مما يعزز ثقة المتقاعد بنفسه ويشعر بأهمية ذاته بأنه مازال قادراً على العطاء رغم كبر سنه ،
ولامانع بتخصيص وقت أكبر لراحته للترفيه عن نفسه ،
حتى لايرهق نفسه أكثر بالعمل ..

لآ أرى في هذا السن سوى أنه نظام يطبق ..
البعض من المتقاعدين يتقبله وينتظره بفارغ الصبر حتى يرتاح بعد عناء سنوات في العمل الحكومي ..
والبعض يراه فرصه لتغيير مجال العمل ، والبحث عن عمل يعطيه الكثير من قدراته وخيراته المكتسبه عبر مر السنين ..

نعم هذا هو القصد من الموضوع
فهدفنا هو ان نأخذ بيد المتقاعد لنعزز ثقته بنفسه
الثقة التي يفتقدها خين يحس انه على هامش الحياة
ودوره انتهى بمجرد التقاعد

عن أنس أن رسول الله صلى الله عليه وسلم قال :لا عليكم أن تعجبوا بأحد حتى تنظروا بم يختم له فإن العامل يعمل زماناً من عمره أو برهة من دهره بعمل
صالح لو مات عليه دخل الجنة ثم يتحول فيعمل عملاً سيئاً، وإن العبد ليعمل البرهة
من دهره بعمل سيئ، لو مات عليه دخل النار ثم يتحول فيعمل عملاً صالحاً، وإذا أراد
الله بعبده خيراً استعمله قبل موته). قالو يا رسول وكيف يستعمله قال يوفقه لعمل صالح ثم يقبضه عليه)

اللهم نسألك حسن الخاتمة
مشكورة ختيه ع الرد والتقييم

__DEFINE_LIKE_SHARE__

السردال · 12-20-2010, 07:52 PM

المشاركة الأصلية كتبت بواسطة الغضي الياسي

بنظري يجب ان يبحث المتقاعد عن هواياته وعن هوايات اجداده ,, وينشط نفسه في ممارسة الرياضة ويكرس وقته لعائلته وقبل ذلك إلى ربه ,,

هناك أعمال حره كثيره متوفره لجميع الاعمار ,, ولا يتوقف المتقاعد عن مزاولة اي نشاط تجاري إذا كان سيزيد من دخله ويضع اهتمامه ووقته في التجاره ,,

الياسي

صحيح النشاط التجاري رائع لكن له مخاطر مثل الخسارة او كساد تجارته
يعني المتقاعد مو ناقص هم يديد على همه مب صح ؟؟؟
يكرس نفسه لعائلته واولاً يتقرب لربه
والله كريم
تسلم يالياسي ع الرد

__DEFINE_LIKE_SHARE__

(****) · 12-20-2010, 09:35 PM

السلام عليكم ورحمة الله وبركاته

من وجهة نظري السن يحتم على الانسان انه يرتاح في فتره معينه من حياته

لين متى بيكرف (( انه لجسد عليك حقا))

والتقاعد مب عيب ولا تقليل من قيمة الشخص بالعكس التقاعد يعطى للشخص عشان يداري عنفسه

ويشتغل شغل اقل جهد من الشغل اللي يشتغله بدليل وايد متقاعدين موظفين في وظايف خاصه او فاتحين

لهم مشاريع خاصه وطبعا اكيييد مراعيه لسنهم وصحتهم بحيث انه ما يكون مكلف او مجهد بالنسبه لهم

ربي يعطيك العافيه ع الطرح المميز والرائع ما تقصر وتستاهل التقييم

ننتظر ابداعاتك اليايه
__DEFINE_LIKE_SHARE__

*نظره مني تسدك* · 12-20-2010, 11:32 PM

"

السلام عليكم ورحمه الله وبركآته

يا مسآء النور..=)

اهنيك خويه ع هالطررح المهم الحقيقه..~

المتقاعد لو كآن بعده قادر وفي عزه شبابه..مآفي خلاف على انه شوي وبيضيق من البيت والمصاريف بتزيد عليه
شي لابُد منه..~ وبعد لو كآنوآ عياله وآيدين ماشاءالله...وحرمتين..وشسمه..هنيه الصراحه الوآحد مآ بيلومه

طلبآت العيال

والحريم بعد يبالهن راشن كآمل هع

العيشه هب سهله ولازم يكد عليهم

بس الحمدالله دولتنآ موفره كل شي للموآطنين..حتى معاش التقاعد موجود

لازم كل وآحد يفكر بهاليوم..لأنه جيه ولا جيه بيئ..

انآ اقول..لو الانسآن هب محتاي للتقاعد جآن مآ فكروآ فيه من الاساس

بس الانسآن عقب كد وتعب..صدقني محتآي للراحه

اذكر ابويه يوم تقآعد..تموآ يبآركوله هههههههههه

انآ كنت مستغربه..ليش يباروكله..بس خلاف عرفت ان ابوي محتاي للراحه من التعب ..خصه مآ كآن يشتغل في مجآل عمل سهل..مآ نشوفه غير بالشهر حسسنه..يعلنيه مآ خلا منه

بعد الانسآن المتقاعد واللي يحس بانه شباب..وعنده مسؤوليه بيت كبير..

ترى في اعمال وآيد تخليه يغير جو فيهآ

الحين عندك المزآرع..~> غير

العززب .. شي وعالم 2

عندك المزآين الحين..الشوآب مستآنسين على هالاشياء ^.^

يعني وش اقولك..شكلي طلعت برررع الموضوع صدق خخ..

بس يالسه اقولك الحين ان بامكآن المتقاعد انه يسلي بعمره باشياء..تبعد عنه الضيق والامراض وذي العلوم لي مآ منهآ الا الهم يآخويه

ف النهآيه

ربي يديم اهلنآ..ويحفظ دولتنآ

وتشكرر يآخويه بارك الله فيك..طرحك جميل وتقييمك وآصل

عسآك ع القوه..~ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كيف تكتب موضوع مميز وكيف يكون موضوع مميز	محروم.كوم	منتدى أخبار المواقع والمنتديات العربية والأجنبية	0	08-16-2010 09:50 PM
موضوع مميز	محروم.كوم	منتدى أخبار المواقع والمنتديات العربية والأجنبية	0	08-09-2010 07:30 AM
موضوع مكرر وسيتم حذفه..؟!موضوع مميز وسيتم تثبيته..؟!!	الـدانـة	الإستراحه العامة	34	07-20-2009 01:27 PM
موضوع مكرر وسيتم حذفة..؟!موضوع مميز وسيتم تثبيتة..؟!!	محروم.كوم	منتدى أخبار المواقع والمنتديات العربية والأجنبية	0	06-19-2009 02:00 PM
!!المـــــــــرأآأآأة!! (( موضوع مميز ))	حرف الذهب	الحوار والنقاش - الرأي والرأي الآخر	17	02-08-2008 07:33 PM