دهاء وحكمة امرأه شيقه للغايه ومنبهة لكم يابنات ... حياكم.

الرهيب القطراوي · #1 12-17-2010, 09:37 PM

السلام عليكم ورحمة الله وبركاته جايب لكم سالفه ياساتر شيقه وكيد انشاء الله تنال اعجابكمبدايتها تقول امرأه انها حقيقيه وحصلت لأحد قريباتهاوتروي انها تقول

بدأت الإجازة وقررنا أقضيها أنا وزوجي وأبنائي في سوريا
سافرنا إلى هناك .. واستأجرنا منزل من إحدى العائلات السورية حيث أنهم يقومون في الإجازة بتفريغ منزلهم إن كان يتكون من أكثر من طابق
ويسكنون في طابق ويأجرون الطابق الآخر على السياح .. (من باب الرزق)
مرت الأيام وكانت جميلة وراااائعة ..
كانت العائلة السورية (أصحاب المنزل) عندهم ((فتاة)) جميلة وحلوة.
وكانت بين فترة وأخرى تطق علينا الباب وتقول أبي بعض الأغراض من المنزل وتأخذ اللي تبي وتخرج المشكلة هنا
بدأت عيون زوجي تلاحقها والفتاة تبتسم له تلك الإبتسامة الساحرة ثم تخرج يالها من قهر
تطورت الحالة . وصارت تقابله كل ما خرج ودخل .. وإبتسامة منها وآخرى منه ثم كلمة منه ومنها إلى أن تعلــــــــــــــــــق ( قلبه ) وقرر أن يتزوجهــــــــــــــا.
وأتى وأخبرني برغبته في الزواج من تلك الفتاة.
صعقت وصرخت .. ونهرته وقلت ...لماذا؟
ولكنه أصر

قلت: إذن رجعني إلى السعودية. ثم ارجع وتزوجها . أما إنك تتزوجها وتاخذها معنا . مستحييييييييييل خوفا من كلام الناس تقول : راحت تتمشى فتزوج عليها ورجعت ( يا شينها تمشيه ) ويقولون :راح بوحدة .. رجع بثنتين قال: خلاص أرجعك السعودية وأرجع ... اتفقنا على كذا. المهم اليوم اللي قبل ما نسافر فيه خرج زوجي من البيت. قمت وأخذت عصاااااايه كبيرة(خشبة) وكسرت التحف اللي في بيتهم اللي حنا ساكنينه ودخلت على غرفة يخزنون فيها المخللات و كسرت كل العلب وكانت كثيرة ( يبدو إنهم يبيعون منها ) علشان بنتهم الخايسة هذي اللي تبي تاخذ مني زوجي وأنا أتفرج المهم جاء زوجي وشاف الأغراض مكسرة والبيت محووس قال: وش ذا ؟ من سوا هذا ؟ قلت له: هذولي عيالك الله يصلحهم .. طلعت أتمشى شوي .. رجعت لقيتهم حايسين الدنيا .. أحرجونا الله يهديهم مع أصحاب المنزل . ما أدري ويش نقول لهم قال: الله يهديهم بس .. خلاص خذي هذي العشرة آلاف ريال وأعطيهم إياها وأعتذري منهم. عشرة آلاف.. والله ما هي كرم !! بس لأجل عيون البنت سواها قلت له طيب أبشر.. وقمت حطيت بجيبي تسعة آلاف ..(اللي عمري ما قد حلمت يعطيني إياها) وطلعت لأصحاب المنزل ب 1000 وناديت الأم ونزلت معاي على بيتهم بعد الحوسة .. وقامت : تصرخ .. شو هيدا ؟ قمت أعطيتها ال ـ1000 وقلت لها : معليش يا حبيبتي سامحيني والله اللي سوا كذا ببيتكم زوجي مسكين عنده حالة نفسية..وعنده صرع . ما تركت مستشفى ولا دكتور إلارحت بزوجي عنده علشان يتعالج بس ما فيه فايدة .. وسافرت به كل ديرة قلت : عسى تتحسن حالته النفسية بس ما فيه فايدة كمان . وأنا جايبته لسوريا قلت عسى يستانس ويروح عنه المرض بس مثل ما شفتي تصيبه هذي الحالات من فترة لفترة. ولا يترك شي في حاله حتى أنا يضربني ويضرب عياله وهذي الألف خذيها بدل اللي تكسر في بيتكم ولا يدري إني أعطيتكم شي علشان ما يصارخ ويا خذها منكم لأن كل شي عنده إلا الفلوس كل هذاعلشان ما تروح تشكره على الفلوس وينفضح أمري قالت: لا عادي يا ألبي الله يعينك عليه ويشفيه . واليوم الثاني أشيل عفشي وعلى طول السعودية وأنا مرتاحة. ولا يمر أسبوع إلا وهو يقوليالله نسافر لسوريا (على باله رايح علشان يتزوجها ) قلت: الله يحفظك.( وأنا مطمئنه ) ويروح لسوريا ويروح لأم البنت ويطلب يد بنتها.. قالت: معليش سامحنا والله خطبها ولد عمها وما نقدر نرده. لأنه كان متفق معاهم إنه بس يرجعني السعودية ويرجع ياخذها وكانوا موافقين بس بعد اللي قلت لهم ارفضو ورجع للسعودية من وقتها. ونسيها ورجعت حياتنا مثل أول وأحسن وكل شي تمام والحمد لله. الصراحه والله أعجبني تصرفها ما شاء الله عليها. ماهيب مثل بعض الحريم ماعندهم إلا الصراخ والبكا.و أنا أسميها حكمه. لاتلومون المره تبي تحافظ على زوجها وهو بعد مايستاهل ذا كله اللي فكر يتزوج عليها.

ولكم محبتي وتقديري

ولـــدتـك امــك يــابن آدم بــاكيـا
والنـاس حــــولك يضحكـون ســرورا
فـاحرص على عمـل تكــون إذابكــو
فـي يـوم مـوتـك ضـاحكـا مســرورا

لافهود .. ولاذيابه .. الأسد هو ملك الغابه

@ الودعاني عاشق الريان القطري @
@ AL wadaani Old Rayyan of Qatar @
__DEFINE_LIKE_SHARE__

الرهيب القطراوي · 12-22-2010, 10:25 PM

انافي انتظار الرد ياربعي الحلوين = على شان نور المنتدى منكم اوفيكم
@ الودعاني عاشق الريان القطري @
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
نغمة موب قويه للغايه(مو ردت من عندي تخلص راح اخلصك اني مني)حزينه للغايه ورومانسيه تشك	محروم.كوم	منتدى أخبار المواقع والمنتديات العربية والأجنبية	0	09-13-2010 04:30 PM
كيف نرتقي با المنتدى ... مهم مهم للغايه ... حياكم ..	الرهيب القطراوي	الإستراحه العامة	2	02-15-2010 09:46 AM
شوفو العجب يابنات .... حياكم .......	الرهيب القطراوي	تصاميم , دروس , تصاميم الاعضاء	18	12-13-2009 08:19 PM
قصيده من والد في ابنته شيقه ... حياكم ......	الرهيب القطراوي	الشعر المنقول	5	12-05-2009 01:56 PM