وطتّ رجليّ علىً دربه و لآآإ آإدريّ وشّ نؤوى فيني .! - الصفحة 78

»«t5lêēny · 03-17-2011, 07:36 PM

ردييت اقرا الروايه من اول و يديد ههههــ
بس واايد حلوه
لاتطوليين __DEFINE_LIKE_SHARE__

موازيـ · 03-18-2011, 04:36 PM

بلييز دبووتي نزلي الباارت والله علي امتحانات وكل يوم احدر بس عشان القصه __DEFINE_LIKE_SHARE__

«ضَحِيًة حِبُيًبُيً ..}● · 03-18-2011, 07:30 PM

.

.

.

البارت الـ 47

ف المستشفى . .

الدكتوره : هيا حامل .! ما بقدرش اعطيها ابره . . بس بعطيها مغزززي . . لان فيها قلت تغززيه

روضه : مع انها كانت ف المستشفى من كم يوم دكتوره

الدكتوره : واللهي ؟ دي ما بتاكلش خالص . . لو بتاكل مش حيحصل كيدا ! هيا محتاقه تاكول وتأكل إلي قواها . . محتاق أكل . . والحمى قتها خفيفه لكن تعبتها اوي لانو مفيش طاقه تتحمل

سيف استغرب ! روضه كيف عرفت . . !! يعني مهره خبرتهآ !!!!

سيف : مشكوره دكتوره . . متى اقدر اطلعها ؟

الدكتوره : بعد ما يخلص المغززي . .

روضه : دكتوووره بغييت اسالج كم سسؤال . .

الدكتوره : تفضضلي .. " وطلعو برا هم الاثنين "

سيف يحط ايده ع يبتها . . . وفتحت عيونها . .

قعد ع الكرسي الي حذال السرير وقرب الكرسي وايد بحيث يكون قريب من ايدها . . !

مسك ايدها الثانيه الي مش عليها المغذي . . وقعد يلعب باصابعها ومنزل راسه !!

رصت على ايده بقوه . . رفع راسه وطالعها فاتحه عيونها ودمعتها تنزل . . . على طول قام وقعد ع السرير ومسح دمعتها . . . يت روضه ! بس من شافت الموقف تمت بعيييد تشوف الموقف من غير ما تدخل . .

مهره بصوت متقطع : اناآآآ . . . مآ . .. . سسسويت شي . .

سيف يتنهد : شي فيني يصدقج . . وشي فيني لاء !!! انا اهم شي عندي انج تقومين الحين بالسلامه " يحط ايده ع خدها ب حنان " ماتحمل اشوفج مريضه . . . قوميلي بالسلامه . . .

مهره تغمض عينها : انا مافيني شي . . .

سيف قعد يطالعها ويلعب ب ويهها ب حنان . . نزل من ع السرير وقعد ع الكرسي وانتبه ل روضه داشه . .

روصه مبتسمه : ماعليها شر ان شاء الله . .

سيف يبتسملها : ان شاء الله . .

روضه : اختك سلامه اي صوب ؟ بغيييت اروح اسلم عليها . .

سيف : انا بوديج . . " يبوس راس مهره ويهمس صوب اذنها " بروح وبرد . .

بغت تمسك ايده تقوله لا تروح !! بس مافيها طاقه . . اكتفت انها مغمضه وتاخذ راحه . .

مشو صوب الممر بيسيرون صوب سلامه . . سيف يبا يبدى وياها الرمسه بس ما يعرف كيف !

روضه تطالعه : ادري تبا ترمس . .قول الي ف خاطرك . .

سيف يطالعها : لا مافي شي . . بس انتي يمكن تبين ترمسين وتقولين شي . .

روضه مبتسمه : اتحب اختي ؟

سيف استغرب من سؤالها وتم يشتت انظاره ارجاء المكان . . .

روضه : تعزها انزين . . تغليها . .

سيف يطالعها : هيه . . ليش هالسؤال ؟

روضة : بس . . اختي ابا اطمن عليها لو هيه ف ايدين امينه او لا . . " تبتسم " نحن نثق فيك سيف . . نعرف انك ما بتضر اختنا . . مهاري طيبه وتستاهل كل خير . . وانت ولد حلال . . ومبين عليك انك شهم ومش مقصر فيها . . وشاااايييلنها شل . .

سيف انقرص قلبه . . كلامها قووي ! يابته فالصمييييييييم . . دش قلبه بالقوو وحس بفشله من نفسه . . ماعرف يتكلم ولا عرف ينطق . . تم يمشي لين وصلو غرفه سلامه !!

سيف : بخليج تاخذين راحتج وياها . .

روضه مبتسمه : اوكي . .

ودخلت !

.

.

.

محمد يركب السياره . .

حمد : هاا سلمت عليهم . .

محمد : هيه . . " يمسح دمعه "

حمد : ياويلي على الاحسسسسسسسسساس . . انته فيك قلب . . انته تحس

محمد : شوه تتحرى . . تتحراني شويه . .

حمد : ليش الدموع . .

محمد : اشتاقلهم يا ريال . . بالذات الوالده . . ماتيلس اهنه الله يهديها . .

حمد : اهلها اهناك ماتروم تبعد عنهم . . وابوك مدلعنها وياها . .

محمد ياشر ع نفسه : وانا ولد البطه السودا . . محد يفتكر فيني . .

حمد : انزيين سسير وياهم . .شعنه تام اهنه . .

محمد : ماطييق ابعد عن داري . . حيها الامارات وحي جوها . .

حمد : هيه صالخنك جوها صلاخ . .

محمد ما رد عليه . .

حمد : حمود شرايك تعيش عندنا . .

محمد يطالعه : ادري اني كسرت خاطرك وايد . . بس خل عنك رمسات الحريم

حمد : هههههه . . والله ارمس جد . . تعال اسكن عندنا . . البيت خالي . . بتاخذ لك الملحق . . فيه غرفتين وصاله ومطبخ صغير وحمام الله يعزك . . شوه ناقصنك بعد ؟ والله ابويه بيستانس . .

محمد : لالالالا . . شال هالفكره من راسي مابا اسكن ف بيت . . تعودت ع الفنادق والشقق . . اتعودت ع الوحده . . مافيني تعشقني اختك بعد عقب . . بنتوهق . . ما بتتحمل جمالي الفتان . .بطيح فيني عشق ليل نهار

حمد يضربه ع جتفه . .

محمد يضحك : ههههههههه . . شرايك فيني . .

حمد : ماعليه . . انا دخلت الفكره فراسي . . وبوزها اليوم فراس ابويه . . بنشوف يا انا يا انته . .

محمد : شوف اذا بغيت اختك تستوي خبيييل !! وتمشي بلا شيله تزاعج فالفريج " يغير صوته " محمد محمممممد وين رحت ،" يرد صوته طبيعي " انا مش مسؤول ترى . .

حمد يبتسم : اختي سندويجه ماعطتك . . بتلاحقك تقولي . . اسكت اسكت . .

محمد يطنشه : بينا الايام . .

.

.

.

سلامه منزله راسها : والله مادري . . الود ودي اطلع اليوم قبل باجر . .

روضه تبتسملها وماسكه ايدها : بتطلعيييين ان شاء الله فديتج . . تأملي خير . . واصبري . . لج الاجر ان شاء الله . .

سلامه : منو يايبنج سيف ؟

روضه : هيه . . مهره حامل ودوخت علينا

سلامه بصدمه : مهور حاممممممممل ؟

روضه تبتسم : هيه

سلامه : فديييييييتها والله . . واخيرا بستوي عممه !!

روضه : الله يتمم لها على خير . .

سلامه : امييين يارب . . قومي خل نروحلها " وسكتت . . تذكرت انها ماتروم تمشي . . . "

سلامه : نسيت اني عاجز . .

روضه : بتمشين ان شاء الله . . تفائلي . . تفائلو بالخير تجدووه .! وانتي مش ميؤوس منج . . لو حطيتي فراسج انج تبين تمشين تراج بتمشين . .

سلامه تبتسم بدون نفس . .

روضه تقوم وتحب راسها : الله يعافيج يارب . . بي اليوم الي بذكرج فيه وبقولج مششيتي يا سلاموه ولا لاء ؟

سلامه : فديتج يا روضه. . والله انكم مش مقصرات فيني . . لا انتي ولا عذور . . الله لا يحرممني منكم . .

روضه : ولا يحرمنا منج حبيبتي . . عذور امتحاانات عاد . . بنرص علييها رص الحينه

سلامه : ههه عذور ما يبالها الا الرص اصلا . .

روضه : يالله حبيبيتي . . انا بخليج الحين . .

سلامه تمسك ايدها : الله يخليج خلي امايا تزورني .. ولهت عليها موت . .

روضه : ان شاء الله بكلمها ..

سلامه : ماتقصرين . . .

.

.

.

حصيص حاطه ايدها ع خصرها : انتي تسسسسستهبلين شوه

عذاري : ابا اعرف شسمه بسسسسس اسمه انزين حرام . .

حصيص : باجر فامتجان الكيمياء شو بتسسسسسوين . . ؟؟؟؟؟ بدال ما ترسمين المعادله بترسمينننه ؟

عذاري : انتي شو ياااايبنج اهني شو تبيييييين . . اف

حصيص : اقولج . . انتي ما يفيد وياج الا اني ازقر امج . . . " بصوت عالي " عمممممممموه

عذاري تربع صوبها وتسكر حلجها : بدرس والله بدرس خلاصصص . . " تحط ايد حصيص ع قلبها " اسمعي . .

حصيص عاقده حياتها : انتوه شو ياج بسم الله . .

عذاري باستغراب : روحي مادري . . ها الي يسمونه الحب من اول نظره ؟

حصيص : والله انج مخبل . . . يالله يلسي ذاكري يالله . . " تمسك البي بي " انا بقعد اسولف ويا ريلي . .

عذاري : انزين . .

مسكت القلم وفجت الصفحه الاولى ! تحاول قد ما تقدر تركززز ! وكل ما سرحت . . تفرها حصيص ب كرتون كلينكس عشان توخر عنها السسرحان . .

.

.

.

سيف يروح صوبها بشويش ومن قعد ع الكرسي فتحت عينها . .

مهره : انا

سيف يقاطعها : اشش ارتاحي لا تقولين شي . .

مهره : انا ما خنتك . . " تطالعه ب عيون ضيجه " والله ماخنتك . .

سيف : مهور انا كل شي سمعته باذني كل شي . . انا شاك فيج لدرجه انه الي ف بطنج ماعرف اذا ولدي ولا ولد اخووووووي " بدى يتنرفز "

مهره تنزل دمعتها : لهالدرجه . .

سيف يتافف ب ضيج : سكتي دخيلج لا توتريني وتكرهيني عيشتي الحين . . ارتاحي وخلاص . .

مهره ب تعب : انته لازم تسمعني انزين

سيف ب عصبيه : ماااااابا اسسسمع شي قلتلج خلاص

مهره : لييين متى . . انت لازم تفهم كل شي

سيف يقوم ويسير عندها بشرانيه : انتي تعبانه " بعيون حاده " ارتاحي قلتلج ومابا اسمع منج ولا حرف

سكتت وغمضت عينها . .

قام من مكانه وسار صوب الدريشه واتصل ف ميثا . . .

ميثا : هلا حياتي . .

سيف : وينج عيوني

ميثا : توني ناشه حبيبي " تثاوب "

سيف : صح النوم . . . وحششتيني . .

ميثا تبتسم : وانته اكثر يا قلبي . . حبيبي اليوم سألو عمتي عني . .

سيف عاقد حياته : الي في بيتكم ؟

ميثا : هيه . . " تبتسم " والخبر الحلو . . ان عمتي قالتلهم اني سافرت ادرس برا . .ومحد فيهم نطق بحرف . . والخبر الاحلى . . انهم سافرو سوريا بيقعدون اهناك . .

سيف بدون اهتمام : وايد زيين حبيبي . .

ميثا : ماحسك فرحان ؟

سيف : بلى وايد . . ماتتصورين كيف . .

ميثا : انت وين ؟

سيف : عند واحد من الربع . .

ميثا : في عز الصبح عااده ؟

سيف : هييه قاعدين . .

ميثا : زين حبيبي . . تحمل ع روحك . .

سيف : وانتي اكثر . .. حبيبي ؟

ميثا : عيونها . .

مهره ترص ع شفايفها بقوه . . .

سيف : الله يحفظلي عيونج . . تحملي من ولييدي . . وحطي ايدينج ع بطنه وقوليله ابوك مشتاقلك وايد . .

ميثا تضحك : ههههههههه يقولك يالله تعال رد لنا . .

سيف مبتسم : فديت روحه والله . . يالله شدي حيلج عاد . . ابي اششوفه . .

ميثا : ان شاء الله حبيبي . .

سيف : كلي عدل . . اباه متختخ . .

ميثا : لالا الله يخليك . . اباه ضعيف حيل عشان ما يتعبني فالولاده وعقب انت بروحك متنه . .

سيف يبتسم : يالله حبيبي . . تيك كير . .

ميثا تبتسم : الله وياك غناتي . .

صد صوب مهره ع طول عقب ما بند وشاف ملامح البرود . . تنهد وطلع من الغرفه وشاف فويهه روضه . .

سيف يبلع ريجه . .

روضة : متزوج على اختي . .؟

سيف مارد عليها . .

روضه : وتقولها انها خاينه . . !!

سيف يطالعها بعيون صدمه . .

روضه : ليش تام معاها سيف ؟ طلقها . . .

سيف بعده ساكت . .

روضه : تعرف ان لو انا . . خبرت منصور ولا ناصر . . ولا عبدالله !! انك انته تقول عن اختي خاينه شو بيسون فيك . ؟

سيف : اختج خاينه ونص

روضه تعطيه طراق بالقو . .

سيف انصدم منها . . وبعذاب : وتخوني ويا اخووووووووووي . . تعرفين شو اخوي . . تحب اخوي حممد . .

روضه ذكرت حوار دار بينها وبين مهره !

>

<

مهره : اذا انظلمتي ف شي انتي ما سويتيه . . واعتبرت خياااانه ويا ليت خيانه بسيطه . . شكو فيج لدرجه انهم تخيلوج تخونين ب الجسسد بعد . . شو بتسوين . .

روضه : انظلمتي .؟

مهره تهز راسها ب معنى هيه . .

روضه : الله فوق . . وصدقيني عممره المظلوم ماتم مظلوم . . ربي بياخذ لج حقج . . تأكدي من هالشي . .

>

<

روضه : سمعتها ؟؟؟ سسسمعت السالفه من الطرفين . .

سيف : كفاني اسمعه من طرف واحد .

روضه عاقده حياته : والطرف الثاني ؟

سيف : الي سمعته من الطرف الاول يسد . . عبر عن كل شي وشرح كل شي بدون حتى ما يدري اني موجود . . شو الي بحتاي اسمعه بعد . .

روضه : بتندم . .

سيف : راضي بهالندم . .

روضه : بتندم وايد بعد . .

سيف عاقد حياته : مش مشكله . .

روضه : لا تنسى اني حذرتك . .

سيف يبتسملها بقهر : مششكوره وماقصرتي . . حذرتيني ووصل تحذيرج . .

.

.

.

الساعه 12 الظهر . . .

حصيص : هيه جي ابيج ركزي عدل . .

عذاري تثاوب : باخذ راحه تعبت !!!! من متى يالسه اركززززززز . .

وتقوم وتسير صوب الدريشه وتشوف سياره تحركت . . : اااااااه ياقلبي .. ما لحقت عليه ما لحقت . .

حصيص : بسسم الله شفيييييييييييج . .

عذاري تسير وتمسك جتف حصيص ب خفيف : كله منج يالخايسسسسه . . ماشفته يوم يطلع

حصيص : فكه ما بغا . . !! الحين اقدر اروح بيتنا وانا مطمنه انج ما بتبركنين عالجامه . .

عذاري ب نص عين . .

حصيص تبتسم : يالله وايد طولت " تثاوب " ياني رقاد حتى . .

عذاري : خريييييطه . . مش ماخذه راحتج ويا ريلج ادري . .

حصيص تبتسم : فديته . .

عذاري: بل لحقتتتتتتتتتتي تتفدينه . .

حصيص تضربها ع جتفها : سكتي عاد . .

عذاري : ماروم ع الي بدو يستحوووؤن خفي علينا .. . متى بحس بهالشعور " تطالع فوق " يالله ياربي متى . . ابا احسس بهالشي . .

حصيص : واي منج . .و الله مشتطه ع الريل انتي . . يالله يالله كملي دراسه انا بروح . .

عذاري : بوصلج انزين . .

وينزلون تحت . . سلمت حصيص ع ام عبدالله وطلعو اثنينهم برا . .

حصيص : بسج دشي دااخل حرر . .

عذاري : بروح ادخل الميلس بدور . . يمكن احصل كلينكس ولا شي يخص حبيب القلب . .

حصيص : ياااااا الله صار حبيب قلب بهالسرعه . .

عذاري : شعبالج انتي . .

سلمو ع بعض . . وراحت حصيص . .

دشت عذاري بشويش الميلس . . تفقدت يمين يسار ماشافت حد . . !

سارت صوب الدلل .. زخت فنيال القهوه وابتسمت . .

عذاري : اكيد هو الي شاربنه . . لان منصور ما يحب القهوه . . " ابتسمت ب خبث "

تمت ادور الفنيال يمين ويسار وهيه تبتسم . . شوي جان تحطه ف خشمها تشمه ..

:::: تسسوين عمل ؟

من الصدمه صدت ورا وفرت الفنيال ف ويه الي تكلم . .

::: ااااااااخخخخخخخخخخخخخخ . .

حطت ايدها ع حلجها : اوبسسسسس

حطا ايده ع يبهته : عثثره . . !!! كسرتي مخي . . كل الي حفظته نسيته !!

عذاري تمت تطالعه 10 ثواني وهيه متنحه !! قالت ب صوت واطي : فديت هالويه . .

حس انه خذا راحته وهو يطالعها ونزل راسه وهو بعده ماسك يبهته . .

عذاري : مسسامحه . . مادريت ان في حد اهني . .

وركضت برا . . .

استغرب منها . . : .فديت هالويه ؟؟ " ابتسم " فديتني انا يعني . . هههههه بخصوص هالبنت ؟ شسالفتها ؟

ركضت عذاري لين دشت الصاله . .

ام عبدالله : سواد الله ويهج . . وين كنتي . . ؟؟ ربيع منصور بعده اهني . .

عذاري تبتسم : فديت روحج والله . . توا الناس الغاليه . .

ام عبدالله تحط ايدها ع قلبها : ليكون حدرتي عنده ؟؟

عذاري : هاه ؟ لا شسوي اهناك . . بس يعني اقولج توا الناس تخيلي انا دخلت وجي . .

ام عبدالله : والله جاانه ذبحج منصور . .

عذاري : منصورو ووووينه ؟

ام عبدالله : سار يشوف اختج مهره ويطمن عليها . .

عذاري :سيارته برا !!

ام عبدالله : هيه سار بسياره ربيعه . . . سيارته خربانه يقول . .

عذاري تساير امها وتتلصق فيها : انزين امايا . . ربيعه لين متى بيتم . .

ام عبدالله تخوزها : شششو تبين فالريال انتي . . ؟؟

عذاري :انزين الواحد يسسال . . عشان اعرف لين متى ما اطلع خاري ..

ام عبدالله : مااالج حايه تطلعين خاري . . يالله سيري فوق درسي اشوف . .

عذاري : انزييين ماتعرفين شسمه ؟

ام عبدالله تطالعها ب عصبيه . .

عذاري : اصلا انا كنت سايره فوق . . . " وتصعد وهيه تتافف . . كيف بعرف اسمه يعني " . .

.

.

.
__DEFINE_LIKE_SHARE__

«ضَحِيًة حِبُيًبُيً ..}● · 03-18-2011, 07:36 PM

.
.
.

تسسلمون لي والله ع الردود الي تششرح الصدر . .
ماقصصرتو ع الكلام الطيب والحماس هذآ الي يعطيني دآفع اكتب . .
النفسسيه مش حلوه ابد عششان جي مبتعده ع ـن الكتابه . .
وربيعتي المقربه تقولي لا تكتبين وانتي ضايجه لانج تخسفين فالدنيا وتخربين الاحداث وكل شي يكون حزن ف حزن
ف تحملو انزيين . . انا بكتب حزن ف حزن لؤؤل > اسولف اسولف . . بحاول اخليه زين قد ما قدر . .

__DEFINE_LIKE_SHARE__

«ضَحِيًة حِبُيًبُيً ..}● · 03-18-2011, 08:31 PM

.

.

البارت الـ 48

دخل منصور . .

منصور : السلام عليكم !

يسير صوب مهره بسرعه . .

روضه : وعليكم السلام ورحمه الله وبركاته . .

مهره تبتسم : انا بخيير . . مافيني شي . .

منصور يحط ايده ع راسها : خفت حرارتج ؟

مهره تهز راسها ب معنى هيه . .

روضه : سير كلم الدكتور اذا نقدر نطلعها الحين او لا . .

منصور : سيف وين عيل ؟

مهره : آآ . . آتصلت فيه عموه قالت تباه ضروري . . قلتله يروح . .

منصور : يالله انزين . . بسير بشوف الدكتور وبرد . .

طلع . .

روضه : مادري لين متى بتمين خاشه عن الكل . .

مهره : عشان خاطري . .لا تنطقين ب شي . . عشان خاطري . .

روضه : احين لو انا ماكنت معاج ؟ هالـ " تسكت " استغفر الله . . بيخليج وبيروح ؟

مهره : هيه عادي . . كم مره سواها . . ماتفرق عنده . . فليل او فالنهار . .

روضه : ياحسره قلبي عليج ياختي . .

مهره تبتسم : ماعليج انا قويه . .

روضه تتنهد . .

منصور رمس الدكتور وقال عاطي تطلع . . وووصف لها كم دوا يشترونه من الصيدليه . . .

تردد يروح او لا . . بس بغا يشوفها شوي ويطلع . . ! دق الباب بهدوء ودخل . .

شافها راقده وفحظنها قرآن . . ابتسم وطلع من الغرفه . . شافه الدكتور . .

منصور : بتدخل عندها ؟

الدكتور استغرب منه : ايوا ! ليه في حاقه ؟

منصور : لا لحظه شوي . . " ودخل عند سلامه . . "

رفع راسها شوي ولبسها الشيله الي كانت طايحه . . دخل شعرها كله . . يلمس شعرها ويحس ب نبض قلبه يدق وما يوقف . . تلمسسها ب حنان وحجبها عدل . . ومن عقبها زقر الدكتور . .

دخل الدكتور وتم يقرا الاوراق الي كانت موجوده ع الطاوله . . كتب كم ملاحظه وطلع . . من عقب ما طلع الدكتور طلع وراه منصور وسكر الباب . .

منصور : طمني دكتور . .

الدكتور : مفيش حاقه . . لازم تشد حيلها عشان تبئى كويسه وتئدر تمشي . .

ويروح عنه . .

منصور يكلم روحه : على ايدي ان شاء الله بتمشي . . وبترد احسن عن قبل . .

ومن بعدها سار عند مهره وروضه وقالهم يتزهبون عشان يردون البيت

.

.

.

محمد : هلا سيف ؟

سيف : حمد وياك ؟

محمد : هيه . .

سيف : وين مكانكم . ؟

محمد : احين بندخل مطعم قيصر . . حيااااك ع حسساب اخوك . .

سيف : شوي وبييكم . .

حمد " يرمس فون بعد " : هييه ابويه . . وماعنده حد اهني . . ويقول اونه بيسير شقه ف دبي ولا ف بوظبي . . مادريبه . . " يحط سبيكر "

بو خالد عاقد حياته ومعصب : والله امررررغه ب نعال الهررم الي ما يستحي . . بيت عمه مفتوح شكبره شعرضه ويقول بيسير فنادق هالهيس الاربد . .

حمد : شدرانيه فيه معزم ويقول ماحب اثقل على حد . .

محمد فاج عينه ويطالع التلفون وهو مبقق !!!

بو خالد : خبره . . والله والله " يعلي صوته " والله . . لاي اسحبه من وزاره واعلقه عند الحوش . . هالهرم الي ما يستحي . . سير ابويه وياه وشل قششاره امحق قشار عاده واييبوه البيت . . الملحق بكبره حقه . . واذا ما عيبه والله اظهر من البيت واخليه هو داخل وانا فالملحق . . ولد اخوي الوحيد ومكبر راسه بعد هالهرم . .

محمد يغمض عينه : حسبي الله عليك يا حمود . .

حمد يبتسم : فديتك ابويه . . انا بخبره رمستك كلها . . واذا ما عيبه انته تفاهم وياه . .

بو خالد بعصبيه : مايعيبه ؟ والله افلعه ب نعال . . .

حمد يضحك من قلب . . وعقب بند عن ابوه . .

محمد : اسميك مش ريال . .

حمد : ياخي ماستغني عنك اباك عندي . .

محمد : وانا ماحب الي يتلصقون . . عنلاتك من ريال . . " وينزل من السياره "

نزل عقبه حمد وهو يبتسم . .

يت سياره مسرعه صوبهم !

محمد : بلاه سيفوه مشتط . .

نزل سيف من السياره وسار صوب حمد ووووزغده . .

محمد بسرعه سار صوبهم وحاول يفج سيف بس ماقدر من قوته . .

سيف كان لابق ومعصصصب ومنطر . . : شو الي كان بينكم شوووووووووووو . .

محمد : سيييييييييييف هده " يصارخ " خلاص اسستح ع ويهك انت مش ياهل . . شو هالحركات

سيف عطا محمد بوكس وخلاه ينسدح ع الارض . .

حمد ماكان يدافع عن نفسه . .

سيف : تككككككككككككككككككلم شو الي كان بينكم شوووووووووووووو . .

حمد منزل راسه . .

سيف يعطيه بكسات ويضربه ضرب لين نززف حمد بكبره وصارت ثيابه كلها دم . .

حمد : اذبحني . . اذبحني جان بيريحك تذبحني . . اذبحني سيف . . " نزلت دمعه من حمد " مما خلا سيف يوقف ويبتعد . .

محمد يوم شاف الضرابه هدت . . ابتعدت شوي عششان يخليهم يتفاهمون . .

سيف ب عذاب : شووووووووو الي كان بينكم شششششششووو . .

حمد : هيه ما سوت شي . .

سيف يرد يزغده : لا ادااااااااااااااافع عننننننها . .

حمد : والله مهره ما سوت شي . .

سيف يعطيه بكس : لا تطرييييييييييها .. لا تيب اسسسمها علسانك . .

حمد انسدح عالارض . . ماقدر سيف يتم اكثر وركب سيارته وراح !!

يا محمد بسرعه صوب حمد . .

حمد يقوم : مافيني شي . .

محمد : كيف مافيك شي . . الدم غرق ثيابك . .

حمد يحط ايده ع قلبه : العذاب اهني . . اهني . .

يركبون السياره . .

محمد بغا هو يسوق بس ماعطاه حمد المجال وركب قبله . .

حمد يصارخ ويضرب السكان بقوه : اننننننننننننننت تعرف الشعور الي امر فيه شووووه . . تعععععععععرف ؟ ؟ عمممممرك ما بتعرف . . . الي احبببببببببببها ف حظن اخوووي مش حظني . . الي احببببببها والي شششششفت كل احلامي ويااااااها بدت تحب اخوي وماتعتتتتتتتتتتتترف له . . الي احببببببببببها تخاف على اخوووووي لا يصييير له شي وتحاااااتيه وتصييييييح عششانه . . الي احبببببببها اخوي مش حاس بقيمتها ويييييييعذبها . . . " يشوف محمد " الي احبببببببها بعيييني هذي " ياشر على عينه " اشوفها تنظرب جدامي وتنذذذذذذل وانا ماقدر اسوي شي ولا اقدر احااامي عنها . . الي احبببببها حااامممل . . حااامممل . . حامل من اخوي الي من امي وابوي . . انا الي احبببببببها انااا . . بسس انا ضيعتها من ايييييدي . . انا ضيييييعتها من ايدي اول مره . . وهالمره الثانيه الي اضيعها واعذبها . . . انا السبببببببب ف كل شي هي تممممممر فيه . . انا يا حمود ماستاهل اعيش فهالدنيا . . " بصوت مبحوح " ماستاهل اعيش فهالدنيا عقب كل شي سويته لها . .

.

.

.

الساعه 2 الظهر . . .

مهره طايحه ع ريل امها . .

ام عبدالله : شحالج امايا الحين . ؟؟

مهره : الحمدلله امييه . . وايد زينه . .

ام عبدالله : روضه اميه ودي اختج عرفتها خل ترتاح . .

سيف يدخل : السلام عليكم . .

الكل : وعليكم السلام والرحمه

روضه تعدل شيلتها . . .

سيف : مهره ؟

مهره تقوم من حظن امها بتعب بسيط : هلا . .

سيف : يالله بنرد البيت . .

ام عبدالله : وين فيها حيل ابويه . . خلها اهني ترتاح . . عقب بتسيرون . .

سيف : لا عمموه . . مافيها شي ان شاء الله . . انا بتحمل منها لا تحاتين . .

روضه متشككه : مابتتحمل منها شراتنا . .

سيف بعيون صارمه : بتحمل منها اكثر عنج . .

مهره تقوم : بروح اميه . .

روضه تمسك ايدها بقوه وبصوت يادوب ينسمع : ليش جي خاضعتله ليش . . لازم تكونين قويه . . قوي عمرج شوي . . لا تبينين ضعفج جدامه . . انتي ماغلطتي ليش خايفه منه لييش . .!!!!

مهره ابتسمت وقامت . .

يا سيف صوبها عشان يساعدها . .

مهره : بسير فوق بييب ششيلتي وعباتي بس . .

سيف : خلج اهني . .انا بييبهم لج . .

ام عبدالله تقوم : انا بسير المطبخ " ترمس مهره " مري علي المطبخ قبل لا تروحين . .

مهره : ان شاء الله فديتج

روضه : صبري امايا بي وياج بغدي اليهال . . " تطالع مهره " مري المطبخ عشان اسلم عليج . . بذبحج لو ماييتي اهناك . .

ابتسمت مهره

عذاري تنزل من الدري وتلاقت ف سيف بس ما قالتله شي . . : مهوور . .

سيف يسمع باهتمام . .

عذاري : شوق تبا ترمسج . . تقولج ليش ماطمنتيها عليج ؟؟؟؟ تمت تحاتيج وايد . .

مهره تحط ايدها عراسها : والله نسيت . .

عذاري تعطيها الفون . .

سيف صد واطالع مهره الي كانت عاطتنه ظهرها . ..

مهره : هلا حبيبتي . . . اسمحيلي والله نسيت . . هههه فديتج والله . . ادري ادري مافيني خير . . انزين شسوي . . والله نسيت اقولج . . حبيبتي والله . . مانسالج معروفج . . فديتج انا . . ههههههه اوكي . . هيه ان شاء الله بعد شوي برد . . اوكي . . فمان الله . .

مهره تعطي عذاري الفون . .

عذاري : هيه يابتج اهني صح ؟

مهره : هيه . .

عذاري : مسكينه والله . . والنعم فيها . . هاييل الربع الي ترومين تتساندين عليهم . .

كمل سيف مشيته وهو ف باله الرمسه الي سمعها . . شوق الي ردتها . .الحين تاكد من هالشي . . اتنهد براحه . . ياب شيلتها وعباتها وقبل لا يطلع ّ! بطل سداتها . . كان يبي يشوف اذا في شي يخص حمد . . . شاف دفاتر وايده! ومذكرات وايد . . بغا يشلهم بس تردد . . مهما كان مش من حقه . . مش من حقه يشوف خصوصياتها . .

>> بس هاي حرمتتي . . وانا ابا اتاكد من كل شي . . لالالا بعد مالي حق . .

على هالافكار الي كانت ف باله ! ماقدر الا انه يفتح دفتر واحد ويجلبه ع السريع ! ولقى جمله مكتوبه باللون الاحمر لفتت انتباهه ..

" انطبع في خفوقي اسمك بحرف " حآإء " في حيآتي عشقتك وفي عمري آبيك "

اسودت الدنيا في عينه . . . ماقدر يتمالك روحه وقعد . . رد الدفاتر كلها ف السده مثل ما كانت . . وغمض عينه يحاول يكتم اعصابه . .

تقول اني ظلمتها ؟ بعد لها ويه ترمس وتقول اني ظلمتها . . . كل شي باين في عيني ليش بعدني عاطنها المجال ؟؟؟ ليش بعدني مخلنها على ذمتتتي وبينها وبين اخوي قصه حب وانا العااائق !! انا المخخخخخرب . . انا الي خربت الحبببببببببببب . . ليش تام معاها وهيه تعشقه !! وتبيه ف عممرها . . وانطبع ف خفوقها اسمممممممممه . . " بلع ريجه " مثل ما قلت قبل . . بذوقها الويل . . عقب بودرها . . وبعدني متمسك فرايي يا مهره . . ماعليه . . ماشفتي شي بعدج . . والله ماشفتي شي مني . .

.

.

.
__DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وطت رجلي على دربه ولآأ أدري وش نوى فيني ~	ḎmỒ3 Ảl-Я7eL..	تصاميم الاعضاء	7	04-14-2012 07:32 PM
عندمآ نقۈل لآ آله آلآ آلله مآذآ يرد آلله علينآ }	فراشة الشارجة	الإسلام والشريعة	19	02-27-2012 07:31 PM
لك آلله يآ ردى حظٍ زرع فيني .. [ ثلآث قبور! ]..p!cs +bg	همس العشق	المسنجر وملحقاته , توبيكات , ماسنجر بلس , msn	7	02-13-2011 06:09 PM
عليًڪٍ الْبالَ مشًغًلنٍيْ ..	آلـῳـولعيه	عدسة الاعضاء , كاميرا الاعضاء	7	01-03-2011 07:45 PM
مـآت ورسـول آلله [ صلى آلله عليه وسلم ] رآضٍ عـنه ..	» βỊη άℓ đόόŁα «	الإسلام والشريعة	4	12-23-2008 05:19 AM