اسماء البنات والأولاد عند البدو

alsaƒeer · #1 12-10-2010, 03:52 AM

بسم الله الرحمن الرحيم

اساامي الشبااب

ياحظ من هو نصيبه سلطان طاريه يهز الناس ما يوم هان .

· واللي نصيبه هزّاع للشدايد دوم فزّاع.
· و محمد لي عن جميع الناس بالمعاني مفنّد.
· و ذياب سريع الجواب , عتيد الصواب , كريم النصاب .
· و منصور محب الزود , بدهن العود مشور .
· و خالد مناة العين له يوم ان تشاهد .
· و حامد بروح النشامه يجبرك له تساند .
· و فلاح لي صكّت الدروب بين المجالس طاريه فاح .
· و سحمي اسم ٍ لمعني , و شدّني للثريّا , بروح نشمي .
· حمد ما يوم خذل من ناشده السند .
· و فيصل كما برق ٍ في السما صقل .
· و ظافر بسمي المخابن ينشهد له , لي من بد خلق الله يشرح الخاطر .
· و علي لي هب خفي , للمنايا راسه ما ينحني .
· و عبد الله بطيب قلبه يملكك يشهد الله .
· و جمعه بنور خدّ ه يسعدك لو تصدّه .
· و طحنون حلو العيون , لاتحسبه بضيقتك مغبون , لو تطلب عيونه ممنون .
· و خلفان شرا العود حرقان , للمعاني دوم صعدان .
· و سعيد لقياه عيد لو كان عنك بعيد .
· و ابراهيم خوي ٍ لطلبتك حاظر و مديم .
· و أحمد من صلفه تلقاه في السما عربد .
· و بطي ياره هب شقي , من نسل ٍ مخيّر و منتقي .
· و سهيل اسم ٍ و رسم ٍ و خلق ٍ وافر ٍ كما السيل .
· و مبارك للمنصب الراكز تلقاه يعارك .
· و سيف يغمرك بالعطف , و حبه للمدايح ما هو بزيف .
· و سالم راعي المكارم للبخل تلقاه ناقم .
· و عمر بحر غمر , يقصر دونه الفخر .
· و غانم شيخ ٍ صارم , جلد ٍ بالحكم حازم .
· و صقر باسم الثغر , حلو الشعر , بقربه يحلى السهر

معاني اسامي البنات التراثية

ميثاء جيون ٍ بين الدرر من نسل ٍ كريم ٍ منتقى .
· الريم حور عين من شافها مجبور يهيم .
· فاطمة شروا البدر في السما غصب بارقة .
· سـلامة للروح صيّادة بين الغزر دانة .
· شــــــمّا حلوة الهمه.دوم في القمـــه وأكيد من خذها بيتهنّى .
· وديمة بالحلا زينة والروح فحبها رهينة .
· وعاشة باللطافة تصبح النفس بخير وسهالة .
· واليازية بوصلها هداية وبالغلا دوم حيازة.
· والصغيرة روح ٍ سميّة , ذربة معاني , معصومة خطيّة .
· وشيخة تشعل الجو هيبة , وللضراير تغدي لك رفيقة .
· وموزة حلوة الشوفة , وقربها تراه اكبر فوزه.
· وخولة نادرة الزلّة , لاتلوم مناظرها لي الهوى شلّة .
· شمسة خجل وحشمة , لباغيها لا حشىهب سهلة اللمسة .
· وصنعاء مشهودة بالحيا , وذكرها سامي ٍ بين كل الملا .
· وغريسة فغياها عيني سكيرة , وش عاد لو تناظرها عيني حقيقة .
· والّنيرة ماتملها من سيرة , بخلطة العنبر مثيرة .
· مهرة روح ٍ سمحة , غضيّة طرف , فقلبك متسّمرة .
· وحصة وسمة ٍ شرا الجمرة , لهيبها يسعد لو هو شظيّة .
· ولطيفة غزيّل ٍ فلّة , عود موز ٍ تقول دمانيّة .
· والعنود مفارقها ميهود , بين الناس عشقها مفنود .
· وعفراء بالذكا صقرة , تنهبك وماتندم بحسرة .
· وهند اسم بين العرب مشهور , ومن غيرها بمكانها يسد .
· وحمدة ماتكثّر الرمسة , ذربة وماتسمع لها همسة .
· وعلياء اسم ٍ مرنّق بالحلا , توهبك السعادة بالوحاة .
· ومديّة فبعدها روحك شقيّة , وفقربها نفسك هنيّة , ولا تزورها الا ومعك هديّة .
· وآمنة بين البنات دلع وغناجة , وفقربها كل السعد والشراغة .
· وميرا بالعيون الخجلى تفتنك , وتصد عنها من عليها يقسى .
· وسلمى عين الما , مثلها صعب تلقى

والسموحه اللي ما حصل اسمه هه المره اليايه ان شاء الله(^_^)
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اسماء فناجيل القهوه عند البدو	محروم.كوم	منتدى أخبار المواقع والمنتديات العربية والأجنبية	1	08-13-2010 01:29 AM
اسماء فناجيل القهوه عند البدو	محروم.كوم	منتدى أخبار المواقع والمنتديات العربية والأجنبية	0	08-13-2010 12:40 AM
اسماء الرياح بأنواعها لدى البدو بالخليج ماضي وحاضر	كويتي	التراث والحضارة	18	03-25-2009 10:45 AM
اسماء فناجيل القهوه عند البدو	$$ شقاوي العين $$	المواضيع المكرره	12	02-24-2008 02:56 PM