قصة خيالية رد سعود عبد الله فهد الطيار على قصته اللتي انتشرت في الايميلات بشكل كبير!

مكحل · #1 12-09-2010, 11:19 PM

رد سعود الطيار

((منقول))

لقد قرأت هذا الرد واحببت نقله لكم وتبرئة الذمة
وايضا للحرص والتأكد قبل نشر اي موضوع وانه ليس فيه اساءة اوضرراو تشهير على الاخرين
وان اكون اداة في المفسدين ,,,

اسمح لي حبيبي
تافه من يصدق مثل هذه الخرافات
انا توقعت انها مثل اي قصه عاديه
لكن اتفاجئ بان صاحب الموضوع يقول بانها قصه حقيقيه وواقعيه
والله كلها خرافات ومبالغات مالها اول ولا اخير

وفعلا
وجدت رساله على الخاص مضمون محتواها

بـــسـم الله الرحمن الــرحيـــم
السلام عليكم ورحمة الله وبــركـــاته

فـي الـبــدايه أشكر جميع من تــفــاعل بــقــصة ( سـعود الطيار وهيــفاء)
وأشكــرهم عــلى دلاخــتــهم بــتــصــديق القصه ونــشرهــا كمان >>>> مـع أحــترامي لــهم
سواء بلوتوث أو في مواقع النت والأيمالات!!! يعني كـل وآآآحــد وقــدرته

ثــانيا أشــكر الأخ مـجنونها ... لأنه نزلها فــي المنتدى مع ذكــر أنه يعرفني شخصيآ ومع طلباته المتـوآآضعه منكم
أولا ( نشر القصه حتى تصل لهيفاء)
و ثـانيا ( الدعــاء لــي لأني دخلت مستشفى العسكري بسبب أنهيار عصبي شديد) بدري عــليك مو سعود اللي تنهار أعصابـه
طبعاء بــدون مرآآآعاة لــشعور أنــسان أنتشر أسمه وأسم عائلته والشاطر اللي جــاب رقم جواله وأنــواع الأزعاجات والقلق
وربي اعلم بــنوايــا

بــصرآآآحه أنــا سـعود الطيار لكن القصه قصه من ألف ليله وليله !!!
الطفل ما يصدقها .. لكن للأسف صدقوها الكبار >>> الغالبيه طبعا
وهـذا وآآآضح من خيالاتها الوااســعه ........

سمعتوا القصه لكن مــا سمعتوا الصدق مني
وأنا وصلني الأيميل قبل تنتشر الأنتشار الوااســع الآن
فتحته وجلــست أقــراء القصه وأنــا متحمس وكنت مستعجل عــلى نهايتها لأنها شدتني
ووصلت النهايه ,,, اللي كانت فــاجعه بنسبه لـــي
طلع سـعود بطل القصه هــو انــا
أرسلتها لوآآآحد من الشباب وردلي يــاسعود يمكن تشــابه أسماء
قلت للأسف ياخوووي ماهي تشابه أسماء بس,,, موجود عمري وموجود شــكلي وتشبيهي المعروف !!!!
قال أجل تراه مقلب أمسح الأيميل وريح رآآآآآآآآسك

قبل أشتري رآآحة بالي رآآآسلت المرسل لي لكن للأسف مارد علي
قررت أقفل المووضوع لــكن الموضوع ما رضى يتقفل !!!!!!!!
لان القصه ووصلت لاختي بلوتوث وقالت لي أن بنات الجامعه صايره سوالفهم
قـــــــــصتي مع هيفاء
وأنها تنزعج من لقآآآفة بعضهم لما يســألونها عني وعن هيفاء اللي مدري من وين طلعت لي
فتحت النت وبحثت عن القصه
ويـــا الله بــس مو معقوووول كيف قدرت تنتشر بــــــهذي الطريقه وكيف عقول العرب صغيره
وطبعا الناس اللي يحبون الفزعه مــا قصروا مـــــــــــعها
هــذا ينزل القصه ويقول انشر والثــاني يقول أبشر لأزم تووصل لهيفاء
وانتشرت مثل نيوتن
وأستغل أسمي بعض الشباب اللي يقول انه خــويي مثل الاخ مجنونها وطبعا غيره كثيييير
واللي يتعرف ويقول أنــه ســعود بطل القصه
وصار عــلى أسمي مشاكل كثيره بسبب تــفاهة قصه وتفاهة مؤلفها
وطبعا صارلي موآآآقف لا أحسد عليها ..............
والــجديد فــي الموضوع وصلني ايميل
يخبروني بسبب نــجاح القصه راااااح ينزلون لــها جــزء ثااااني لان الناس يستاهلون اكثر
أنــا رديت له وكـــبروها وخلوها فلم سنمائي أحسن ويعرض بجميع اللغات
لكن طلع انسان وآآآطي وحقير ,,,, يقول ليش لا خصوصا ان فيها فضاايح أكثر لــــــي ولأخواااني طبعا مع تزويدها ببعض الصور
شفتو كيف ساااعدتو عصاااابه بسبب قلة الوعي وعدم التفكيرفي تشويه سمعتي
رسالتي لجميع من نشر قصة هيفاء وسعود
سمعتي ومستقبلي بيضيع بسببكم لأنكم كنتم عوون علي بسبب جهلكم
رجاء أنا سعود عبدالله الطيار وأقسم بالله العظيم مــاأعرف وحده أسمها هيفاء وأقسم بالله عمري ما حبيت ولو حبيت
مااارح اكون مجنون وأنشر كلام تتاافه وأشهر بنفسي وبعائلتي عشان بنت
ماعدا اني لما احب بطق الباب لان اللي ماأرضاه لخواتي والله ماأرضاه لبنات المسلمين
أنا رجل مسلم سعودي لي ديني ولي أصلي ولي عــاداتي وقيمي مــو انا اللي أروووح أحب بنت تسهر بستراحات للفجر
مو انا اللي آخذها ورى شجره وأسوي اللي على قولة القصه كل حبيب وحبيبه يسوونه >>>والله كل وآآطي وآآطيه اللي يسوونه
مو انا اللي أطلع بنت نص الليل واحضنها وأروووح قسم شرررطه واطيح تحت رجلين اخوها اقول أبي بتزوجها
ومو أنا اللي أنرفض
أرجوووكم كذبوووو القصه ولا تصدقونها
ولو وصل جزء ثاااني أمسحوها لان أقسم بالله العظيم الموضوع كذبه x كذبه خااصه الأخ مجنونها وأمثاله
وحسبي الله ونعم الوكيل وكفى بالله وكيلا

اخوكم سعود الطيار __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
جهازي اصبح بطيئ بشكل كبير !!	محروم.كوم	منتدى أخبار المواقع والمنتديات العربية والأجنبية	0	09-22-2010 03:50 AM
المسابقه الإنشادية \| يارسول الله \| كلمات الأمير : سعود بن خالد الكبير آل سعود	محروم.كوم	منتدى أخبار المواقع والمنتديات العربية والأجنبية	0	03-03-2010 05:10 PM
خبر كتير حلوا للسورين بشكل خاص والسياح بشكل عام	محروم.كوم	منتدى أخبار المواقع والمنتديات العربية والأجنبية	0	08-27-2009 05:50 AM
كيفية ضغط الملفات بشكل كبير	محروم.كوم	منتدى أخبار المواقع والمنتديات العربية والأجنبية	0	04-28-2009 10:00 PM
بعض العبارات الإسلامية اللتي نتداولها بشكل يومي بالإنجليزي	صاحبة السمو	نادي محروم للغه الانجليزيه	5	01-22-2008 12:43 AM