وطتّ رجليّ علىً دربه و لآآإ آإدريّ وشّ نؤوى فيني .! - الصفحة 623

Ŀάмάя · 12-10-2011, 01:10 PM

اترياااااااااااااا ال3 بارتات اليايه __DEFINE_LIKE_SHARE__

طيبتي عذبتني · 12-10-2011, 01:15 PM

مي تو جــأآري الشسمــأآأآه .. الانتظارررر __DEFINE_LIKE_SHARE__

«ضَحِيًة حِبُيًبُيً ..}● · 12-10-2011, 01:17 PM

.

.

.

البارت الـ 158

مهره : شتبي . . كلامي كان مفهوووووووووم !!!!!!

سيف شل بوكه وسويجه وتلفونه وحطهم فالشنطه وقاعد يلبس عصامته ..

مهره يلست ع السرير من غير ما ترمس . .

سيف عقب ما خلص : يالله . .

مهره عاقده حياتها : شو الي يالله ؟

سيف : بنسير دبي . . بنسير شقتنا . .

مهره فاجه عينها : نعم ؟؟؟

سيف يمسك ايدها يقومها : يالله

مهره توخر ايده بقوه : ما بروح مكان معاااااااك . .

سيف : قلتلج يالله

مهره : وانت ماعندك الا هالاسلوب ؟ بس بتغصبني اروح معاك مكان بعييييد واونك عقبها تراضيني . . عقب شوه تراضيني عقب شوه ؟ لك ويه اصلا . ؟ لك ويه ترمسني عقب كل الي سويته فيني . شكثر تحممممممممممممممممممممملتك وشكثر تحملت الشك والاهاااااااانات . . بس عاااااد بسسسس مابتحمل اكثر ما بتحمل . . انت ما تتتتتتتتتتتتتتتتـــــثق فيني ، مجرد ما اي حد يا قالك رمسه عني صدقت . . بس سيف عفتك عفففففففففتك . . انا مش طايقتنك بالمره ولا ابي اروح مكان معاك . . " توقف بتطلع من الحجره "

سيف مسك ايدها : ما بتتحركين من اهني . .

مهره : مش ع كيفك . ." بطلت الباب بتطلع بس سيف سكر الباب بالقو وقفل الباب وشل المفتاح وحطه في جيبه "

مهره تتنهد : اللهم طولج ياروح . .

سيف : اذا بتطلعين من اهني بتطلعين معاي وعلى دبي . . غيره ما بتروحين مكان . .

مهره بعصبيه : لا تخليني نسوي فضايح اهني . . " تصارخ " انا ما ابيك انت ما تفهم . .

مسكها سيف وسحبها صوبه : لا تصااااارخين . .

مهره تصارخ : وخررررررر عني . .

سيف : والله ما بوخر والله . . " سسكر الليت "

cut !

.

.

.

حمد دخل عليها وشافها ماسكه القرآن وتقرآ . .

حمد يشوف الصينيه : ليش ما تعشيتي ؟

سلامه تسكر القرآن : ما آشتهي اكل . .

حمد يتنهد . .

سلامه تمسح دموعها وتحط القرآن ع الطاوله . . : شل الصينية لو تقدر . . وخلني انام . .

حمد :خلي الصينيه يمكن تيوعين فليل . .

سلامه تبتسم : ما بيوع . .

حمد : ماعليه خليها ما تضر . .

سلامه : خلني انام لو سمحت

سكر حمد الليت ورد قفل عليها الباب . . وحطا المفتاح فالسله القريبه من حجرتها . .

حمد يتنهد : ااه يا سلامه . . الحمدلله على كل حال . ..

مشى وانسدح ع الغنفه الي فالصاله ومسك تلفونه واتصل لها . .

شوق : الو . .

حمد يغمض عينه : السلـام عليكم . .

شوق : عليكم السلام . . عظم الله اجرك . .

حمد : دريتي ؟

شوق : هيه خبرتني مهره . .

حمد : الدوام لله . . .

شوق : . . .

حمد : . . .

شوق : شو تحس الحين ؟

حمد : لا تسأليني شو احس . . " تنزل دمعه من عينه " خليها على الله

تم متغمض ساكت . . وهيه بعد ساكته . .

حمد : انتي شو نفسيتج ؟ شو الحال عندج ؟ شصار وشو ماصار ؟

شوق : ولاشي . حولولي المؤخر على حسابي بس . . . لولا الله وثم شقتك جان انا مفروره فالشارع

حمد : . .

شوق : وحده حصلتلي شغله في دايره حكوميه . من الاسبوع الياي بداوم ان شاء الله . .

حمد : : . .

شوق : وياي ؟

حمد بهدوء : هيه . .

شوق : . . .

حمد : . . .

ووراح حمد في نومه . . .

.

.

.

في السياره . .

محمد : جد فضيحه . . يعني لو رحتي باجر ما كان بيصير شي ..

عنود تطالعه : ليش فظيحه ؟ بعدها الساعه 9 .. وبعدين لا تتكككككككككككلم . . احس اني برجع " تمسك راسها "

محمد : ان شاء الله . . ان شااء الله . . مادري متى بيخلص هالوحام

عنود بعصبيه تطالعه : تتحرطم ؟ تتشكى ؟؟؟ تضرب بطنها ، عيل خل اطيحه . . مش انت الي تبيييييييه ؟؟؟؟

محممد يمسك ايدها : خلاص اهدددددددي . . انا الغلطان والله انا الغلطان . .

وصلو بيت ام عبدالله

محمد يمسك ايدها : اهدي الله يخليج . .

عنود تنزل من السياره وتروح عنه . .

محمد نزل وراها ونزل الشنط . .

عنود تصد تطالعه : ما بتدخل ؟

محمد : لا . .

عنود تطالعه ورجعت له . .

محمد يطالعها . . : ليش رجعتي

عنود تنزل دمعتها وحظنته . . :اانا اسفه . . اسفه وايد

محمد غمض عينه وحظنها بحنان : لا تتأسفين ع شي . . الشي إلي يصير مش بيدج . . الحمال والوحام والظروف الي قاعده تمرين فيها وايده عليج . . بس انا ولهت عليج . . والله العظيم ولهت عليج ومش عايبتني عنود اليديده وادري مش بيدج ولا تقصدين تكونين جيه . . لكن انا حمار . . ماقادر اتأقلم واتحمل . . اعذريني . . حقج علي الغاليه

عنود تطالعه ولاحظت عينه تبرق بتدمع .. يايه تكلمه وترد عليه لكنها حست بلوعه وانها بترجع وسارت صوب الرمله ورجعت وهو وراها ..

محمد : الله يخفف الي فيج . . الله يخفف لج هالعوق وهالتعب . . والله مش متحمل اشوفج جي . .

عقب ما رجعت . .

عنود : دش معاي داخل . . انا تعبانه واباك يمي حتى لو مش طايقتنك ابيك يمي . .

محمد : من عيوني . . الي تامرين فيه . . " يرن فونه "

عنود تطالعه بتعب : منو ؟

محمد : ابويه . . " يرد " هلا ابويه . .

بو محمد : انت وين يلي مافيك ادب ولا احترام . . ما تسال عن ابوك ولا تتصل ؟

عنود تطالعه : انا بدخل داخل . . يوم بتخلص المكالمه تعال انزين ؟ .

محمد يهز راسه بمعنى انزين . .

محمد عقب ما شاف عنود دخلت : ترى دقيلتك ابويه يوم ماتت حرمت عمي وقلتلك عن العزا وقلتلك رد البلاد عمي تعبان . .

بومحمد : ترا ريل خالتك بعد توا وانا اضطريت اتم فالعزا بعد . . تعرفها امك بتزعل علينا لو ما تميت فالعزا

محمد : بس ها اخوك . . واولى

بو محمد : هيه والله معاك حق . . بس الله يسامح امك ما خلتني . .

محمد : متصل من رقم البلاد ؟ متى وصلت ؟

بو محمد : قبل شوي . . تعال شلني انا فالمطار . .

محمد : يالله يااينك . .

بو محمد : لا تبطي . .

محمد : ان شاء الله . .

اتصل على عنود مرتين ماردت عليه . . طرشلها مسج " حبيبي بروح اييب ابوي من المطار وبرجع ان شاء الله "

احتار يروح ولا ما يروح . . خاف انها تضيج وتعصب . .فاظطر يدخل داخل . .

بطلت له الخدامه الباب . .

ام عبدالله : حياك ابويه ادخل . .

عنود تطالعه . .

ام عبدالله : الله يحييج خالوه .. " يطالع عنود " بسير المطار ابويه توا واصل . . بوديه بيت عمي وبرجعلج

عنود : لالا تم معاه . . . من زمان ما شفته ما يصير . . باجر تعال . .

محمد : من قلبج ؟

عنود تبتسم : هيه . .

محمد ابتسم : تمام .

ام عبدالله تبتسم ..

وطلع محمد . .

.

.

.

__DEFINE_LIKE_SHARE__

حكومة قلبي · 12-10-2011, 01:25 PM

نااايس ... بس مهرره ليش تعااند ....... __DEFINE_LIKE_SHARE__

سلب قلبي · 12-10-2011, 01:25 PM

مشكووووووره خيتوووووووو بس دخييييلج خلي مهره وسيف يردوووووون

والله البااااارت طرطريششششن ههه __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وطت رجلي على دربه ولآأ أدري وش نوى فيني ~	ḎmỒ3 Ảl-Я7eL..	تصاميم الاعضاء	7	04-14-2012 07:32 PM
عندمآ نقۈل لآ آله آلآ آلله مآذآ يرد آلله علينآ }	فراشة الشارجة	الإسلام والشريعة	19	02-27-2012 07:31 PM
لك آلله يآ ردى حظٍ زرع فيني .. [ ثلآث قبور! ]..p!cs +bg	همس العشق	المسنجر وملحقاته , توبيكات , ماسنجر بلس , msn	7	02-13-2011 06:09 PM
عليًڪٍ الْبالَ مشًغًلنٍيْ ..	آلـῳـولعيه	عدسة الاعضاء , كاميرا الاعضاء	7	01-03-2011 07:45 PM
مـآت ورسـول آلله [ صلى آلله عليه وسلم ] رآضٍ عـنه ..	» βỊη άℓ đόόŁα «	الإسلام والشريعة	4	12-23-2008 05:19 AM