وطتّ رجليّ علىً دربه و لآآإ آإدريّ وشّ نؤوى فيني .! - الصفحة 81

ونات حزينه · 03-19-2011, 04:19 PM

روووووووووعه البآآآآآآرت

يعجبني محمد واااايد هع هع زقرتي يآخي

ايه والله عذوور مآطلعت حيآتي عذوور

مهروووووووه >> عآشت عآآآآآآآآآشت والله

سيف >> هههههه استآنست هالمره ,’ عليك دواااااااااااك ادبك

وبس كملي كملي كملي __DEFINE_LIKE_SHARE__

«ضَحِيًة حِبُيًبُيً ..}● · 03-19-2011, 05:25 PM

.

.

البارت الـ 50

عذاري : ماشي امايا استعيلو وراحو . .

ام عبدالله : هذا وانا موصتنها ماتروح الا وهي تسلم علي ؟

روضه : حتى انا وصيتها . .

عبدالله : يا امايا هيه مش رايحه عند غريب . . رايحه عند ريلها ترى . . ماعليها خوف . . يالله عاد ودرن عنكن رمسسات الحريّم الي ما تيب غير المشاكل بين الحرمه وريلها . .

يطالع روضه . . : وين عيالي ؟

روضه : يلعبون فغرفه الالعاب . .

عبدالله يقوم : يالله انا طالع . .

ام عبدالله : توك داش وين بتطلع بعد ؟

عبدالله يبوس راس امه : بسير عن الشباب . .

وطلع . .

ام عبدالله : الله يحفظك يالغالي . .

منصور يدش : هييه الغلا كله حق عبووود بس . .

ام عبدالله : حرام عليك . . قلبي مقسم عليكم كلكم . . وقلبي عن البعييد الي يعوده بالسلامه . .

عذاري : اميين . .

منصور : ماعليج امايا نصور بخير . . ورمسته وقالي انه وصل . . وجريب بيسوي امتحان فحص قبول الجامعه . .

ام عبدالله تدعيله . .

عذاري تتلصق ف منصور : وشحالك منصووووووورو . .

منصور : بخييير . .

عذاري بصوت واطي : سلامه طلعت . .

منصور يطالعها باهتمام : حلفي . . ؟

عذاري : والله . . .

منصور يتنهد : الله يبشرج بالخير . .

عذاري : الا ربيعك شسمه ؟

منصور استغرب شدخل هذا في هذا . . .

منصور عاقد حياته : اي ربيع ؟ " عقب استوعب " نعممممممم انتي ؟ شعندج . .

عذاري تحج راسها : نسأل انزين . .

منصور : ما يخصج ف اسمه . . يالله ولي اهناك . .

عذاري : انزين اعنبو الاخت لازم تعرف اخوها يرابع عيال امنوه . .

منصور : اطمني ولد ناس طيبييين . .

عذاري : معرس هو شو ؟

منصور : يا صبر ايوب على بلواه . .

ام عبدالله ماتسمعهم مندمجه تدعي . .

منصور : اذا ما اصطلبتي والله بعطيج طراق . . انتي ماتستحييين . .

عذاري : انته وين تحصل اخت شراتي وايد صريحه

منصور : دامج صريحه خبريني شو تبينه فاسمه . .؟

عذاري تحج راسها : كنت فوق ادرس وجي . . وشفته وهو داخل البيت من دريشتي . . وماشاء الله عليه غاووووي . .

منصور يطالع امه : هاي بنت في ذمممتج .؟

ام عبدالله طاف . .!!

عذاري : منصوووووور . . انا ماقلت شي انزين . . شوه فيك . . يالسه اتخبر . . واقولك اني شفته وماشاء الله عليه وسيم يعني . . جان بتضبطه وتقوله عندي اخت مقبله للزواج . .

منصور يضحك : هههههههههههههههههههه والله انج مخبل . . خوزي عن ويهي خوزي . .

ويقوم عنها وخلاها مبوزه . .

منصور : اماايا . . انا بروح ايلس ويا " بنبره ثانيه " سسسلطان ربيعي . .

انسدحت عذاري ع الغنفه وهيه حاطه ايدها ع قلبها : يالبيييييييه . .

منصور يبتسم . . .: سسلطان ربييعي امايا يوعان . . جان بطرشوله خفايف ومعجنات . .

عذاري تقوم : انااا بسسسوي . .

منصور ضحك وطلع . . .

ام عبدالله الي انتبهت ع اخر الموقف : شو تبين انتي . .؟ سيري ادرسسي يالله باجر عليج امتحااان . .

عذاري : امايا خلصت خلاص . . بسير باخذ لي بريك فالمطبخ . . مابطول جي بس بسوي كيكه . . عيب امايا منقود . . شو بيقول علينا ولد الناس . .

وتربع صوب المطبخ الداخلي . .

.

.

.

سيف يدخل ميثا . .

ميثا تقعد ع الغنفه الي حذال غرفه مهره . . : ليش يبتني اهني . .

سيف : لاني ابا اجابلج . . وابا اراقب ناس . .

مهره سمعت حس ميثا . . وقربت من الباب عشان تسمع الحوار . .

ميثا : مهره اهني ؟ يبتها ؟؟؟

سيف : هيه يبتها . .

ميثا تأفف . .

سيف : لا تتأففين حبيبي . . تراني مععاج اهني . .

ابتعدت مهره عن باب الغرفه وتمت ادور بين السدات يمكن تحصل تلفونها . . بس شكله ف غرفه سيف . . تحس راسها يدور وتحس بيوع فظيع . . . كل الي سوته . . قامت من مكانها وطلعت من الغرفه . .

سيف انتبه لها يوم طلعت . . وعلى طول حطا راسه ع ريل ميثا . . .

ميثا لاحظت انه تعممد الحركه بس حبتها ! حبت طريقته فالمغايض . .

قربت من راسه وباست راسه . .

مهره كانت تشوف الموقف بطرف عينها وهيه تبتسم . . بطلت باب الشقه بتطلع . .

سيف على طول قعد : وين رايحه ؟

مهره من غير ما تصد له : لا تدخل . .

سيف يقوم ويسير صوبها ويمسك ايدينها بالقو : وووووووين رايحه . .

مهره وخرت ايده : لا تلمممسني . . وبروح المكان الي يعيبني . . مالك خص فيني

وطلعت . . اما سيف تم مذهوول مكانه . . صد صوب ميثا ب حيييره . .!!

ميثا باستغراب . . : شسالفه . .

سيف يعض ع شفايفه : منو الي كبر راسها جذي منووووووووووووووووووووووووو . . .

سكر الباب بقوه وتم على نار .!!! يحس انه متوتر وماقادر يتصرف . . تصرفاتها مخلتنه ينصدم وحتى ما يقدر يقاومها . . ولا يقدر يهزبها ولا يضربها . . .

ضرب ع اليدار بقوه اكثر عن ممممره . . . لين راحتله ميثا . .

ميثا : هد اعصابك . . شو تبابها ؟ خلها برايها تلتعن . .

سيف بعيون عصبيه : لا تقولين تلتعن . .

ميثا بخوف : انت شو ياينك ؟؟ شفيك . . ليش قاعد تتصرف بهالطريقه . . جني اول مره اعرفك . .

سيف صد الصوب الثاني وغمض عينه . . مسكت ميثا ويهه وخلته يجابلها . . : اهدى حبيبي . .

عض سيف شفايفه بقوه ونزل ايد ميثا وطلع من الشقه . .

.

.

.

مهره : ريلج اهني ؟

شوق تحظنها بقوه : وحشششششششششششششششششتيني . .

مهره تبتسم : ريلج اهني ولا ؟

شوق : ريلي مسسافر من متى . .

مهره : تقدرين تطلعين ؟

شوق : هيه حبيبتي . . " تطالع ورى مهره " وين تبين تروحين ؟

مهره : اي مكان . . ابا اكل يوعانه . . .!

سيف : انا بوديج تاكلين . .

مهره صدت وراها وشافت سيف . .

سيف يمسك ايدها بشويش : تعالي معاي . .

مهره وخرت ايده . . ورد زخها . . : بس بوديج تاكلين وبردج عند شوق . . وروحي معاها اي مكان تبيينه !

شوق تبتسم : يالله مهور سيري ..

مهره تتنهد : خلاص ماريد اكل .. برد الشقه . .

سيف يرمس ميثا: عادي تسكرين الباب ؟

شوق عاقده حياتها : هاه ؟

سيف : انا معاها . . سكري الباب . .

مهره عاطتنه ظهرها وتحرك شفايفها بدون صوت وتقول " يويلج "

شوق بتردد : انزين . . " تطالع مهره " باي حبيبتي . . " وبصوت خفيف " سووري . .

وسكرت الباب . . !!

سيف : ما بتصدين ؟

مهره ماصدت وتمت عاطتنه ظهرها . .

سحبها مثل كل مره وشلاها . . . دق قلبه بقوه . . ودق قلبها بقووو !! الحين يا سيف . . الحييين . . تأخرررت وايد وايد تاخرت . .

سيف ابتسم ، مثل العاده حطت راسها ع صدره بقوه عشان مايشوف ويهها وهيه مستحيه . .

سيف بصوت واطي : انا ماصبر عنج يالخبله . . والله ماصبر عنج . .

مهره ف خاطرها " ولا انا اصبر عنك . . ولا دقيقه والله "

مشيات سيف كانت حيل بطيئه . . وحست انه يتعمممد يمشي ببطـأ . . وبالذات لما نزل الدري وماخذا اللفت . .

وداها لين السياره وركبها وسار يركب هو بعد . .

مهره حاطه ايدها ع قلبها وتكلم روحها (( اثقلي يا بنت . . لا يقص عليج بحركاته . . خلاص . , تمي مبوزه ولا تسويين له سالفه . . وانت اييه " تكلم قلبها " بسسك بتفضضضضضضحنا . . ))

سيف يطالعها ويبتسم . . . وسحب ايدها الي حاطتنها ع قلبها . . وحطاها على قلبه . .

سيف : تسمعين ؟

مهره صاده الصوب الثاني . .

سيف يتقرب شوي : يالله عااد . . " بنبره حنونه " عطيني ويه انزين . . شوي بس . .

صدت مهره عشان تتحرطم وتفاجئت من هالقرب . .

مهره (( هالسسسسسسسسسبال متى يا اهني ))

سيف يبتسم : توني ييت . .

مهره : هاااه (( هذا كيف سمع . . بيخبل فيني ))

سيف يمسك ذقنها ب حنان : حتى وانتي ساكته ملامحج تقول الرمسه الي فخاطرج . .

" باس المسافه الي بين عيونها "

سيف : وحشتيني . .

مهره بغت ترد تصد صوب الدريشه بس قبضته كانت اقوى . . وملامحه ما تبشر ب خير . .

" cut”

عقب 4 دقايق . . . تمت مستحيه ولافه صوب الدريشه . . وابتسامة سيف بعدها شاقه ويهه . . ياب راسها وحطاه ع جتفه . . وحرك السيارة . .

يسووق بآيد . . واليد الثانيه لامنها فيه . . ويحرك ايدينها شوي ع ظهرها وشوي ع راسها . .

سيف : يوعانه .؟

مهره ماترد . .

سيف : اوه المفروض ماقولج يوعانه . . . زعلانه ؟

مهره بصوت ثجيل : واايد . .

سيف : ههههههههههههههه . . ادييت روحهم انا . . اديييت قلبهم انا . . ادييت الناس الي يخبلون فيني . . يويل حالي بس يا ناس . . شسوي بعمري انا . . شسوي . .

ابتسمت مهره وحمدت ربها ان مايشوفها . .

وقفته الاشاره . . ونزل راسه يطالعها وشافها مبتسمه . .

سيف : مسوده الويه . . تضحكين من ورايه . . تحرميني من بسمه شفاتج ؟ ليش انزين ليش . .

سكر سيف الشمسيه الي جدام . . ونزل الشيله من ع راسها . . عوره قلبه يوم شاف شعرها . . بس ما بين . . كل الي سواه تم يخرب شعرها وينفشه لين مسكت ايده عشان توقفه

مهره : بس خلاااااص . .

سيف من لمست ايده وقف . . شاف اصابعها . . شربكهم فايده وششمها . .

قلبها كان يدق وتحس بحيا مش طبيعي . . والي يسووه سيف يخليها تستحي اكثر واكثر ..

باس ظهر ايدها ب حنان . .

سيف : يعلني ماذوق حزنج ف يوم يالغاليه ., .

قامت عنه و تمت تشوف روحها فالجامه : شسويت فيني . . " تعدل شعرها بايدينها "

سيف ينزل ايدها : خليه . . حلوو . . حلو وانتي جي متكششه . .

تمو يدقون هرنات . . الاشاره خضرا وهو متنح ناسي الموضوع . .

سيف : شوه تبين تاكلين . . ؟

مهره تطالعه : مع اني يوعانه وايد . . لكن ابا اروح الصالون . .

سيف باستغراب : الصالون ؟

مهره تهز راسها بمعنى هيه .

سيف ياشر على عيونه من غير ما يرمس ووداها اول صالون شافه قريب . .

سيف يعطيها بوكه . .

مهره : عندي . .

سيف : انزين ادري انه عندج . . بس انتي ما يايبه شنطه . .

مهره قفطت . .

سيف يبتسم : يالله . . " عطاها البوك " شليه ونزلي . .

تحجبت قبل لا تنزل . . وعقبها شلت بوكه ونزلت . .

مشت عنه ونزل الدريشه وهو يبتسم : بترياج اهني . .

مهره تطالعه : بتأخر . .

سيف يبتسم : بترياج . .

مهره مستغربه : انزيين . .

ودخلت داخل . .

رفع الدريشه وانسدح ع السيت وهو مرتتتتتتتتتتاح بشكل كبير . .

سيف : تخبل بي هالبنت . . تخبل بي والله . .

اما مهره . . اول مادخلت . . استلموها ثلاث حريم وهيه استغربت شفييييييهم !!

مهره تعق الشيله : ابي اعدله .. لانه مش مقصوص عدل . . وابي اقص قصتي . . .

قعدوها اللبنانيات . . ووحده فيهم رتبت لها شعرها . . خلته مدرج . . من خدها يبدى التدريج لين نهايه رقبتها . . هذا كان طول شعرها حآليآ . . والقصه كانت قصيره . . مغطيه على يبهتها كامله . .

مهره : بصبغه . .

الكوافيره : لا حرام عليكي . . الاسود كتييير لابئ لك . .

مهره تبتسم : ماعليه . . اصبغيلي ايياه اشقر . .! صبغولها اياه وفالوقت الي تتريا فيه الصبغه تنشف . . سوت بديكير ومنكير لايدينها وريلها . .

قالتلها اللبنانيه ان فالقسم الي فوق في هنديات يحنون . . شافت ايدها . . من عقب العرس ما حنت ايدها ابد . . والحنا خازت من ايدها . . سارت صوب الهنديات وقالتلهم يحنونها حنا بسيط رقيق ويكون ع الاطراف بس . . مش حنا كامل . . وسوو الي قالته . .

بعد ساعه ونص شلو عنها الصبغ وشلو الحنا . . ومن بعد ريحه الحنا . . حطولها كريمات ودلعوها . .

خلصت من كل هذا وتغشت . . مابغت تتحجت عشان ماتخرب الاستشوار ف تغشت . . شافت سيف بعده مبركن عند باب الصالون . . بطلت الباب بتركب وشافته متعمق فرقاده لدرجه انه ماحس فيها !

سحبت تلفونه وردت نزلت وسارت الصالون واتصلت ف شوق وصتها على كذا شغله . . مرت ساعه ثانيه وبعدها شوق ما يت . . ومهره كل شوي ترد السياره وتشوف لو سيف قام ولا لاء . . ومن حظها بعده راقد !

دقيقه زياده وبطلت شوق باب الصالون . . ويايبه وايد اكياس معاها . .

مهره : والله ادري تعبتج وايد . .

شوق تبتسم : افا عليييييييييييييييج . . كل شي لعيون الحبايب يهووون

مهره : بكم خذتيهم . ؟

شوق عاقده حياتها : استحي ع ويهج يالخايسه . . مابينا هالرمسه . . والله انج بتزعليني بهالرمسه . . قومي قومي يالله عشان تلبسين . .

كلمو اللبنانيات عشان يشوفون لو شي مكان تلبس فيه وتحمسو البنات وياها ودلوها على مكان . .

شرتلها شوق ملابس وايده . . وخلت مهره تختار .. مهره اختارت قميص اسود هاي نك مع بنطلون احمر . . لبسته ع السريع . . وخذت العباه الي يابتها شوق . . كانت عباه مفتوحه ساده ومترتبه ع الجسم بدون موديل .. بس كان فيها فصم لين تحت . . لبستها مهره مع سكارف احمر . .

شوق ادق عليها الباب : خلصتي ؟

مهره تطالعها : شوق . . !

شوق تضحك : خذتلج نعال والله خذتلج . . بس قلت بخوفج شوي . .

مهره تحط ايدها ع قلبها . . : الحممدلله . .

ومدت لها نعال " الله يعزكم " كعب خفيف اسود وعليه دواير حمرا . .

لبسته وحطت الي كانت لابستنه وباقي الاغراض ف كيس . .

مهره : وايد شاريه انتي . . وايد . .

شوق تبتسم : مايغلى عليج . . بتكشخين فيهم عقب . .

مهره : بروحي فالبيت عندي زهبه شكثرها . . بس الحين انا كنت مش جاهزه وبغيت مساعدتج . .

شوق : تعالي بسرعه خل يسوون لج ميك اب خفيف . .

سارت مهره صوبهم وحطولها مكياج خفيف . . مع روج احمر فاقع . .

مهره تطالع شوق بابتسامه : شرايج فيني . .

شوق : قمممممممممر . . والله قمر . . تخبليييين . .

مهره : تصدقين اني نسيت اني كنت يوعانه وميته يوع . .

شوق : هههههه الصالون ينسيج الاول والتالي . . ماشي احلى عنه . .

مهره تطالع الساعه 7 المغرب . .

شوق : يالله الحقي ع ريلج . .

مهره : ساعتين ونص تقريبا تخيلي وهو يترياني . .

شوق عاقده حياتها : خل يتريا . .

مهره تبتسم : وايد ثانكس . .

شوق : انا بشل الاكياس وهالاغراض بخليهم عندي يوم بتردين مري علي شليهم . .

مهره : اوكي . . يالله نطلع . .

شوق : لالالا ويت ويت صبري . .

طلعت شوق من شنطتها ألف عطر وتمت تعطر مهره لين غررررررررررررقتها . . وحطت لها دهن عود وعقب طلعو رباعه . . وماشافت مهره سيارة سيف . .

مسكت ايد شوق بقوه . !

شوق : شفيج . .

مهره نزلت الغشوه واطالعت شوق : راح . . تخيلي راح . .

سيف وراها : منو الي راح . .

مهره حطت ايدها ع قلبها . . وابتسمت شوق . . : يالله حبيبتي بروح عنكم . .

صدت ل سيف الي شهق . . : اسمحيلي اختي . . اتحرا حرمتي . . السموحه . .

مهره تبتسم مع ان عيونه تلمع كانت شويه وبتصيح . . زخت ايده : لا تستهبل . .

سيف فاج عيونه : انتي مهووور " يطالعها من فوق لين تحت " بدلوج وغيروج من فوقج لين تحتج . .

يصد يمين يسار . .

سيف : ركبي السياره قبل لحد يشوفج . .

ركبت السياره وهو بعد مذهوول .. !!!!!!!

ركب السياره وتم يطالعها وهيه منزله راسها . . .

سيف : راويني . . حق شو مخبيه كل هذا عني . . " يسحب ويهها بشويش ضوبه " ياويل حالي . . احمر عاده . . احمر . .

مهره تطالعه وبعتاب خفيف : وين رحت ؟ يوم ماشفت سيارتك خفت وايد . . خفت انك خليتني ورحت مثل كل مره . .

سيف يطالعها وهيه تعاتب . . تذبح . . ما رام ينطق ب ولا حرف . .

مهره تطالع نظراته وابتسمت ع ملامحه المصدومه . . .

انتبه لـ قصتها الشقرا !! ونزل الشيله بشويش عنها وهو يشهق . .

سيف : مهروووووووووووووووووو يالحيوانه . . وين الاسسسسود . .

مهره فـ خاطرها (( شت . . خربت كل شي ))

سيف فاج عينه : جنج باربي ويا هالشششعر . . وينه لون الملووك يالخبله . . شسويتي فيه . .

مهره تطالعه : ترا بعدنا عند الصالون . . بنزل برده اسود . .

سيف : هههه . . حلو حلو . . بس ابا اخرب معنوياتج اشوي . . شو هذا يا بنت شو هذا . . " بنبره واطيه " عذبتيني . . شهالدلع . . شهالدلال . . شهالجمال . . شهالزيين . .

سيف : انتي تتوقعين بخليج تنزلين المول جي ؟

مهره تطالعه . .

سيف : اسمحيلي . . ماقدر . . " بنبره حنينه " اغار . . مابا حد يشوف كل هذا غيري . . عادي ؟

مهره ماردت عليه ونزلت راسها . .

سيف يمسك ايدها : لو تعديل خفيف ما بقول شي . . بس وايد . . حرام مابا حد يشوفه ويتلذذ فيه . .

مهره : انزين لا توديني مكان فيه ناس وايد . .

سيف يبتسم : من عيوني . . من عيوووني هذي تشوفينها " ياشر ع عيونه "

ابتسمت وما قالت شي ..

سيف : وايد حلو الاحمر عليج . . وايد . .

مهره بنظره حاده : عيونك الاحلى . .

سيف يأشر ع خده . .

مهره عاقده حياتها . .

سيف رد يأشر ع خده . . !

مهره : شتبي . .

سيف : من زمااان . . من يوم كنت مراهق ولد 18 . . كان فخاطري حرمتي تبوسني بـ روج احمر عـ خدي . . " يطالعها بـ نظره اونه تكسر الخاطر " بتخلينه ف خاطري ؟

مهره تبتسم بحيا وتنزل راسها . .

سيف : ادري . . " بنبره مكاره " بتخلينه ف خاطري .. عادي عادي . . ياما خليت اشياء واشياء فخاطري هذي مش اول . . .

تقاطعه وتتقرب منه وتبوس خده بقوه عشان يطبع الروج . .

اما سيف غمض عينه يتمتع فاللحظه . . يوم بغت تخوز رد قبضها . . . وأشر علا خده الثاني . .

مهره : ايييه نحن فالشارع لا تستهبل . . احين الساير والراد بيشوفنا خلاص . .

سيف فاج عينه : يالمكاره . . شمسيه . . منو بيشوف . . يالله بوسي . .

مهره : مممابا . .

سيف بخبث : مهور بوسي احسن لج . . ولا اقولج . . انا اعرف اتصرف وياج . . تعالي بقولج شي . .

“cut”

.

.

.
__DEFINE_LIKE_SHARE__

Bebo ~ · 03-19-2011, 06:12 PM

روعــه البارت ~

ان شاء الله سيف يتم على طول جي مع مهره ~
في انتظار البارت الياي ^_^ __DEFINE_LIKE_SHARE__

موازيـ · 03-19-2011, 06:47 PM

وربييي القصه عجيبه حبيبتي عسى سيلفوه دوم يكون جي وفلديت مهاري والله

حبيبتي نزلي القصه اب سرعه عااد نتريا فوديتج __DEFINE_LIKE_SHARE__

حرم سهيل · 03-19-2011, 07:09 PM

|[ آللهـ لآيغير سييييييييييييف على مهرررررررررررهـ ..~

ويعلهم دوووووووووووووم فهآلحب ..~

رووووووووووووووعهـ ضحووووووويهـ روووووووووعهـ ..~

واللهـ بدعتي يآضحوويهـ }...~ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وطت رجلي على دربه ولآأ أدري وش نوى فيني ~	ḎmỒ3 Ảl-Я7eL..	تصاميم الاعضاء	7	04-14-2012 07:32 PM
عندمآ نقۈل لآ آله آلآ آلله مآذآ يرد آلله علينآ }	فراشة الشارجة	الإسلام والشريعة	19	02-27-2012 07:31 PM
لك آلله يآ ردى حظٍ زرع فيني .. [ ثلآث قبور! ]..p!cs +bg	همس العشق	المسنجر وملحقاته , توبيكات , ماسنجر بلس , msn	7	02-13-2011 06:09 PM
عليًڪٍ الْبالَ مشًغًلنٍيْ ..	آلـῳـولعيه	عدسة الاعضاء , كاميرا الاعضاء	7	01-03-2011 07:45 PM
مـآت ورسـول آلله [ صلى آلله عليه وسلم ] رآضٍ عـنه ..	» βỊη άℓ đόόŁα «	الإسلام والشريعة	4	12-23-2008 05:19 AM