وطتّ رجليّ علىً دربه و لآآإ آإدريّ وشّ نؤوى فيني .! - الصفحة 626

الحياه ككاو · 12-10-2011, 02:38 PM

رووووعه البارتات
تسلميين والله __DEFINE_LIKE_SHARE__

«ضَحِيًة حِبُيًبُيً ..}● · 12-10-2011, 02:40 PM

.

.

البارت الـ 159

سلطان مبتسم : يالله عذور انزلي بلاج . .

منصور : بتنزلين بيت ربيعتج ولا حبيبتج ؟ اعترفي

سلطان : جب يوز عنها . . انزلي عذور . .

نزلت عذور . .

سلطان يطالع منصور : شل السياره وحوط مال 10 دقايق وارجعلي عقب بخبرك السالفه كلها

منصور استغرب : اوكي .!

شل سلطان الاكياس الي شراها منصور . .

عذاري : مابي اروح مابي

سلطان : يالله ! ما تبين تروحين خبريني وبنرجع . . تراج مش ملزومه . .

عذاري تبلع ريجها . .

سلطان : انتي مرتبكه عشان بتشوفينها اول مره ولا عشان شي ثاني " يبتسم "

عذاري ضربتها ع جتفه بقوه . .

سلطان : ايه حرام عليج انا شال اغراض " يبتسم "

عذاري : يالله امش ودني . .

سلطان مشى ومشت وراه . . وركبو اللفت . .

عذاري : انت صح ليش ييت معاي ؟

سلطان : اول مره لازم اكون معاج . .

عذاري : منو سمح لك ان شاء الله

سلطان يبتسم : اول مره بس . . ما ينفع تكونون رواحكم على طول من غير مقدمات . . صح ولا لاء ؟

عذاري سكتت . .

تبطل اللفت ومشو لين الغرفه . . ودق سلطان الجرس . .

شوي وتبطل منال الباب . . كانت لابسه جينز مع قميص كمه طويل . . وفاله شعرها الي يوصل لين نص ظهرها . .

منال : ادخل . .

عذاري من شافتها جيه انصعقت . . : وين داخل ؟ خل تتستر عقب بدش انته

سلطان يطالع عذاري : عذور !

عذور بلعت ريجها بقهر

منال طلعت راسها عشان تشوف مصدر الصوت وتفاجئت من الي ويا سلطان !

سلطان منزل راسه ودخل ونزل الاغراض عند الباب . .

منال : حياج . .

دشت وراه عذاري وسكرت منال الباب . .

عذاري عينها على سلطان . . تشوف ردت فعله . . كيف يطالعها ؟ كيف يرمسها ؟

سلطان : شحالج ؟

منال بارتباك :تمام . .

سلطان : اعرفكم ع بعض .. منال هاي عذاري حرمتي . . عذاري هاي منال الي كلمتج عنها . .

منال انصب الدم كله فويهها . . : اهلا وسهلا . .

عذاري : اهلين فيج . .

منال :حياكم ليش واقفين عند الباب . .

دشو . .

سلطان يبتسم : شو النفسيه منال ؟

منال : الحمدلله حبيبـ ( ما كملتها وبلعت ريجها ) سوري . . " تطالع عذاري " والله العظيم بالغلط

سلطان يصد يطالع عذاري ومسك ايدها ورص عليها بقوه . .

عذاري تطالع سلطان : خلاص تقدر تروح . .

سلطان : لا بعدني بتم . .

عذاري تطالعه : قلتلك روح

سلطان يطالعها : بلاج . . شو رامسين احنا وشو قايلين ؟

عذاري ماردت وتجاهلته ووخرت ايدها عنه . .

منال ماعرفت شـ تسوي . . : ممم شرايكم اطلب لكم عصير برتقال فرش ؟ انت تحبه سلطان . . " تطالع عذاري " تبين نفسه ولا فراوله . . ترى عصاير الفندق ماتتفوت . .

عذاري : لا مابي شي تسلمين . .

منال : ما يصير

عذاري تبتسم : لا يصير عادي

منال : بطلب لج شرات سلطان " تقوم "

من عقب ما راحت منال . .

سلطان : بلاج . . ليش تتصرفين جيه ؟ وانا الي اتحراج عاقل وبتتصرفين بعقلانيه

عذاري تطالعه : انت ما تشوفها كيف ظاهره لك ؟ لا شيله لا عباه . . وانت معقوله كنت تيها وهي جييييييييييييييه . . قلبي يحررقني حراااق . .

سلطان : ماكان المفروض اعتمد على كلامج واييبج اهني ..

عذاري تطالعه . .

سلطان يطالعها : الحين بنشرب العصير وبنرجع

عذاري تتنهد : انا ااسفه . . بس تقهرني والله

سلطان : تقهرج ليش ؟ شقالت المسكينه ما قالت شي

عذاري تطالعه : لا تدافع عنها لان قلبي يعورني والله

سلطان يطالعها . .

عذاري : قهرتني يوم كانت بتقول حبيبي . . وقلبي يعورني لانها تعرف اكثر عني انت شـ تحب وشو ماتحب . . لا تعور قلبي اكثر وانت ادافع عنها . .

سلطان : انا مابي قلبج يعورج غناتيه . . لو تحسين الامر فوق طاقتج ماله داعي ترى والله . . انا يبتج اهني على كلامج انتي . . انا ماجبرتج ولا فرضت عليج هالشي . .

عذاري : صح . . علشان جي انا ماسكه اعصابي وماسكه عمري . . وابيك تروح عشان اقدر اكلمها واتفاهم معااها واخذ واعطي اكثر . . وجودك مسبب توتر . .

سلطان : وانا اخاف اروح وينقع البكس . .

عذاري : لا والله

سلطان : طبعا انتي الي بتهجمين عليها

عذاري تطالعه . .

سلطان يقرص خدها : امزح يا بنت . . " يقوم " خلاص لو انتي ها الي تشوفينه انا بروح . .

منال يت ويايبه العصاير : وين . .

سلطان يقعد : بشرب العصير وبروح . .

منال ابتسمت . .

شل سلطان العصير وشرب نصه وقام . . : تسلمين ماقصرتي . .

منال : هنا وعافيه . .

سلطان بتعمد تقرب من عذاري وباس خدها : يالله حبيبي . . نص ساعه وبي باخذج . .

فهمت انه يبي يشجعها ويعطيها طاقه ويفهمها انه هيه الي تعنيله مش حد ثاني . . وايد استانست على حركته . .

منال تقوم . .

سلطان : خلج ماحتاج توصيله " يبتسم " عذاري لو في شي كلميني على طول

عذاري : ان شاء الله ..

سلطان طلع . .

عذاري : شحالج منال ؟ شو صحتج . .؟ صح نسيت اقولج ، عظم الله اجرج

منال تبتسم : اجرنا واجرج . . ماقصرتي والله وفيج الخيرر . .

عذاري : مممم

منال: اقدر لج الحركه الي سويتيها . . محد مكانج بيسوي هالواجب .

عذاري تبتسم : اعتبريني اخت . . تبين الصدق ؟ انا قلبي يعورني وحاسه بالغيره وحاسه بشي ماعرف اوصفه . . لكن بحكم المعزه الي ظلت بينج وبين سلطان . . انا واجب علي اسوي جي . .

منال تبتسم : لانج ماتبينه يييي .. فـ قلتي انتي تين بداله احسن

عذاري : صح . . ومابيج تكسرين خاطره ويتهور يحظنج ! او يمسك ايدج يخفف عنج . .

منال تبتسم : صريحه . .

عذاري : اكيد . . لازم اكون وياج صريحه . .

منال : ماقصرتي عذاري . . والله اقدر لج الموقف وما راح انساه . . وصدقيني وايد يعنيلي الموقف ! ويعنيلي انج تعنيتي لي . . لكن ماله داعي تحاتيني لا انتي ولا سلطان . . انا الحمدلله اعرف ان الي صار قضاء وقدر . . . وبرجع اكمل حياتي طبيعي . . صح اني محتاجه وقت ! لكن ان شاء الله راح اقدر

عذاري : اكيد تقدرين . . هاي سنه الحياه ومحد تام فيها . . وصدقيني انا بوقف معاج تكملين حياتج . . ماتدرين بعد ؟ يمكن نصير ربع قو عقب " تبتسم "

.

.

.

ناصر : هود هود

ام عبدالله : هدا . . محد غريب هاي عنود اخت سيف تعال .

ناصر يدخل ومنزل راسه : السلام عليكم . .

عنود + ام عبدالله : عليكم السلام والرحمه

عنود :شحالك ناصر ؟

ناصر يطالعها : الحمدلله تمام . . شخبارج انتي ؟

عنود : الحمدلله . .

ناصر يطالع امه : مهره وين ؟

عنود : في بيتنا . . تامه ويا سيف

ناصر باستغراب : سيف !

ام عبدالله : هيه . . عل وعسى تتصافى قلوبهم ونفوسهم . .

يرن تلفون البيت . .

ناصر : ايووا . .

ام عبدالله : سير رد طالع منو يتصل . .

ناصر سار صوب التلفون وبدون نفس : ألو . .

:: السلام عليكم . .

ناصر من سمع الصوت قعد ع الغنفه : ياويلي . . ياويل حالي . . "يقصر ع صوته " حصوه ؟

حصيص تبتسم : هيه

ناصر : ابوي . . امي انتي

حصيص ساكته . .

ناصر: شحالج ؟

حصيص : تمام الحمدلله بخير . .

ام عبدالله من بعيد : منو متصل ؟

ناصر يزاعق : منصور امايا . .

حصيص : الحين انا منصور ؟

ناصر : انتي قلب نصور . .

حصيص : ههههههه خايس

ناصر : والله العظيم اشتقتلج . .

حصيص : . .

ناصر : سبحان الله كل ما اكلم امي ولا مهور عنج وعن موضوعنا لازم يصير شي

حصيص : خيره . .كل تاخيره فيها خيره

ناصر : كل تاخيره تذبح روحي . .

حصيص بصوت واطي : بسم الله على روحك . .

ناصر: لاتقولين جي تراني فالصاله . . بقوم بمشع ثيابي

حصيص : ههههههههههههه

ناصر : لاتضحكين بعد . .

حصيص : وليش

ناصر : بعد بتخبل وبمشع ثيابي

حصيص : يا سلام

ناصر : ولا ترمسين بتسوين خير

حصيص : عيل شرايك ابند بالمره

ناصر : اااااااااااااااااااااااه يا قلبي .

حصيص : سلامتك من الاه . .

ناصر : حصيص ليش ما قمتي تين بيتنا ؟ والله مشتاق لشوفتج . ؟ ليش قطعتي بالمره حتى ما تزورين عذور . .

حصيص : مادري . .

ناصر : عشاني انا ؟

حصيص : من سالفت العرس وهم مانعيني ارمسك وارمس عذور واطب بيتكم . .

ناصر : بس يوم اطلقتي امج وقفت معاج صح ولا لاء ؟ وكلهم يوم عرفو طينته لانو عليج . .

حصيص : صح انزين بس بعد انا اخاف

ناصر : تخافين عاد ؟

حصيص : هيه

ناصر : مني .؟

حصيص : لا .. بس مادري

ناصر : شو خبريني . .

حصيص : والله ماعرف

ناصر : تخافين تشوفيني ؟

حصيص . .: ..

ناصر يبتسم : يعني تخافين تشوفيني هاه ؟

ام عبدالله تزاعق : منصور شو يبا هالكثر ؟؟؟

ناصر ما يسمع شي مندمج : خبرييييييني . .

ام عبدالله تزاعق اكثر : نصوووووووووووور يالهررررم

عنود ضحكت لانه يبين انه ما يرمس منصور . .

عنود حبت تساعده وتخليه ياخذ راحته فـ تمت تسولف ويا ام عبدالله وتشغلها . .

ناصر : ما بترمسين يعني ؟

حصيص : بس عاده . . هيه استحي اشوفك

ناصر : حرام عليج والله مشتاقلج . . تعالي اليوم

حصيص :الحين لييييل وين اي . . باجر ان شاء الله

ناصر : احلفي . . بتين باجر ؟

حصيص : ان شاء الله اذا الله راد . .!!!

ناصر : عيل لازم نرتب شوفه

حصيص : لا اسمحلي . . بشوفك بالصدفه احسن . . من غير ما نرتب

ناصر : لا مافي شي اسمه صدفه . . بشوفج بشوفج فديتج . . بترقبج من الصبح . .

حصيص : ههههههههه على خير ان شاء الله . .

ناصر : طرشيلي مسسج دخيلج بس خبريني متى بتين . . يعني الظهر العصر المغرب . . بس جي طرشي

حصيص : انزين

ناصر : احبج . .

حصيص : . .

ناصر : ردي علي . . خليني ارقد وانا مرتاح الليله

حصيص : وانا احبك . .

ناصر يعض ع شفاته بالقو : ياويل حالي . .

حصيص تبتسم : المهم عذور اهني ؟

ناصر مبتسم : اصلا انتي مش داقه ترمسين عذور . .

حصيص ارتبكت : ها . . بلى ..

ناصر: لا فديتج . . انا اعرف . . لو تبين عذور جان دقيتي ع المبايل ولا جان رمسيتيها ع البي بي . . ما بدقين ع البيت . .

حصيص : زخيتني . .

ناصر : متصله عسبت تسمعين صوتي . .

حصيص: هيه !

ناصر : ومن قالج اني برد . .

حصيص : اعرف مافي ملقوف غيرك يحب يرد ع الفون . .

ناصر : ههههههههههههه . . شكرا

حصيص تبتسم : يالله انا ببند الحين

ناصر : تمام . . تحملي على روحج . . واشوفج باجر ان شاء الله

حصيص : ان شاء الله . .

ناصر : تصبحين ع خير

حصيص : وانته من اهله . . باي

ناصر : الله يحفظج يارب ..

وبند وانسدح ع الغنفه . .

ناصر يرمس روحه : ااه يا بنت الناس كيف تخبلين فيني انتي . .!!

.

.

.
__DEFINE_LIKE_SHARE__

حمام الغرام · 12-10-2011, 02:40 PM

تسسسلميين .!

وبالإنتظآإر لا تتآخريين . .

.
.
. __DEFINE_LIKE_SHARE__

«ضَحِيًة حِبُيًبُيً ..}● · 12-10-2011, 02:40 PM

.
.
.
ترقبو البارت الاخير بعد شويه . .

__DEFINE_LIKE_SHARE__

מـخآgية آلْبدؤ · 12-10-2011, 02:42 PM

ف الانتظااااااااار __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وطت رجلي على دربه ولآأ أدري وش نوى فيني ~	ḎmỒ3 Ảl-Я7eL..	تصاميم الاعضاء	7	04-14-2012 07:32 PM
عندمآ نقۈل لآ آله آلآ آلله مآذآ يرد آلله علينآ }	فراشة الشارجة	الإسلام والشريعة	19	02-27-2012 07:31 PM
لك آلله يآ ردى حظٍ زرع فيني .. [ ثلآث قبور! ]..p!cs +bg	همس العشق	المسنجر وملحقاته , توبيكات , ماسنجر بلس , msn	7	02-13-2011 06:09 PM
عليًڪٍ الْبالَ مشًغًلنٍيْ ..	آلـῳـولعيه	عدسة الاعضاء , كاميرا الاعضاء	7	01-03-2011 07:45 PM
مـآت ورسـول آلله [ صلى آلله عليه وسلم ] رآضٍ عـنه ..	» βỊη άℓ đόόŁα «	الإسلام والشريعة	4	12-23-2008 05:19 AM