{ إمتحنتك .. ~

ઇ النورس ઇ · #1 12-16-2010, 09:33 PM

السلام عليكم ورحمة الله وبركاته

وبعد ,,

في جميع الاختبارات ..

هناك من ينجح ,, وهناك من يسقط ..

ولكن السقوط لا يعني نهاية المطاف ..~

إلا ان هنالك سقوطا ً قد يعني نهاية المطاف .. !!

وهذا لا يحدث .. إلاّ في إمتحاناتي أنا .. ^ـ~

بالرغم من أنها سهله .. !!

====

بين أيديكم ,, قصيده بعنوان ,, { إمتحنتك .. ~

أتمنى انها تنال لى اعجابكم :

إمتِـحَـنــتـِـك والنـتـيـجــــه راسِـبِ فـْـكــلّ المواد

لا وفــا لا حـبّ قِـلـّـي كـيـف تـــطــمـح للنـجـاح

دامِـكِ فـْـدرس المَـحَـبـه ما تـِــعَــرْف الاّ الـرقــاد

وشْ يــِـفيد انـّـك بـتصـحَى فـْدَرس عِنوانه جراح

ليـت بـس انـّـك نـجـحـت فـْـمادةِ الطيبـه وْ نفاد

كـان نَــجـّـحْــتِـك وقـلت اليوم يــالغالـي سمـاح

لكن ِ انتـه قاسي ِ فـْـطبعك ومدري ليـش حــاد

يــا خسـارةْ كـلْ دِروسي مـا تـِــعَــرْف الإنشراح

ما تـِـعَــرْف الـفـرق بين انسان حـيّ وْ هالجـماد

انــت مـانــك إبــتـدائــي تــجـرِفـِـك ذيـك الـريـاح

انت تـَـدرس عشـْـق عالي ما بتدرس شين صاد

عـيـب إنـّـك مــا تِــفـَـرّق بـيـن مـمـنـوع وْ مــبـاح

جـيـت اصـَـلـّـح إمتحانك .. وِرقِـتِـك كـلـْـها سـواد

أسـأَلِـك ويـن الـوفـا ؟ والقى جوابك : فالرماح !!

أسأَلِك وشْ هو الوَلـَـه ؟ وتقولِلِي : يعني البعاد

تعـتـقـد هـذي إجــــابـه فـْــذمـِّـتـِـك ولا ّ مـزاح ؟

أقــتـِـرح إنـّـك تـِــغَــيـّـر فــي مـسـار الإعـتـقـاد

إعـتـِـقـَـادك به خَلل وان مـا عـِــجَـبْــك الإقتراح

إنـتـِـقـدنـي كـان عـندك فـي دروسي إنتـقـاد

فـالحَـقيقه هـالصراحـه تَـشـْـعـِـــرِك بـالإرتـيـاح

غلـطِــتـي فـْدرس الخيانه قِلْتِلـِـك إنـْـها فساد

كان قصدي أبعِــدِك ... وآعلّـمـِـك كيف الصلاح

لكن ِانته للأسف لا مــا خَــذيــت المـسـتـفاد

فـالمـحـبـه إنحِــرَفـت وْ خَـذتَــهَا ضـدّي سلاح

الخيــانـه جـرْح قاســي مـا يــِشـَـافيه الضماد

وْ لا تِـظـِن الشخـْص يرْجع بعْد ما في يوم طاح

فرصـِـتـِـك ضــيّــعـتـَـها لنـْـها دروسي لا تـُـعـاد

والتخَرج مـو لِـمـِـثـلـك واحـلـم بـْـذاك الـوشـاح

مــن رســوبــك فامتحاني يـالغلا بـبـدا الحـداد

مــا بـيـنـفـع لـو تـِـعـيـد الدور ثـانـي بـالـكـفـاح

إخـتـِـبَـرتك وانت تدري .. راسِـبِ فـْـكلّ المواد

لا وفـا لا حــبّ قـِـلـّـي كيـف توصل للنجاح .. ؟

بقلمي .. خالد الشامسي .. النورس
__DEFINE_LIKE_SHARE__

Aljohara · 12-16-2010, 09:39 PM

وعليكم السلآم وآلرحمه ،
مسساء الجمال ..

الله عليك ،
مهما قلت مابوفي جمال هالأبيات شي ..
تسلسل الأبيات مذهل ..
ومحتواها مجنوون ،
كنت بقولك عطه فرصه ثآنيه ودور ثآني بس لما وصلت لهالبيت ..

مــن رســوبــك فامتحاني يـالغلا بـبـدا الحـداد
مــا بـيـنـفـع لـو تـِـعـيـد الدور ثـانـي بـالـكـفـاح

أدركت آن مابه طب ع قولتنا وماألومك لو غسلت يدك منه هههه ،
يمكن ينفع معاه لو عاد التجربه مع شخص ثآني ووقتها يمكن يتدارك أخطائه !
النورس ..
حرفك شقي بكل ماتحمله الكلمه من معنى !
صح لسسآنك وسلم بنانك ،
تقييم أكييد ..
وعسساك ع القوه ،

__DEFINE_LIKE_SHARE__

*نظره مني تسدك* · 12-16-2010, 11:43 PM

"

"

السلام عليكم ورحمه الله وبركآته

حي الله الشاعر النورس..^^

ابهرتني الصراحه.، لو تدري بس كم مره قريتهآ

يعني صح منطوقك ع هالابيآت الجميله

وديت اقتبس كل بيت بروحه..بس عيزت ولقيت ان القصيده في مجملهآ روعه

متسلسله بدرجه عجيبه

واللي يرسب يعطونه دور ثآني..وكذلك من يحب يعطي فرصه 2

على قولة نفرات..~> هب كل يوم الحياه سكر سكر..حلات الملح يوم يمزج..يخلي الوآحد يعيد ذكرياته ويعيد احلى اللحظآت مع الشخص اللي يحب..ولو كآن قاسي

النورس

مبدددع وشاعر فذذذ

عسآك ع القوه..~ __DEFINE_LIKE_SHARE__

ઇ النورس ઇ · 12-17-2010, 09:48 PM

المشاركة الأصلية كتبت بواسطة » نّهآيـَۃ آڷحُڷمَ ≈

وعليكم السلآم وآلرحمه ،
مسساء الجمال ..

الله عليك ،
مهما قلت مابوفي جمال هالأبيات شي ..
تسلسل الأبيات مذهل ..
ومحتواها مجنوون ،
كنت بقولك عطه فرصه ثآنيه ودور ثآني بس لما وصلت لهالبيت ..

أدركت آن مابه طب ع قولتنا وماألومك لو غسلت يدك منه هههه ،
يمكن ينفع معاه لو عاد التجربه مع شخص ثآني ووقتها يمكن يتدارك أخطائه !
النورس ..
حرفك شقي بكل ماتحمله الكلمه من معنى !
صح لسسآنك وسلم بنانك ،
تقييم أكييد ..
وعسساك ع القوه ،

مساء الرقه والعذوبه ^ـ^

تسلمين يا نهايه على حضورج وتواجدج الاكثر من رايع

ديما تسعديني بتواجدج الراقي والمميز

لا خليت من هالطله الذوق

صح الله بدنج واعتلا شانج يا ختيه

ما عليج زود الصراحه

دايم أرقب حضورج بين صفحاتي المتواضعه

وشكرا عالتقييم

لا عدمتج أبد __DEFINE_LIKE_SHARE__