وطتّ رجليّ علىً دربه و لآآإ آإدريّ وشّ نؤوى فيني .! - الصفحة 777

«ضَحِيًة حِبُيًبُيً ..}● · #1 02-11-2012, 03:29 PM

البارت الـ 175

.

.

.

يتصل فيها مره ومرتين وثلاث . .

تناهيد : الوووو ؟

محمد : تناهيد

تناهيد : بلاك .؟

محمد : ااااااااه " يحط ايده ع قلبه "

تناهيد : شصااير ويا راسك اتكلم

محمد : قلبي يا تناهيد قلبي

تناهيد : مالت عليه . . شفيه قلبك ؟

محمد : ما ينبض لعنود . . ما بنبض . !

تناهيد سكتت . .

محمد : تكلللللمي قولي شي لا تخليني بحيرتي

تناهيد : كيف يعني ما ينبض لعنود . .

محمد : تقربت منها . . بستها بسس . . ما حسيت بمشاعر ابداَ . !!!!!!!!!!

تناهيد : لا والله

محمد : والله . . معقوله كثر الصد الي صدتني فيه ولد فيني اني اهجرها . . اهجر قلبها وحبها . .

تناهيد بعصبيه : اقولك عن المصاخه الزايده الي صارلها ماكان بايدها . .

محمد : ولا بإيدي ان قلبي ما ينبضلها . .

تناهيد : . .

محمد يدمع : اانا مصدوم من نفسي والله العظيم . .

تناهيد : . .

محمد : انا حبيتها بجنون . . هيه الي خلت قلبي يدق اول مره . . مستحيل قلبي ما ينبض لها الحين مستحيل

تناهيد : . .

محمد : لا تسكتييييييين

تناهيد : شتبيني اقووولك . .

محمد : اي شي بس لا تعاتبيني لانه مش ذنبي والله

تناهيد : وينها الحين

محمد : فالغرفه

تناهيد : خليتها روحها ؟

محمد : قلتلها بروح الحمام وطلعت . .

تناهيد : روحلها حرام عليك كيف تخليها روحها وهيه توها والده . .

محمد : كيف اروحلها وانا ما احس بشي تجاههـا

تناهيد : ها كله لان صارلكم فتره كبيره بعيدين عن بعض . . اصبر شوي على نفسك وعلى قلبك عشان يرد يتعود عليها وع قربها وع كل شي فيها . .عط قلبك فرصه

محمد : واذا ما نبض لها مره ثانية

تناهيد : بينبض .. لاتزرع الوهم فيك . . روحلها الحين يلا

محمد :بسس

تناهيد : بدووووووووووووووون بس يلا خلصني روحلها . .

محمد : اااخخخ يارب ..

تناهيد : وبعدييييييين

محمد : خلاص رايح . . باي

تناهيد : ااذا صار اي شي كلمني

محمد : اوكي . .

تناهيد : باي

محمد : باي . .

>

<

سمعت سلامه الحوار بصدمه بس مانطقت . . راقبته لين راح ودش عند عنود مره ثانية !

>

<

عنود تطالعه : وين رحت

محمد يبتسم : سوري بس مدوخ وكنت برجع

عنود : انزين في حمام اهني

محمد : وتبيني اخيسه لج وانا ارجع يعني

عنود مسكت ايده : انت احسن الحين ؟

محمد يهز راسه بـ هيه . .

عنود : اكيد ؟

محمد يبلع ريجه : اكيد

عنود : ليش ما احسك ع بعضك حبيبي

محمد يتنهد : قلتلج . . . احس بتعب شوي . . تميت متوتر وايد وانتي داخل والحين حسيت بالتعب

عنود : روح البيت ارقد

محمد : لا ما بخليج

عنود : انا بعد برقد تراني اهني

محمد : ارقدي . . " قعد ع السرير " انا بتم امسح ع راسج لين ترقدين . .

عنود : شفت حمد ؟

محمد يبتسم : ولدي ؟

عنود تبتسم : هيه . .

محمد يتنهد : شفته فديت روووحه انا . . بس ما خلوني اشيله . . قالولي باجر لازم يتم فالحظانه الحين

عنود : انا بعد قالولي نفس الكلام . . يشبهني ؟

محمد : لا . . يشبهني

عنود : صددق ؟

محمد يبتسم : والله شفته من بعيد مادريبه يشبه منو

عنود : ان شاء الله يشبهني

محمد : تبين الولد يتعقد ؟

عنود تقرص ايده : يا حمممار

محمد : صدق بعد شو . . استهدي بالله خليه يشبهني عشان يطلع محظوظ فالدنيا . .

عنود : عداااال

محمد يبتسم : نامي ارتاحي يالله

عنود بتعب : اكيد لايعه جبدي من شكلي . . بعد توني مربيه كيف تباني اكون ؟ لازم بكون خسفه

محمد : متعود اشوفج جي مع الاسف . . وشفت اقوى عن جيي

عنود عاقده حياتها . .

محمد : امزح امزح . .

عنود تبتسم : اتحرا بعد ..

محمد يبتسم باصطناع : يالله اسمعي الكلام نامي وارتاحي . . وانا بتم اهني معاج . .مابودرج

عنود تبتسم ومسكت ايده وحطت ايده ع رقبتها بحنان وغمضت عينها . .

ااما محمد بايده الثانيه كان يمسح ع راسه وهو يفكر . .

>> شلي صار فيني يا عنود . . ما تستاهلين واحد مثلي حقير . . والله العظيم مش متعمد اي شي اسويه لكن . . " غمض عينه وهو يتذكر "

>

<

>

عنود تصارخ : قوووووووم اطلع برا . .

محمد ينقز : شفيج بسم الله

عنود : اطلع برررررررررى مابي اشووووووفك . .

محمد : عنود قبل شوي ما كان فيج شي ورقدنا سوى وانا يمج . . شوه ياج

عنود تصارخ : انت ما تفهممم . . اطططططططللللللع برررررررى . .

محمد يقوم : ان شاء الله بطلع . . اهدي انتي . .

" يرن فون محمد "

كان فونه جريب من عنود وشافت المتصل . .

عنود تطالع محمد : منو الي مسيفنه سياره مدعومه . . ؟

محمد تلعثم ماعرف يرد . .

عنود عاقده حياتها : بلاك ما ترمس ؟

محمد تجدم ياي ياخذ عنها الفون بس عنود سبقته وردت . .

عنود ساكته . . .

تناهيد : ألووووووووووو . . ايه ليكون خربت رقادك ؟؟؟

عنود : انتي منو . .

تناهيد :اعوذ بالله . . انتي الي منو . .

عنود : انا ؟ انا اخت صاحب الفون

تناهيد : هااه ؟ ايوا . . اوكي خلاص سوري . .

عنود : تبين ترمسينه ؟ لحظة بعطيج الفون . .

عنود تمد الفون لمحمد : شل التلفون رمسها واطلع برع . .

محمد شل التلفون : عنود انتي فاهمه غلط صدقيني

عنود تطالعه : يالخسيس يالحقير . .

محمد : عنوووووووود . .

عنود : اطلع برع ماطيق اشوفك

محمد : خليني افهمج

عنود تطالعه : بتطلع برع ولا انا الي اطلع ؟

محمد : عنود

عنود :لا تطري اسمي ع لسانك . . رووووووح روح غاازل بعييد عن ويهي روح . .

محمد : والله وصلت حدي منج عنود . .

عنود : هههههههههههههه يالله خلها علثه وسير غازل

محمد يصارخ : عنوووووووووود

عنود تفاجئت . . وتمت تطالعه . . نادرا ما يعصب محمد

محمد قبض اعصابه وجمع ايده وضرب المنظرة الي جدامه وككسسسرها

عنود وقفت : حمود

محمد بعده صوب الجامه ومنزل راسه والدم يقطر : لا تقربين . .

عنود خافت عليه وتقربت اكثر

محمد يهدد : لاتقربين اكثر احسنلج . .

عنود : شفيك . . اهدى

محمد يجابلها : والي يصير له الي يصيرلي يروم يهدىىىىىىىىىىىى ؟؟ يروووووووم يهدى

عنود تطالع الجرح الي في ايده : خلني اشوف جرحك

محمد يصارخ : لا تقربين . .

عنوود مصدومه . .

محمد : متحمل كل شي من يومي صغير . والله متحمل العذاب والدنيا الاررررررررف الي كنت عايشنها . . لا ام لا ابو . . من فندق لين فندق من بلاد لبلاد من عذاب لعذااااااااب . . " يطالعها عين بعين " جربتي تعيييييييييييشين 22 سنه وحييييييده ؟؟؟؟؟؟؟؟؟؟ جررررررررررربتي هالشعووووور ؟؟ جربتي ان يكون عندج بسسسسسس فهالدنيا صديق . . وهالصدييييييييق بروحه ألف هممممممم فيييييييه . . منو الي بيواسي الثاني منوووووو ؟؟ جربتي انج يوم تشوفين حبببببببببب حيااااااااااتج في اخر العذاب الي يشييلج من هالعذاب ويريحج وعقبها بفتره بسييييييييييطه يروح عنج هالحب . . يروح عنج ويعذبج وما يطيق يشوووووفج . . جربتي هالشعوووووووووووووووووور ؟؟؟؟؟؟؟؟؟؟؟؟؟ " تنزل دموعه " انا تعبتت . . والله اتمنى اطلع من البيت ومارجع الا وانا ميتتتتت . . خلاص عفتها هالدنيا عفتتتتتها . . . شلي تعرفينه انتتتتي عشان تحكمين ع المتصل ؟؟ شلي تعرفينه ؟ انتي كنتي موجوده حزتها يوم انا دعمتها ؟ انتي تعرفين اصلا اني سويت حادث ودعمت ؟ ماتعرفين . . تعرفين طول هالفتره اكلمها لان سيارتها متعطله ولانها الوحيده الي يوم تتصل تحتشر على سيارتها تخليني ابتسم ؟؟ تعرفييييييييييييييييييييييين ولا ماتعرفين . . انا عايش في نككككككككد . . عايش في عذااااااااااااااااااب . . . عايش في جهنم ومحد حاس

عنود تنزل دموعها : انا اسفه . . .

محمد يطالعها . .

عنود تبلع ريجها وتنزل دموعها اكثر : روح كلمها اذا بتخليك تبتسم . . والله العظيم ما بززعل عليك . .روح الحين كلمها خلها تهديك . . انا صرت بس اعذبك واجرحك اكثر واكثر . .

محمد سكر عينه بعذاب

عنود تطالع ايده : بس خلني انظف الجرح بعدين روح كلمها على راحتك . .

>

<

>

محمد تنزل دموعه " كيف تقوليلي روح كلمها . . كيف تقوليلي انا بس اعذبك واجرحك . . ليش ما قلتي لي خلني اربي وبعوضك عن كل يوم عذبتك فيه . . خلني اربي وبنسيك كل الي سويته لك . . ليش ما خففتي عني عقبها . . ليش ما كلمتيني ليش ما سالتيني منو صاحبه السياره المدعومه وبعدك تكلمها ولا لاء .. ليش متجاهله اهم تفاصيلي عنود ليش . . "

ارحلي دام المقدر شي مامنه فرار
وان رحلتي لاتلدين النظر ابداً عليه
سحر عينك يذبح العشاق في وضح النهار
كيف منتي مجرمه والناس بسبابك ضحيه
مجرمه بالسلهمه والسبب منك كثار
ميتين برمش عينك بالطعون الباطنيه
لو دريتي في خفوقن باني لك فيه دار
اعتذرتي للرحيل اللي بلا ذنب وخطيه
لاتلومين المقدر شي مكتوبن وصار
ولاتعذلين المشقى يوم قصر في مجيه
ارتميت بحضن ليلاً ماله بدربي نهار
شب ضوه من لهيب الشوق وصلاني بكيه
استعيري يالضلوع اللي من الفرقا دمار
مابقى لك غير ذكرى داخله والنار حيه
وسمحي لدمعه اللي هزت ركون الوقار
فيضت دمعي وانا خابر عزومي قويه
ارحلي ماعاد باقي في ضميري لك قرار
مابقالك غير نظرة شوق تقضي لك عليه

.

.

.
__DEFINE_LIKE_SHARE__

«ضَحِيًة حِبُيًبُيً ..}● · 02-11-2012, 03:30 PM

.

.

البارت الـ 176

منصور يدق عليها الباب . .

عذاري بصوت تعبان : الباب مفتوح

دش منصور . .

عذاري تمت تكح . .

منصور نزل ع الارض وجمع ايدينه ف بعض وتم يصيح . .

عذاري بروحها مريضه وتمت تحاول تنش بس تحس بخمول من الادويه الي خذتها . . قوت روحها ونزلت له ع الارض . .

منصور : كنت لها الايييد اليميين . . الي تبيه كنت انفذلها اياه . . " يصارخ " حتى انتو جلبت عليكم عشانها . . ليششش . . ليش خانتني

عذاري : ياعمري يا اخوي . . ياعمري يا منصصصور . . " تحظنه " كل شي صاار وانتهى لا تفكر الحين ب ليش وليش . .

منصور يمسح دموعه : تصدقين . . ع كل شي سوته فيني لكنها غمضتني اليوم . . كسرتني نظره عيونها .. عذاري " يطالعها " هيه شاله هم كبييييير الحين . . هم وايد كبير

عذاري : خل تشل همووووووم الدنيا كلها يعلها ما تبرا من الهموم

منصور يسكت . . ما يقدر يدافع عنها . .

عذاري : خلها توووولي . . تلللللللتققققققع ب 60 داهيه ان شاء الله

منصور : الي ياها وايد من كل صوب

عذاري : كانت ف نعمه وهي رفسسسسسه النعمه . . " تكح " لا ادافع عنها عشان ما اييب جبريت واولع فيك انت الثاني

منصور : ما ادافع عنها . . ولا بدافع عنها " يمسح دمعه ساحت " مالي حق عليها . .

عذاري : خلها تولي شلها من بالك بالمررره

منصور : بشيلها . . لكن مش بسهوله . .

عذاري : الحقيره ما بين في عينها انك رزيتها وزرعت فيها الامممممل وخليتها تمشي وترد لحياتها الطبيعيه

منصور : كله بامر الله

عذاري : صح كله بامر الله . . واكيد الفضل الاول لـ الله ثمممم انت . . محد من اهلها راكضلها عشان تممممممشي . . انت الي ضيعت وقتك وخذيت اجازات عشانها ولا هي ما تسوى والله

منصور : . .

عذاري : احس اللوم مني لاني كنت حبل الوصل بينكم . .

منصور : لا انتي ما يخصج . . " يتنهد " انا الي دشت قلبي من البدايه . .

عذاري : والله مافيها خييييييير . . تحيد يوم فالمستشفى حاولت تنتحر ؟ انت كنت اول شخص واقف معاها ولا حد من اهلها اصلا دروووووبها . . مش بس مستشففى .. شكثثثثر عانيت منها وتحملت مسؤولياااتها انت شكثثثثثثثثر . . اخخخ مافيها خير ابد . . .حرقت كل شي زييييييين وباعته

منصور يطالعها : . .

عذاري : لا تطالعني جي

منصور : انتي بروحج مريضه وانا يييت زدتج

عذاري : ماعليك مني انا صرت زينه

منصور يحط ايده ع راسها : وين زينه وراسج حار . .

عذاري : انا احسن قلتلك . .

منصور يطالعها ويبتسم : انتي كيف بتعرسين وبتخلين اخوج

عذاري : لا تقول جي ترى الحين بهون عن العرس كله

منصور : ههههههههههههه اسمع الخررررط . . " يغمز " سلطااان هذا سسسلطان

عذاري : وييييييعني . . انت اخووووي . . انت عضيييدي

منصور : خل عننننج . .

عذاري تبتسم : يعني ماعليك بقنعه نعيش اهني

منصور : هيه خير ان شاء الله

عذاري : وطبعا كل ما بتحتاجني تراك بتمر علي بعد شو

منصور : توج تقووووولين بتعيشين اهني

عذاري : في حاله عشت اهني او اهنااااك ياخي بلاك

منصور كشش شعرها : روحي ريحي يلا . .

عذاري : انزين . . وانت ؟

منصور : انا بدق لـ ريلج بخليه يحوطني

عذاري تبتسم : . انزين

منصور : قولي تبين تين معانا

عذاري : لااا . . مافيني حيل مول . .برقد

وقامت صعدت سريرها وانسدحت

منصور يصك الليت : نوم العوافي . .

وطلع عنها . .

.

.

.

بو سلطان : سسلطان . .

سلطان كان توه بيطلع بس وقف : هلا ابويه . .

بو سلطان : تعال ايلس ابا ارمسك

رد سلطان وهو مستغرب . . ابوه من سنيييين ما سواله سالفه ولا اهتم لوجوده . . دوم يشوفه يطلع ويسير ويرد وعمره ما كلمه ولا عطاه هاك الاهتمام . . فالح يتزوج ويطلق من حرمه لـ حرمه . .

سلطان قعد : آمر . .

بو سلطان : متى عرسك ؟

سلطان : ما باقيله شي . . اقل عن شهر

بو سلطان : ليش اخوانك ما يدرون عن موعد عرسك ؟ ولا ماتباهم يحظرون

سلطان : اختي ويا ريلها تسافر من بقعه لبقعه وباعت الكل عشان ريلها كيف تبيني اتواصل معاها ؟ واخوي العود عمري ما دقيت له وشفته يرد علي . . حق شو اتعب نفسي وادقله بعد . . إلي بيحظر حياه الله والي ما بيحظر مسموح

بو سلطان : حرمتك وين بتسكنها ؟ ليكون اهني

سلطان ابتسم " هاللف والدوران كله علشان هالسؤال " : لا لاتحاتي . . ما بييبها اهني مول . .

بو سلطان : البيت ضيج

سلطان : اكيد وايد ضيج ( فخاطره " يسد لحريمك بس " )

بو سلطان : وين بتسكنها عيل

سلطان : انت لا تشيل هم انا اعرف وين اسكنها

بو سلطان : يالله بالتوفيق . .

سلطان يتبسم بدون نفس : مشكور . . . " يقوم "

بو سلطان : كلمت امك ؟

سلطان يصد يطالع ابوه . .

بو سلطان : اكيد ما كلمتها . .

سلطان يمشي طالع من البيت : لا

بو سلطان : استح ع ويهك دقلها ولا مر علييييييها خبرها عن عرسسسسك

سلطان يصد يطالع ابوه : ان شاء الله . .

وطلع من البيت . . ودقالها . .

عذاري بصوت تعبان : الوو . .

سلطان " فدييت هالصوت " : اسف خربت رقادج . .

عذاري : لا عادي . . توه منصور طالع من عندي بعد واعاني ولا قدرت انام . .

سلطان : ما يستحي يخرب عليج رقادج . . دواه عندي .. زين يوم خبرتيني لاني بشوفه الحين وبلعن اسلافه

عذاري : لا حرام . . كان مضايج ويفضفض عن سلامه ..

سلطان : بعده . . ما نسى

عذاري : ما نسى

سلطان : عشان جي دقلي وقالي الحين مر علي وتم يحتششر ويحلف

عذاري : هيه يبا يغير جو . .

سلطان : انتي شو صحتج الحين طمنيني عنج ؟

عذاري : الحمدلله

سلطان :بس بعده صوتج متغير

عذاري : . .

سلطان : قومي صلي العصر وردي نامي ريحي . .

عذاري : ان شاء الله

سلطان : . ..

عذاري : فيك شي صح . .

سلطان يبتسم " فديت الي تفهمني " : لا

عذاري : جذاب . قووول

سلطان : مافيني شي قلتلج

عذاري : قووووول

سلطان : لا تشيلين هم قلتلج مافي شي . . يالله اسمعي الرمسه وقومي صلي عشان تردين ترتاحين

عذاري : انزين

سلطان : احبج

عذاري : هاه

سلطان يبتسم : ههههههه نشي حبيبي يلا

عذاري تبتسم : شووه

سلطان يشوف المتصل ع الخط . . : ماااشي يالله نشي

عذاري : انزيين فديتك

سلطان : اذا في شي كلميني اي وقت سمعتي

عذاري : اوكي . .

سلطان : فمان الله

عذاري : فمان الكريم . .

سلطان يرد ع الخط : الو . .

منال : مرحبا . .

سلطان : اهلا . .

منال : شحالك ؟

سلطان : بخير . .

منال تتنهد : انا برجع اسافر . . وحبيت ادقلك اخبرك

سلطان : تسافرين ؟.ليش ترجعين تسافرين مره ثانيه

منال : مالي حياه اهني سلطان . . مش متعوده خلاص . . برجع لحياتي اهناك . . ربعي وعندي اقاارب من بعيد بقعد معاهم . .

سلطان : ممم ماعرف شقولج . .

منال: لا تقول لي اي شي . . بس حبيت ابارك لك لعرسك . . كان ودي احظر لكن ما باليد حيله . .

سلطان : الله يبارك فيج . .ماقصرتي . .

منال : وصل سلامي ل عذاري . .

سلطان : ان شاء الله

منال : تحمل ع روحك وايد . .

سلطان مبتسم : وانتي بعد . .

منال : الله وياك

سلطان : الرب حافظ ! . .

.

.

.

__DEFINE_LIKE_SHARE__

«ضَحِيًة حِبُيًبُيً ..}● · 02-11-2012, 03:32 PM

.

.

.

البارت الـ 177

فهد : وين تبون تروحون اليووم

ريم تركض وتروح حظن ابوها : باااابا شلني

يشلها فهد . .

وفوي نزلت راسها . .

فهد يبتسم : تعالي بابا اهني " يكلم وفوي "

وفوي : ماااااابا . . ابا بااااباا . .

تركض صوب المطبخ تصيح . .

روضة كانت تسوي عصاير وكيك . .

روضة : شو فيج حبيبتي ؟. " تشلها "

وفوي : ابا بابا . .

روضة : تبين تكلمين بابا . .

وفوي : لاااا . . اابا ابوووسه

روضة تبتسم وتشل تلفونها وتدق لعبدالله . .

عبدالله : الوو . .

روضة : مرحبا . .

عبدالله : هلا والله . .

روضة : شحالك ؟

عبدالله : تمام ربي يعافيج . . وانتي شحالج

روضة : مشتاقتلك . . والعيال مشتاقين لك . . وينك انته ؟

عبدالله : اهني فالدار . .

روضة : تعال مر علي سلم على اليهال . . وفوي يايتني تصيح تبي تبوسك . .

عبدالله : يالله بمركم الحين . .

روضة : اوكي نترياك . .

روضة : الله بااااااابا الحييين بي

وفوي تصارخ : هييييييييييه . .

عقب 10 دقايق وصل عبدالله وفتح له فهد الباب . .

جسوم وفوي يربعون صوبه ويحظنوووونه ببقوه . .

روضة شاله صينية فيها عصاير وكيك . . : تعالو اقعدو اهني . .

كلهم سارو صوب روضة وقعدو ياكلون ويسولفون ويضحكون . .

عبدالله يطالع فهد : عسى مش مضايقينك ؟

فهد : شو هالرمسه يا ريال . . والله اعدهم شرات عيالي . . عسل ع القلب ولو ان البنت شوي عنيده

عبدالله يبتسم : وفوي وايد عنيده . .

روضة تبتسم : فديتها . . خلها تدلع

عبدالله : شرايكم اوديكم الالعاب ؟

وفوي + جسوم : هييييييي

ريم : انا ابا بعاااااااد

عبدالله : من عيوووووني

فهد : لا برايه ماله داعي . . ريموه بتيلس وياانا عقب انا بوديها . .

عبدالله عاقد حياته : شو هالرمسه . . يعني انت اداري ع عيالي طول هالفتره واخر شي تتحراني ماروم اداري بنتك ؟ صدق انك ما تستحي . .

فهد قفط وسكت . .

روضة : ههههههه

عبدالله : روحي لبسيهم روضه . .

روضة : يالله قومو خل نلبس ملابس حلوووووه . .

ومشو معاها كلهم . عدلتهم ورتبتهم وعطرتهم ..

عبدالله : يالله قولو بيبااي

صرخو اليهال :بيبااي . .

وطلع عبدالله معاهم . .

فهد يبتسم : يحليله . .

روضة : هيه والله يحليله . .

فهد يطالع روضة بخبث : وجان نتم روحنا . .

روضة تطالعه بقفطه . .

فهد : تعالي . . .

“cut”

.

.

.

مهره تصارخ : لاااااااااااااااااااااااااااااااااا

حمد : هههههههههههههههههههه

مهره : وقف الفلم مابا اكمممممممممله خلاص

حمد : ليييييش

مهره : شو هاااااا بسسسسس حرام عليك مافيني قلب يتحمل . . شو هالرعب كلللللله

حمد : انتي للحين ما شفتي شي

مهره : بس عاد حمممممد دخيلك وقفه ماقدر اكمممممله . .

حمد : مااشي بتشوفينه يعني بتشوفينه . . لا تستهبلين احين وصلنا النصص خلاص باقي شوي وبيخلص . .

تمو مندمجين يشوفون . . لين ما يا المغرب وبدت تظلم الدنيا وهم مش مشغلين ليتات ومندمجين . .

:: بوووووووووووووووووووه

مهره تصارخ : يووووووووووومااااااااااااااااااااااااااااااااااااا ااااااااااااااه

سيف : انا سيف انا سييف . . والله انا سيف . .

مهره تحط ايدها ع قلبها وترجف . .

سيف يتقرب منها ويقعد ع الغنفه : اسسف والله اسسف . .

شلت صحن الفشار الباقي وفرته ع ويهه . . شهق سيف . .

مهره : سخيييييف . .

سيف : مشكوووووره . . قعدي قعدي خل نكمل الفلم . .

تم ياكل من الفشار الي طاح ع الغنفه والي ع ثيابه . .

سيف : شو السالفه خبروني . . منو هذا

" مسويله طاف "

سيف : ايييييه اكلمكم شسالفه منوووو هااا

حمد : ياخي ما بتفهم السالفه تم ساكت احسن باقي شوي وبيخلص

سيف :انزين بس خبروني منو ها

حمد : ها اخو المجرم

سيف : انزين المجرم وين

مهره : سيفو صصصصصصصصخ

سيف : انزين اي واحد هذا ولا الي اهناك منخششش . .

مهره : هااكي الي ع زاويه

سيف : هييه ها الممثل ترتيب . . يعيبني تمثيله . .

عقب ثواني

سيف : انزين هاي الي رازه ويهها تتحرطم منو . .

حمد : سيفوه والله بشل غرشه الماي بفرها ع راسك

سيف : ههههههههههههههه انزين فهموووووووووووووووني . .

مهره : خلاص فاتك الفلم مش لازم تفهم . . عقب شوفه روحك . .

سيف بصوت واطي : بشوفه معاج مره ثانية

مهره : مابشوفه انا خلاص .. زين مني قدرت اتحمل اشوفه

سيف : بتشوفينه معاج

مهره : جب انزين اسكت

سيف يطالعها : اقولج بتشوفينه معاي

مهره : سيفوووووو

سيف يقرقطها : قولي بشوفه معاك . .

مهره :هههههههه . . انزين انزين اوكي

سيف : هيه اتحرى . .

مهره : خلاص اسكت خلني اشوف

سيف : اوكي

وتمو يشوفون ربع ساعه . .

سيف : اضضضضضضضربه يا حمار وراااااااااك

حمد : اففففف . . انا اخر مره اشوف فلم معاك . " يطالع مهره " الله يعينج عليه صراحه

مهره ابتسمت . .

سيف : انزين شو الواحد ما يتاثر

مهره : اتاثر اتاثر

سيف : قومي قومي نروح فوق . .ماتبين تكملينه

مهره : مابا باقيله شوووووويه

سيف : قومي اقولج ما تبين تكملينه . .

مهره : يلا عاد يوز عني خلني اجوف احين بيخلص ابا اعرف شو بيستوي . .

سيف يشلها : قلتلج مش لازم . .

مهره : سيفوووووووو

حمد يصد وانقرص قلبه يوم شافه شلها ويمشي فيها لين فوق . .

حمد يطالع وبصوت واطي يكلم نفسه : انزين باقي شوي وبيخلص . . " ابتسم بعوار قلب ووقف الفلم "

حمد : احين ما بتحسين بخوف روحج مهره . . " يبتسم "

طلع من البيت بيروح المسيد . .

.

.

.

ام عبدالله تتصل ف محمد . .

محمد رد ع التلفون بصوت واطي : الوو . .

ام عبدالله : ها ابويه وينك ؟

محمد : فالمستشفى . . معاها

ام عبدالله : انا الحين بي

محمد : لا تين عموه لانها يادوب رقدت قبل شوي . . اكيد ما بتنش لين الفير ..

ام عبدالله : انزين ابويه . . لا تودرها .!

محمد : ان شاء الله

ام عبدالله : كلت ولا ؟

محمد : لا بعدها اول ما تنش بأكلها لا تحاتين . .

ام عبدالله : انزين ابويه لو في شي لا تتستحي خبرني

محمد : ان شاء الله

ام عبدالله :ودعتك الله

محمد : الله يحفظج . .

يشوف مسج من تناهيد " شصار "

رد عليها ( ما صار شي هي راقده وانا معاها )

" جان رقدت ويا ويهك "

( مابي ارقد )

" صليت ؟ "

تذكر سلامه ؟ قالت بتروح المسيد وماردت مول . .

( لا الحين بروح اصلي )

" صل واشترلك اكل . . كل انت وعنود "

( اوكي )

طلع من الغرفه بشويش وشاف سلامه ع الكراسي القريبه تقرا قران . . سار صوبها . .

سلامه تبتسم : بعدها نايمه ؟

محمد : هيه . . تبيني اردج البيت ؟

سلامه : لا بتم ويا اختي . .

محمد : انا بتم معاها . .

سلامه : لا ماعليه انا حرمه وافهم الي هي تحتاجه وتبيه شو واقدر اتم معاها فليل واداريها اكثر اذا احتاجت شي . .

محمد : صدقج . .

سلامه : روح انت ارتاح لا تحاتيها انا بتم معاها

محمد : انا بروح اصلي وعقب بييب اكل وبرجع . .

سلامه : اوكي . .

وطلع محمد و دشت سلامه عند عنود الي بطلت عيونها اول ما دخلت عليها سلامه . .

سلامه : انتي واعيه ؟

عنود تبتسم : هيه

سلامه : محمد يتحراج راقده . .

عنود : كنت ارقد وافز لكن من اشوفه حذالي اقدر اكمل رقادي . . وتوني فزيت ما شفته مارمت اغمض

سلامه " ياعمري عليج يا اختي . . ماتعرفين شو الي في قلبه تجاهج الحين "

سلامه : سار يييبلج اكل وبيرجع . .

عنود : متى بشوف ولدي ؟

سلامه : بتشوفينه بعد شويه ان شاء الله

عنود مبتسمه : صددددددق

سلامه : هيه . . انا سالتهم وقالولي بييبونه لج وعشان تعطينه حليب بعد . .

عنود ابتسمت واستانست وايد . . وتمنت محمد يكون موجود . .

>

<

محمد : الوو . .

تناهيد : توك تقولي وياها . .

محمد : طلعت ترا صليت والحين بروح بييب اكل ..

تناهيد : شو النفسيه الحين

محمد : تناهيد . .

تناهيد : هاه

محمد : ليش ايدي كل شوي تتصل عليج

تناهيد : هاه . .

محمد : ويعاااااااه . .

تناهيد : تووووويعك

محمد : ليش ارتاح يوم ارمسج ..

تناهيد : . .

محمد : ليش ابغي ارمسج وايد . .

تناهيد : . .

محمد : خاطري اسوق واسوق واسوق واتمين معاي ع الخط . .

تناهيد : انت شو تقووووول

محمد : والله ماعرف شقول .. قاعد اخربط

تناهيد : احترم نفسك انت انسان متزوج . !! فكر بحرمتك وبس

محمد : حرمتي . .

تناهيد : عندك ولد الحين . . روح اهتم ف ولدك وامه احسنلك . .يالله انا شوي مشغوله مش فالبيت الحين . . مع السلامه " وبندت فويهه "

محمد : حيوانه . . بندت فويهي الزفته . . ماعليه انا براويج . .

وسار المطعم وطلب اكل ورجع المستشفى . .

.

.

.
__DEFINE_LIKE_SHARE__

دروب الحب $ · 02-11-2012, 03:32 PM

فديييييييييييييييتج ياا ضحوووووي ........ و الله احس دموووعي تنزل فديييت ها الطله يااربي
__DEFINE_LIKE_SHARE__

«ضَحِيًة حِبُيًبُيً ..}● · 02-11-2012, 03:33 PM

البارت ألـ 178

.

.

.

مهره : سخيف ترررا . .

سيف فاج عينه : احين انا سخيف . .

مهره : ليش ما خليتني اكمل الفلم والله كان باقيله شويه

سيف : انزين كيفي ماعطييتيني ويه قلت بأدبج . .

مهره : ماتروم تصبر يعني وتادبني عقب الفلم

سيف يبتسم : لا . .

مهره : جب خلاص وخر عني . .

سيف : يااا الله وخر عني عششان فلممم . .

مهره قامت وحست الدنيا ادور فيها وطاحت صوبه ومسكها بقوه

سيف :بسسسسم الله عليييج . .

مهره ماسكه راسها : راسي يدور

سيف : ارتاحي ارتاحي . .

حطاها ع السرير . .

مهره : احس اني برجع . .

وقامت من ع السرير وراحت الحمام وتمت ترجع وترجع . .

مهره ماسكه راسها وسارلها سيف وساعدها تتغسل وعقب ردها صوب السرير . .

سيف بخوف : شو تحسين الحين

مهره : احسن . .

سيف : احلفي

مهره : والله يوم رجعت ارتحت . .

سيف :شوه ماكله . .

مهره تفكر . . : ولا شي بس فشار . .

سيف : اوديج المستشفى

مهره : لا ما يحتاي . . هاي اعراض الحمل " تبتسم "

سيف : بتمين كل يوم ترجعين

مهره : ان شاء الله لا . .

سيف مضايق وتم يمسح ع شعرها . .

مهره تطالعه : خلاص مافيني شي انا . .

سيف : مابيج كل يوم ترجعين وتتعبين وتدوخين

مهره تبتسم : ماعليه فتره بس وبتخوز هالاعراض

سيف : عن تطلعين شرات عنود . .

مهره : هههه لا بسم الله علي

سيف : ما بسويلج سالفه والله بخليج تعقين الياهل ولا انج تعوفيني

مهره تمسك بطنها : بسم الله على الي في بطني لا تقول جي . .

سيف يحط ايده فوق ايدها : بسم الله عليكم اثنينكم . . الله يخليكم لي " يبتسم " عايلتي انتو . .

مهره تبتسم وتمسح ع ويهه : وين كنت اليوم . . ليش ودرتني ورحت

سيف : انشغلت حبيبي شويه فامور الدوام . . يالس ارتب نقل عشان اتنقل واداوم اهني بدال لا دبي . .

مهره : وشصار . .

سيف : احين اتريا واحد من الربع يرد علي خبر . . بيسويلي واسطه بنشوف كيف بتترتب

مهره : بس ما استغني عن بيتي اهناك . .

سيف : ماعرفتلج . . كل ما تكونين اهناك تقولين ابا اهلي

مهره تبتسم : بس بعد مالي غنى عن بيتي يعني

سيف يبتسم ويقرص خدها : اسميج انتي . .

مهره حطت راسها ع صدره ومسكت اياديه الهنتين . . وغمضت عينها . . وايد استانس من حركتها وتم سااااكت متمتع باللحظه . .

مسح ع شعرها بحب : باجر زهبي حالج من العصر . .

مهره : ليش . .

من العصر ولا المغرب جي تقريبا اتعدلي واتكشخي واباج اتكونين احلى وحده فالدنيا . . بوديج مكان خطيير

مهره : وين بتوديني . .

سيف : باجر بخبرج . .

مهره : وليش مش الحين . .

سيف : بس ما ينفع الحين . . .

مهره : يالله عاااد قول ..

سيف : بس حبيبي قلتلج باجر يعني باجر ..

مهره : انزين طلعني اليوم بعد . .

سيف: بطلعج اليوم بعد اصلا

مهره تقوم من ع صدره وتبتسم : اونه

سيف يبتسم

مهره : وين بتطلعني وين بتوديني . .

سيف : وين تبين تروحين

مهره ترقد ع بطنها وتساند ايديها ع صدره : ممممممم

سيف يمسح ع راسها : يالله قولي

مهره : ودني مكان جميييل فيه شموع واناره خفيفه وعشا لذيذ

سيف : ماتبين ويسكي بعد ؟

مهره تضرب صدره : استغفر الله

سيف : هههه عيل ماتشوفين عمرج . . شموع واناره خفيفه . . " بصوت واطي " بار ؟

مهره : سيفوووو عاده

سيف : انزين انزين بدورلج مكان بهالمواصفات . .

مهره : انزين انت توك قلتلي انا بطلعج اصلا ؟ وين كنت بتوديني

سيف : ياربي من هالبنت . . " يرص ع خشمها " انتي ماتدرين انج من حملتي صرتي تحنين وتزنين وايد ؟

مهره : هههههههه ما حسيت

سيف :انا حسيت حبيبي . .

مهره : قووم قوووووم . . يالله خلنا نصلي المغرب . .

سيف : يالله . .

.

.

.

منصور : انت وين قاص علي يايبني . .

سلطان يطالعه : ها بيت امي . .

منصور استغرب . .

سلطان : اترياني بروح وبرجع

منصور : اوكي . .

نزل سلطان ودق الجرس وفتحت الخدامه . .

سلطان : وين ماما موزه ؟

الخدامه : ويت

وراحت داخل . . شوي ويت امه . .

سلطان ابتسم لكن يوم شافها تتقرب وشاف علامات ويهها تلاشت ابتسامته

ام سلطان : سلطان ؟ انت شو تسوي اهني . .

سلطان يطالعها . .

كانت تطالعه بخوف وتصد يمين ويسار . .

ام سلطان : روووووح . . روح عن ييي ريلي يشوفك بيسويلي سااالفه . . . عطني رقمك انا بدقلك متى ما احس عمري اقدر ارمس وبعطيك فلووس . .الحين ماعندي شي

ابتسم سلطان :فلوووس ؟ هههههه . . مابا منج شي انا . . تبين رقمي ؟ ما يحتاي . . ما تبينه رقمي .. لانج عمري ما بدقين . . لوكنتي تبينه جان دقيتي من زماااان . . ع العموم انتي معزومه ع عرسي " يمدلها البطاقه " حياج لو بغيتي تين . . " تقرب باس راسها " مع السلامه . .

وطلع . .

ام سلطان : سلطان . . . سسلطااااااااان . .

بس سلطان مشى وركب السياره . .

منصور يطالعه . .

وحرك سلطان . . .

منصور : شوه السالفه ؟؟

خبره سلطان كل السالفه . .

منصور يمسك جتف سلطان : هونها يا اخوي . .

وتساند منصور وهو يفكر . .

>>منو فينا مش مرتاح ؟ كل واحد له مصايبه وله مشاكله ؟ كل واحد يعاني بصوب . . الي مش مترقع من ام وابو . . والي مش مترقع من حب . . والي مش مترقع من عايله وبيت . . والي والي والي . . الحمدلله ع كل حاااال . .

.

.

.

شوق : الوو ؟

مهره : ها الدبه . . ما صايره ادقين حتى . .

شوق : حسستيني . . قبل يومين تراج عندي . .

مهره : انزين شوووقي صح يومين بس والله وحشتيني . حتى الي في بطني اشتاقتلج

شوق : ها ؟ الي في بطنج ؟ مهووور انتتتتتتي

مهره تقاطعها : حامممممل

شوق : حياتي واللللللللللللللللللللللله فديت روححححححححج مبروك مبرووك

مهره تبتسم : الله يبارك فيج . .

شوق : تستاهلين كل خير يا قلبي . . .انتي وينج بمر عليج الحيييين ؟

مهره : انا في راك . . ترا عنود ربت وييينا فجاه ما لحقت اخبرج . .

شوق : بالبررررركه تتستاااهلون ما ياااكم . .

مهره : الله يبارك في حياتج . .

شوق : شو يابت ؟

مهره : يابت حمد

شوق : . .

مهره : سماه محمد على حمد . . تعرفينهم وايد ويا بعض

شوق : هيه . .

مهره : ماصار شي يديد ؟

شوق :بيني وبين حمد ؟

مهره : هيه

شوق :لا ابد . . على حطت ايدج من هاك اليوم الي تشاوفنا فيه . .

مهره : مول ؟

شوق : مول . .

مهره : ما دقيتي ؟

شوق : لا . . ليش ادق . . " تبتسم "

مهره : مممم

شوق : انتي وين ؟

مهره : في بيت سيف . . .

شوق : وحمد موجود ؟

مهره : هيه . . كنت اشوف فلم رعب معاه بس عقب سيفوه الله يهديه يا وتم يلعوزني ووداني الغرفه ماخلاني اكمل . .

شوق حطت ايدها ع قلبها " اوبس . . اكيد حمد منهار الحين " . : ايوا . .

مهره : المهم شوقي . . انا الحين مطلعه لبسين محتاره فيهم . . شوفي البي بي بطرشلهم الصور واختاريلي الاحلى . .

شوق : ليش شعندج ؟

مهره : بيطلعني سيفوه وقالي هاليومين اكشخي اكثر شي فالدنيا هههههه

شوق تبتسم : رديتو عرسان اشوفكم : . .

مهره : شفتي عاد . . يالله بطرشلج واختاري االاحلى .

شوق : يالله اوكي اتريا . .

مهره : لحظه تمي معاي ع الخط . .

صورت مهره اللبسين وطرشتلها . .

شوق : مممم . . الاول . . البني والذهبي احسه حلو بس ما ينفع تلبسينه فليل . . بتطلعين ساحره . .

مهره : ماتقصدين . .

شوق : ههههههه ألبسي البنفسجي وايد حلو . . .

مهره : تقولين يعني . .

شوق : هيه . .

مهره : خلاص حبيبتي بكلمج عيل بعدين

شوق : اوكي فديتج . . استانسي

مهره : ان شاء الله . .

شوق : مع السلامه

مهره : فمان الله . .

مهره : ممم يعني هالبنفسجي حق باجر ان شاء الله . . لكن الحين شو البس . . تمت اتحوس فالكبت لين حصلت لها قميص تركوازي كيوت مع جينز . . لبست لها اكسسوارت تيفاني . . رسمت عيونها باللون النيلي وكثرت من المسكرا . . حطت لها روج وردي غامج مع بلاشر خفيف ..

خذت لها عباه مفتوحه قصة فرنسية فالايد ولبست لها ساعة ريبورتو كفالي . . كثرت من العطر وتمت ادور النعال الي يناسبها ودخل سيف . .

سيف : خلصتي . .

مهره تلبس نعال كعب خفيف بلون نيلي .: هيه

سيف يبتسم : اوب اوب . . خفي علينا يا برنسيسه . .

مهره تبتسم : خافه عليك اصلا

سيف :احين هذا اخف شي

مهره : هيه . .

سيف يطالعها : شرايج نكنسل الطلعه

مهره : لااااا وووووالله .. امش امش خل نطلع يالله

سيف : ههههههه انزين انتي ليش لابسه كعب . . البسي زنوبه شي جي . .يمكن اوديج البحر يعني

مهره تطالعه : حبي عااااد

سيف يبتسم : عيون حبج انتي . .

مهره تطالعه . .

سيف : يالله يالله مشينا ..

وطلعو سوى . .

كان حمد منسدح فالصاله ويلعب بالفون وشافهم . .

سيف : حمود ما بتي ويانا

حمد يطالعه : لا تخليني افشلك واقولك بي وتنحبط عاد صدق

مهره : ههههههههههه

سيف : بل . . يالله ابويه فمان الله . . تبا شي من برا ؟

حمد مبتسم : سلامتك . .

سيف : الله يسلمك . .

وطلعو . .

سيف : يالله قربي حطي راسج اهني . .

ابتسمت و وطت راسها ع جتفه . . وشغلو الـ اف ام وتم سيف يسوق . .

.

.

.

حمد : الو ؟

شوق : مرحبا

حمد : مرحباني

شوق : ماتوقعت اني اتصل بك صح

حمد : صح

شوق : بغيت اطمن عليك

حمد : بخير يسرج الحال ومن صوبج

شوق : الحمدلله . . . مم متاكد انك بخير ؟

حمد : ليش

شوق : تضايقت لان مهره خلتك وراحت وماكملت الفلم معاك صح

حمد : . .

شوق : عبر لي . قول

حمد : هيه صح. . عورني قلبي وايد . . " يبتسم " بس يالله ماعليه . .

شوق : . .

حمد : داقه بس عشان جيه ؟

شوق :هيه

حمد : شوق لا تحبيني

شوق : . .

حمد : لا تكنين لي مشاعر دخيلج

شوق : حمد

حمد : دخيلج شوق لا تتعلقين فيني وتحطين فيني امال . . انا ماحب غير مهره لا تعذبين قلبج

شوق : اعتبرني صديقه لا تعتبرني شي ثاني

حمد : ماباج لا صديقه ولا اخت ولا حبيبه . . مابا اعذبج وياي . . مابا اعلق حد فيني

شوق : بس

حمد : انا اسف يمكن انا الي تماديت من البدايه وسويتلج مشاكل ويا ريلج وكل شي بسبتي

شوق : لاتقول جي انت شليت عني حمل كبير . . وتراك سترت علي وشريت لي شقه وانا احين موظفه ومش ناقصني شي

حمد : الحمدلله . . هذا اهم شي . . شي فخاطرج الحين ؟

شوق تبتسم : سلامتك

حمد : فمان الله

شوق : . . .!!!

حمد : ماتبين تبندين ؟

شوق : لا

حمد يتنهد . .

شوق : انا حتى ما انصحك لاني اعرف النصيحه ماراح تفيدك لكن بس بقولك إلهي نفسك ولا تفكر بشي

حمد : . .

شوق : مع السلامه

وبندت عنه . .

حمد : ااااااااااه يا مهره . . شو هالحب الي ما ينشل من القلب شو . . شو هالحب الي ماقدر انساه ولا اقدر اعوووووووفه . .

تجامل حبي الطاهر وتهواني غصب يا فلان
يسمونه طرف واحد حبيب يجامل الثاني
وانا ادري نهايتنا واغامر لو انا خسران
واعرف اني بقول انته نسيت وحبك الجاني .

. وانا والله يا حبي اعرف اني انا غلطان
ولكن سنة الدنيا، تحب، ولازم اتعاني
انا عايش مع نفسي وشوقي يحترق عطشان
وامني نفسي بحبك ويمكن تصدق اشجاني .

. انا ما اندم على وقتي فكيف بحبكم ندمان
كفاية شوقتك يا خل تبدد كامل احزاني
تبين اكذب على نفسي واقول احنا ترانا اخوان
صعب والله يا خلي اعدك باقي اخواني .

. انا يمكن علشان الحب ابقى للفجر سهران
احس اني انا منفي وساكن داخل اوطاني
شعور الضد وسط الضد وسط الحب والهجران
شعور العاجز القادر شعوري دون وجداني .

. ولكن خلني ببقى شخص قد عافته الاحزان
واكمل قصتي وياك وراضي بالذي جاني
ترى هذا الغرام الي نعيشه للاسف يا فلان
يسمونه طرف واحد، حبيب يجامل الثاني .

.

.

.

عذاري : افففففف ما تخلون الواحد يرقد شو تبين . .

حصيص : يلي ما تخيلين وماتستحين انا تحت ياالسه فجتلي الخدامه الباب وقاعده فالميلس قالتلي ان في رياايييل فوق علشان جي ما صعدت

عذاري : منو ريايييل مافي حد تعالي . .

حصيص : عيل كيف تقولي الشغاله شي ريال فوق

عذاري : منصور طالع محد وناصر اليوم بكبره ما شفته اصلا . . تعالي الغرفه يلا . .

حصيص : اوكي باي . .

عذاري : باي

صعدت حصيص فوق . . انتبهت لحجره ناصر مفتوحه وليتها مسكر . . طلعت من شنطتها روج عسب تكتبله شغله ع الجامه وتستغل فرصه انه محد . .

دشت الحجره بشويش وشغلت الليت وبسرعه ركضت صوب الجامه كتبت له بخط عريض بالروج

" وحـــــــــــشتني "

ناصر يفر المخده عليها : عذور يا حيوااااااااانه ماتعرفين ان في ناس رقود اهني

حصيص : اميييييييييييه . . بسسسسسسم الله . . انت شو تسوي اهني

عقب استوعبت ومشت بسرعه بتطلع من الحجره . .

ناصر فتح عينه عدل وشاف الملامح مش عذور ! ع طول نش سار صوبها وهو يركض

ناصر : لحظظظظظظظظظظظظظظه . . اصبري

حصيص ترجف ووقفت عند الباب . .

سكر ناصر باب حجرته : اتريي لا تطلعين

حصيص بخوف : ايه ليش سكرت الباب . .

ناصر تم مبقق ويمسح ع عيونه اليمين : انا يالس احلم ولا ها صدق . .

حصيص صاااخه . .

ناصر : انتي صدق حصوه

حصيص صاده الصوب الثاني . . : سير ألبس

ناصر استوعب انه تام بـ وزار بس !!!

افتششششششششششششل وعلى طول شل الجلابيه الي فالعلاقه ولبسها . .

حصيص يايه بتطلع . .

ناصر : والله ما تطلعين حلفففففففففت . . اصبري . .

دش الحمام 10 ثواني تغسل وطلع . .

حصيص كانت بعدها لاصقه فالباب . .

حصيص : انا ماطلعت لانك حالف بس . . خلاص الحين بطلع . .

ناصر شل الفوطه نظف ويهه من الماي وفر الفوطه ع السرير وسار صوبها . .

ناصر يبتسم : انتي شو تسوين اهني ؟

حصيص بلعت ريجها . .

ناصر : حسيتي بشوقي ويييتي لين غرفتي ؟

حصيص : نصوور . . خلاص خلني اطلع الله يخليك

ناصر : بخليج تطلعين بس لحظة . .

سسحب ايدها وحطا ايدها ع قلبه : تسمعين ؟

حصيص ساكته ومستحيه . .

ناصر يبتسم وسحبها بكبرها وحظنها بقوة . .

حصيص : نصور انتي شـ تسوووووووووي . .

ناصر تم حاظننها ومغمض عيونه : باجر . . باجر بخطبج باجر زهبي حالج احنا بنمر عليكم باجر . .

حصيص وخرت عنه بقوه وبطلت الباب بقوة واندق راسه وطلعت

ناصر ماسك راسه : اااي . .

ودخلت حجره عذاري على طول . . شافت عذاري راقده وتكح . .

حصيص : عذووووووووور قومي بموت بخبرج شصار . .

اما عذاري كانت تفور . . حرارتها ناار وتحس بتعب فظيع . .

حصيص : عذور . . حبيبتي انتي بخير ؟

عذاري تهز راسها بـ لا . .

حصيص حطت ايدها ع راس عذاري :واااااااي انتي حاااااااره وايد . .

طلعت من الحجره وسارت حجره ناصر ودقت عليه الباب وعلى طول بطل . .

حصيص : عذوور . .

ناصر : بلاها . .

حصيص : عذوررررر " ترجف ماتقدر ترمس "

ناصر تروع وركض صوب حجره عذاري . .

عذاري مغمي عليها . . ّ!!!

ناصر : ساعدييييني لبسيها عباتها بودييييييها المستششششفى . .

حصيص :اوووووووكي . .

لبسوها العباه والشيله وشلها ناصر وركبها السياره وركبت معاه حصيص ودقت لامها خبرتها وهي ميته روعه على عذاري . !

.
.
.

البارت الـ 179

http://vb.ma7room.com/t537768-789.html#post1044899822
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وطت رجلي على دربه ولآأ أدري وش نوى فيني ~	ḎmỒ3 Ảl-Я7eL..	تصاميم الاعضاء	7	04-14-2012 07:32 PM
عندمآ نقۈل لآ آله آلآ آلله مآذآ يرد آلله علينآ }	فراشة الشارجة	الإسلام والشريعة	19	02-27-2012 07:31 PM
لك آلله يآ ردى حظٍ زرع فيني .. [ ثلآث قبور! ]..p!cs +bg	همس العشق	المسنجر وملحقاته , توبيكات , ماسنجر بلس , msn	7	02-13-2011 06:09 PM
عليًڪٍ الْبالَ مشًغًلنٍيْ ..	آلـῳـولعيه	عدسة الاعضاء , كاميرا الاعضاء	7	01-03-2011 07:45 PM
مـآت ورسـول آلله [ صلى آلله عليه وسلم ] رآضٍ عـنه ..	» βỊη άℓ đόόŁα «	الإسلام والشريعة	4	12-23-2008 05:19 AM