وطتّ رجليّ علىً دربه و لآآإ آإدريّ وشّ نؤوى فيني .! - الصفحة 178

«ضَحِيًة حِبُيًبُيً ..}● · 06-08-2011, 10:32 PM

البارت الـ 71

.

.

.

عذاري قامت وقفلت باب حجرتها واتصلت ف سيف الي من اول مس كول رد عليها . .

سيف : هلا عذاري

عذاري تصيح : منصصصصوور يعرررف بس كان يسساير وياك . .

سيف بصدمه : كيييييف ؟؟؟؟؟

عذاري : مااعرف كييف ماعرررف . .

سيف : شفتي ياعذاري اخرت هالسوالف ؟ خسسسسرتي ثقت اخووووج ويمكن تخسرينه

عذاري تبلع ريجها : شسوووا في سسسلطان . . " تششهق بصوت واطي وتحط ايدها ع شفاتها " ليكوووووون سوواله ششي !ّ!!!!

سيف : ماعرف شقولج عذاري . . .بدال لا تفكرين في اخوج تقولين لي سلطان ؟؟؟؟

>

<

:: عـــــــذاااري . . عذآآآآآآآآآري . !!!

فزت عذاري من القيلوله وهيه ترجف . .

مهره : بسم الله عليج حبيبتي شفيييج !!

عذاري تتصد يمين . . تصد يسار . . تشوف عمرها ! لابسه بيجآمآ وعبآه مسكره . . وين الفسستآن الاحمر ؟؟؟

مهره شافتها متوتره وتشوف عمرها : عذووور شوووه فيج كلميييني !!

عذاري : الساعه كم الحين . .

مهره : 4 العصصر !!! والكوافيره قالتلي انج راقده من 3 ساعات !! وانا اتصل فيج ألف مره ماترديييين . . اتصلت لمنصور وسألته انتي ف اي صالون و قلت لسيف يييبني اهني اششوفج ولا انا ما احب هالصالون . !!

عذاري : منصور . .

مهره تحط ايدها ع يبهت عذاري : شفيييج . . هيه منصصور . . ما جذب وحليله قالي اكييييد راقده . .

عذاري : واثق فيني . .

مهره عاقده حياتها : شوه تقصدين . . اكيد واثق فيج . .

عذاري تنهدت ب عذاب من هالكابوس الفظيع ! وفي بالها ششغله وحده لا غير ّ! نصيحه سيف الي كانت فالحلم لازم تستوي حقيقه !! ولازم تكلم سلطان في اقرب وقت ! ماتتتخيييل انه يصيير مثل الي صار فالحلم . . .

عذاري : ريلج برع ؟

مهره : هيه قلتله يترياني . .

عذاري : عادي يردني البيت ؟

مهره باستغراب وهيه يي في بالها ان عذاري ماتحب سيف ! : هيه اكيد عادي !!

عذاري تقوم وترد تقعد تحس بدوخه . . الحلم وايد اثررررررر فيها .!

مهره : يالله قومي . . بنردج البيت وانا بروح صالون ثاني . .

عذاري : اوكي . .

سارت مهره ويوم بغت عذاري تدفع ما خلتها ودفعت عنها ..

عذاري : مهوور ليش والله امايا عاطتني خرده . .

مهره تطالعها بعصبيه : استحي ع ويهج . . . انتي ويا اختج العووده . .

عذاري تبتسم : هيييه مانروم ع الي معرسييين . . وين قبل يوم يي وقت الحساب تختفين فجاه !

مهره : هههههههههههه حماره فعينج والله . . من يومي ايدي كريمه وما استغلى عليكم الدرهم يالخايسه . .

عذاري : انزين ياحماره انتي . . ما قلتلي شرايج فيني ! اعنبوه ماعلقتي . .

مهره : وايد حبيييت التسريحه . .

عذاري عاقده حياتها : ها الي قدرتي عليه . .

مهره : المكياج هو مكياج بعد . . بسس حلو حلو . . مطلعنج حلوه . .

عذاري : تدرين . . وايد رفعتي معنوياتي يعني . .

مهره تبتسم : هالمطلوب . .

تغشت عذاري وطلعت هيه ومهره متوجهين سياره سييف . .

سيف : منو هاي . .

ركبت عذاري : السلام عليكم . .

سيف : اووه عذاري . . !!

مهره تطالعه : يعني انا يايه ادورها اهني واطمن عليها . . بركب منو ؟ اكييد هيه ما يبالها ذكاء

سيف فاج عينه : انتي اييه . . لا تخقين علي جدام اختتتتج ولا بعطيج طراق ينزلج من السياره من قوته . .

عذاري بطلت الغشوه وتجدمت . .وضربت جتفه بقوه . .

سيف ضحك : ههههههههههههههههههههههه بللللللللللللل

عذاري عاقده حياتها : كله ولا مهور . . بعد جداامي تقولها جيييييي من ورانااا شو تقولللها ؟؟؟؟؟؟

سيف يبتسم وبخبث يطالع المرآيا ويطالع عذاري عين بعين : اقولج شو اقوللها . .

عذاري بجرآه : شششششوو ؟؟؟

سيف يطالع مهره بخبث : تعالي حبيبي شوي . .

مهره تضربه ع جتفه بشويش : اييييييه

سيف فاج عينه : شوه حبيبي . . شوه حياتي .. !! شوه فيج . .

مهره تصد ورا : ترى اول مره يصف لي الكلام الحلو مره وحده . . بس جدامج . .

سيف يسوق ويبتسم ويطالع مهره ويمسك ذقنها : والله ؟ تبيني ايمع لج الرومانسيه كلها الحيين . .

مهره تعض صبعه : بسسسسسسس . .

وتنزل ايده من ذقنها وتمسك ايده وتشربكها بايدينها . .

سيف يطالع المرايا : شفتي عذاري . . شفتي سوايا اختتج . .

عذاري : هيه شفتها . . طلعت من تحت لين تحت

مهره : ههههههههههههه حرام عليكم . . شو سويت . . " تطالع ورا " الا ماسكه ايد ريلي

سيف دق قلبه بالقو من قالت " ريلي " . . ما يسمعها منها وايد . . ووايد تم قلبه يدق من قالتها . .

اطالعها بحنيه وابتسم : فديت حرمتي انا . .

عذاري : اقولكم . . انا ترا ماستحمل . . عرسووووووووووووني ولا بنحرف . . .

سسيف يطالع مهره ويبتسم : شفتي حبيبي . . كل الي يشوفنا يتمنى يعرس . .

مهره تبتسم : الله لا يغير علينا يارب

عذاري ف قلبها قالت من الخاطر " امييييييييييييييييين "

سيف : امين يارب . .

عذاري : سيفوه ! حلمت حلم . . والحلم هذا اسوء حلم حلمته في حياتي كللللللها ! لكن سبحان الله . . انت الوحيد ف الحلم الي طلعت شي زيين ! مع انك فالدنيا اشوفك شي شين . .بس صدق يوم يقولون الحلم عكس الواقع . !

مهره عاقده حياتها : شو تقولين . .صفي الرمسسه عدل . .!

سيف يطالع مهره وبصوت واطي " سيلانيه هاي . . " يرمس عذاري " ماعليج انا فهمتلج عذاري

عذاري تضربه ع جتفه بالقو اكثر عن المره الي طافت : سيلانيه حررررررررررمتك . .

مهره فاجه عينها : ياحماره . . اختج انا . .

عذاري طنششت . .

سيف : ماعليج منها . .

عذاري : شكله جتفه يحجك اليوووم وايد سيفوه صح

سيف : هيه والله . . يبالي مسساج من بوكساتج العنيفه . .

عذاري : جب جب . . " ترمس مهره " مهور .. عنود وين ؟؟ ليش ما يت وياج . !!

مهره : عنود بتي ويا حمد . . لان انا من اتصلت فيني امايا وتحاتيج وخلتني استهم عليج ّ ! طلعت بسسرعه وهيه بعدها تسبح . .

وصلو البيت

عذاري يايه بتنزل : مشكورين وماقصرتو . .

سيف يبتسم : الله وياج . .

وراحت عنهم . .

سيف يطالع مهره : وين بتروحييين . . !

مهره : الصالون الي ف الشارع الثاني . . حررك يالله ماشششي وقت . .

حرك سيف . .

سيف : منصور خاطب سلامه ؟

مهره عاقده حياتها : مادري !! امايا ما خبرتني . .

سيف : كيف ما خبرتج وهيه مكلمه امايا اليوم . .

مهره : والله ماخبرتني .!!!

سيف : وسلامه وافقت . .

مهره تطالعه : صدق ولا يالس تقص عليه . .

سيف : والله !!!

مهره : وييه وانا ليش محد يخبرني !

سيف : امايا تتحراج تدرين . ّ!

مهره بوزت : ماخبروني . .

سيف يحط ايده ع ويهه : انزييين لا تمديين البوز . .

مهره : قهر ! من عرسست قامو يطلعوني من هالمواضيع ولا حتى يشااوروني . .

سيف : ليش كنتي بترفضين الفكره ؟

مهره : انا ؟؟ انا اموووت ف سلامه . . وهالبنت ماشفت من الا كللل خييير !! ومنصور اخوي والنعم فيه . . احسن واحد من بين اخواني كلهمممم !! والزين ياخذ الزيييينه . .

سيف يطالعها : عيل بخبرج شي بيني وبينج!

مهره باهتمام : قوول . .!

سيف مبتسم : سلامه وافقت ّ! وامايا حاطه ف بالها تعرس عنود وسلامه ف يوم واحد . .

مهره : بس الي اعرفه عنود ما تبا عرس

سيف : وحتى سلامه ما تبا عرس . .

مهره باستغراب تطالعه . .

سيف : ملجه فالمحكمه بدون حفله عشان خالد الله يرحمه . . وبعدها ب شهرين حفله بسيطه ف البيت . . وكل واحد يشل عروسته ويذلف . .

مهره تبتسم : الله يوفقهم يارب . . بيخلى البيت على عممموه مسكينه . .

سيف : هيه والله ّ! ها ألي احاتيه ّ! ا وانا إجازتي وايد طولتها . . عقب يومين بداوم . . وبتتقلل زيارتنا لـ اهني . .

مهره : بنتم كله ف دبي ؟

سيف : هيه حبيبي . .

مهره بضيج : ومتى بشوف اهلي . .

سيف : كل ويكند . . " يطالعها " ومتى ما تشتاقيلهم بييبج . .

مهره تتنهد : ودوام بعـد !!

سيف : لا وانا دوامي غييير شكل لين العصصر . .

مهره تطالعه : لا تتمصصصصصصخر !!

سيف : والله دوامي لين 4 . .

مهره :اففففف شو هالاخببببار . .

سيف يبتسم : نظام دوامي حلو !! يومين دوام ويومين اجازه عندج شوه تبين اكثر . . يالله عاد لا تدلعين

مهره بوزت وحطت ايدها ع خدها وصدت عنه تشوف برا السياره . .

سيف مبتسم : فديت المبووز انا . .

يسحب ايدها ويسحبها لجتفه . . "

سيف بصوت حنون : ماترومين عـ بعدي ؟

مهره تمسك ايده بقوه : ما ارووم . . "بصوت واطي " والله ما اروم . .

سيف يبوس راسها : حبيبتي انتي . . " يبوس ايدها " ما بفارقج . . وووعد . . من عقب ما ارد من الدوام بكبري لج . . شو تبين بعد . . ؟ حتى ربعي بنسساهم . . وحتى اهلي بطبهم . . حتى حرمتي بصصفعها

مهره تطالعه بنظرة

سيف : هههههه امزح حبيبي . .

مهره ابتسمت : هذا الصالون . .

قامت عن جتفه . .

سيف : اترياج ؟

مهره : لا شوه تترياني . . انا بطول . .

سيف يبتسم :بترياج عيل . .

مهره فاجه عينها : رووح ررروح لا تتريا !! بطول واايد . .

سيف : وانا ماعندي شغله ! بترياج . .

مهره : يالله عاد حبيبي . .

سيف يبتسم : وعشان كلمه حبيبي والله ماتحرك . .

مهره : ياربي منك . .

يايه بتنزل بس دار راسها فجأه وردت تتساند ع السيت . .

سيف بخوف : شفيييييييج .. " بصوت عالي " شوه ياااج كلميني . . شو يعورج . .!!!!

مهره ترص ع شفايفها : راسي يدور . . مافيني شي . . بيخوز الدوار الحين . .

سيف شربها ماي وشربت شوي وردت تغمض عينها . .

سيف : مش احسن حبيبي ؟

مهره تفتح عينها وتقاوم التعب : بلى احسن . .

سيف يحطي ايده ع بطنها ويطالع بطنها : هدوه يوزي عن امج !! خليها ترتاااح . . لا اتعبينها . .

مهره تبتسم : تقولك ان شاء الله . .

سيف بعده : ان سمعت انج لعوزتيها ولا خليتها ادوخ . . لا تلومين الا نفسج . . ما بخلي امج تاكل يوم كامل تعذيب لج . .

مهره : ههههههه حرام عليك . . هاي بنت الغالي ما تتعذب . .

سيف يبتسم ويمسح ع ويهها : هاي بنت الغاليه والله . . افرش لها الدنيا كلها ورد مش بس اكل . .

مهره تبوس ايده الي ع ويهها : الله لا يحرمنا منك . .

سيف : ولا منكم يارب . . " يبتسم "

مهره : يحاول ما اطول . . مع اني اعرف اني بطول . . لو تعبت وومليت ررووح انزين ؟

سيف : ما بمل . . بترياج . .

مهره : راسك يابس . .

طلع سيف من بوكه مبلغ . . وشاف شنطتها مفتوحه وحطالها اياهن . .

مهره تبوس خده : ماننحررمشش . .

ونزلت من السيارة . .

.

.
. __DEFINE_LIKE_SHARE__

«ضَحِيًة حِبُيًبُيً ..}● · 06-08-2011, 10:45 PM

.

.

.

البارت الـ 72

عنود : ممممممممممممممممممحمد انا يالسه اترجااك انت ما تستحييي

محمد : ولا فيني ذره حيا . .

عنود شوي وبتصيح : انزين شو بيستوي عليك لو ودييييييييييييتني الصالون

محمد : بيستوي وايد . . قلتلج مالج حايه فالعرس

عنود بعصبيه : كيف مالي حايه . . انا لازم اروح مكان سلامه . . هاي ربيعت سلامه وسلامه ررررمستني اروح بدالها . . وبعدين انا مش محتاجه الاذن منننننننننننك بعدك ما صرت رييلي . .

محمد يطالعها : عيل عناد فيج ما بتروحين !!

عنود : مششششششش عكييفك . .

ام خالد يايه صوبهم وماسكه دله القهوه : شو مش ع كيفك بعد . . استحي ع ويهج الريال بيستوي ريلج عقب اسبوع

عنود تطالع امها : اسسسسبوع ؟ وانتو شو كل ما ياكم تجدمون الموعد . !!!

محمد يبتسم : من حظج الحلو . .

عنود ترص ع شفايفها بقو بقهر وتمسك المخده وتفرها عليه : اكرهـــــــــــــكككككككككككك

محمد ببرود اعصاب : صدقيني نفس الشششعور . .

عنود ردت ضربته ع راسه بايدها هالمره : اففففففففففففففففففف . .

محمد : ريشه ريشه . . ماتعورين . .

ام خالد : خلاص يوزي . . دام ريلج قالج لا خلاص لا

عنود بقهر : امايا بعده ما صار ريلي عشان يتحكم

ام خالد : شو هالحنه اليديده بعد . . احين هو خطيبج !!! 6 ايام ولا 5 ايام بيصير ريلج . .

عنود : توه اسسسسسبوع

محمد يبتسم : لا تخليني اخليه باجر . .

عنود انقهرت وومشت عنهم وهييه تتحرطم

محمد : تععاااليييي . . يالله لبسي عباتج بودييج . .

عنود تطالعه :ماااااااااااااابروح . انا الحين الي ما بروووووح

محمد ببرود : والله كيفج انتي الخسرانه ..

عنود طنشششته وصعدت فوق . .

.

.

.

سلطان : ارمسي ! خوفتيني ! شو الكلام الي تبين تقولينه !!

عذاري بتردد : ماعرف كيف اقولك هالرمسه . .

سلطان : وبعدين ويا هالمقدمات التافهة

عذاري تبلع ريجها : اخطبني . . خلنا نملج

سلطان : ...

عذاري : ليش سكت ؟

سلطان : متفاجىء من كلامج . .! كملي !!!

عذاري : ها الي ابي اقوله . .

سلطان : ولو قلتلج اتريي علي . . بتودريني ؟ بتقوليلي باخذ غيرك وانا قاعده ارفض عششانك

عذاري تغمض عينها بقهر : لا تقارن كلامي بحد ثاني

سلطان يبتسم باستهزاء : خل عنج . . شوه تبين تقولين عييل

عذاري : بتتتتتتتتتتتتترياك لاخر نفس فحياتي .! انا اممممممممممموت فيييك والله اموووووت فيك وماتخيل حياتي بدوووووونك . . انت لو اتقووولي اي شي بسويه عششانك . . انا هيمانه فيك . . وانا خايييفه . . خايفه اني اتهور وانت تتهور !!! ونخسسر بعضضض واخسر اهلي . . انا مابا هالشي " بنبره تعور القلب " اباك تكون حلالي . . اليوم اشوف اختي وريلها وانا اتخيييلك واتخيل روحي بدالهم . .

سلطان يتنهد . . : . .

عذاري : ليش ماتتكلم !! رد عليييييييي

سلطان : عذاري انا ما اقدر الحين . . وايد صعبه علي . . الملجه ما بتي منه والدرب بدون فلس ! وانا ماعننندي . . يادوب الي عندي يكفيني اصررف ع نفسسي !! وانا قلتلج اتريييني

عذاري : انا بتتتتتتريا والف مره اقولك بتريا . . لكن انا ماقدر اصبر عنك افهممم . . انا مابي اكلمك بالحرااام واخون اهلي . . افهمم هالششي

سلطان : شو بأيدي اسوي ؟؟ خبريني وبسويه

عذاري : خذ سلفيه من البنك . .

سلطان : اننتي تتحرين الامور بهالسهوله !!!! كم باخذ ؟؟؟ خل نفرررررض 300 ألف !!! 100 ألف مهر . . و 100 ألف ثانيه مصاريييف العرسس والملجه ! صالة و بوفيه وبطايق العرس . . و الـ 100 الف الثالثه تبينا نسافر فيها ؟ وعقب نرد من السفر ونقعد ف احسسن الفنادق ونحوط !! كم بتكفينا ؟ شهر ؟ شهرين ؟ وعقب !!! من وييييييين بسدد هالسسلفيه وانا ما اشتغل ؟؟ من وين بنعيششش . . انتي بنت !! وتبين عبي مكياج صالونات لبسسس ّ!! ها كله كيف بوفره لج !! انا مابي اقصر عليج يا عذاري افهميييني . . ابي ادلعج معااي وانا ماحاااتي ديووون فوق راسي ورااسج انتي وياي لانج بتشاركيني هالهم طول الووووقت . .

عذاري اقتنعت بكل حرف قاله . . ماتوقعت الامر بهالصعوبه : انا اسفه . .

سلطان بانفعال : لا تتأسسسسفين . . من حقج تقولين هالكلام . . انا حتى ماقدر اخووون ربيعي الي مأمن فيني ادخل واطلع ع راحتي ف بيته وعاطني شقه ويشجعني بكل النواااحي . . لكن مش بأيدي . . غلااااتج عندي تفوووق . . ماقدر اقاوم روحي مثل ما انتي مش قادره تقاومين روووحج . .

عذاري : خلاص اهدى . . اهدى الله يخليك . . انا اسسفه . . انا تحريت الموضوع سهل . . لكن شفت صعوبته الحين . .

سلطان : غناتيه . .

" عذاري انقرص قلبها مووت وخشت ويهها ف المخده ماتحملت "

سلطان يكمل : الامر مش صعب . . ولا صعب تنفيذه !! الموضوع يباله وقت وصبر بس . . ولا كل شي تساهيل من الله . .

عذاري : الله يكتب لنا إلي فيه الخيير يآرب .!

سلطآن مبتسم : آمين يآرب . .

عذارري : لاتزعل علي . .

سلطان : لا زعلآن . .

عذاري : يالله عآد . .

سلطآن : مآ برضى لين آشوفج > ينغزهآ عشان الحلم الي حلمته . .

عذاري : جببببببب . . قلتلك تعقدت من هالكلمه انا . .

سلطان : عيب لا تقولين جب ّ!!!

عذاري: اسفه . .

سلطان مبتسم : بحرم روحي من شوفتج . . وماباقيلنا الا 3 ايام وبنخلص امتحانات . . ومثل ما قلتلج قبل . . برمسج لين اخر يوم فالامتحانات . . وعقب خليني اشهد حيلي عشان اييج واخطبج . .

عذاري تتنهد : الله يقرببننننننننننني منك باقرب وقققت يااارب

سلطان فخاطره " امين " . .

عذاري : انزين قول امين عافان الله !!!

سلطان : ما بقول !!

عذاري : . . .

سلطان : . .

عذاري : يعني ما تبينا نتقرب بسرعه ؟

سلطان : لازم اصارخ بـ آميين عشآن تعرفين آني آبي قربج بسرعه !

عذاري تبتسم . : يعني قلت . .

سلطان مبتسم : لا !

عذاري : والله قلت . .

سلطان : لا تحطين في ذمتج . .

عذاري : بلى تأكدت انك قلت . .

سلطان : زين . . ممم . . متى بتروحين العرس ؟

عذاري تشوف الساعه 7 ونص : الحيين بقوم بزهب وبلبس وبرووح ان شاء الله

سلطان : ومتى ناويه تردين الشيخه ؟

عذاري : عقب ما ينزل المعرس وتنزف ربيعتي

سلطان : الساعه كم بتكون الشغله ؟

عذاري : مم 12 ونص جيه . .

سلطان بانفعال بسيط : ننننننننعم ؟؟؟ حدج 11 !!!! ما اطولين اكثثثثثر . .

عذاري : ان شاء الله !!

سلطان فقلبه " عمري هالبنت . . اموت عليج وانتي تسمعين الرمسه " . . : هيه اتحرا بعد . .

عذاري : يالله خلني اروح أزهب . .

سلطان : خلي يكون بينا مسجات . . واول ماتطلعين من البيت تتغشين . . وماتتبطل الغشوه لين ادشين القاعه . ! سمعتي ؟

عذاري : ان شااااء الله . !

سلطان مبتسم : يالله (( فخاطره : حبيبي )) عذووروو . .

عذاري : فمان الله سلطانو !

.

.
. __DEFINE_LIKE_SHARE__

دودى الحلوه · 06-09-2011, 12:29 AM

مشكوووووره ع البارتين الحلوين وياليت تعوضينا ع ايام الي طافت

ادري طماعه بس شو اسوي كل يوم ادخل اترياج وانا ما عندي شي قاعده فالبيت ابغيج اتسليني

والله يوفقج واتبين نسبه عاليه __DEFINE_LIKE_SHARE__

موازيـ · 06-09-2011, 01:14 AM

مشكوره حبيبتي ع الباارت العجييب

انا علي امتحان وافرى قصه خخخخخخخخخخ يحليلي والله __DEFINE_LIKE_SHARE__

زهرة زماني · 06-09-2011, 01:35 AM

ثااااانكيوووووو ع البارتييين 
وجاري انتظار البارت الياي __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وطت رجلي على دربه ولآأ أدري وش نوى فيني ~	ḎmỒ3 Ảl-Я7eL..	تصاميم الاعضاء	7	04-14-2012 07:32 PM
عندمآ نقۈل لآ آله آلآ آلله مآذآ يرد آلله علينآ }	فراشة الشارجة	الإسلام والشريعة	19	02-27-2012 07:31 PM
لك آلله يآ ردى حظٍ زرع فيني .. [ ثلآث قبور! ]..p!cs +bg	همس العشق	المسنجر وملحقاته , توبيكات , ماسنجر بلس , msn	7	02-13-2011 06:09 PM
عليًڪٍ الْبالَ مشًغًلنٍيْ ..	آلـῳـولعيه	عدسة الاعضاء , كاميرا الاعضاء	7	01-03-2011 07:45 PM
مـآت ورسـول آلله [ صلى آلله عليه وسلم ] رآضٍ عـنه ..	» βỊη άℓ đόόŁα «	الإسلام والشريعة	4	12-23-2008 05:19 AM